Қасиеттіжұма күні Әулиекөл аудандық мәдениет үйінде айлардың сұлтаны, берекелі Рамазан айының құрметіне арналған рухани кеш болып өтті. Кездесуді осы парасат ордасы басшысының міндетін атқарушы Әсем Қажиева ашты. Содан соң құран оқылды.
Бұл шараның басты қонағы Қостанай облыстық мешітінің «Әйелдер-қыздар секторы» бөлімінің жауапты маманы Халим Жансая.
Ұстаз әулиекөлдік әйел жамағатымен жүздесуде Рамазан–ізгі амалдардың сауабы еселене түсетін, құт, береке және рақым айы екенін айта келіп, Ораза мен Құранның өзара байланысына тоқталды.
Сонымен қатар ол «Қыз тәрбиесі» және «Әйелдердің исламдағы орны» жайында мазмұнды дәріс оқыды. Жүрегі нәзік жандардың отбасындағы және бала тәрбиесіндегі рөлі жөнінде әңгімеледі.
Әсерлі уағыз-насихатты тыңдаған жамағат оған өздерін толғандырған сауалдарын қойып, оған нақты жауаптарын алды. Кеш соңында әйелдер Жансая ұстазға тағылымдық-тәрбиелік уағыздары үшін шынайы алғыстарын білдірді.
Қостанай облыстық мешітінің баспасөз қызметі
Қасиетті Рамазан айы басталғалы облыстық мешітте күнделікті 400 адамға ауызашар дастарханы жайылып, ораза ұстаушылардың сауабын алуда.
Рамазан айының құрметіне Жамалидинұлы Жандос қари күнделікті Тарауиқ намазында қасиетті Құранды хатым етуде.
Намаз арасында жамағаттың білімі мен біліктілігін арттыру мақсатында Бас имам Бахытбек қажы уағыз-насихат айтумен қатар, викториналық сұрақ ұйымдастырады.
Сұраққа нақты жауап бергендерге олардың таным көкжиегін кеңейту үшін Қазақстан мұсылмандары діни басқармасының «Мүфтият» баспасынан жарық көрген «Ихсан – рухани тәрбе негізі» тағыда басқа құнды еңбектерді сыйлыққа беруде.
Қостанай облыстық мешітінің баспасөз қызметі
Биылғы Рамазан айы жұртшылық үшін үлкен қуаныш ала келді. Өйткені, әлемді жайлаған қауіпті індет бәсеңсіп, мұсылмандар қауымы бұрынғыдай мешітте бірге ауызашар өткізуде .
Жүрегінде иманы бар іскер азаматтар сауабы мол ауызашар беруді қолға алды. Қазір ол облыс ойынша бірнеше мешіттерде күнделікті дәстүрге айналды.
Мәселен, кеше Қостанай қаласының жаңадан тағайындалған әкімі Марат Жүндібаев «Жайлаубай ата» мешітінде ораза ұстаған көпшілікке ауызашар дастарқанын жайды. Оған белгілі зиялы қауым өкілдері қатысты.
Шаһар басшысының бұл шарапаты мол ісіне жиналғандар дән риза болды. Қадірменді ақсақал, мемлекет және қоғам қайраткері Кенжебек Укин ақ батасын берді.
Қостанай облыстық мешітінің баспасөз қызметі
Жақсының жақсылығын айт, нұры тасысын» демекші, «KБС құрылыс компаниясы» жауапкершілігі шектеулі серіктестігінің Бас директоры Бауыржан Сәбитұлы Карамакин қазақ жігітіне тән азаматтықтың нағыз жарқын үлгісін көрсетті.
Ол қаладағы «Жайлаубай ата» мешітінің пандемия кезінде жылуға байланысты жинақталып қалған қарызын өтеуге көмек қолын созды. Осы мақсатқа 4,5 млн. теңге аударды.
- Іскер бауырымыздың бұл қадамы барша кәсіпкерлерге өнеге. Осындай жанашыр да жомарт қандастарымыз бар кезде халыққа адал қызмет ететін мешіттердің жұмыстары барынша жандана түсетіндігіне сенімдімін,- дейді өз сөзінде белгілі дін қайраткері Шоқан қажы Ғазизұлы.
Қасиетті Рамазан айының қарсаңында Меңдіқара аудандық «Зұлқарнайұлы Мұса қажы» мешітіне келетін жамағат жуынып, дәрет алатын орындар ағымдағы жөндеуден өткізілді.
Оған ауданымыздың тумасы, іскер азамат Еркін Бұқанов демеушілік етті. Жанашырлық танытқан кәсіпкерге мешіттің бас имамы Еркебұлан Жаңбырбайұлы мен алқа мүшелері алғыстарын жеткізді.
Имандылық ордасының ұжымы жерлесіміз Еркін Сайранұлына алдағы уақытта мықты денсаулық, жауапты қызметінде табыс тілейді.
Қостанай облыстық мешітінің баспасөз қызметі
Қасиетті Рамазан айы басталғалы бері көктемнің шуағын аямай төгіп жатқаны белгілі. Адамдардың да пейілдері бұрынғыдан да кеңейе түсіп, бойларындағы мейірімділік қырлары жарқырап көріне бастады.
Ал Оразаның сауабы мүлдем бөлек. Мұны өңіріміздегі мешіттерде жасалып жатқан түрлі деңгейдегі қайырымдылық акциялары дәлелдей түскендей. Мысалы, жуырда Федоров аудандық «Жиентай қажы» мешітінің ұжымы да сол төңіректегі он отбасына азық-түлік қоржынын табыс етті.
Мешіттің бас имамы Ерлан Тілегеновтің азаматтығына жұртшылық дән риза. Әлгі көмекке кенелген жанұялар шынайы ризашылықтарын білдіріп, алғыстарын жаудырды.
Рамазан айында осындай игі мақсаттағы жарқын істер жалғасын таба береді деген үміттеміз.
Қостанай облыстық мешітінің баспасөз қызметі
Аудандық "Жұма" мешітінің бас имамы Руслан Маратұлы Денисов ауданы әкімдігіңің ішкі саясат бөлімімен бірлесе отырып аудандық ішкі істер бөлімінде деструктивті діни ағымдарға тарту әдістері тақырыбында семинар жүргізді. Онда деструктивті және жалған діни ағымдар деген не ?, діни ағымдардың белгілелері жайында сөз қозғалды. Интернетті пайдалана отырып, экстеремистік ағымдардың алдын алу жолдары жайында сөз етілді.
Қостанай облыстық мешітінің баспасөз қызметі
Өңіріміздегі ұйымшылдық танытып, игілікті жұмыс істеп жатқан айтулы ұжымдарының бірі - Жітіқара ауданындағы «Қостанай минералдары» акционерлік қоғамы екендігі белгілі.
Жуырда осы кәсіпорын басшылары жергілікті «Ержан Тәтішев» мешітінің ғимаратына өрт қауіпсіздігінің алдын-алу құрылғыларын орнатып, нағыз жанашырлықтарын көрсетті.
Әрине, имандылық ордасының қызметкерлері де олардың бұл қолдауларына ризашылығын білдіріп, алғыстарын жеткізді.
Қасиетті Рамазан айында жер-жерде осындай жағымды істер жалғасын тауып жатса, нұр үстіне нұр емес пе.
Қостанай облыстық мешітінің баспасөз қызметі
Әулиекөл аудандық мәденет үйінде Рамазан айының құрметіне «Қош келдің – Рамазан» атты рухани кеш ұйымдастырылды. Оған жан-жақты дайындық жасалды.
Бұл имандылық іс-шара Түркиядан келген қари Фатих Сарыташтың қасиетті Құран Кәрімді оқуымен басталды. Кешті иман жүзді азамат Ерлан Қасымов жүргізді.
Басқосуда сахнаға көтерілген облыстық мешіттің найб имамы Абдихахар Ерматов Ораза айының өзіндік ерекшеліктеріне тоқталып, жергілікті ағайындарға жүректен шыққан ең ізгі тілегін білдірді.
Содан кейін мәдениет үйінің қызметкерлері Нұржан Қуандық, Әсем Қажиева мен Самал Айса илләһи әндерді нәшіне келтіріп орындады. Кеш өте әсерлі де мазмұнды өтті.
Қостанай облыстық мешітінің баспасөз қызметі
Қостанай облысының әкімі Архимед Бегежанұлы Мұхамбетов руханиятқа, ата-бабамыздан келе жатқан салт-дәстүрімізге, ислам дініне құрметпен қарайтын азамат.
Өзінің мұндай өнегелі қырларын өңіріміздегі басты мешітті жөндеуде, басқа да имандылық ордасына зәру мәселелерде қол ұшын беріп, ел алғысына бөленді.
Биылғы Рамазан айының алғашқы күндері жылдағыдай ораза ұстаған үлкенді-кішілі қауымға жоғарыда аталған облыстық мешіттің асханасында ауызашар берді.
«Әкім бол, халқыңа жақын бол» деген қағиданы берік ұстанған аймақ басшысына ақсақалдар батасын берді. Оның осы қасиетті Ораза кезіндегі ізгі ниеттері қабыл болып, оған Алланың нұры жауа берсін дейміз.
Қостанай облыстық мешітінің баспасөз қызметі
Миләди
Хижри
