Бүгінгі ұрпақ кешегі Ұлы Отан соғысына қатысып, кескілескен шайқастарда ерлік пен өрліктің үлгісін көрсеткен аға буынның алдында өздерін мәңгілік қарыздар сезінетіндігі ақиқат.

Мәселен, майдангер Әнуар Мырзағалиұлы Жүсіпов 1923 жылы 9 қыркүйекте дүниеге келген. 1942 жылы 19 жасында Мендіқара аудандық әскери комиссариаты оны әскер қатарына шақырды.

Қазақтың намысты жігіті Калинин майданындағы Ржев-Сычевте болған шабуылда жарақат алды. Содан госпитальда емделіп, әскери қызметін одан әрі жалғастырды. Туған жерге 1945 жылы оралды.

Соғыстағы көрсеткен батылдығы мен өжеттігі үшін ІІ дәрежелі Отан соғысы ордені және көптеген медальдармен марапатталды. Бейбіт өмірде де аянбай еңбек етті.

Облыстың Бас имамы Бахытбек қажы Тәжімбет қадірменді ақсақалға құрмет көрсетіп, ізгі тілегін білдіру мақсатында Ұзынкөл ауданына арнайы барды. Ақсақалдың шаңырағында жергілікті «Балықты» мешітінің имамы Есенгелді қажымен бірге болып, ұлтымыздың ежелден келе жатқан салт-дәстүрі бойынша ардагердің иығына шапан жауып, сый-сияпат жасады.

Отан үшін от кешкен Әнуар атамыз белгілі дін қайраткеріне дән ризашылығын білдіріп, ақ батасын берді.

Қостанай облыстық мешітінің баспасөз қызметі

Ораза айт мерекесінде Меңдіқара аудандық «Зұлқарнайұлы Мұса қажы» мешітінің ұжымы 13оқушыға тәбәрік сыйлығын табыс етті.

Жиынға жасөспірімдермен бірге ата-аналар да қатысты. ОлардыБас имам ЕркебұланҚошан мейраммен құттықтады. Осылайша, жергілікті жерде Ораза айт мерекесі есте қаларлықтай өткізілді.

Қостанай облыстық мешітінің баспасөз қызметі

Сегодня в г.Туркестан прошла «Коллегия муфтиев» тюркоязычных государств.

В работе заседания приняли участие Председатель Духовного управления мусульман Казахстана, Верховный муфтий Наурызбай кажы Таганулы, Председатель Управления по делам религии Турции, Верховный муфтий Али Эрбаш, Председатель Управления мусульман Кавказа, Верховный муфтий Аллахшукюр Паша-Заде, первый заместитель председателя Управления мусульман Узбекистана Хамитжан Ишматбеков.

Председатель Духовного управления мусульман Казахстана, Верховный муфтий Наурызбай кажы Таганулы открывая заседание «Коллегии муфтиев» в своей приветственной речи отметил: «Хвала Всевышнему на сегодняшний день укрепляются экономические, социальные, партнерские связи между тюркскими государствами. Одним из важнейших направлений сейчас является укрепление духовных связей. Поэтому, я уверен, что сегодняшнее историческое заседание придаст большой импульс укреплению и развитию наших братских отношений».

На заседании Верховные муфтии обсудили важность укрепления духовной связи тюркских народов. А также пришли к единому мнению в вопросах популяризации общего наследия тюркоязычных стран, наследия нашего предка Ахмеда Ясави, а также всего тюркского мира Коркыт Ата, Ясави, Маулана, Навави, Манаса, школы Матуриди и мазхаба Абу Ханифа, реализации совместных проектов в сфере религиозного просвещения, повышения солидарности мусульманской уммы в ответах на глобальные вызовы, утверждения единой даты празднования религиозных праздников, принятия общих фетв, предотвращение негативной пропаганды деструктивных религиозных течений.

Бүгін Түркістан қаласында Қазақстан мұсылмандары діни басқармасының ұйымдастыруымен «Ислам өркениетінің дамуына түркі халықтарының қосқан үлесі» тақырыбында халықаралық ғылыми-тәжірибелік конференция басталды.

Конференция жұмысына Түркі мемлекеттері ұйымының Бас хатшысы Бағдат Әміреев, ҚР Ақпарат және қоғамдық даму министрі Асқар Омаров, Түркістан облысының әкімі Өмірзақ Шөкеев, Халықаралық Түркі академиясының президенті Дархан Қыдырәлі, Түркі мемлекеттері ұйымы Ақсақалдар кеңесінің мүшесі Икрам Адырбекұлы, Қазақстан мұсылмандары діни басқармасының төрағасы, Бас мүфти Наурызбай қажы Тағанұлы, Түркия Республикасы Дін істері басқармасының басшысы, Бас мүфти Әли Ербаш, Кавказ мұсылмандары басқармасының төрағасы, Бас мүфти Аллашүкір Паша-Заде, Қырғызстан мұсылмандары діни басқармасының төрағасы, Бас мүфти Замир Ракиев, Өзбекстан мұсылмандары басқармасының бірінші орынбасары Хамитжан Ишматбеков, ҚМДБ Ғұламалар кеңесінің, Ақсақалдар кеңесінің мүшелері, ғалымдар мен облыс бас имамдары қатысуда.

Айта кетсек, конференцияны өткізудегі мақсат – түркітілдес елдердің ортақ мұраларын дәріптеу, Ахмет Ясауи бабамыздың, сонымен қатар түркі дүниесіне ортақ Қорқыт ата, Ясауи, Мәуләна, Нәуәуи, Манас мұраларын насихаттау, Матуриди сенім мектебі мен Әбу Ханифа мәзһабын халыққа жеткізу, діни оқу-ағарту саласы бойынша бірлескен жобаларды жүзеге асыру, жаһандық сын-қатерге жауап беруде мұсылман үмбетінің өзара ынтымағын арттыру, діни мерекелерді бір күнде атап өту, ортақ пәтуалар қабылдау, деструктивті діни ағымдардың теріс үгіт-насихат жұмыстарына жол бермеу.

Бүгін Түркістан қаласында түркі мемлекеттерінің мүфтилері, атап айтқанда, Қазақстан мұсылмандары діни басқармасының төрағасы, Бас мүфти Наурызбай қажы Тағанұлы, Түркия Республикасы Дін істері басқармасының басшысы, Бас мүфти Әли Ербаш, Кавказ мұсылмандары басқармасының төрағасы, Бас мүфти Аллашүкір Паша-Заде, Өзбекстан мұсылмандары басқармасы төрағасының бірінші орынбасары Хамитжан Ишматбеков, ҚМДБ Ғұламалар кеңесінің, Ақсақалдар кеңесінің мүшелері, ғалымдар мен облыс бас имамдары Қожа Ахмет Ясауи кесенесінде «Бабалар рухына 100 Құран хатым» рәсіміне қатысты.

Игі іс-шарада Бас мүфти Наурызбай қажы Тағанұлы: «Құрметті шетелден келген мәртебелі мүфтилер! Қасиетті Түркістан қаласына қош келдіңіздер! Алла Тағала Қожа Ахмет Ясауи кесенесіне жасаған зияраттарыңызды, бабамыздың рухына бағыштаған Құран хатым дұғаларымызды қабыл еткей. Расында, Құран оқылған, оған амал етілген үйде, жерде, елде тыныштық орнайды, Алланың берекеті болады. Бұдан түйетін ой – Құрансыз өмірдің мәні де, сәні де жоқ. Біз, өмірден өткен жандарға Құран бағыштап, Құдайдан жарылқау тілеген түркі-мұсылман халықтарының бүгінгі ұрпағымыз. Біздің имамдарымыз бен медресе шәкірттеріміз бүгінгі тарихи оқиға қарсаңында ата-баба рухына арнап қасиетті кітабымыз Құранды 100 рет хатым етті. Алла Тағала оқыған Құранымыз бен жасаған дұғамызды қабыл еткей. Әмин!» деді.

Ізгі іс-шарада дін қайраткерлері Қожа Ахмет Ясауи қабірін зиярат етіп, баба рухына қасиетті Құран аяттарын бағыштады.

#muftyatkz

https://www.muftyat.kz/ru/news/qmdb/2022-05-06/39488-muftii-tiurkskikh-gosudarstv-priniali-uchastie-v-molitve-100-koran-khatym-foto/

Үстіміздегі жылғы Ораза айт мерекесі Жітіқара ауданында да жоғары деңгейде аталып өтті. Әсіресе, адам бойындағы ең ізгі қасиет қайрымдылыққа ерекше назар аударылды.

Нақты деректерге сүйенетін болсақ, жергілікті «Ержан Тәтішев» мешітінің ұжымыкөмекке мұқтаж 20отбасына 320 келіні құрайтын азық-түлік себеттерін таратты.

Қостанай облыстық мешітінің баспасөз қызметі

Амангелді аудандық «Сатыбалды ишан» мешіті Ораза айтты жоғары деңгейде атап өтті.

Алғашқы күнгі имандылық ордасындағы Айт намазына елдің үлкенді кішілі жамағаты жиналды. Содан кейін мешіттің асханасында дастархан жайылып, қадірменді ақсақалдар, зиялы қауым өкілдері,жергілікті тұрғындар қатысып баталарын берді.

Іс-шарада Бас имам Жандарбек Әмірхамзин уағыз-насихат айтып, жұртшылықты бірлікке, ынтымаққа шақырды. Аудан әкімі Талғат Карбозов жамағатты айтулы мейраммен құттықтады.

Айт мерекесінің құрметіне қазақша күрестен сайыс ұйымдастырылды. Жеңімпаздар мақтау қағаздары және медальдармен марапатталды.

Ораза айттың құрметіне 55 балаға «Рамазан сыйлығы» үлестірілді.

Қостанай облыстық мешітінің баспасөз қызметі

Биылғы Ораза айт мерекесінде Жітіқара аудандық «Ержан Тәтішев» мешітінде спорттық шаралар ұйымдастырылды. Ол жергілікті ағайындарға жақсы әсер қалдырды.

Онда арқан тартыс, қол күрес және гір көтеру секілді спорт түрлерінен 53 жамағат бақтарын сынады. Бәрі де сайысқа тыңғылықты дайындықпен келгендіктерін көрсетті.

Әділқазылар алқасы қатысушылардың шеберліктеріне лайықты бағасын берді. Жарыс қорытындысында жеңімпаздарға бағалы сыйлықтар тапсырылды

Қостанай облыстық мешітінің баспасөз қызметі

Дана халқымыз ежелден жас ұрпақты еліміздің болашағы деп есептеген. Сондықтан оларды имандылыққа, отансүйгіштікке тәрбиелеуді өздерінің басты парызы санаған.

Міне, осындай қағиданы берік ұстанған Рудный қалалық «Нұр» мешітінің имамы Бектұрсын Торғайбайұлы шаһардағы №15 мектептің оқушыларымен «Имандылық – тәрбие өзегі» деген тақырыпта кездесу өткізді.

Жүздесуде дін қайраткері тәлім-тәрбиеге ерекше тоқталып, ислам дінінің көркем мінез бен әдептілікке негізделгенін тілге тиек етті. Өзінің оқыған-тоқығандарынан нақты мысалдар келтіріп, оны шәкірттердің жадында ұзақ сақталатындай етіп баяндады.

Шара барысында оқушылар тарапынан түрлі сұрақтар қойылды. Имам сауалдарға дін мен дәстүрді байланыстыра отырып, тұшымды жауап берді.

Басқосуға тәрбиемен тікелей айналысатын ұстаздар мен мектеп директоры Қайыржан Нұрмағанбетов те қатысты.

Қостанай облыстық мешітінің баспасөз қызметі

Өңіріміздегібарлық мешіттерде қасиетті Рамазан айында қайырымдылық шаралары ұйымдастырылып, күн көрісі төмен отбасыларға, басқа да қолдауға мұқтаж жандарға көмек көрсетілді.

Бұл орайда Федоров аудандық «Жиентай қажы» мешітінің ұжымы да жергілікті халықтың ризашылығына бөленіп, алғыстарын алды. Мәселен, олар «Рамазан ынтымақ айы» деп аталатын қайырымдылық шарасын өткізді.

Онда көп балалы аналарға күнделікті өмірде қажетті азық-түлік салынған қоржындар табыс етілді.

Қостанай облыстық мешітінің баспасөз қызметі