Арқалық қалалық «Мухтасиб Әлмұхаммед» мешітінің сауат ашу курсы өз жұмысын аяқтап, елу шәкірт тәлім алды.

Өткен жылдың 10 қазаны мен үстіміздегі жылдың 10 мамыры аралығында шәкірттерге «Фиқһ», «Құран», «Тәжуид» пәндерінен дәрістержүргізіліп, тағылымы мол уағыз-насихаттар айтылды.

Онда шәкірттер білім алумен шектеліп қана қойған жоқ. Олар мешітте өткізілген қоғамдықжұмыстарға белсене араласып, жасы келген қарт кісілердің үй шаруаларына көмектесті.

Жоғарыда аталған мешіт ұстазы Арлан Бауыржанұлының айтуына қарағанда, биылғы оқу жылында 50 шәкірт тиянақты білім алды.

Енді олар алдағы уақытта ел игілігі үшін аянбай қызмет атқаратын болады. Оларға тек қана сәттілік тілейміз!

Жуырда Қостанай қалалық «Жайлаубай ата» мешітінің найб имамы Нұрлан Сейдағалиевтің ұйымдастыруымен «Қош келдің, Рамазан!» атты Мұхаммед пайғамбарымыздың 40 хадисін жатқа оқудан шәкірттер арасында сайыс өткізілді.

Бұл шәкірттерге берері мол байқау Бас имам Шоқан қажы Әмірхановтың сөзімен басталды.

Жарысқа Қостанай облыстық мешітінен - 4, Рудный қаласының «Нұр» мешітінен - 4, Қостанай ауданының «Маңдай батыр» мешітінен - 2 және «Жайлаубай ата» мешітінен 5 талапкер қатысып, бақтарын сынады.

Сайыс негізінен 3 бөлімнен тұрды. Онда шәкірттер тест сұрақтарына жауап берді, хадисті жатқа айтып, жазды.

Жарыс болған жерде жеңімпаз болары да белгілі. Барлық сынақтан сүрінбей өтіп, топ жарған Қостанай облыстық «Аймағанбет қажы Спанұлы» мешітінің шәкірті Рамазан Маханбет жүлделі орынды жеңіп алды. Ал екінші орынға Қостанай қалалық «Жайлаубай ата» мешітінің шәкірті Айбек Ормаров иеленді.

Сонымен қатар, жүлделі қос үшінші орындарды облыстық мешіттің шәкіртері Бекжан Сақыбеков пен Абылай Хайруллалар өзара бөлісті.

Жеңімпаздар арнайы мақтау қағаздарымен және ақшалай сыйлықтармен марапатталды.

Жітіқара аудандық «Ержан Тәтішев» мешітінің бас имамы М.Қапарұлы аудандық ішкі саясат бөлімінің басшысы С.Актаеваменбірге Приречное ауылының мал шаруашылығы саласындағымамандарменқазіргі таңдағы аса өзекті жат ағымдардың алдын алу жөнінде әңгіме өткізді.

Бас имам өз сөзінде: «Қазіргі уақытты жат пиғылды діни ағымдар белсенді жұмыс жасап отыр. Қоғамда біз діни имммунитет қалыптастыруымыз керек, сондай ақ діни сауатты ҚМДБ бекіткен діни мамандардан алуымыз керек» деді.

Осындай маңызды кездесу Львов ауылының тұрғындарымен жалғасын тапты. Дәстүрлі Ислам дінінің құндылықтары және деструктивті діни ағымдардың қауіптілігі жайында айтылды.

Тұрғындар тарапынан қойылған діни тақырыптағы сауалдарға тұшымды жауап берілді. Жиналған қауым осындай аса қажетті игі іс шараларды ұйымдастырған аудандық ішкі саясат бөлімінің басшысы С.Актаеваға шынайы алғыстарын білдірді.

Мұндай қос кездесу көпшілікке үлкен ой салды. Жүздесулердің жақсы әсер қалдырғандығы анық.

Арқалық шаһарында да қасиетті Рамазан айы биылда өз деңгейінде атқарылып жатыр. Ерекше атап өтер жайт, ол ораза ұстауға ниет білдірушілер саны жыл өткен сайын арта түсуде. Оның айқын дәлелі – мешітте ине шаншар орынның болмауы.

Жылдағы қалыптасқан дәстүр бойынша жиналған жамағатты мешіттің имамы Бектұрсын Торғайбайұлы Рамазан айымен шын жүректен құттықтап, ораза мен тарауиқ намазы жайлы кеңінен мағлұмат берді.

Жұртшылықты ай бойы мешіт жамағатын қасиетті Құран аяттарына ұйытып, тарауих намаздарына имамдық ететін, яғни сонау Түркия елінен келген қаримен таныстырды. Ол Адана қаласынан келген 42 жастағы Уахап Ажджыоғлу бауырымыз.

Жалпы, Арқалық қаласы 2013 жылдан бастап, Рамазан айына арнайы қари алдырып келе жатқандығын айтып өткеніміз жөн. Қала халқы бұл үрдіске әбден үйренген.

Рамазанның алғашқы күнгі ауызашар рәсімін мешіт ұжымы өздері бастап берді. Онда мұндай іс-шараның сауабы орасан зор екендігі айтылды. Келесі күні-ақ бұл ауызашар рәсімі одан әрі жалғасын тауып, қала әкімі Э.Қонысбайұлының атынан арнайы дастарқан жайылып, намазхан қауымды Рамазан айымен құттықтады.

Қасиетті Рамазан айындағы ең үлкен сауап ол қайырымдылық жасау. Міне осы орайда ҚМДБ тапсырмасы аясында Денисов аудандық «Жұма» мешітінің ұжымы «Жақсылықта жарысайық» атты қайырымдылық шарасын өткізді.

Осы орайда мешітке өтініш білдірген көп балалы аналар, асыраушысынан айырылған жалғызбасты жандар, мүгедектер және тағы басқа күнкөрісі төмен 10 жанұяға «Жұма» мешітінің бас имамы Болатжан Байшевтің ұйымдастыруы, демеуші азаматтардың қолдауымен «Рамазан сыйы» қажетті азық-түлік пакеті үлестірілді. Онда ұн, күріш, май, қант, макарон, шекер секілді күнделікті аса қажетті тағамдар салынған.

Оқырмандардың естеріне сала кетер бір жай, құлшылық ордасындағы қайырымдылық шаралары Ораза басталған күні «Мұқтаждың мұңын бөліс!» атты акциясы аясында басталып, 10 отбасыға қайырымдылық көмек көрсетілген еді.

Бас имам «Жақсылыққа жарысайық» атты қайырымдылық акциясы Рамазан айы бойы жалғасатындығын және қайырымды да жомарт жандардың аталған шараға белсене атсалысуыға шақыратынын көпшілікке жеткізді.

Қостанай өңіріндегі дін саласында қызмет атқарып жатқан бірқатар қызметкерлер үстіміздегі жылғы Рамазан айының алғашқы күні, яғни қасиетті Ораза басталғанда үлкен қуанышқа кенелді.

Облыстық мешіттің ауызашарға арналған басқосуында Қазақстан мұсылмандары діни басқармасының Қостанай облысындағы өкіл имамы Бахытбек Нұрғабылұлы Тәжімбет жиналған қауымның алдында наиб имам Абзал Сұлтанғалиұлына қызметтік пәтердің кілтін салтанатты түрде табыстады.

Сол секілді қалалық «Жайлаубай ата» мешітінде де жас маман Нұрлан Жұмабекұлы да үйлі болып, шаттыққа бөленді. Бұл оларға Рамазан айында көрсетілген үлкен құрметтің нақты көрінісі еді.

Сондай-ақ облыстың бас имамы есімі республикамызға кеңінен танымал, белгілі журналист-жазушы, дін саласын жазып жүрген қаламгер Оразалы Жақсановты зейет жасына толуымен құттықтады. Ежелден келе жатқан қазақы дәстүріміз бойынша оның иығына зерлі шапан жапты. Алдағы уақытта да оған мықты денсаулық, шығармашылық табыс тіледі.

Міне, облысымызда Ораза айы осындай қуаныштармен басталғанын ерекше атап өткеніміз жөн.

Сонымен, көптен күткен қасиетті Рамазан айы да келді! Қостанайлықтар биыл да Ораза ұстауға тиянақты дайындалғандығын байқатты. Өкіл имам Бахытбек Нұрғабылұлы оның алдында оған әзірлік барысын әбден пысықтаған болатын.

Ал облыс басшысы Архимед Мұхамбетов өзінің Ислам дініне ерекше құрметпен қарайтын азамат екендігін жылда дәлелдеп келеді.

Ол басшылық тізгінін алған кезде пайдалануға берілген облыстық мешіт бұл күндері нағыз имандылық ордасына айналған. Рамазан айының алғашқы күні Архимед Бегежанұлы «Әкім бол, халқыңа жақын бол» деген қағиданы берік ұстанған жан екендігін танытты.

Мешіттің жанында 580 адамға жайылған дастарханда ауызашар беріп, көпшіліктің алғысына бөленді. Өмір көрген қарттарымыз ақ батасын беріп, оған ұзақ ғұмыр, аса жауапты қызметінде табыс тіледі.

Өңірдегі басқа да мешіттерде өткен кезеңдердегідей ауызашар беру дәстүрге айналды.

Біз сөз соңында барлық Ораза ұстаған бауырларымызға тек ізгілік, отбасында ырыс-береке тілейміз!

Алда келе жатқан Рамазан айы аса қасиетті болып табылады. Оған да санаулы күндер қалды. Қазір өңіріміздің барлық аудандары мен қалаларында оған дайындықтар жасалып жатқаны белгілі.

Мәселен, Қостанай шаһарындағы «Жайлаубай ата» мешітінде осы қасиетті айға әзірліктер жасалуда. Оған орыс тілінде де дайындықтар жасалды. Әрбір жексенбі күндері арнайы басқосулар өткізілді.

Мысалы, сол дәрістер барысында Оразаны қалай ұстауға болады, оның адам денсаулығы мен ағзасына пайдасы жөнінде жан-жақты айтылды.

Мысалы, сол дәрістер барысында Оразаны қалай ұстауға болады, оның адам денсаулығы мен ағзасына пайдасы жөнінде жан-жақты айтылды.

Қостанай қалалық «Жайлаубай ата» мешітінің наиб имамы Дүйсен Дайыр Жастар істері бойынша атқаратын іс-шаралар жоспарына сәйкес, А.Байтұрсынов атындағы ҚМУ аграрлық-биологиялық факультетінің студенттері арасында «Табиғатты аялайық» тақырыбы аясында кездесу өткізді.

Басқосу барысында асыл дініміздің ұстанымында қоршаған ортаны, бау-бақшаны күтіп-баптау, жан-жануарға, жалпы Аллаһ тағаланың жаратылыстарына мейіріммен қарау, бергеніне шүкірлік ету, Ұлы шебердің туындыларына құрмет көрсету міндет болып саналатындығы жайлы сөз қозғалды.

Жалпы, «Жайлаубай ата» мешітінде жастарға танымдық-тағылымдық жағынан берері мол мұндай жүздесулер жиі ұйымдастырылады. Оған жоғарыда аталған басқосу жарқын айғақ болады.

Ислам діні - тазалық діні екендігі белгілі. Пайғамбарымыздың хадисінде: «Тазалық - иманның жартысы» деп айтылған. Осы хадиске амал еткен Жітіқара аудандық «Ержан Тәтішев» мешітінің жамағаты мешіт ауласын кысқы коқыстан тазартып, көктемнің шуақты күндерін тиімді пайдалану мақсатында мешіт ауласын тазартып, тәртіпке келтірді.

Алдағы уақытта қопарылған топыраққа гүлдер отырғызылатын болады.Жамағат ұйымшылдық танытып, мешіт ауласының тазаруына өздерінің айтарлықтай үлесін қосты.

Сенбіліктен кейін барлық қатысушыларға мешіт асханасында дастархан жайылды. Онда мешіттің бас имамы Мейіржан Қапарұлы көпшілікке насихат айтып, жамағатқа шын жүректен шыққан алғысын білдірді.

Жақында ауданда кейінгілерге өнеге боларлықтай ерекше жүздесу болып өтті. Осындағы «Жітіқара ауданың мүгедектер достастығы» ұйымы мүгедектікке шалдыққан кісілердің «Ержан Тәтішев» мешітінде зиярат ету рәсімін өткізді.

Мешіттің наиб имамы Руслан Маратұлы оларға киелі орында атқарылып жатқан жұмыстар жөнінде мәлімет берді.Қонақтарға мешітті аралатып,дұға жасады.Сабырлық, сынақ хақында насихат айтты.

Сондай-ақ, келген қонақтар мешіт кітапханасында болып, дін, діл, тіл турасында пікір алмасты.