Қостанай облысының Бас имамы Бахытбек қажы Тәжімбет кезекті іс-сапарында Бейімбет Майлин ауданында болып, бірқатар ұжымдарда әсерлі кездесулер өткізді.

Соның бірі – аудандық мәдениет және тілдерді дамыту бөлімінің орталықтандырылған кітапханасында ұйымдастырылды. Оған С.Ерғалиев атындағы қазақ орта мектебінің мұғалімдері мен жоғары сынып оқушылары қатысты.

Мұндағы әңгімеге «Білім алу және кітап оқудың артықшылығы» тақырыбы арқау болды. Басқосуда адам баласына тиянақты білім алып, қалаған мамандықты игеру ерекше маңызды екендігі айтылды.

Дініміз де барша жұрттың ой-өрісі кең, білікті де білімді азамат болуларын қолдайды. Сондықтан құнды кітап ғұмыр бойы рухани азық болып қалатындығы тілге тиек етілді.

Бахытбек қажы Нұрғабылұлының тереңнен толғаған нақты пікірлері қатысушыларға үлкен ой салды. Соның жарқын айғағы ретінде мектеп басшысы оған оқушылардың атынан шынайы алғысын білдірді.

Қостанай облыстық мешітінің баспасөз қызметі

Сабыржан Есмурзин басқаратын Рудный қалалық «Нұр» мешітінің ұжымы салауатты өмір салтына да ерекше көңіл бөледі. Осы сөзіміздің нақты айғағы ретінде Қостанай өңіріндегі мектеп жасындағы мешіт шәкірттері арасында футболдан ойын ұйымдастырды.

Бұл жарысқа облыстық «Аймағанбет қажы Спанұлы», Қостанай қаласындағы «Марал ишан», «Жайлаубай ата», Лисаков шаһарынан «Әбдіхайым Саламатұлы» және жергілікті «Нұр» мешіттерінің командалары қатысты.

Әділқазылардың шешімі бойынша І орынды «Әбдіхайым Саламатұлы», ІІ орынды «Жайлаубай ата», ІІІ орынды «Нұр» мешіттерінің шәкірттері иеленді.

Жеңімпаздарға мақтау грамоталары мен ақшалай сыйлықтар табыс етілді. Спорттық іс-шара соңында қатысушыларға «Ықылас» дәмханасында дастархан жайылды. Онда ұстаздар тағылымы мол уағыз-насихат айттты.

Қостанай облыстық мешітінің баспасөз қызметі

Қостанай облыстық «Аймағанбет қажы Спанұлы» мешітінің найб имамы Тимур Туребаев Лисаков қалалық "Әбдіхаим Саламатұлы" мешітінде «Қажының рухани келбеті» атты тақырыбында семинар өткізіп, қажылыққа барудың мән- мағынасын түсіндірді.

Кездесу барысында мешіт жамағатына «Tawap travel» қажылық фирмасының сенімді екенін ерекше атады. Семинар соңында мешіт жамағаты имам Тимур Құрманғазыұлына мағыналы да маңызды насихаты үшін шынайы алғысын жеткізді.

Қостанай облыстық мешітінің баспасөз қызметі

Биыл Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бағдарламалық баяндамасында «Ислам және дәстүр құндылықтары» жылы болып бекітілді.

Осыған орай Лисаков шаһарындағы «Әбдіхаим Саламатұлы» мешіті ұжымы арнайы семинар ұйымдастырды. Онда Қостанай облысының Бас имамы Бахытбек Тәжімбет сөз алып, аталған қалалық мәдениет және тілдерді дамыту бөлімінің қызметкерлеріне ҚМДБ жариялаған жыл жөнінде жан-жақты тоқталды.

Сондай-ақ, ислам діні қазақтың ежелден келе жатқан дәстүрімен біте қайнасқандығын айта келіп, үлкенді-кішілі қауымның оған айрықша аударулары қажеттігін тілге тиек етті.

Жиын соңында қатысушылар Бахытбек Нұрғабылұлына ой саларлық әңгімесі үшін ризашылықтарын білдірді.

Қостанай облыстық мешітінің баспасөз қызметі

Ұзынкөл аудандық «Құрман баба» мешітінің Бас имамы Есенкелді қажы Сақтағанұлы аудандық қорғаныс істері жөніндегі бөлімнің қызметкерлерімен кездесті.

Онда «Ислам және дәстүр құндылықтары» және «Жастарды жат ағымдардан қалай сақтаймыз?» деген маңызды тақырыптар әңгімеге арқау болды. Кездесу барысында Ислам мен дәстүрдің бір-бірімен тығыз байланыстылығы тілге тиек етілді.

Сондай-ақ, жастарды жат ағымдардың арбауына түсіп қалмауынан сақтандыру, оларды нағыз ұлтжанды әрі патриоттық рухта тәрбиелеу жайы да айтылды.

Бас имам қатысушылардың тарапынан қаралған мәселелерге қатысты барлық сауалдарға нақты жауап берді.

Қостанай облыстық мешітінің баспасөз қызметі

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы үстіміздегі жылды "Ислам және дәстүр құндылықтары" жылы деп жариялады. Бұл жөнінде оның бағдарламалық баяндамасында жан-жақты айтылды.

Қазір осы бағдарламаны басшылыққа алған дін қайраткерлері өңіріміздің бірқатар жерлерінде болып, түсінік жұмыстарын жүргізуде. Мәселен, Қостанай облыстық "Аймағанбет қажы Спанұлы" мешітінің наиб имамы Тимур Туребаев Жітіқара аудандық "Ержан Тәтішев" мешітінің жамағаттарымен кездесіп, "Ислам және дәстүр" түсінігі аясында діни ағартушылық тақырыпта семинар өткізді.

Ол дәстүріміздің түп тамыры Ислам дінімен тығыз байланысты екендігіне бірнеше нақты мысалдар келтірді. Көпшілікті толғандырып жүрген өзекті мәселелерге де кеңінен тоқталды.

Қостанай облыстық мешітінің баспасөз қызметі

Қостанай облысының Бас имамы Бахытбек Тәжімбет кезекті іс-сапары кезінде Денисов ауданында да болды. Ол әкімдікке қарасты қызметкерлермен кездесті.

Бас имам үстіміздегі жыл «Ислам және дәстүр құндылықтары» деп жариялағанына кеңірек тоқталды. Асыл дініміздің баға жетпес құндылықтары ұлттық дәстүрімізбен тығыз байланыстылығын, жастарды ұлтжандылыққа, Отанын сүюге тәрбиелеу баршаның міндеті екендігін айтты.

Ол жиналған жұртшылық тарапынан қозғалған тақырыпқа орай қойылған сауалдарға нақты жауап берді. Жиын соңында аудан әкімінің бірінші орынбасары Айгүл Бектемісова әкім және барша ұжымның атынан шексіз алғысын білдірді.

Қостанай облыстық мешітінің баспасөз қызметі

Қостанай облысының Бас имамы Бахытбек Тәжімбет іс сапар барысында өңіріміздің шалғайда жатқан Жітіқара ауданына атбасын бұрып, жергілікті ағайындардың хал-жағдайларымен танысты.

Ол ҚМДБ-ның Зекет және қайрымдылық қорының "Ел үлесі - пәтерге" жобасы аясында баспанаға мұқтаж болып отырған отбасыға 720-шы үйдің кілтін табыс етті. Шексіз қуанышқа бөленген Наутанов Азамат Мурзабекович атты азамат Бахытбек Нұрғабылұлына ризашылығын білдірді.

Қостанай облыстық мешітінің баспасөз қызметі

Қазақ халқы «Қарты бар елдің қазынасы бар» деген аталы сөзді берік ұстанады. Қостанай облысының Бас имамы Бахытбек қажы Тәжімбет Қамысты ауданындағы сапар барысында өңірімізге танымал тұлға, жергілікті абыз ақсақал Сейітбек Есенбаевтың шаңырағына арнайы атбасын бұрды. Оның хал- жағдайын біліп, сәлем берді. Онымен жанында өзге де әріптестері бірге жүрді.

Өмірдің талай белестерінен өткен ардақты ағамыз Сейітбек Бендекұлы қазір 84 жаста. Ол 1939 жылы 1 наурызда жоғарыда аталған ауданның Красногор ауылында дүниеге келген. Кезінде ел ардақтысы аудан әкімінің орынбасары, әкім лауазымын да уақытша атқарған.

Басқа да жауапты қызметтерде болды. Осы уақытқа дейін ардагерлер кеңесін басқарды. Талай азаматтарға шапағатын тигізіп, кейінгі жастарды тәрбиеледі. Көпті көрген ақсақалға Бахытбек қажы Нұрғабылұы бастаған имамдар қарияның деніне шипа тілеп, отбасына ізгі тілегін білдірді.

Дін қайраткерлерінің кішіпейілдігіне тәнті болған ағамыз қуанышын жасырмай алғысын жаудырды.

Қостанай облыстық мешітінің баспасөз қызметі

Дерт меңдеп, дауа іздегенде алдымен дәрігерлердің көмегіне жүгінетініміз ақиқат. Сондықтан да "Жақсының жақсылығын айт, нұры тасысын" демекші, осынау ақ халатты абзал жандардың атына қанша жылы лебіз білдірсек те артық болмайды.

Қостанай облыстық "Аймағанбет қажы Спанұлы" мешітінің найб имамы Тимур Туребаев Денисов селосында болғанда аудандық аурухана дәрігерлерімен жүздесті.

Кездесу барысында медицина қызметкерлерінің халықтың денсаулығын сақтау мен оларды емдеуде сіңіріп жатқан орасан зор еңбектеріне тоқталып, алдағы уақытта да жұртшылыққа аянбай қызмет ете беретіндіктеріне тілектестігін білдірді. Жиын соңында аурухана басшылары имам Тимур Құрманғазыұлына әсерлі де маңызды әңгімесі үшін шынайы алғысын жеткізді.

Қостанай облыстық мешітінің баспасөз қызметі