Жауап:

Уаъалайкум ассалам!

1 .Қостанай облыстық «Марал ишан» мешітінде неке қию үшін алдымен алдын-ала бірнеше апта не бірнеше күн бұрын кеңсе бөлмесіне келіп, неке қидыруға ниет білдіріп отырғандарыңызды және қай күні өткізілетінін ескертіп, нақтылап арнайы тіркеу кітапшасына жазыласыздар. Өздеріңізбен болашақ жұбайыңыздың және өзіңіздің жеке куәліктеріңіздің көшірмесін алып келіп, неке бланкын үлгіге қарап толтырасыздар. Сонымен қатар некелеріңізге куәгер болатын екі ер немесе бір ер екі әйел кісіні тағайындап аты-жөндерін куәлік бойынша нақтылап біліп алыңыздар. Жалпы неке рәсімін өткізу тегін, бірақ сіздерге естелік ретінде берілетін неке куәлігі ақылы, құны 5000 теңге.

2. Бірінші әйеліңізбен ресми ажырассаңыз, екінші некеге еш кедергісі жоқ. Алайда шариғат бойынша ажырасу талақ сөзін бірінші әйеліңізге үш мәрте айтыңыз. Осылайша шариғат бойынша бірінші әйеліңізбен ажырасқан боласыз.

3. Егер алайын деп жатқан қыздың әке-шешесі сіздердің үйленіп жатқандарыңызға қарсылықтары болмаса, онда ресми тіркеуден бұрын мешітте неке қиюға болады. Алайда қазіргі уақытта кейбір жастар қыз баланың әке-шешесінің рұқсатынсыз үйленіп жатқан жәйттар көбейіп кеткен соң, мешітте неке қиюға келушілерден АХАЖ (ЗАГС) құжатын сұратады.

Сұрағыңызға рахмет!