Жамбыл облысы Масанчи ауылындағы келеңсіз жағдай бізді де алаңдатып отыр. Мұсылман баласының мәселенің анық-қанығын білместен, дауға араласып, өз бауырына зарар тигізуі дұрыс емес. Азаматтарымызды ортақ ымыраға шақырамыз. Жекелеген адамның өзара келіспеушілігі бұқаралық сипат алып кетпеуі керек деп ойлаймыз. Өйткені, ардақты пайғамбарымыз Мұхаммед (оған Алланың салауаты мен сәлемі болсын) мұсылман үмбеті жақсы істер үшін ғана жиналатынын өсиет еткен. Пайғамбар жолын ұстанған мұсылман мұндай амалға әсте бармайтыны белгілі.

Қадірлі бауырларым, сабырға келулеріңіз жақсылыққа апарады. Байқамастан өзге бауырымызға қиянат жасап қоюдан сақ болғанымыз қайырлы. Алауыздықтан абай болғанымыз абзал. Қоғамдағы тыныштық әрқайсымыздың отбасымыз үшін аса маңызды құндылық екені мәлім.

Біздің халқымыз үшін бірлік пен бейбітшілік қашан да басты байлық саналған. Мемлекетіміздің игі бастамалары да еліміздегі бірлікті қамтамасыз етуге, ұлттар мен діндер арасындағы өзара татулықты нығайтуға бағытталған.

Алла Тағала халқымыздың бірлігі мен берекетін, бейбітшілігі мен амандығын арттырғай. Әмин!

Қазақстан мұсылмандары діни басқармасы

Бүгін Нұр-Сұлтан қаласында өткен Қазақстан мұсылмандары діни басқармасының кезектен тыс ІХ Құрылтайында Серікбай қажы Ораз ҚМДБ төрағасы, Бас мүфти қызметіне Наурызбай қажы Тағанұлының кандидатурасын ұсынды.

Құрылтайға жиналған 300 делегат Серікбай қажы Ораздың ұсынған кандидатурасына бірауыздан дауыс беріп, қолдау көрсетіп, Наурызбай қажы Тағанұлын Бас мүфтилікке сайлады.

«Наурызбай қажы Тағанұлы менің бірінші орынбасарым ретінде көптеген игі жобаларды жүзеге асырды. Діни салада тәжірибесі мол. Наурызбай қажы Тағанұлының Діни басқарма жұмысын жандандырып, жаңа бастамаларға ұйытқы болатынына сенемін», – деп атап өтті.

Құрылтайға қатысқан ҚР Ақпарат және қоғамдық даму министрі Дәурен Абаев Серікбай қажы Ораздың 2017-2020 жылдары атқарған жұмысына оң баға беріп, ҚМДБ төрағасы, Бас мүфти Наурызбай қажы Тағанұлының жаңа қызметіне сәттілік тіледі. Сонымен қатар, діни саладағы ортақ шараларды бірлесе жүзеге асыруға ниеттестік білдірді.

ҚМДБ төрағасы, Бас мүфти Наурызбай қажы Тағанұлы журналистерге берген сұхбатында: «Құрылтайға еліміздің әр облысынан келген 300 делегат менің кандидатурама дауыс беріп, сенім білдіріп, Бас мүфти лауазымына сайлады. Бұл сенімді абыроймен ақтауға бар күш-жігерімді жұмсаймын. Жоспарлап отырған бірқатар жұмыстарымыз бар. Өздеріңіз білесіздер, 2020 жылдың 12 қаңтарында Қазақстан мұсылмандары діни басқармасының құрылғанына 30 жыл толды. Осы мерейтой аясында 30 мешітке ел игілігі жолында қызмет еткен тұлғалардың, соның ішінде әл-Фараби мен Абайдың есімін беруді, 30 елді-мекеннің ауыз су, жол-көпір мәселесіне оң ықпал етуді, 30 отбасыға қайырымдылық жасауды, 30 студентке грант тағайындауды, 30 мешітке күрделі жөндеу жүргізуді, т.б. игі іс-шараларды жүзеге асыруды жоспарлап қойдық. Барша жамағатты сауапты істі бірлесе атқаруға шақырамын», – деп атап өтті.    

Айта кетсек, Наурызбай қажы Тағанұлы осыған дейін ҚМДБ төрағасының Бірінші орынбасары, «Әзірет Сұлтан» мешітінің Бас имамы қызметін атқарды.

ӨТПЕНОВ НАУРЫЗБАЙ ТАҒАНҰЛЫ 

1977 жылдың 13 наурызында дүниеге келген. 

Білімі

1993-1997 жылдары Ташкенттегі «Имам Әл-Бұхари» атындағы Ислам институтында оқып жоғарғы діни білім алған.

1999-2001 жылдары ҚМДБ жанындағы Ислам институтын оқыған.

2009 жылы Мысыр Араб Республикасында қысқа мерзімде діни білімін жетілдірген.

2010 жылы Абай атындағы Алматы Мемлекеттік университетінің «Тарих» факультетін сырттай оқып бітіріп жоғарғы білім алған. 2011-2013 жылдары аталған университеттің «Дінтану» мамандығы бойынша магистратурасын бітірген.

2017 жылдан бастап «Нұр-Мүбарак» Египет ислам мәдениеті университетінде «Исламтану» мамандығы бойынша PhD докторантурасында оқуда.

Еңбек жолы:

1997-2006 жылдары Республикамыздың түрлі мешіттерінде имамдық қызметтерді атқарумен бастау алған.

2006-2011 жылдары ҚМДБ-ның Қарағанды өңіріндегі өкілі, Қарағанды қалалық №1 орталық мешітінің Бас имамы.

2011-2013 жылдары Қазақстан Республикасы Дін істері агенттігінің Діни бірлестіктермен байланыстар жөніндегі басқармасының Бас сарапшысы.

2013-2018 жылдары ҚМДБ төрағасының бірінші орынбасары, наиб мүфти, ҚМДБ-ның Астана қаласы бойынша өкілі, «Нұр Астана» орталық мешітінің Бас имамы.

2018 жылдың шілде-қазан айлары ҚМДБ төрағасының бірінші орынбасары, наиб мүфти, ҚМДБ-ның Түркістан қаласындағы кеңсе басшысы, Түркістан облысы бойынша өкілі имамы.

2018 жылдың қазан айынан бастап ҚМДБ төрағасының бірінші орынбасары, наиб мүфти, ҚМДБ-ның Нұр-Сұлтан қаласы бойынша өкілі,  Республикалық «Әзірет Сұлтан» мешітінің Бас имамы.

Еңбек жолындағы жетістіктері:

Наурызбай Тағанұлының тікелей жетекшілігімен 2002-2005 жылдары ШҚО, Аягөз қаласында орталық және «Жаңауыл» мешіттерінің құрылысы сәтті жүргізіліп, іске қосылған. 2010-2011 жылдары Қарағанды қаласындағы орталық мешіттің салынуына үлес қосқан. Қарағанды облысында «Сұлу әлем», «Нұрлы мінбер», «Жұлдызды гол» атты жобаларды іске асырған. Республикалық БАҚ беттерінде жарияланған көптеген діни, рухани-танымдық мақалалар мен «Үміт сәулесі», «Мазһабсызбен сұхбат» атты кітаптардың авторы.

Марапаттары:

«Құрмет» орденінің иегері, Аягөз ауданының құрметті азаматы, Қазақтан Тәуелсіздігінің 20 жылдығы медалімен, Қазақтан Тәуелсіздігінің 25 жылдығы медалімен, Қарағанды облысы әкімінің құрмет грамотасымен, Нұр-Сұлтан қаласы әкімдерінің алғыс хаттарымен марапатталған.

Жеке өмірі:

Отбасылы, 4 баланың әкесі.

Амангелді ауданының Бас имамы Әмірхамзин Жандарбек жұртшылық арасында діни тақырыпқа байланысты маңызды басқосулар өткізу дәстүрге айналдырған.

Бұл ауданда Б.Қолдаспаев орта мектебі талай дарынды түлектер ұшырған алтын ұя болып табылады. Бас имам осы оқу орнында оқушылармен болған жүздесуде «Білімді ұрпақ – ел болашағы» деген маңызды тақырыптағы әңгіме өрбітуі оларды ерекше әсерге қалдырды.

Сонымен қатар Жандарбек Мүбаракұлы аудан қасындағы Үрпек ауылының «Жаңауыл» орта мектебінде ұстаздар мен шәкірттер «Ислам терроризмді жақтамайды және Исламның күнделікті өміріміздегі орны» тақырыпта кездесуі, көп жайды көңілдеріне түйді.

Жангелдин ауданы Торғай селосындағы Ыбырай Алтынсарин атындағы орта мектебінде келелі кездесу өтті. Оған сол өңірге жұмыс сапарымен келген Арқалық қаласы «Мухтасиб Әлмұхаммед» мешітінің Бас имамы Дархан Қосылбаев қатысты.

Кездесу барысында «Бауырмашылдықтың негіздері» деген тақырып төңірегінде насихат айтылды.

Сондай ақ осы жиында аудандық ішкі саясат бөлімінің қызметкері, мектеп ұстаздары мен жоғары сынып оқушылары қатысқан. Айтыған жәйттар негізінде оқушылардың ой-пікірлері, таным –түсініктері тыңдалып, олардың қойған сұрақтарына жауап та берілді.

Жуырда Науырзым ауданы «Түркебай» Ғабдімәлков Есет имамның ұйымдастыруымен «Рухани жеті қазық» атты жастар конференциясы болып өтті. Оған аудан прокуроры және ақсақалдар алқасының мүшелері қатысты.

Жиында муфтият қабылдаған «Жеті рухани қазық» құжаты талқыланып, жастардың дінге бет бұрысы, елді, жерді, отанды сүюге тәрбиелеу жөнінде сөз болды. Сонымен қатар ауданның экономикасын көтеру үшін жұмыла еңбек ету қажеттігі де айтылды.

Мемлекет басшысының тапсырмасына сай 2020 жыл «Еріктілер» жылы деп аталғаны белгілі, сол себептен «Жалында Қарамеңді» деген қоғамдық топ құрылды. Келешекте бұл топтың жұмысын барынша жандандыру жайы баяндалды.

Хақ дініміз мейірімділікті, қайырымдылықты, сүйіспеншілікті, өзге жандарға қол ұшын созуды басты назарға ұстайды. Бұл жайында Алла тағаланың хақ жолын нұсқаушы Қасиетті Құран Кәрім және Хадистерден аңғаруға болады.

Міне, осы қағиданы басшылыққа алған Арқалық қаласының Бас имамы Дархан Исламбекұлының ұйымдастыруымен әрі бастамасымен «2020жыл еріктілер жылы» деп жариялануына байланысты жуырда Қасиетті жұма күні шаһарда «Қайырымды жұма» атты игі шара өткізілді.

Аталмыш қайырымдылық Арқалық қаласындағы «Тазалық» ЖШС мекемесінің жұмысшылары күннің суығына қарамастан биылғы түскен қалың қарды тазартуға қомақты үлес қосқан қырық шақты ер кісілер мен әйелдердің адал еңбегіне дән ризашылығын білдіру мақсатында жоғарыда аталған мешіт және жамағаттар атынан ерікті он намазхан екі көлікпен қыс қымызы «Құрт көже» ұсынып, «бауырсақ» таратты.

Жылдағы қалыптасқан дәстүр бойынша облыстық мешітте қан тапсыру ұйымдастырылды. Оған мешіт қызметкерлері мен жамағаттар белсене ат салысты.

Бұл ізгі шара Қазақстан мұсылмандары діни басқармасының 30 жылдық мерейтойына арналды. Сөйтіп 30 кісі жоғары парасаттылық танытып, ұйымшылдықтың нағыз жарқын үлгісін көрсетті. 

Қостанай облыстық қан құю орталығы қызметкерлерінің айтуынша, мұндай бастамалар мешіт тарапынан жақсы қабылданып, қашанда жүректерге жылулық ұялатады және қанға зәру азаматтарға септігін тигізуге деген ықыластары қуанышқа бөлейді.

Жақында Федоров ауданы орталығындағы «Жиентай қажы» мешітінің Бас имамы Тілегенов Ерлан «Дін мен дәстүр сабақтастығы» жайында уағыз айтылып, жиналған қауым көп жайды көңілдеріне түйді.

Салауатты өмір салтын ұстану мақсатында да жарқын істер атқарылды. Соның нақты мысалы ретінде Успенов ауылында жастар арасында үш команда құрылып, волейболдан жарыс өткізілді.

Ойын қорытындысы бойынша жүлдегерлерге құрмет көрсетіліп, олардың табандылығы мен спортқа деген құштарлығы лайықтыбағаланды.

Қазақстан мұсылмандары діни басқармасы жанындағы «Зекет» қайырымдылық қорының «Ел үлесі — пәтерге» акциясы аясында елімізде баспанаға мұқтаж жандарға, көп балалы отбасыларға көмек көрсетіліп жатқаны баршамызға мәлім.

Бұл – акция мешітке келуші жамағаттармен қайырымды жандардың үлес қосуымен жүзеге асуда.

Республика бойынша 174 ші үйдің кілті Жангелдин ауданы Торғай селосының тұрғыны, алты баласы бар ана Мадина Қонысоваға бұйырды.

Баспананың кілтін Қостанай облысының Бас имамы Бақытбек Нұрғабылұлы Тәжімбеттің арнайы тапсырмасымен Арқалық қалалық «Мухтасиб Әлмұхаммед» мешітінің Бас имамы Дархан Исламбекұлы табыс етті.

Қуаныш иелеріне аудан тұрғындары әрі мешіт жамағаттары кілем тарту етті.Үлкен шаттыққа бөленген жанұя шынайы ризашылығын білдіріп, алғыстарын жаудырды.

 Бұл есте қаларлық оқиғаға аудан әкімінің орынбасары, ардагерлер кеңесінің төрағасы және жергілікті тұрғындар куә болды. Олар шаңырақты көріп, ақсақалдар батасын берді.

Баспаналы болған көп балалы отбасының атынан жиналған қауым және ұйымдастырушылар, тілекші жандар жайылған дастарханнан дәм татты.

Ы.Алтынсарин ауданының Обаған орта мектебінің акт залында, «Дін және құқық» тақырыбында ақпараттық түсіндіру тобының жұмыстарын жүзеге асыру мақсатында мектеп оқушылары және мұғалімдер қатысуымен әсерлі кездесу өтті.

Осы кездесуде аудандық ақпараттық түсіндіру тобының бекітілген мүшесі, Алтынсарин аудандық әкімдігінің ішкі саясат, мәдениет және тілдерді дамыту бөлімінің басшысы Дархан Кикимов, жергілікті «Алдиярұлы Жанұзақ» мешітінің бас имамы Ерік Ыбырай болды. 

Жүздесуде діни ұйымдар, діни құқықтар және діни салалар туралы жан-жақты түсіндірілді. Аталған басқосу барлық қатысушыларға үлкен әсер қалдырды. Олар көп жайға қанықты.