Денисов аудандық «Жұма» мешітінің ұжымы «Қайырымды жұма» акциясын өткізді. Аталмыш қайырымдылық іс – шарасының өзіндік ерекшелігіне тоқталсақ, енді бұдан былай қолдауға зәру жандарға көмек Исламда айрықша қасиетті күн болып табылатын жұмада көрсетіледі.

Мұндағы мақсат - исі мұсылман қауымқастерлейтін жұманы барша ағайынның басын біріктіретін, қайырымдылық жасалатын, дұға оқылатын күн ретінде насихаттап, оны әрбір азаматтың санасына сіңіру.

Сонымен қатар, осы күнді қазірге дейін басқаша теріс түсініп келгендерге жете ұғындыру. Соңғы ұйымдастырылған қайырымдылық акциясында 10 отбасыға азық-түлік берілді.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Нұрғабылұлы Әулиекөл ауданында болғанда осындағы техникалық колледж және өрт сөндіру бөлімі қызметкерлерімен кездесті.

Ол онда дін мен дәстүр, адалдық, жауапкершілік, ауызбіршілік, парақорлық және басқа да өзекті мәселелер бойынша сөз қозғады. Қазіргі таңда әрбір азамат өз саласында аянбай еңбек етіп, Жаңа Қазақстанға өздерінің лайықты үлестерін қосуға тиіс екендігін баса айтты. 

Жиын соңында Әулиекөл ауданында жаңадан салынып жатқан мешіттің құрылысы барысымен танысты. Осынау игілікті істің басы-қасында жүрген Көшербай Мұратұлымен болашақта пайдалануға берілетін имандылық ордасының жай-жапсары жөнінде пікір алысты.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Тәжімбет іс-сапармен Әулиекөл ауданына атбасын тіреді. Ол жергілікті «Әмит ишан» мешітінің бас имамы Нұрлан қажы Сейілханұлымен бірге аудан әкімі Ерлан Теменовтың кездесті.

 Бахытбек Нұрғабылұлы аудан басшысымен кездесуде елдегі діни ахуал жайлы айта келіп, Әулиекөлдегі салынып жатқан мешіт құрылысы жөнінде тілге тиек етті.

Жүздесу іскерлік жағдайда өтті. Бас имам содан кейін ауданға қарасты бірқатар оқу орындары мен мекемелерде ұйымдастырылған жиындарға қатысып, маңызды тақырыптар бойынша әңгіме өрбітті.

Қостанай облыстық мешітінің баспасөз қызметі

Қостанай қалалық «Жайлаубай ата» мешітінің ұйымдастыруымен наиб имамдар Ерлан Сыздықов пен Темірлан Бақай облыс орталығындағы индустриалдық колледждің студенттерімен «Білім алу-әрбір мұсылманға парыз» деген тақырыпта кездесу өткізді.

Білім ордасының орыс бөлімінде оқып жатқан шәкірттерге түсінікті болу үшін Темірлан Бақай сол тілде дәріс оқып, көп жайдан хабардар етті.

Жалпы, жастар мешіт қызметкерлерінің ғибратты әңгімелерін ұйып тыңдады. Өздерін толғандырып жүрген сауалдарға толыққанды жауап алды. Наиб имамдарға шынайы алғыстарын білдірді.

Қостанай облыстық мешітінің баспасөз қызметі

В КГУ «Центр поддержки детей, находящихся в трудной жизненной ситуации Житикаринского района» было проведено мероприятие, посвященное «Наурыз құтты болсын!». 14 марта, за неделю до Дня весеннего равноденствия- Наурыз, считалось началом нового года,в этот день всем миром, аулом, люди выходили в красочных новых одеждах, приветствовали друг друга рукопожатием, произнося слова «Бір жасын құтты болсын». После долгой зимней разлуки радовались встрече с родственниками, обсуждали приплод и убыль скота.

14 марта В 15.00 ч. началась концертная программа. В проведении праздника приняли участие 20 воспитанников.

Ведущие вели программу на государственном и русском языке. Ребята в своих выступлениях отразили весь алгоритм празднования, который способствовал укреплению согласия и общенационального единства. Воспитанники Центра показали своё творческое мастерство, артистизм и задор, они читали стихотворения, пели песни, танцевали. Были приглашены домбристы под руководством Маликаджарова Д.К. (школа искусства) и вокалисты Маратова Т. и Сапар А. КГУ «Общеобразовательная школа № 9», танцевальная группа «Эдельвейс» руководитель Гонцова С.Л. КГУ «Общеобразовательная школа № 10». В завершении праздника дети исполнили песню «Моя родина Казахстан».

В знак благодарности воспитанники вручили всем приглашенным небольшие сувениры сделанные своими руками.

На празднике присутствовал бас имам Житикаринского района Кабиев А.А , представители СМИ. Соблюдены все санитарные нормы.

Науырзым ауданындағы Бас имамның сапары аудандық ішкі істер бөлімінің қызметкерлерімен ұйымдастырылған жиында тәртіп сақшыларына ой саларлық өзекті мәселе қозғалды.

Мұнда жыл басындағы қаңтар оқиғасы жайлы айтылды. Жат ағымдардың өкілдері тарапынан тигізілген зардап жөнінде де тілге тиек етілді. Әрбір отбасында балалардың бойына жастайынан патриоттық сезімді, туған жер мен елге деген сүйіспеншілікті сіңіру қажеттігі баяндалды.

Жалпы Науырзым ауданындағы басқосулар барлық қатысушыларға үлкен әсер қалдырып, тәрбиелік, тағылымдық жағы өте мол болды.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Тәжімбеттің Науырзым ауданына іс-сапары аудандық кітапханада және мектепте жалғасты.

Белгілі дін қайраткері кездесуде маңызды тақырып бойынша кездесуде қатысушылардың қойған сұрақтарына нақты да тиянақты жауап берді. Соңында кітапханаға Алаштың ардақтысы Ахмет Байтұрсынұлының кітабын сыйға тартты.

Одан соң жергілікті орта мектептің ұстаздар қауымымен өтті. Олардың тәуелсіз еліміздің ұрпақтарын тәрбиелеуде сіңіріп жатқан еңбектері, шәкірттерді имандылық пен Отанды сүюге баулудағы ізденістері ересен екендігі әңгімеге арқау болды.

Қостанай облыстық мешітінің баспасөз қызметі

Қостанай аудандық «Маңдай батыр» мешітінің Бас имам Дархан Манарбекұлы ұжымымен ауданға қарасты Владимиров ауылының тұрғындарымен кездесу ұйымдастырды.

Басқосуда Дархан Манарбекұлы «Ырыс алды - ынтымақ» тақырыбында уағыз-насихат айтса, найб имам Азамат Серікбайұлы көпшілікке оны орыс тілінде жеткізді.

Іс-шара соңында жергілікті азаматтардың көкейде жүрген сауалдарына нақты жауап берілді.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Тәжімбет кезекті іс-сапармен Науырзым ауданына барды. Ол алдымен аталмыш ауданның әкімі Қайрат Әбішевпен жүздесті. Онымен бірге жергілікті «Түркебай» мешітінің бас имамы Есет Сейітқалиұлы да болды.

Бас имам аудан басшысымен кездесуде елдегі діни ахуал жайлы айта келіп, мешіттегі асхана құрылысы туралы ойын ортаға салды. Әкімді жауапты қызметімен құттықтап, аса құнды «Ихсан» кітабын тарту етті.

Бахытбек қажы Нұрғабылұлы осы сапары барысында мешіттегі ақсақалдармен де кездесті. Осы өткен жиында мұсылмандар үшін аса маңызды жаназа және діни рәсімдер, шариғат талаптары мен басқа да өзекті мәселелер барысында әңгімеледі.

Қостанай облыстық мешітінің баспасөз қызметі

Шоқан қажы Ғазизұлы басшылық ететін Қостанай қалалық «Жайлаубай ата» мешітінің ұжымы «Тәні саудың - жаны сау» деген тақырыпта облыс орталығына жақын орналасқан Жамбыл ауылының намазхандары мен шәкіртттері және жамағаттары арасында волейболдан жолдастық кездесу өткізді.

Ойынның қорытындысы бойынша Жамбыл ауылының жамағаты бірінші, шәкірттер екінші, қалалық мешіттің намазхандары үшінші орынды иеленді.

Мұндай салауатты өмір салтын насихаттаған спорт ойындары алдағы уақытта да жалғасын табады.

Қостанай облыстық мешітінің баспасөз қызметі