Миләди
ХижриСұрағы:
Әссәләмуалайкум ! Мен қосымша ораза ұстайын деп едім. Бірақ, аузымды бекітіп және ашуға болатын дұрыс уақытын білмеймін. Әдетте рамазан айында ол туралы мәліметті мешіттен алатынмын. Сізден ол бойынша көмек беруіңізді сұраймын. Сол уақытты дұрыс ажырата білуді үйретіңізші?Жауап:
Уаалайкум ассалам! Алла Тағала ұстағалы отқан оразаңызды қабыл еткей! Кез-келген оразаны ұстағысы келген кісі, ауыз бекітерде сәресі уақытында ішілетін асты сол күнгі таң намазының уақытына бір не бір жарым сағат бұрын (әркім өзінің ас-су қабылдау ұзақтығының әдетіне қарай) ішіп-жеп, кейін міндетті түрде таң намазына 10 минут қалған уақытта ішіп-жемді тоқтатып, ауыз бекітеді. Ал ауызды, сол күнгі ақшам намазының уақыты кірісімен ашады. Өз өңіріңізге қатысты намаз уақыттарын Қазақстан мұсылмандары діни басқармасына қарасты кез-келген діни сайттардан алуға болады. Мысалы: muftyat.kz, muslim.kz, akmechet.kz және т.б.
