Жақында Арқалық қаласы бойынша зират тазалығы күні өткізілді. Бұл іс-шара алдын-ала шаһар халқына арнайы телеарна арқылы хабарланып, түсіндірме-насихат жұмыстары жүргізілді. Оған қала халқы үшін мешіт жанынан арнайы үш автобус бөлінді.

Рамазан айында ұйымдастырылған сауапты да игі шараға қала жұртшылығы қолдау білдіріп, белсене атсалысты. Таңертеңнен бастап жергілікті азаматтар зиратқа жиналып, ұйымшылдық танытты. Әсіресе, жастар, мешіт шәкірттері аталмыш істе ерекше көзге түсті.

Жиналған қауымға мешіттің бас имамы Б.Торғайбайұлы жалпы Исламның тазалықты қолдайтын дін екендігін, сондықтан әрбір мұсылман тазылық мәселесіне айрықша назар аударулары қажет екендігін айтты.

Мешіт ұжымының игілікті істері көпшілік тарапынан зор қолдау тапты. Зираттағы сенбілік ойдағыдай өтіп, жиналған қоқыстар арнайы көліктермен сыртқа шығарылды.

Аталмыш шара қалаға қарасты Восточный, Фурманов, Сарыөзен сияқты өзге ауылдарда да жалғасын тапты.

Жітіқара жұртшылығы биылғы қасиетті Рамазан айын ерекше қуанышпен қарсы алды. Әрине, оған тыңғылықты әзірліктер жасалды. Күнделікті екінді намазынан кейін мешітте Құран хатым оқылады.

Аудандық мешіт қызметкерлері жамағатқа тұрақты дәріс оқып, уағыз- насихат айтуды дәстүрге айналдырған.Үстіміздегі жылғы Оразаның алғашқы күндері аудандық әкімдік пен мешіт жамағаты бірге ауыз ашар берді.

Қазіргі таңда мешіт асханасында күн сайын ұйымдастырылатын ауызашарға шамамен 250 адам қатысады. Тарауық намазынан кейін қала бойынша тегін автобус бөлінгендіктен жұртшылықты үйлеріне тасымалдайды.

Үстіміздегі жылғы қасиетті Рамазан айы Қостанай өңірінде де ұйымшылдықпен өтіп жатыр. Әу баста облыстық мешітте басталған ауызашар беру дәстүрі барлық имандылық ордаларында жалғасын тауып жатқаны өте қуанышты.

Олардың арасында қалталы азаматтар да, үлкенді-кішілі қауым да бар. Жуырда Ұзынкөл аудандық «Балықты» мешітінде кешегі қанды майданды бастан кешкен 96 жастағы абыз ақсақал Әнуар Жүсіпов әулетінің атынан ауызашар берді.

Үлкенді сыйлап өскен ұрпақ емеспіз бе? Қазақстан мұсылмандары діни басқармасының Қостанай облысындағы өкіл имамы Бахытбек қажы Тәжімбет қызметке кіріскен уақыттан бері халықтың бел ортасында жүріп, олардың өмірдегі қуаныштарына да ортақтасуды өзінің парызы санайды.

Белгілі дін қайраткері аталмыш Ұлы Отан соғысы ардагерінің жерлестеріне жайған берекелі дастарқанына арнайы шақыру бойынша қатысып, өзінің көпшіл жан екендігін танытты.

Әрине, Рамазан айы болған соң өзінің ізгі тілегін де білдіріп, баршаға ырыс-береке, молшылық тіледі.

Осы «Балықты» мешітінің бас имамы Есенгелді қажы Әжімахантегінің айтуына қарағанда, бас имамның жауапты қызметіне қарамастан уақыт тауып өздеріне келуі үлкенге деген нағыз құрметтің үлгісі болды. Онда өнерлі азаматтар өсиетке толы термелерін орындап, жиналғандарға рухани азық сыйлады.

Арқалық қалалық «Мухтасиб Әлмұхаммед» мешітінің сауат ашу курсы өз жұмысын аяқтап, елу шәкірт тәлім алды.

Өткен жылдың 10 қазаны мен үстіміздегі жылдың 10 мамыры аралығында шәкірттерге «Фиқһ», «Құран», «Тәжуид» пәндерінен дәрістержүргізіліп, тағылымы мол уағыз-насихаттар айтылды.

Онда шәкірттер білім алумен шектеліп қана қойған жоқ. Олар мешітте өткізілген қоғамдықжұмыстарға белсене араласып, жасы келген қарт кісілердің үй шаруаларына көмектесті.

Жоғарыда аталған мешіт ұстазы Арлан Бауыржанұлының айтуына қарағанда, биылғы оқу жылында 50 шәкірт тиянақты білім алды.

Енді олар алдағы уақытта ел игілігі үшін аянбай қызмет атқаратын болады. Оларға тек қана сәттілік тілейміз!

Жуырда Қостанай қалалық «Жайлаубай ата» мешітінің найб имамы Нұрлан Сейдағалиевтің ұйымдастыруымен «Қош келдің, Рамазан!» атты Мұхаммед пайғамбарымыздың 40 хадисін жатқа оқудан шәкірттер арасында сайыс өткізілді.

Бұл шәкірттерге берері мол байқау Бас имам Шоқан қажы Әмірхановтың сөзімен басталды.

Жарысқа Қостанай облыстық мешітінен - 4, Рудный қаласының «Нұр» мешітінен - 4, Қостанай ауданының «Маңдай батыр» мешітінен - 2 және «Жайлаубай ата» мешітінен 5 талапкер қатысып, бақтарын сынады.

Сайыс негізінен 3 бөлімнен тұрды. Онда шәкірттер тест сұрақтарына жауап берді, хадисті жатқа айтып, жазды.

Жарыс болған жерде жеңімпаз болары да белгілі. Барлық сынақтан сүрінбей өтіп, топ жарған Қостанай облыстық «Аймағанбет қажы Спанұлы» мешітінің шәкірті Рамазан Маханбет жүлделі орынды жеңіп алды. Ал екінші орынға Қостанай қалалық «Жайлаубай ата» мешітінің шәкірті Айбек Ормаров иеленді.

Сонымен қатар, жүлделі қос үшінші орындарды облыстық мешіттің шәкіртері Бекжан Сақыбеков пен Абылай Хайруллалар өзара бөлісті.

Жеңімпаздар арнайы мақтау қағаздарымен және ақшалай сыйлықтармен марапатталды.

Жітіқара аудандық «Ержан Тәтішев» мешітінің бас имамы М.Қапарұлы аудандық ішкі саясат бөлімінің басшысы С.Актаеваменбірге Приречное ауылының мал шаруашылығы саласындағымамандарменқазіргі таңдағы аса өзекті жат ағымдардың алдын алу жөнінде әңгіме өткізді.

Бас имам өз сөзінде: «Қазіргі уақытты жат пиғылды діни ағымдар белсенді жұмыс жасап отыр. Қоғамда біз діни имммунитет қалыптастыруымыз керек, сондай ақ діни сауатты ҚМДБ бекіткен діни мамандардан алуымыз керек» деді.

Осындай маңызды кездесу Львов ауылының тұрғындарымен жалғасын тапты. Дәстүрлі Ислам дінінің құндылықтары және деструктивті діни ағымдардың қауіптілігі жайында айтылды.

Тұрғындар тарапынан қойылған діни тақырыптағы сауалдарға тұшымды жауап берілді. Жиналған қауым осындай аса қажетті игі іс шараларды ұйымдастырған аудандық ішкі саясат бөлімінің басшысы С.Актаеваға шынайы алғыстарын білдірді.

Мұндай қос кездесу көпшілікке үлкен ой салды. Жүздесулердің жақсы әсер қалдырғандығы анық.

Арқалық шаһарында да қасиетті Рамазан айы биылда өз деңгейінде атқарылып жатыр. Ерекше атап өтер жайт, ол ораза ұстауға ниет білдірушілер саны жыл өткен сайын арта түсуде. Оның айқын дәлелі – мешітте ине шаншар орынның болмауы.

Жылдағы қалыптасқан дәстүр бойынша жиналған жамағатты мешіттің имамы Бектұрсын Торғайбайұлы Рамазан айымен шын жүректен құттықтап, ораза мен тарауиқ намазы жайлы кеңінен мағлұмат берді.

Жұртшылықты ай бойы мешіт жамағатын қасиетті Құран аяттарына ұйытып, тарауих намаздарына имамдық ететін, яғни сонау Түркия елінен келген қаримен таныстырды. Ол Адана қаласынан келген 42 жастағы Уахап Ажджыоғлу бауырымыз.

Жалпы, Арқалық қаласы 2013 жылдан бастап, Рамазан айына арнайы қари алдырып келе жатқандығын айтып өткеніміз жөн. Қала халқы бұл үрдіске әбден үйренген.

Рамазанның алғашқы күнгі ауызашар рәсімін мешіт ұжымы өздері бастап берді. Онда мұндай іс-шараның сауабы орасан зор екендігі айтылды. Келесі күні-ақ бұл ауызашар рәсімі одан әрі жалғасын тауып, қала әкімі Э.Қонысбайұлының атынан арнайы дастарқан жайылып, намазхан қауымды Рамазан айымен құттықтады.

Қасиетті Рамазан айындағы ең үлкен сауап ол қайырымдылық жасау. Міне осы орайда ҚМДБ тапсырмасы аясында Денисов аудандық «Жұма» мешітінің ұжымы «Жақсылықта жарысайық» атты қайырымдылық шарасын өткізді.

Осы орайда мешітке өтініш білдірген көп балалы аналар, асыраушысынан айырылған жалғызбасты жандар, мүгедектер және тағы басқа күнкөрісі төмен 10 жанұяға «Жұма» мешітінің бас имамы Болатжан Байшевтің ұйымдастыруы, демеуші азаматтардың қолдауымен «Рамазан сыйы» қажетті азық-түлік пакеті үлестірілді. Онда ұн, күріш, май, қант, макарон, шекер секілді күнделікті аса қажетті тағамдар салынған.

Оқырмандардың естеріне сала кетер бір жай, құлшылық ордасындағы қайырымдылық шаралары Ораза басталған күні «Мұқтаждың мұңын бөліс!» атты акциясы аясында басталып, 10 отбасыға қайырымдылық көмек көрсетілген еді.

Бас имам «Жақсылыққа жарысайық» атты қайырымдылық акциясы Рамазан айы бойы жалғасатындығын және қайырымды да жомарт жандардың аталған шараға белсене атсалысуыға шақыратынын көпшілікке жеткізді.

Бейсекеев Абзал Сұлтанғалиұлы 1987 жылы 19 шілдеде, Қостанай облысы Амангелді ауданында дүниеге келген.

1993-1998 жылдар аралығында Амангелді ауданындағы «А. Иманов» орта мектебінде оқыған.

1998-2002 жылдар аралығында Қостанай облысы, Арқалық қаласындағы №06 «А. Құнанбаев» орта мектебінде оқыған.

2002-2004 жылдар аралығында Қостанай облысы, Арқалық қаласындағы «Кейкі батыр» №04 орта мектебінде білімді тәмәмдаған.

2006-2012 жылдар аралығында Қостанай облысы, Арқалық қалалық Арқалық қалалық педагогикалық институтында, «Экономика және құқық негіздері» бойынша сырттай мамандығын тәмәмдаған.

2008-2011 жылдары аралығында Астана қаласы «Астана медресесінде» оқыған.

2011-2014 жылдары аралығында Алматы қаласы «Нұр мүбәрәк Египет Ислам мәдениеті» университетінде «Исламтану» факультетін тәмәмдаған.

2014-2016 жылдары аралығында Қостанай облысы, Рудный қалалық «Нұр» мешітінің найб имам қызметін атқарған.

2016 жылы Алматы қаласы «Нұр мүбәрәк» университетіндегі «Діни экстремизм мен терроризмнің алдын алу» бойынша 10 күндік курсын оқыған.

2016-2017 жылдары аралығында Қостанай облысы Федоров ауданындағы, Федоров аудандық «Жиентай қажы» мешітінің Бас имамы қызметін атқарған.

2017-2019 жылдар аралығында, Қостанай облысы, Қостанай ауданының «Маңдай батыр» мешітінің найб имамы қызметін атқарған.

2017 жылы күзінде Алматы қаласы «Нұр мүбарак» университетінде «Діни экстремизм мен терроризмге қарсы алдын алу» байланысты 2 айлық курсын тәмәмдаған.

2018 жылы Астана қаласы, Астана қалалық «Имамдарды кәсіби қайта даярлау және біліктілігін көтеру республикалық орталығында» 25 күндік курсын бітірген.

2019 жылы 16 қаңтарынан бастап Қостанай облысы «Марал ишан» мешітінің найб имам қызметін атқаруда.

Қостанай облыстық «Аймағанбет қажы Спанұлы» мешітінің наиб имамы

Туребаев Тимур Курманказыевич 1992 жылы 16-шы Тамызда Өзбекстан Республикасы, Алишер Навоий облысы, Үшқұдық қаласында дүниеге келген.

1999-2004 жылдары аралығында «Үшқұдық» қаласында орта мектебінде оқыған.

2004-2009 жылдары Қостанай облысы, Рудный қаласының қазақ орта мектебінде оқыды.

2009-2011 жылдары Рудный қаласындағы 15-ші кәсіптік лицейін «Жиһаз жинаушы» мамандығын оқып тәмәмдаған.

2010-2011 жылдары Рудный қаласында орналасқан «Рудный индустриалдық институтында» «Эксковаторшы» курсын тәмамдаған.

2011-2014 жылдары «Астана» медресесінің «исламтану» факультетін тәмамдаған.

2014-2017 жылдары «Алматы» қаласындағы «Нұр-Мүбарак Египет Ислам мәдениеті университетінің» «Исламтану» факультетіне оқып, қызыл дипломмен үздікке бітірген.

2017 жылдың мамыр айынан бастап, Қостанай облыстық «Марал ишан» мешітінде наиб имамдық қызметін атқаруда.