Бүгін Бас мүфти Наурызбай қажы Тағанұлы Қостанай қаласында «Ислам – ынтымақ пен бірлік діні» жылы аясында ұйымдастырылған «Бейбітшілік пен келісім – қастерлі ұғым» республикалық конференциясына қатысты.
Алқалы жиында баяндама жасаған Наурызбай қажы Тағанұлы: «Қазіргі әлемдегі күн сайын құбылған ұстанымдар мен тұрақсыздық қазақ халқының «Күшенген жеңбейді, күші көп жеңеді» деген мақалының өміршеңдігін дәлелдеді. Расында, халқымыз айтқандай, «бірлігі бар елдің белін ешкім сындырмас».
Біз үшін ең маңыздысы – әр азаматтың Тәуелсіздік игілігін сезіне алуы. Оның басты көрінісі – елдегі бейбіт өмір, қоғамдағы тұрақтылық пен тыныштық. Бүгінде «Бір күн ұрыс болған үйден қырық күн береке кетеді» деген мақалдың мәнін терең түсінетін кез жетті», – деді.
Конференцияда А.Байтұрсынұлы атындағы Қостанай өңірлік университетінің ғалымдары мен ҚМДБ Ақсақалдар кеңесінің осы осы өңірдегі мүшелері татулық жайлы тағылымды баяндама жасады.
Қазақстан мұсылмандары діни басқармасының төрағасы Наурызбай қажы Тағанұлы Қостанай облысына барған сапарында Ыбырай Алтынсарин кесенесіне барып, ағартушы ұстаз рухына Құран аяттарын бағыштады.
«Алла Тағала ағартушы ұстаздың рухын пейіште шалқытып, ұлт болашағы үшін жасаған ерен еңбегіне мол сауаптан жазғай!» деп дұға етті Бас мүфти.
Айта кетсек, кесене-кешенде ағартушы ашқан мектептердің картасы көрсетілген, мектептер тізімі ойып жазылған мәрмәр тақта бар. Осы жерде тек Ыбырайдың бейіті ғана емес, атасы Балғожа, әкесі Алтынсары жатқан үлкен қорымның болғаны жөніндегі ақпарат жазылған қара гранит тас орнатылған.
Қазақстан мұсылмандары діни басқармасының төрағасы Наурызбай қажы Тағанұлы Қостанай облысына барған сапарында Діни басқарманың халал сертификатын алған құс фабрикасында болды.
Бас мүфти бастаған делегация Рудный қаласында Діни басқарма жанындағы «Халал Даму» ЖШС сертификатын алған құс фабрикасын аралап, жұмысымен танысты.
«Аллаға шүкір, қазір халық тарапынан халал өнімдерге деген сұраныс күн санап артуда. Діни басқарма өз мүмкіндігі аясында халықтың халал өнімді тұтынуына қолайлы жағдай жасауда. Біз бұл бағыттағы жұмыстарымызды ұдайы жалғастыра береміз» деді Наурызбай қажы Тағанұлы.
Бас мүфти Қостанай облысына барған сапарында қалалық «Жайлаубай ата» мешіті жанынан ашылған «QAMQOR-SHARAPAT» діни салттық қызмет көрсету орталығының жұмысымен танысты.
Қостанай облысының бас имамы Бахытбек Тәжімбет Бас мүфтиге орталық жұмысын таныстырды. Бас имам халыққа діни салттық қызмет көрсету, мұсылманша жерлеу бағыты бойынша атқарылып жатқан жұмыстар жайлы баяндады.
Наурызбай қажы Тағанұлы имамдар форумында «Зират және зиярат мәдениеті», «Ас беру мәдениеті» құжаттары қабылданғанын атап өтті. Аталған құжаттардың негізгі мақсаты – халық арасында құдайы ас беру, зират көтеру мен қабірлерді зиярат етудің шариғатқа сай әдебі мен ортақ мәдинетін қалыптастыру.
«Кейде кейбір кісілер жақын туысы қайтқан кезде ысырапқа жол беріп, шариғатымыз талап етпеген іс-әрекеттер жасап жатады. Біз осы мәселені шешудің балама жолы ретінде мешіт жанынан діни салттық қызмет көрсету орталықтарын ашып, қазалы үйге барынша көмек көрсетіп келеміз. Сонымен қатар ас беру әдебін қалыптастыру бағытында халықты ысырапқа жол бермеуге үндейміз. Аллаға шүкір, жалпы жамағат пен зиялы қауым өкілдері бұл бастамамызды қолдап, өздерінің ізгі ниеттерін жеткізуде» деді Наурызбай қажы Тағанұлы.
Айта кетсек, орталықта мәйітті мұсылманша жерлеуге қажетті қолайлы жағдай жасалған.
Бүгін Қазақстан мұсылмандары діни басқармасының төрағасы Наурызбай қажы Тағанұлы жұмыс кестесіне сәйкес Қостанай облысына барды.
Бас мүфти Қостанай ауданында салынып жатқан жаңа мешіттің құрылыс жобасымен танысып, іргетасын қалады. ҚМДБ Төрағасы құлшылық үйін Діни басқарма бекіткен мешіт салу ережесіне сәйкес қазақы нақышта тұрғызуға назар аударды.
Бас мүфти мешіт құрылысының жоспарға сәйкес аяқталуын Алладан тілеп, дұға жасады. Сондай-ақ, марқұмдар рухына Құран аятын бағыштап, құрбан шалды.
Айта кетсек, жаңа мешіт 1500 адамға арналған. Құлшылық үйінің құрылысын 2024 жылы бітіру жоспарланған.
Рудный қалалық «Нұр» мешітінде 1 -20 маусым аралығында мектеп жасындағы оқушыларға арналған жазғы діни сауат ашу курсы жұмыс істеді. Аталған мерзімде екі топтан тұратын 50 ер бала мен 30 қыз бала діни сауат алды.
Шәкірттер білім деңгейіне және жас ерекшеліктеріне қарай бөлінді. Балаларға имандылық, әдептілік дәрістері, құран оқып үйрену, сұрақ-жауаптар, дастархан батасы үйретілді.
Дәріс арасында бүлдіршіндердің бойын сергітер спорттың түрлері- футбол, волейбол, теннис ойындары ұйымдастырылды. Жан-дүниелерін рухани жағынан байыту мақсатында саябақтарға саяхат жасалды.
Осылайша мешіт ұстаздары оқушылардың жазғы демалысын тиімді әрі мазмұнды өткізулеріне лайықты үлестерін қосты.
Шәкірттерден алған білімдерінен қысқаша сынақ қабылданып, арнайы сертифакаттар табыс етілді. Оларға дастархан жайылды.
Ата-аналар мешіт ұжымының игілікті істеріне, дәріс берген ұстаздарға шынайы ризашылықтарын білдірді.
Қостанай облыстық мешітінің баспасөз қызметі
Жуырда Арқалық және Амангелді ауданының ақсақалдары Науырзым ауданына арнайы іс-сапармен келді. Мұндағы мақсат - аталмыш аудандардағы өмір өткелдерінен өткен аға буын өкілдерінің арасындағы қарым-қатынасты одан әрі нығайту, Бас мүфтидің «Дархан дала» атты рухани жобасы аясында тағылымды іс-шаралар өткізу.
Осы игі істің бастамасы ретінде жергілікті «Түркебай ата» мешітіне ат басын бұрды. Сөйтіп, мешіттің руханият жолында жүзеге асырып жатқан жұмыстарымен кеңінен танысып, пікір алмасты.
Науырзым аудандық мешітіне есімі берілген әулие атамыздың рухына Құранбағыштады. Сонымен қатар Науырзым қорығында болып, өңірдің тыныс-тіршілігін танысты.
Мұндай жылы жүзді кездесулер болашақта да жалғасын табатынынаекі жақ та сенімді.
Қостанай облыстық мешітінің баспасөз қызметі
Қарабалық ауданық «Ғашура ана» мешітіінде маусым айының басынан 21-не дейін жазғы сауат ашу курсы ұйымдастырылды. Онда талапкер 12 бала тәлім- тәрбие алды.
Дәріс барысында оларға бекітілген кестеге сәйкес Құран әліппесі, дін мен дәстүр және әдеп сабақтары жүргізілді. Сондай-ақ сабақтан тыс кездері спорттық шараға қатысты. Таза ауада серуендеп, жан дүниелерін рухани жағынан байытты.
Таяуда шәкірттерге сертификат табыс етілді. Салтанатты жиынға балалардың ата-аналары да қатысты.
Қостанай облыстық мешітінің баспасөз қызметі
Таяуда Әулиекөл аудандық «Әмит ишан» мешітінің бас имамы Нұрлан қажы Сейілханұлы жергілікті полиция бөлімінің қызметкерлерімен кездесті. Онда «Ихсан ұғымының негізі» атты тақырып әңгіме өзегіне айналды.
Жалпы, жауапкершілікті сезіну-әрбір азамат үшін басты міндет. Бұл қасиетсіз көздеген мақсатқа жете алмайсың. Сол себептен де қай салада болсын өз қызметінде алғы шептен көрініп, туған елімізге адалдық таныту, оның жарқын болашағына бойымыздағы барлық қажыр-қайратымызды, білім-білігімізді аянбай жұмсау парызымыз.
Ихсан сөзі жақсылыққа жеткізу, бір нәрсені соңына дейін орындау, тиянақтылық, шынайылық деген мағынаны білдіреді екен. Ендеше, полиция қызметкерлерінің алдында да үлкен мақсат тұрғаны айдан анық. Ол ең алдымен күнделікті заңдылықты сақтай отырып, қоғамдық тәртіпті нығайту, халқымыздың құқын қорғау.
Бас имамның тәртіп сақшыларымен болған басқосуда аса маңызды жайлар қозғалып, жиын әсерлі де мазмұнды өтті.
Қостанай облыстық мешітінің баспасөз қызметі
Миләди
Хижри
