Аудандағы «Балықты» мешітінің ұйымдастыруымен №2 Ұзынкөл орта мектебінде «Армысың әз Наурыз!» деп аталатын фестивалі өткізілді.

Оған осы аталмыш мешіт демеушілік етті. Оның алдын ала дайындалған бағдарламасы да жиналған жұртшылықтың көңілінен шықты. Шараның салтанатты ашылуында бас имам Есенгелді қажы Сақтағанұлы сөз сөйлеп, қатысушыларға ең ізгі тілегін білдірді.

Онда көрмеге қазақтың ұлттық тағамдары қойылды. Спорттық ойындарға да айрықша назар аударылды. Мәселен, тоғызқұмалақ, арқан тарту, қазақ күресі, өгіз тартыс, алтын сақа ойындары жиналған қауымға үлкен әсер қалдырды.

Сондай-ақ, ойын-сауық алаңында ұйымдастырылған түрлі танымдық-тағылымдық шаралар да баршаның қызығушылығын тудырды.

Сонымен қатар, интеллектуалды жарыс та көпшілікке ұнады. Онда қатысушылар көкейлерінде жүрген ой-ұсыныстарын ортаға салды.

Фестивальдің қорытындысында театрландырылған ойын-сауық бағдарламасы аяқталған соң ерекше көзге түскендерге құрмет көрсетілді.

Ұлыстың Ұлы күнінде Арқалық қалалық «Мухтасиб Әлмұхаммед» мешітінің ауласында арнайы киіз үй тігіліп, «Дін-діңгегім, дәстүр-тірегім» атты «Наурыз мерекесі» ұйымдастырылды.

Мешіт ұжымы өткізгеніс-шарада көпшілік қауымға наурыз көжеден дәм таттырып, ұлттық мерекені сезіндіру мақсатында әлеуметтік жағынан аз қамтылғансегіз отбасына азық-түлік салынған қайырымдылық пакеттері үлестірілді.

Мешіт тарапынан ұйымдастырылатын шараларға белсене араласатын аузында Алласы, жүрегінде иманы бар ақ жаулықты аналар тойға шашу шашып, мерекелік дастархан жайды.

Мешіт имамы жиналған жамағатқа салт-дәстүр, ұлттық құндылық, дәстүріміздің дінмен астасуы жайында көңілге қонар насихат айтты.

Сондай-ақ мерекеде жергілікті ақын Батырлан арнау орындап, 8-ші сынып оқушысы Дінмұхамед иләһи әндер шырқап, халықтың қошеметіне бөленді.

Содан кейін мереке спорттық ойындармен жалғасын тапты. «Қол күрес, арқан тартыс, өгіз тартыс және дартс» секілді сайыстар өтіп, жүлде алғандарға «Жастарға арналған хадистер, көзді күнәдан тию»кітаптары сыйға берілді.Жеңімпаздарға ақшалай сыйлықтар табыс етілді.

Жыл сайынғы дәстүр бойынша Қарабалық ауданындағы зәулім «Ғашура Ана» мешітінде Ұлыстың ұлы күні – Наурыз мерекесі тойланды.

Серік Темірбекұлы бастаған мешіт ұжымы мен жамағаты төл мерекені қазақтың дәстүрлерін сақтай отырып, атап өтті. Жиналған қауымға «Бесікке салу», «Тұсау кесу» рәсімдері көрсетілді.

Тұсау кесу рәсімінде Серік қажы тұсау кесіп, ауыл ақсақалдары ақ батасын жаудырды. Аталмыш дәстүрлерден соң халыққа «Наурыз көже» таратылды. Қазақтың төл өнері насихатталып, домбырамен әуезді әндер мен ғибратты термелерді аудандық мәдениет үйінің қызметкері, мешіт жамағатының мүшесі – Әли Қаныбек нәшіне келтіріп шырқады.

Дін мен дәстүр сабақтасқан бұл іс-шарадан жиналған қауым ұмытылмас әсер алды.

22 наурыз күні сағат 15:00-ден бастап Қостанай облысының орталығындағы облыстық «Аймағанбет қажы Спанұлы» мешітінде ұлыстың Ұлы күні «Наурыз» мерекесі құрметіне 1000 адамға арнайы пісірілген «НАУРЫЗ КӨЖЕ» таратылады.

Сонымен қатар мешіт ауласында ұлттық ойындардан сайыс өтеді. Оған қала тұрғындары мен қонақтары қатыса алады. Мысалы, гір тасын көтеру, қол күрестіру, садақ ату, қой көтеру, арқан тарту секілді қара күшті көрсететін сайыстар өткізілді.

Осы күні жерлестеріміздің қайрымдылық жәрмеңкесіне қатысуға да мүмкіндігі бар. Мұнда сатылымға қойылған заттардан жиналған қаражат қайрымдылыққа жұмсалатын болады.

Құрметті Қостанай жұршылығы және қала қонақтары 2019 жылғы 22 наурызда сағат 15:00-де облыстық мешітке келіңіздер, көріңіздер, қатысыңыздар және «Наурыз» көжеден дәм татыңыздар.

Жуырда Қостанай облысының Төтенше жағдайлар департаментінің қызметкерлері Қостанай қалалық «Жайлаубай ата» мешітінің наиб имамы Нұрлан Сейдағалиевпен кездесті.

Осынау іс-шарада «Діни экстремизм, терроризм — бейбітшілік пен тұрақтылыққа төнген қауіп» деп аталатын өзекті тақырып қозғалып, онда осы жайлы әңгіме болды.

Онда Елбасының «Болашаққа бағдар: рухани жаңғыру» деп аталатын мақаласының барша қауым үшін аса құнды екендігі айтылды. Жұртшылықты жағымсыз ағымдардан сақ болу жайы да тілге тиек етілді.

Жүздесу екі жаққа да пайдалы болғаны даусыз. Мұндай басқосулар әрқашан да өзінің көтерілген тақырыптарының еліміз және халқымыз үшін аса қажеттілігімен де дараланады.

Қостнай облысының Денисов ауданында «Жастар» жылы аясында тәрбиелік мәні зор шаралар ұйымдастарылуда.

Мысалы, ұлттық ойынымыз болып табылатын тоғызқұмалақтан жарыс Наурыз мерекесі қарсаңында ойдағыдай өтті.

Аудан орталығындағы «Жұма» мешітінде ұйымдастырылған сайысқа алты ауылдың командасы қатысты.

Жарыс бар жерде жүлдегерлер де топ жаратындығы белгілі. Барлық командалар оған жан-жақты әзірлікпен келгендіктерін көрсетті.

Сайыстың қорытындысы бойынша Бас имам Болатжан Ғалымжанұлы қатысушыларға шынайы алғысын білдірді.

Жүлдегерлерге арнайы сыйлықтар тапсырылып, мақтау қағаздарымен марапатталды. Бірінші орынды Зааят ауылының, екінші орынды Аят ауылының, үшінші Фрунзе ауылының командалары иеленді.

Елімізде осы көнеден келе жатқан ұлттық ойындарымыз көнермей, қайта керісінше жылдан-жылға тиісті деңгейде насихатталып келеді. Осы жолғы жарыс – соның бір жарқын айғағы іспеттес.

Жақында Қостанай қалалық «Жайлаубай ата» мешітінде Қазақстан мұсылмандары діни басқармасы Жастар ісі секторының «Жастар және салауатты өмір салты» айлық жоспарына сәйкес, Наурыз мейрамы қарсаңында ата-бабамыздан бізге жеткен асыл қазынамыз – ұлттық спорт түрлерінен жарыс ұйымдастырылды.

Оған қатысушылар «Қол күрес», «Арқан тарту», «Гір тасын көтеру», «Асық ату» сияқты спорт түрлерінен бақ сынасты. Жиналған жұрттың арасынан мықтылар суырылып шығып, тамаша ойын үлгісін көрсетті.

Жеңімпаздар арнайы жүлделер мен ақшалай сыйлықтармен марапатталды.

Сонымен қатар, әр жұма сайын тұрақты түрде өткізіліп келе жатқан «Қайырымдылық жәрмеңкесі» халқымыздың ұлы мерекесі – Наурыз мейрамының құрметіне арналды.

Жәрмеңке аясында барша қонақтарға мешіт тарапынан қыстың қымызы «Құрт көже» үлестіріліп, мешіттің әйелдер жамағаты мен шәкірт қыз-келіншіктеріміз дайындаған түрлі тағамдар төмен бағамен сатылса, 600 адам Фаттах қажы дәмі тіл үйіретін палауынан дәм татты.

Сондай-ақ, жәрмеңкеге жеке кәсіпкерлер де тауарлар қатарын өз өнімдерімен, діни әшекей заттармен, киім-кешектермен толықтырды.

Мешіт алдындағы киіз үйде Жанат Орқашбаев дастархан жайып, шын көңілімен жиналған қауымға шай берсе, Айсұлу Құрманбекқызы 300 бөлке нанды тегін таратты.

«Ұлттық қолөнер-тәрбие көзі» - демекші, жастарымызға қолөнердің қыр-сырымен, жасалу әдіс-тәсілімен «Назарбаев Зияткерлік мектебі» таныстырды. Осынау «Қолөнер» үйірме жетекшісі Айдын Диханбаев өз ойымен бөлісті.

Жуырда Лисаков қалалық «Әбдіхаим Саламатұлы» мешітінде көктемгі алғашқы мереке, алғыс айту күнімен және халықаралық әйелдер күнінің қарсаңында, ғұмырының саналы уақытын мешітке қызмет етуге арнаған Қымбат Қалиқызына арнайы сый-құрмет көрсетілді.

Айта кетсек Досмухамбетова Қымбат Қалиқызы 1996 жылы Лисаков қалалық мешітіне есепші болып жұмысқа орналасқан. Ол кезде қазақ саны 5% дан аспайтын уақытта мешіт ұстап тұрудын өзі қандай қиын екендігі айтпасада белгілі.

Қиындыққа толы бірнеше жылдар өтіп, Лисаков қаласының мұсылмандар санаты көбейіп, қала тұрғындарының ықпалымен, сол кезде ел басқарып отырған азаматтардын демеуімен, мешіт басқарып отырған Рахым Серік имамның зор еңбегінің арқасында «Быткомбинат» ғимараты мешітке берілді.

Араға тағыда біраз уақыт салып Лисаков қаласында заманауи үлгіде, жаңа мешіт салынып 2018 жылдың 2 қыркүйегінде пайдаланысқа беріледі. Осынау уақыттың барлық қиыншылығына төзіп, 23 жыл бойы Қымбат Қалиқызы мешітте еңбек етіп келе жатыр.

Биылғы жылы көктемнің алғашқы мерекелерінде Лисаков қалалық «Әбдіхаим Саламатұлы» мешітінің бас имамы алғысын білдіріп арнайы алғыс хатпен марапаттады.

Үстіміздегі жастар жылы Жітіқара аудандық «Ержан Тәтішев» мешітінде де тиісті деңгейде аталып өтіп, кейінгілерге үлгі-өнеге боларлықтай іс-шаралар жүзеге асырылуда.

Мысалға аталған мешіт қызметкерлері аптасына екі рет аудандық «Пионер» спорт кешініде футболдан жарыс ұйымдастырып келеді.

Біздің қазақ «Жаны саудың - тәні сау» деген сөзді босқа айтпайды. Бұл орайда жастардың тарапынан да ерекше белсенділік байқалады. Футболдан мұндай жарыстар өткізудің де өзіндік тәрбиелік мәні зор.

-Спортпен айналысқан адамның көңіл күйі жоғары болады. Сондай-ақ өзін әрқашан да сергек сезінеді. Сондай-ақ ұлттар арасындағы достық пен бірлікті нығайтуға да өзінің септігін тигізеді,-дейді аудандық мешіттің имамы М. Бердығожин.

Өңіріміздегі мешіттерде мұндай салауатты өмір салтын ұстануға деген ықыластың арта түсуі баршамызды да ерекше қуанышқа бөлейді.