Арқалық қалалық «Мухтасиб Әлмұхаммед» мешітінің Бас имамы Нұрхан Асанұлы «Дінсіз тәрбие – тамырсыз көшет» тақырыбында студенттер жатақханасында жастармен кездесті.

Бас имам студенттерге салт-дәстүрімізбен біте қайнасқан асыл дініміздің негізгі құндылықтары жөнінде насихат айтып, тұшымды пікірін ортаға салды.

Басқосуға жергілікті институттың, медициналық және гуманитарлық колледждердің студенттері қатысты. Осындай жүздесуде маңызды әңгіме өрбіткен имамға алғыстарын жеткізді.

Бас имам жатақхананың тәрбиешілері Қ.Жайлаубаева мен Б. Жұпарбекке мұндай тағылымды жиынды ұйымдастырғандары үшін дән ризашылығын білдірді.

Қостанай облыстық мешітінің баспасөз қызметі

Қостанай облыстық «Марал ишан» және қалалық «Жайлаубай ата» мешіттері биылғы маусым айының басынан бастап «Имани жаз» жазғы сауат ашу курсының басталатынын хабарлайды.

Дәріс аптаның бес күнінде жүргізіледі. Курсқа 9-16 жас аралығындағы жасөспірімдер іріктеліп алынады. Оған ата-аналардың қолхаты талап етіледі. Барлық жердегідей 3х4 суретін тапсыру керек.

Сабақтар негізіне тәрбиелік мақсатта жүргізілетін болады. Облыстық мешітте ер және қыз балаларға найб имам әрі тәлімгер Тимур Төребаев пен білікті ұстаз Жансая. Ал қалық мешітте Бақай Темірлан мен Дүйсеке Сәуле жетекшілік етіп, дәріс береді.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Тәжімбет жұмыс сапары барысында Лисаков қаласына барды. Жергілікті мешіттің бас имамы Сабыржан Есмурзинмен бірге қала әкімі Абай Ибраевпен кездесті.

Бұл басқосуда өңірдегі діни ахуал жайлы айтылды. Сонымен қатар бұрынғы мешіт ғимаратын жөнде жұмыстары және жаңадан зират қорымы жөнінде пікір алысты.

Қаладағы имандылық ордасындағы халық үшін маңызды мәйіт жуатын орын жайлы да әңгіме өрбіді. 

Кездесуде Бахытбек Нұрғабылұлы қала әкіміне аса құнды, тәлім-тәрбиелік маңызы зор «Ихсан» кітабын тарту етті.

Онан соң Бас имам Лисаковск қалалық мешітінде жамғатпен кездесіп «Ислам және ынтымақ пен бірлік діні» тақырыбында уағыз айтты.

Қостанай облыстық мешітінің баспасөз қызметі

Бейімбет Майлин ауданы Бас имамы Хамзин Ислам «Сапар Ерғалиев» атындағы қазақ орта мектебінде оқушылардың ата-аналарымен кездесті.

Ол оқу жылы да аяқталуға жақындығын. Сол себепті балалардың жазғы демалыстарын мазмұнды да мағыналы өткізу сөз болды. Түрлі келеңсіздіктердің алдын-алу, атап айтқанда шомылғанда абай болуы, интернетте не болса соны қарауына жол бермеу, секілді маңызды жайттар туралы айтып өтті.

Ата-аналар оқушылардың тек материалдық жағына көңіл бөліп қана қоймай, рухани жан дүниелеріне де жан-жақты назар аудару керектігі тілге тиек етілді. 

Біздің басты мақсатымыз тәуелсіз еліміздің тірегі болар білімді де білікті, отансүйгіш азаматтар тәрбиелеу. Жиналғандар өз ойларын ортаға салып, көкейтесті де өзекті тақырыпты әңгіме еткен Бас имамға алғыстарын білдірді. 

Қостанай облыстық мешітінің баспасөз қызметі

Осыдан бұрын біз оқырмандарды Алтынсарин ауданындағы Щербаков елді-мекенінде «Тойғанша ана» мешітінің пайдалануға берілгені жайлы хабардар еткен едік.

Жуырда аталған мешіттің имамы Медет Өтепқалиев халықпен кездесіп, алдағы уақытта жүзеге асырылар маңызды міндеттер мен мақсаттарға тоқталды.

Онда Ислам - ынтымақ пен бейбітшілік діні жайлы айта келіп, мешіттің мұсылмандардың өмірінде алатын орны, жұма және бес уақыт намазын жүйелі және түрлі діни рәсімдерді талапқа сай өткізу жайлы толық мағлұмат берді.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Тәжімбет Бейімбет Майлин атындағы ауданда іс-сапармен болды. Ол Әйет ауылына атбасын бұрып, жергілікті Сапар Ерғалиев атындағы орта мектептің кітапханасында мұғалімдермен кездесті.

Жүздесу дөңгелек үстел басында өткізілді. Онда рухани байлықтың қайнар көзі болып табылатын «Кітап оқудың қоғамға пайдасы» деген тақырып қозғалды.

Тілге тиек етілген өзекті мәселе кімді болсын толғандырмай қоймайды. Өйткені, ғаламтор мен ұялы телефондар кітаптың орнын ешқашан да толтыра алмасы ақиқат.

Кездесуде ұстаздар көкейде жүрген сауалдарын қойды. Бас имам әңгіме барысында өзіндік ой-пікірлерін күнделікті өмірмен тығыз байланыстыра нақты жауап берді.

Қостанай облыстық мешітінің баспасөз қызметі

Жуырда Тобыл қаласындағы «Астана» спорт кешенінде Қостанай аудандық «Маңдай батыр» мешітінің жастар ісі секторы «Отбасы күні» аясында жамағаттар арасында волейболдан жарыс ұйымдастырды.

Оған аудандық мешіт, Қостомар, Алтын дала және Жамбыл ауылындағы имандылық ордаларының командалары қатысты. Ойын өте тартысты өтті. Жарыс барысында барша азаматтар белсендік танытып, спортқа деген талпыныстарын көрсетті.

Қостанай аудандық «Маңдай батыр» мешітінің бас имамы Дархан Сыздықов жиналғандарға басты мақсат - салауатты өмір салтын жандандыру, барлық мешіт жамағаттарының арасындағы сыйластық пен ауыз бірлікті барынша нығайту екендігіне тоқталды. 

Жарыс қорытындысы бойынша 1 орынды Қостомар елді-мекенінің, ІІ орынды аудандық «Маңдай батыр» мешітінің, ІІІ орынды Алтын дала ауылының командалары иеленді.

Жүлделі орын алғандарға грамота, медаль және кубоктар табыс етілді. Содан кейін аудандық мешіттің асханасында дастархан жайылды.

Қостанай облыстық мешітінің баспасөз қызметі

Арқалық қалалық «Мухтасиб Әлмұхаммед» мешіті ұжымының бастамасы әрі осы имандылық ордасы жанынан құрылған қайырымдылық қорының ұйымдастыруымен 15мамыр –отбасы күніне орай көмекке мұқтаж жанұяларға азық-түлік қоржындары табыс етілді.

Осы мақсатқа біраз қаражат жұмсалып, азық-түлік қоржыны жасақталды. Онда күнделікті тұтынатын ас сулармен бірге қойдың еті де мұтаж отбасыларына таратылды.

Қамқорлыққа бөленген шаңырақ иелері бас имам Нұрхан Асанұлы басқаратын мешіт қызметкерлеріне дән ризашылықтарын білдірді.

Қостанай облыстық мешітінің баспасөз қызметі

Еліміз тәуелсіз алғалы бері Қостанай өңірінде де имандылық ордаларының қатары көбейіп, мұсылман бауырларымыздың ислам дініне деген ынта-ықыластары артып келеді.

Енді міне Алтынсарин ауданындағы Мәриям Хакімжанова селолық округіне қарасты Шербаков елді мекенінде жаңадан «Тойғанша ана» мешіті салтанатты түрде ашылды.

Оған еліміздің жер жеріне көптеген қонақтар жиналды. Салтанатты жиынға Қостанай облысының әкімі Архимед Бегежанұлы, облыстың Бас имамы Бахытбек Нұрғабылұлы жаңа әрі заманға сай үлгіде салынған мешттің ашылуымен құттықтады.

Салтанатты шарада жиналған қауымға ас тартылып ақсақалдар батасын берді.

Онан соң ат үстіндегі аударыспақ, теңге алу, жамбы ату сайысары өткізілді. Онан соң және көкпар тартылып жеңімпаздар марапатталды.

Қостанай облыстық мешітінің баспасөз қызметі