Миләди
Хижри
Жақында, Меңдіқара ауданының орталығында сол өңірдегі мұсылман ағайындардың есте қаларлықтай ерекше бас қосу болып өтті. Осы жиын діни рухани мәселелерге арналды. Сол күні Боровское поселкесіндегі «Юбилейный» мәдениет үйінде көпшілік қауым арнайы дайындалған концертті тамашалады.
Жиналған жұртшылық алдында ауданның әкімі В.Ионенко сөз сөйлеп баршаға алдағы уақытта да отбасында бақыт, ел игілігі жолындағы жұмыстарында толағай табыс тіледі.
Осынау кеште облыстық «Марал ишан» мешітінің наиб имамы Дархан қажы Сыздықов Меңдіқара ауданының құрметті азаматтары С.Бұқанов, О.Таңжарыков, С.Тишпаев, Ө.Қошановтарға жергілікті мешітке көрсеткен демеушіліктері үшін арнайы грамоталарды салтанатты түрде тапсырды.
Кеш соңында көпшілік қауымға аудан орталығындағы «Жұлдыз» мейрамханасында дастархан жайылып, ас берілді.
ҚМДБ-ның Қостанай облысы бойынша
өкілдігінің баспасөз қызметі
