Главный имам, Верховный муфтий, Религиозная карта

Бас мүфти блогы

Намаз - время намаза

{{timings.fadzhr}}
{{timings.voshod}}
{{timings.zuhr}}
{{timings.asr}}
{{timings.magrib}}
{{timings.isha}}
Таң намазы
Күннің шығуы
Бесін намазы
Екінді намазы
Ақшам намазы
Құфтан намазы
Қазақстанның діни интерактивті картасы
Миләди
Хижри
Super User

Super User

Пятница, 08 Декабрь 2023 11:06

Құрман баба есімі ұлықталды

Қазақ халқы Марал ишанды көрнекті дін қайраткері, әулие, ислам құндылықтарын насихаттаушы ретінде жақсы біледі. Ал оның әкесі Құрман Кенжебайұлы да кезінде жұртшылық арасында өте белгілі діндар адам болыпты.

Осы бабамыздың есімін мәңгілік қалдыру мақсатында Қостанай өңіріндегі ардақты ақсақалдар, облыстың Бас имамы бастаған дін жанашырлары, ұрпақтары уақытпен санаспай жұмыс атқарды.

Соның нақты дәлелі ретінде Ұзынкөл аудандық бұрынғы «Балықты» мешітіне оның есімі берілді. Жуырда осынау айтулы оқиғаға байланысты салтанатты жиын болып өтті.

Оған өңірге белгілі зиялы қауым өкілдері, бірқатар аудандардың имамдары, бабамыздың ұрпақтары қатысты. Өздерінің ой-пікірлерін ортаға салды.

Алдымен, аудан әкімі Азамат Аужанов жұртшылықты қуаныштарымен құттықтап, жылы лебізін білдірді. Содан кейін елімізге танымал тұлға Оралхан Таңжарықов, белгілі кәсіпкер Ибраш Естаев, Халықаралық мәртебелі сыйлықтардың лауреаты, ғалым, ақын Ақылбек Шаяхмет, Құрман бабамыздың ұрпағы Мұхаметхан Омаров тебірене сөз сөйледі.

Жиналған қауым облыстың Бас имамы Бахытбек қажы Тәжімбеттің ой-толғамдарын ұйып тыңдады. Ол даңқты бабамыздың атын мешітке беру жолында атсалысқан барша азаматтардың аты-жөніне жан-жақты тоқталды. Болашақта да бұл киелі орын жерлестерімізді имандылыққа шақыратын руханият ордасы болып қала беретіндігіне нық сенімді екендігін тілге тиек етті.

Көпшілік алдында нақты істерімен басқосудың жоғары деңгейде өтуіне қомақты үлес қосқан жүрегі жомарт жандарға сый-сияпат жасалды. Ұлтымыздың ежелден келе жатқан дәстүрі бойынша иықтарына шапан жабылды.

Жайылған дастарқан басында дін қайраткері, облыстағы өкіл имам Бахытбек қажы Нұрғабылұлының, жоғарыда аталған мешіттің іргетасы қаланғаннан бері аянбай еңбек етіп келе жатқан имам, Ұзынкөл ауданының Құрметті азаматы Есенкелді қажы Сақтағанұлының, кәсіпкер тұлға Тұрсынбай Сәдуақасовтың және басқалардың есімдері көпшілікке үлгі екендігі айтылды.

Басқосуда ел құрметіне бөленген абыз ақсақал Кенесары Мырзахметов ақ батасын берді.

Қостанай облыстық мешітінің баспасөз қызметі

Әулиекөл ауданындағы Сұлукөл елді-мекенінде жаңа мешіт пайдалануға берілді. Сөйтіп, жергілікті халық үлкен қуанышқа бөленді. Салтанатты шараға аудан әкімі Жансұлтан Тәукенов, облыстың Бас имамы Бахытбек қажы Тәжімбет, аудандық «Әмит ишан» мешітінің Бас имамы Нұрбол қажы Балахметов және тұрғындар қатысты.

Ауыл ақсақалы Тілеген Жұматов пен кәсіпкер Мәлік Қиқымов лентаны қиып, мешіттің ашылу рәсімін жасады.

Жоғарыда аталған құтты қоныстың тумасы, шаруа қожалығының басшысы Мәлік Кәдірұлының осындай заманауи мешіт салып, жұртшылықтың игілігіне айналдыру көптен бергі арманы болатын.

Алдына үлкен мақсат қойған азамат имандылық ордасын небәрі төрт айда тұрғызып, жамағатқа есігін айқара ашты. Жүзге тарта адамға лайықталған киелі орын әсем безендірілген. Мұнда әйелдер бөлмесі де бар.

Алыстан көз тартатын мешіттің маңдайшасына Есқали атаның есімі айшықты етіп жазылған. Марқұмның ұрпақтары бұл күндері елге үлгі болар тұлғаларға айналған. Бұған жан-жақтан келген жерлестерінің көзі айқын жетті. Жомарттық танытқан жанашыр жанға аға ұрпақ өкілдері батасын берді.

Мәлік Қиқымов қыстан қысылмай шығу мақсатында мешітке қажетті мөлшерде отын-көмір түсіріп берді. Ал, ауыл молдасы Балғабай бауырымызға имандылық жолындағы қызметінде сәттілік тілейміз.

Қостанай облыстық мешітінің баспасөз қызметі

Рудный қалалық «Нұр» мешітінің Бас имамы Сабыржан Есмурзин «Ислам - ізгілік қоғамы» жылы аясында семинар ұйымдастырды. Оған өңірдегі бірқатар аудан және қала имамдары, жергілікті ақсақалдар мен жамағаттар қатысты.

Қазақстан мұсылмандары діни басқармасы бекіткен жылдық жоспар шеңберіндегі басқосуды Сабыржан Зейнелғабиденұлы ашып, «Дін қызметінің маңыздылығы» тақырыбында баяндама жасады. Ол дін саласы қызметкерлерінің ұстанатын этикасы мен негізгі міндеттеріне жан-жақты тоқталды.

Семинарда Қостанай қалалық «Марал ишан» мешітінің Бас имамы Бектұрсын Уәлиев «Дін мен дәстүр сабақтастығы», облыстық «Аймағамбет қажы Спанұлы» мешітінің ұстазы Нұрлан Сейдағалиев «Елге қызмет – өзіңе қызмет», облыс орталығындағы «Жайлаубай ата» мешітінің найб имамы Бақберсін Ізбасаров «Тәңіршілдік дін емес, адасушылық» тақырыптарын сөз етті.

Жиын соңында қатысушылар имам-ұстаздарға сауалдарын қойып, нақты жауап алды. Ақсақалдар бата берді. Осындай өзекті мәселелерді арқау еткен кездесу жұртшылықтың көңілінен шықты.

Қостанай облыстық мешітінің баспасөз қызметі

Тобыл қаласындағы "Маңдай батыр"және Рудный шаһарындағы "Нұр" мешіттерінің Бас имамдары Дархан Манарбекұлы мен Сабыржан Зейнелғабиденұлы Қостанай ауданына қарасты Надеждин ауылдық округінде болды.

Олар жергілікті ақпараттық насихат тобының аясында Воскресенов елді-мекеніндегі мектеп мұғалімдерімен "Деструктивті діни ағымдардың зиянды әсері" тақырыбында әңгіме өрбітті.

Жүздесу қазақ және орыс тілдерінде жүргізілді. Ұстаздар қозғалған мәселеге байланысты көкейде жүрген сауалдарын қойып, тиянақты жауап алды.

Қостанай облыстық мешітінің баспасөз қызметі

Вторник, 05 Декабрь 2023 12:38

Қостанай: Талапты жетер мұратқа

Қостанай қалалық "Жайлаубай ата" мешітінде дәріс беретін Әлібек қаридың шәкірттерінің арасында мәнерлеп оқудан жарыс өтті.

Оған қатысушылар тиянақты дайындықпен келгендіктерін көрсетті. Сайыстың қорытындысы бойынша бірінші орынды Салтанат намазхан, екінші орынды Марат есімді бауырымыз, үшінші орынды ізденімпаз ақсақал Мұстафа қажы иеленді.

Бұл жарысты ұйымдастырудағы негізгі мақсат – шәкірттердің білімдерін шыңдау. Олар «Талапты жетер мұратқа» демекші, алдағы уақытта өздерін жан-жақты танытып, биік белестерді бағындыра береді деген үміттеміз.

Қостанай облыстық мешітінің баспасөз қызметі

Понедельник, 04 Декабрь 2023 09:30

Лисаков: Тәртіп сақшыларымен кездесу

Таяуда Лисаков қалалық полиция басқармасының бастығы Қазыбек Бисембаевтың ұйытқы болуымен тағылымы мол кездесу ұйымдастырылды.

Жиында Қостанай аудандық «Маңдай батыр» және Денисов аудандық «Жұма» мешіттерінің Бас имамдары Дархан Сыздықов пен Азамат Мурзакановтар қазақ-орыс тілдерінде «Жат ағымның белгілері және қоршаған ортаға зияны» жөнінде ақпарат берді.

Қатысушылар дін қайраткерлеріне өздерін толғандырған сауалдарын қойып, нақты жауап алд

Қостанай облыстық мешітінің баспасөз қызметі

Понедельник, 04 Декабрь 2023 09:27

Денисов: Жаңа имам іске кірісті

Денисов аудандық «Жұма» мешітінің бас имам қызметіне Еркебұлан Жаңбырбайұлы Қошан тағайындалды.

Еркебұлан Қошан өз саласын жетік меңгерген білікті маман. Өткен жылдары алдымен Жамбыл облысы Қарғалы ауданында дайындық курсын тәмәмдады. Содан кейін Шымкент қаласындағы «Қазақ-араб» (Отырар) университетінде тарихшы, дінтанушы мамандығын игерді. Бертін Алматы облысы, Қарасай ауданы Шамалған медресесінде ұстаз, уақыт өте Қостанай қалалық «Жайлаубай ата» мешітінің азаншы болды. Ол 2018 жылдан бастап Меңдіқара аудандық «Зұлқарнайұлы Мұса қажы» мешітіне басшылық етті.

Ал, аталған «Жұма» мешітінде осы кезге дейін Бас имам болған Азамат Серікбайұлы Мурзаканов найб имамдың қызметке бекітілді. Ол еліміздегі «Нұр-Мүбарак» Египет ислам мәдениеті университетінің түлегі. Соңғы жылдарға дейін өңірдегі бірқатар аудандардағы мешіттерде жауапты қызмет атқарды.

Қостанай облыстық мешітінің баспасөз қызметі

Понедельник, 04 Декабрь 2023 09:23

Жітіқарадағы «Әуезді азан» сайысы

Жітіқара аудандық «Ержан Тәтішев» мешітінде Қасиетті жұма күнінің қарсаңында жамағат арасында "Әуезді азан" сайысы өтті. Онда 10 адам бақтарын сынады.

Аталған жарысқа жергілікті мешіттің бас имамы Айбек Қабиев, найб имам Саидаббос Мираманов және Қостанай облыстық «Аймағанбет қажы Спанұлы» мешітінің наиб имамы Тимур Туребаев, Лисаков қалалық «Әбдіхаим Саламатұлы» мешітінің бас имамы Әкімбек Асанов әділқазылық етті.

Бұл сайыстың негізгі мақсаты - мешіт жамағатының діни білімге, Мұхаммед Пайғамбарымыздың сүннетіне деген ықыласын арттыру. Жиналған жұртшылық осындай танымдық-тағылымдық шараны өткізуге мұрындық болған Айбек Аманқосұлына ризашылықтарын білдірді.

Облыстық «Аймағанбет қажы Спанұлы» мешітінің найб имамы Тимур Құрманғазыұлы сөз алып, мұндай тәлімі мол сайыстар жамағаттың шеберлігін шыңдайтындығына айрықша тоқталды.

Жарыстың қорытындысы бойынша І орынды Ербол Сарбеков (30 000 теңге), ІІ орынды Ербол Абибуллаев ( 20000 теңге), ІІІ орынды Батыржан Әлмұхамбетов (10000 теңге) иеленді. Барлық қатысушыларға арнайы сертификат тапсырылды.

Қостанай облыстық мешітінің баспасөз қызметі

Жуырда Лисаков қалалық әкімдігі ішкі саясат бөлімінің бастамасымен жергілікті кітапханада маңызды жиын өткізілді. Оған Қостанай облыстық «Аймағанбет қажы Спанұлы» мешітінің найб имам Әлішер Балахмет және шаһардағы «Әбдіхаим Саламатұлы» мешітінің Бас имамы Әкімбек Асанов арнайы шақырылды.

Осынау кездесу барысында қазіргі таңдағы жұртшылықты толғандыратын өзекті мәселе «Жат ағымның зияны және оның қоғамға тигізер зардабы» жайлы мәлімет келтірілді.

Қатысушылар дін қайраткерлеріне көкейде жүрген сұрақтарын қойып, тұшымды жауап алды.

Қостанай облыстық мешітінің баспасөз қызметі

Дәл осындай тақырыпта Ұзынкөл аудандық «Құрман баба» мешітінде тәрбиелік мәні зор жиын өтті. Оның атауы да көп жайдан хабар беріп тұрғандай.

Онда сол өңірдегі шаңырақтың иесі болып отырған ер азаматтар арнайы шақырылды. Игі шарада «Әке мектебі – отбасы тірегі» деген маңызды мәселе бойынша уағыз-насихат айтылды.

Басқосуда қатысқан жанұя басшыларының сауалдарына нақты жауап берілді. Осындай пайдалы кешті ұйымдастырушыларға азаматтардың алғыстары шексіз.

Қостанай облыстық мешітінің баспасөз қызметі

Page 41 of 376

Ғибратнама

барлық мақалалар

Медиа

барлық басылымдар
Сайт құрастырушысы — Иником