Қазақстан мұсылмандары діни басқармасы Қостанай облысы бойынша өкілдігінің «Жастар ісі секторы» және «Зекет қайырымдылық қоры» қызметтерінің басты мақсаты - көмекке мұқтаж жандарға қайырымдылық көрсету.

 Биыл қар қалың жауып, аяз күшейді. Осы орайда өкілдік жанындағы «Жастар ісі секторы» меңгерушісі Әлішер Ертайұлы және ерікті жамағат тарапынан Қазбек Нұрғабылұлы мешіт ауласында жұмыс істеген қызметкерлерге түскі ас таратты.

Бұл іс шара «Қайырымды жұма» деп аталып, дәстүрге айналды. Қостанай облысының Бас имамы Бахытбек Нұрғабылұлы Тәжімбет осынау игілікті бастама өңірдің барлық аудандары мен қалаларында жалғасын табатындығын айтты.

Қостанай облыстық мешітінің баспасөз қызметі

Жаратушы Иеміз бізге Құранды мұра ретінде түсіріп, оны жаттау арқылы сақтауды, оқып ой жүгіртуді және соған сай амал етуімізді бұйырды. Бұған қатысты Алла Тағала былай дейді:

ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَاۖ فَمِنْهُمْ ظَالِمٌ لِّنَفْسِهِ وَمِنْهُم مُّقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّـهِۚ ذَٰلِكَ هُوَ الْفَضْلُ الْكَبِيرُ

«(Пайғамбардан кейін) осынау Кітапты пенделеріміз арасынан Өзіміз таңдап алған құлдарымызға (оны көздің қарашығындай сақтасын, оны басшылыққа алсын һәм өзгелерге де үйретсін деп) асыл мұра етіп қалдырдық. Алайда олардың арасында (осынау ұлы міндетті лайықты түрде атқармай, күнәға белшесінен батып) өз-өздеріне зұлымдық жасаушылар бар; олардың ішінде (оны бірде басшылыққа алса, бірде алмай) екі ортада дел-сал болып жүргендер де бар; сондай-ақ олардың арасында Алланың қалауымен қайырлы істерде алдына жан салмайтын ізгі жандар да бар. Міне, (Алланың) ең үлкен шарапаты осы (яғни, Алланың қалауымен пайғамбарға лайықты түрде мұрагер болу)»[1].

Адам жаттаған сүрелерді немесе аяттарды ұмытып қалмау үшін әрдайым Құранды қайталау арқылы онымен үнемі байланыста болуы керек. Себебі, Құран үнемі оқылып және қайталанып тұрмаса, тез ұмытылады.

Абдулла ибн Масғуд (р.а) риуаят еткен хадисте Алла елшісі (оған Алланың салауаты мен сәлемі болсын) былай деген:

 بِئْسَمَا لأَحَدِهِمْ يَقُولُ نَسِيتُ آيَةَ كَيْتَ وَكَيْتَ بَلْ هُوَ نُسِّيَ ، اسْتَذْكِرُوا الْقُرْآنَ ، فَلَهُوَ أَشَدُّ تَفَصِّيًا مِنْ صُدُورِ الرِّجَالِ مِنَ النَّعَمِ بِعُقُلِهَا .

«Олардың бірі: «Қалай да солай аятты ұмыттым»,-деп айтуы, неткен жаман нәрсе! Бәлки ол ұмыттырылды! Құранды естеріңде сақтаңдар. Себебі Құран, адамдардың көкірегінен сытылып кетуге, тұсаулы тұрған малдан да жылдам»[2].

Бұл мәселеге қатысты «Әл-Фәтәуа әл-Хиндия» кітабында былай делінген: «Құранды жатқа оқығаннан қарағанда, мұсхафтан оқыған абзалырақ. Егер бір кісі Құранды (бірнеше сүре не аят) жаттап, кейін ұмытып қалса, онда ол күнәһар болады. «Ұмытып қалса» дегені Құранды тіпті мұсхафтан қарап та оқи алмау деп түсіндіріледі»[3].  

Қорыта айтқанда, кімде-кім жаттаған Құранын (бірнеше сүре не аятты) Кітаптан қарап оқи алмайтындай деңгейде ұмытып қалса күнәһар болады. Ал мусхапқа қарап оқи алатындай дәрежеде болса күнәһар болмайды.

Дұрысын бір Алла ғана білуші!

Дархан Манарбекұлы

Қостанай облысының пәтуаға жауапты маманы

[1]«Фатыр» сүресі, 32-аят.

[2]Бұхари,№4744, Муслим, №790.

[3]Әл-Фәтәуа әл-Хиндия, 5/391.

Әлемді жайлаған індет Жітіқара аудандық «Ержан Тәтішев» атындағы  мешіт қызметкерлеріне де оңай соқпады. Соған қарамастан олар өздерінің міндеттеріне аса жауапкершілікпен қарады. Барлық іс-шараларға белсене атсалысып, халықтың алғысына бөленді.

Жуырда мешітте болған басқосуда бас имам қызметкерлерге алда тұрған жұмыстар жайлы баяндады. Діни қызметкердің сөйлеу әдебі, киім үлгісіне де кеңінен тоқталды.

Сондай-ақ, ол карантин кезінде уақытпен санаспай еңбек еткен әріптестеріне шынайы алғысын білдіріп, қаржылай көмек көрсетті.

Қостанай облыстық мешітінің баспасөз қызметі