Қазіргі таңдағы орталық әуел баста Оңтүстік Қазақстан облыстық Әділет басқармасына «Ықылас» жастар қоғамдық бірлестігі болып тіркелді. Шымкет қаласында 1997-ші жылдан бастап қызмет көрсетіп келеді. 2000 жылдан 2012 желтоқсан айына дейін ОҚО «Дар аль-Арқам» атындағы Құран Кәрім оқып үйрену орталығы болып жүздеген қарилар шығарды. Кәзіргі таңда сол шәкірттер Республиканың барлық қалаларында имам, наиб имам, медресе, мектептерде ұстаз және басқада салаларда қызмет атқарып жүр.

«Дар аль-Арқам» Құран Кәрім оқып үйрену орталығы 2010 жыл жаз мезгілінен бастап жаңа ғимаратқа ауысты. Әр жылы жаз айында жазғы сауат ашу курсы, ал жыл бойы мектеп, колледж, университет оқушыларын тәрбиелейді, және қабылеті бар балдарды Қарилыққа дайындайды.

Орталығымыз 2013 жылғы көктемнен бастап ҚМДБ-ның қарамағына «Ықылас Қарилар Дайындау Орталығы» болып тіркелді.

Орталық барлық техникалық базамен яғни: 3 сынып, 4 жатақхана, 100 кісілік асхана, компютер бөлмесі, кітапхана және актовый залмен қамтамасыз етілген.

Қарилар орталығына түскісі келетін үміткерлерге қойылар талаптар:
1. Облыс, аудан имамының ұсынысы (мінездеме түрінде)
2. Директор атына жазылған өтініш
3. Жеке куәлігі (көшірмесі)
4. Жалпы білім туралы атестат (түп нұсқасы) немесе Диплом (түп нұсқасы)
5. Өмірбаяны (талапкердің өз қолымен жазылуы тиіс)
6. № 086 у. Мед. Анықтама (прививочная карта)
7. Псих деспансерден анықтама (түп нұсқасы)
8. Наркологиялық диспансерден анықтама (түп нұсқасы)
9. Сотталмағандығы туралы анықтама ЦПС (түп нұсқасы)
10. Әскеру шақыру учаскесінен тіркеу туралы куәлік
11. Фото 3х4 (6 дана)
12. Тұрғылықты жерден анықтама
13. Скорошиватель
14. Конверт
15. Талапкердің жасы 25-тен аспауы тиіс

Қазақстандағы жоғары білімді имамдар, исламтанушылар дайындайтын бірегей оқу орны. Сондай-ақ ол заман талабына лайық дінтанушылар, араб тілі мен әдебиетінің оқытушыларын, аудармашылар, аймақтанушылар да даярлайды. Оқу орнын салу 1993 жылы Қазақстан Республикасының Президенті Н.Назарбаевтың Египетке сапары кезінде – екі мемлекет президенттерінің кездесуінде келісілген. Ол үшін Алматыдан 6 гектар жер бөлінді. 1993 жылы 16 маусымда Н.Назарбаев пен Египет Араб Республикасы Уақыфтар министрі Мұхаммед әл-Махжубтың университет қалашығының ірге тасын қалау рәсімі өтті. Екі ел басшыларының қолдауымен дүниеге келгендіктен оқу орны Нұр Мүбарак Египет ислам мәдениеті университеті деп аталды. Әйтсе де бірінші кезеңі біткенімен есігіне құлып салынып, біраз жыл тұрып қалды.

2000 жылы Қазақстан мұсылмандарының III құрылтайы қарсаңында Елбасы Нұрсұлтан Әбішұлы Назарбаев шейх Әбсаттар қажы Дербісәліні қабылдады. Қабылдауда ол республикамызда дін мамандарын дайындау қажеттігін алға тарта отырып, университет құрылысының 1-ші кезеңі біткенін, соған байланысты Нұр Мүбарак Египет ислам мәдениеті университетін ҚМДБ-ға беруге көмектесу туралы өтінішін жеткізді. Президент өтінішті түсіністікпен қабылдап, Мысырға арнаулы үкімет делегациясын жіберді. Келіссөз нәтижесінде Мысыр елі университетті діни басқармаға беруге және университет құрылысының 2-ші кезеңін де салуға келісім берді.

Сөйтіп «Нұр-Мүбарак Египет ислам мәдениеті университеті – Египет Араб Республикасы мен Қазақстан Республикасының үкіметтері арасындағы келісімге сай ашылды. Келісім ҚР Парламентінде ратификацияланып, 2003 жылдың 2 шілдесінде Президент Н.Ә. Назарбаевтың №460-11 ҚРЗ өкімімен бекітілген соң Заңды күшіне енді.

Келісімді Египет Араб Республикасының алдынғы президенті Мұхаммед Хұсни Мүбарак та 2003 жылы өзінің №215 бұйрығымен бекітті.

Оқу орнына ҚР Білім және ғылым министрлігінің лицензиясы берілген. Мемлекеттік аттестаттаудан өткен.

Университет Алматы қаласындағы әл-Фараби даңғылы бойында орналасқан. Онда зәулім мешіт, мәжіліс залы, дәрісханалар, компьютер, лингофон кабинеттері, бай кітап қоры бар кітапхана жұмыс істейді. Қалашықта келешекте бірнеше оқу корпустары, жатақханалар, спорт кешенін салу жоспарлануда. Білім ордасында республикамыздың белгілі профессор-оқытушыларымен қатар, Египеттің де көрнекті ғалымдары, білікті исламтанушы, араб филологиясының мамандары дәріс береді.

Екі мемлекеттің үкіметаралық келісіміне сәйкес құрылған Қамқоршылар алқасы шешімімен университет жарғысы бекітіліп, 2001 жылдың 1 қыркүйегінен сабақты бастау туралы шешім қабылданды.

Оқу орны ҚР-ның заңдары, екі ел үкіметтерінің университетке байланысты келісімі және өз жарғысы негізінде жұмыс істейді.

Оған жалпы басшылық ету мен қызметін үйлестіретін Қамқоршылар кеңесінің құзіретіне қаржы мәселесін шешу, мәдени, білім беру жүйесі саясатын қалыптастыру кіреді.

Нұр-Мүбарак Египет ислам мәдениеті университеті – жаңа оқу жылына грант және ақылы бөлімдерге талапкерлерді шақырады.

Бакалавриат деңгейі бойынша исламтану, дінтану және шетел тілі: екі шетел тілі мамандықтары бойынша мемлекеттік білім гранты және ақылы негізде білім береді.

Университет – жоғары білімді исламтану, дінтану, шетел тілі (ағылшын- араб) мамандарын көп сатылы жүйеде: бакалавр, магистратура, PhD докторантура бойынша даярлайтын еліміздегі бірегей оқу ордасы. Биылдан бастап исламтану мамандығында бакалавриат бойынша орыс бөлімі ашылмақ.

Университетте Египет пен Қазақстанның білікті доктор–профессорлары дәріс береді. Құран тілі – араб тіліне машықтану алғашқы курстан басталып, жоғары курстарда мысырлық ғалымдардың таза араб тілінде дәріс жүргізуі жолға қойылған.

Университет кешенінде заманауи технологиялық оқу жүйесімен жабдықталған зәулім оқу ғимараты, оқу орын іргесінде бүкіл қажеттіліктермен қамтамасыз етілген 610 орындық жаңа жатақхана, студенттерге тәжірибелік сабақтарды өткізетін мешіт және бай кітапхана, оқу залдары, асханасы бар.

Мамандықтар:

Бакалавриат ( мемлекеттік білім гранты және ақылы негізде)
«5В021500 – Исламтану» (ерлер және қыздар бөлімі/ қазақ және орыс бөлімі);
«5В020600 – Дінтану»;
«5В011900 – Шет тілі: екі шет тілі» : (араб, ағылшын тілдері); (ағылшын, араб тілдері).

Сырттай бөлім
«5В020600 – Дінтану» (Екінші жоғары білім)

Магистратура (мемлекеттік грант және ақылы негізде)
«6M021000 – Шетел филологиясы»;
«6М020600 – Дінтану»;
«6М021500 – Исламтану».

- Исламтану мамандығына түсуші талапкерлерден 20 маусым мен 1 шілде аралығында құжаттар қабылданып, 2-7 шілде аралығында Құран және Ақида-Фиқһ пәндері бойынша шығармашылық емтихан өткізіледі. Емтиханнан сәтті өткендер Қазақстан тарихы мен қазақ тілінен кешенді тестілеу емтихандарына жіберіледі. Ал орта мектептің биылғы түлектерінің ҰБТ нәтижесі есепке алынады. Олар кешенді тестке кірмейді.

- «5В020600 – Дінтану», «5В011900 – Шетел тілі: екі шетел тілі» мамандықтарына 20 маусым мен 9 шілде аралығында құжаттар қабылданып, 17-23 шілде аралығында кешенді тестілеу өткізіледі.

- Магистратура және Докторантура бөлімдеріне өтініштерді қабылдау 1 шілдеден басталады. Қабылдау емтихандары 1-20 тамыз аралығында өтеді.

Керекті құжаттар:
- Өтініш;
- Аттестат немесе диплом (түпнұсқа);
- 3х4 мөлшердегі 6 фотосурет;
- 086 – У үлгісіндегі медициналық анықтама + флюрография;
- 063 үлгідегі егілу туралы анықтама;
- Жеке куәлік көшірмесі.

Ескерту: 086-У мед.анықтамада талапкер суреті және сурет үстіне медициналық тексеруден өткен мекеменің мөрі болуы міндетті. Болмаған жағдайда құжат қабылданбайды.

Исламтану мамандығына түсушілер үшін:
- Тұрғылықты жерінің наркологиялық, психотерапиялық диспансерлерінен анықтама;
- Сотталмағандығы туралы анықтама.

Қабылдауға қатысты мәліметтерді мына байланыс жүйелері арқылы біле аласыз:
+7 727 302 09 43,
+7 727 302 09 34.

Сайт: www.nmu.kz, E-mail: This email address is being protected from spambots. You need JavaScript enabled to view it.

Біздің мекен-жайымыз:
Алматы қаласы, Әл-Фараби даңғылы 73.
Факс: +7 727 302 09 30.

ҚАЗАҚСТАН МҰСЫЛМАНДАРЫ
ДІНИ БАСҚАРМАСЫ

Тудың араб тіліндегі мағынасы бірнешеу. Ол жолаушылар адаспауы үшін жол бойына қадалған белгіге, тауға, киімдегі суретке, екі жер ортасын бөліп тұрған белгіге айтылады. Сол секілді осы сөз қайбір елдің рәмізі, белгісі деген мағынаны беретін туға да айтылады.

Халықтар өзінің ерекшелігін білдіру үшін туды Ислам дініне дейін де қолданған. Бізге жеткен хабарлардың айтуынша Алла елшісі (с.а.с) ту мен жалауды ұстаған. Хадис ғалымдары өз кітаптарында ту мен жалау жайындағы әңгіме үшін арнайы бап арнаған. Оны Әбу Даудтың хадистер кітабында және Сунану Тирмизиде, сунану Әл Бәйһақи келген.

Тирмизи мен Ибн Мәжә Ибн Аббастан жеткізген әңгімесінде: «Пайғамбардың (с.а.с) жалауы қара түсті, ал туы ақ түсті болатын,» - делінді. Ал Әбу Даудтың Сәммәктан, оның өз қауымынан болған бір кісіден жеткізген әңгімесінде пайғамбардың (с.а.с) жалауы сары түсті екенін көрдім» - делінді.

Тирмизидің Жәбирден жеткізген әңгімесінде: «Пайғамбар (с.а.с) Меккеге ақ түсті жалаумен кірді» - деді.

Ибн Хажар «Фатхул Бәриде»: «Пайғамбар (с.а.с) өзі қатысқан соғыстарында алып жүру үшін әр тайпаның көсеміне ту беретін,» - деді.

Жау соғыста ту немесе жалауды көтерген сарбазды басқалардан бұрын көздейтін, соны алдымен өлтіруге тырысатын. Ту көтеріліп тұрған сәт оның астына жиналғандарда ерлік пен қайрат жоғалмайтын. Ал қашан ол түсірілген сәт ол тудың иелерінде жеңіліс пен әлсіздік, төменшіктеу сезімінде болады. Сондықтан туды көтерген кісі өзінің жаны қиылып кетсе де, оны төменге түсіруді қаламайтын. Ол жанын бір мата үшін қимайды немесе жалау көтеріп, соның астында мерт болған адам туралы ол бір шүберекті көтеріп, оған тағзым етті деп айтылмайды. Керісінше оның өз елінің белгісі, оның қолына берген аманаты болғандығы үшін деп қаралуы керек.

Имам Бухаридың «Сахихында» келген әңгімеде Әнәс Ибн Мәлик айтты: «Пайғамбар (с.а.с): «Туды Зәйд алды. Ол ажал тапқан соң одан Жағфар алды. Ол мерт болған соң Абдулла Ибн Рауаха алды. Ол да ту астында мерт болды. (Осыны айтқанда пайғамбардың (с.а.с) екі көзінен жас ақты. Әнәс Ибн Мәликтің әңгімесі) Содан кейін туды ешкімнің әмірін күтпей-ақ Халид Ибн Уәлид алды. Сол тудың астында жау елін ашты,» - деді.

Ел туына белгілі бір әрекеттермен сәлем беру, оның жоғарыға көтерілгенінде: «Жасасын ел!» - деп дауыстап дұға ету - адамның «екінші табиғаты» деп аталатын әдеті. Бұл жайында Әр Рағиб Әл Әсфаһанидың «Әл Муфрадат» кітабында: «Әдет - адамның екінші табиғаты,» - делінеді.

Шариғат бойынша егер бір істің харамдығына дәлел келмесе, оның негізгі үкімі халал, мубах делініп қаралады. Алла Тағала: «Алла сендерге арам еткен нәрселерін ашық хабарлаған ғой» - дейді. Имам Тирмизидің Сәлмәннан жеткізген хабарында Алла елшісі (с.а.с): «Халал – Алланың кітабында халал еткені. Харам – Алланың кітабында харам еткені. Ал бір іс жайында ешнәрсе айтпаса, ол іс Алланың кешірім еткен істерінен,» - дейді.

Мұндай істер адамдардың өз отандарын сүйетіндіктерінен пайда болатын әдет. Сондықтан жалпы отандастардың ортақ бір ел азаматтары ретінде және ортақ мүдделілікте жасап жатқандарын көрсетулері деп қарау керек. Шариғат ережелерінде бұл секілді іс-әрекет бір істі білдіру үшін жасалатын тәсіл, жол деп саналады. Отанды сүю шариғаттың адамдардан талап ететін істерден екендігіне дәлел бар. Ендеше оған алып баратын және отан сүйгіштікті көрсететін халал болған қандай да бір жол, тәсіл шариғаттың талабы деп қаралады. Сондықтан отандықты, ортақтықты немесе құрмет етілуі міндет істерде көпке қосылмай, кейбір адамдардың орнынан тұрудан бас тартуы секілді әрекеттері олардың құрмет көрсетпеулерінің белгісі болады.

ҚМДБ-ның шариғат, пәтуа бөлімі