Мемлекет басшысы Нұрсұлтан Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына Жолдауы барша жұртшылықтың тарапынан қолдау тапты. Еліміз үшін маңызды болған бұл құжатта, діни экстремизмнің алдын алу жөнінде жан-жақты айтылған.

Жақында Қостанай қалалық мешітінде «Ислам дінінде терроризм мен экстремизмге жол жоқ» атты дөңгелек үстел ұйымдастырылды. Осынау жиынның жоғары деңгейде өтуіне аталған мешіт ұжымы мен «Лев Толстой» атындағы облыстық кітапханасының қызметкерлері жан-жақты дайындық жасады.

Осы жиынға арнайы шақырылған Қостанай облысы әкімдігінің дін істері жөніндегі басқармасының бас маманы Нұрсұлтан Әбішев, Л. Толстой атындағы облыстық әмбебап ғылыми кітапханасының кітапханашысы Алмас Мұратбеков, Қостанай мемлекеттік педагогикалық институтының аға оқытушысы, саяси ғылымдар магистрі Төлеу Паниязұлы және Қостанай қалалық мешітінің найб имамы Дүйсен Дайыр қозғалып отырған өзекті тақырып жөнінде өздерінің ой-пікірлерін ортаға салды.

Кеште бас қосқан Қостанай қаласындағы педагогикалық және индустриальдық колледжінің студенттері белсенділік танытты. Олар көкейде жүрген сауалдарын қойып, тақырыпты ашықтай түсті.

Жиында Ислам дінінде терроризм мен экстремизмге мүлдем жол жоқ екендігі қасиетті Құран аяттары мен хадистерден келтілгені айтылды. Ал жастарыдың теріс ағымдардан аулақ болу үшін олардың діни сауаттарын көтеру бағытында алдағы уақытта жұмыстар атқарыла беретіндігі де сөз болды.

Сондай-ақ жұртшылықтың назарына терроризммен күрес туралы, қоғамға жат дін өкілдерінің әрекеттері жөнінде бейне ролик көрсетіліп, кітап көрмесі ұйымдастырылды. Кеш соңында бас имам Шоқан қажы Ғазизұлы келген қонақтар мен жиналған студенттерге шынайы алғысын білдірді.

ҚМДБ-ның Қостанай облысы өкілдігінің баспасөз қызметі

Қостанай облысының шалғайда жатқан Науырзым ауданында да өзгелерге өнеге боларлық игі істер жүзеге асырылып, көпшілік тарапынан қолдау табуда.

Осы арада сөзіміз жалаң болмас үшін нақты мысалдарға жүгіне кетелік. Жақында аудандағы ақпараттық - насихаттық тобының мүшелері бірқатар игі шараларды жүзеге асырды.

Мәселен, аудандық Түркебай мешітінің Бас имамы Н. Сыздықов, аудандық әкімдіктің ішкі саясат бөлімінің әдіскері Д. Тасанова және Жастар ресурстық орталығының директоры Г. Ерболұлы осы өңірдегі Өленді ауылының орта мектебінде болды.

Жұртшылық алдында беделді азаматтар білім ордасында «Иманды ұрпақ-жарқын болашақ» деп аталатын тақырыпта кездесу өткізді. Оған мектеп ұстаздары мен оқушылары, жас мамандар қатысты.

Мұндағы тұңғыш рет ұйымдастырылып отырған Мәуліт мерекесі де тиісті деңгейде өткізілді. Онда ауданның бас имамы Нұрлан қажы Сейілханұлы сөз сөйлеп, барлық жиналған қауымға аталмыш басқосудың мәні мен мақсатын түсіндіріп, жерлестеріне ізгілік пен молшылық тіледі.

ҚМДБ Қостанай облысы бойынша
өкілдігінің баспасөз қызметі

Қостанай облысы бойынша өкілділігінің әйелдер-қыздар секторы Қазақстан мұсылмандары діни басқармасының ерекше бастамасы негізінде спорттың волейбол және шахмат түрінен намазхан әйелдер мен қыздар арасында жарысқа 4 командадан 24 адам қатысты. Қорытындысы бойынша жүлделі бірінші орынды «Фатима» тобы, екінші орынды «Қызғалдақ» және үшінші орынды «Фердаус» тобы иеленді.

Ал шахматтан өткен жарыста бірінші орынды Әсем Найзабекова, екінші орынды Гүлжихан Есенжолова, үшінші орынды Сәуле Дүйсеке иеленді.

Жалпы аталмыш сайыстарға аруларымыздың жан-жақты дайындықпен келгендігін көрсетті. Жеңімпаздарға Алғыс хаттар мен бағалы сыйлықтар табысталды.

Сонымен қатар әйелдер-қыздар секторының Қостанай облысы бойынша өкілі Аяулым Ермекқызы бастаған арулар қалалық №2 емханада болды. Онда қаралып жүрген аналардың хал-жағдайын біліп және қызмет көрсетуші ақ халатты абзал жандарға гүл шоқтарын табыс етті.

Соынмен бірге әлеуметтік жағдайы төмен, көп балалы отбасыларға қайырымдылық ретінде азық-түлік таратылды.

Сауат мен уағыз-насихат жұмысы да жанданып, жүрегі нәзік шәкірттер қатары көбеюде.

Міне, өңіріміздің әйелдер-қыздар секторы жұмысы барысында, әйел адамға қандай құрмет көрсетілсе де артық еместігі көрсетілуде.

ҚМДБ Қостанай облысы бойынша
өкілдігінің баспасөз қызметі

Жуырда Қостанай облысы Арқалық қалалық «Мухтасиб Әлмұхаммед» мешітінің ұжымы аталған шаһардағы өңірлік ауруханада болып, сырқат жандардың хал-жағдайларын білді.

Дана халқымызда: «Аурудың емі – саудың сәлемі» деген қасиетті сөз бар. Шындығында да тәнін дерт шалып, қиналып жатқан адамның көңілін сұрап бару – оларға үлкен демеу, рухани көмек болатындығы белгілі.

Мұны жете түсінген аталмыш мешіттің қызметкерлері мен дәріс алушы шәкірттер науқас жандардың көңілін сұрап, олардың құлан-таза айығып оралуларына тілектес екендіктерін жеткізді.

Мешіттің бас имамы Бектұрсын Торғайбайұлы терапия, хирургия бөлімшелеріне арнайы кіріп, емделіп жатқан жандарға ең ізгі лебізін білдірді.

Сонымен қатар ол сырқат кісілерге имандылыққа шақырар уағыз-насихат сөздерін де білдіріп, оларға өзі басқарып отырған мешіт атынан «Мұсылман сипаты», «Әдептілік» туралы тағылымы мол кітапшаларды және арнайы алынған тәттілерді табыс етті.

Аурухана дәрігерлері мен емделіп жатқан үлкенді-кішілі қауым имандылық жолында жүрген мешіт қызметкерлеріне шын жүректен шыққан ризашылықтары мен алғыстарын білдірді.

ҚМДБ Қостанай облысы бойынша
өкілдігінің баспасөз қызметі

Жақында Қостанай облысының Науырызым аудандық ақпараттық - насихаттық тобының мүшелері – «Түркебай» мешітінің бас имамы Н.Сыздықов, аудандық әкімдіктің ішкі саясат бөлімінің басшысы Б.Сұлтанова, әдіскер Д.Тасанова және Жастар ресурстық орталығының психологы Ә.Шалдыбаева аудандағы Жамбыл орта мектебінде «Иманды ұрпақ – жарқын болашақ» деген тақырыпта кездесу өткізді.

Кездесуде бас имам Нұрлан Сейілханұлы жастарға бағыт бағдар беретін насихат айтып, қазіргі таңдағы еліктіргіш нәрселердің жетегінде кетпей, ғаламторды пайдалануда тек пайдалы болған дүниелерді қарауға шақырды. Сонымен қатар жастардың албырт шағында қызбалыққа салынбай, әр істе ойланып істеуді, ата-ана, ұстаздардың кеңесіне құлақ асу керектігін баса айтты.

Өз кезегінде басқа мамандар болашақ еліміздің тірегі болып табылатын мектеп оқушыларына психологиялық тренинг ұйымдастырды.

Жалпы бұл кездесу оқушыларды үлкен әсерге бөледі және көкейлеріндегі сұрақтарды қойып, оған жауаптарын алды.

ҚМДБ Қостанай облысы бойынша
өкілдігінің баспасөз қызметі

Қасиетті Мәуліт мерекесі барша мұсылмандар үшін жақсы амалдар мен сауапқа кенелетін берекелі ай екендігі белгілі.

Осыған орай Федоров ауданы «Жиентай қажы» мешітінің ұйытқы болуымен жоғарда аталған Мәуліт мейрамына байланысты бірнеше іс-шаралар ұйымдастырылды.

Мәселен, аудандағы балалар үйінде 25 балаға дастархан жайылып, оларға шын жүректен шыққан шынайы лебіздер айтылды.

Сондай-ақ салауатты өмір салтын насихаттау, жастарды ұлттық спорт ойындарына баулу мақсатында қазақ күресінен балалар және ересектер арасында жарыс өткізілді.

Сонымен қатар палуандарға жоғарда аталған мерекенің мән-маңызы түсіндірілді. Сайыс соңында ерекше көзге түскен азаматтарға мақтау қағазы мен сыйлықтар табыс етілді.

ҚМДБ Қостанай облысы бойынша
өкілдігінің баспасөз қызметі

Қостанай облысының Арқалық қалалық «Мухтасиб Әлмұхаммед» мешітінің «Қыздар және әйелдер секторы» ҚМДБ-ның бастамасы негізінде студент намазхан қыз-келіншектермен тәрбиелік маңызы зор дәріс өткізді.

Бұл іс-шараны мешіт имамы Б.Уәлиев бастап, асыл дініміз Ислам мен ұлттық дәстүрімізде бала тәрбиесіне, әсіресе, қыз бала жайына көп көңіл бөлінгендігін айтты.

Өйткені, қыз бала ертеңгі ана, сондықтан бұл мәселеге айрықша назар аударылуы қажет. Түсінген адамға «Қызға қырық үйден тыю» деген бір ауыз сөзде үлкен мән жатыр.

Осы басқосуда ұстаз Диана Қайырбекқызы дініміз Исламдағы қыз балаға тән әдептіліктер жайында насихат айтып, бұл кездесудің қыздарымызға беретін үлкен тәрбиелік мәніне тоқталды.

Жиын соңынды қыз-келіншектерге қайырымдылық дастарқаны жайылып, оларға лайықты құрмет көрсетілді.

ҚМДБ Қостанай облысы бойынша
өкілдігінің баспасөз қызметі

Жуырда Қостанай өңіріндегі барлық қалалар мен аудандардың бас имамдары облыстық мешітте бас қосты. Кездесудің алғашқы күндері имамдарға арналған Фикһ, Ақида бойынша тереңдетілген сабақтар өткізілді.

Сондай-ақ семинар барысында мемлекет басшысы Нұрсұлтан Назарбаевтың «Қазақстанның Үшінші жаңғыруы: жаһандық бәсекеге қабілеттілік» деп аталатын Қазақстан халқына Жолдауы талқыланды.

Сонымен қатар қазіргі таңда оқу-ағарту, үгіт-насихат, қайырымдылық, экстремистік ағымдармен күрес және қыздар-әйелдер секторы бойынша атқарылып жатқан жұмыстардың орындалуы жайында да сөз болды.

Семинарда облыстық «Нұрлы мінбер» байқауына қатысатын имамдар да анықталды. Мұндай басқосудың әрқашанда берері мол екендігін сезінген дін қызметкерлері жауапты жұмыстарына қызу кірісіп кетті.

ҚМДБ Қостанай облысы бойынша
өкілдігінің баспасөз қызметі

Қостанай облысының Қарабалық ауданында күллі мұсылман жұрты атап өтетін Мұхаммед (ﷺ) пайғамбардың туған күні атап өтілді.

Кеш аясында жәрмеңке ұйымдастырылды. Онда мұсылмандық жабдықтар, жеке кәсіпкерлер мен қарапайым тұрғындар дайындаған тәтті тоқаштар, түрлі піспелер қойылды. Сатылымнан түскен қаражат тұрмысы нашар, көп балалы отбасыларға қайырымдылық мақсатында жұмсалуы жоспарланған.

Рухани кешті мерекелеуге келген халықтың қарасы көп болды. Қарабалық ауданының әкімі Қанат Ғабдулин, Қостанай облысы бойынша өкіл имамы Бақытбек қажы Тәжімбет, Ресейдің Троицк қаласы мешітінің бас имамы Аязбек Нұртышев, Федоров, Әулиекөл, Алтынсарин аудандарынан келген қонақтар кештің ажарын аша түсті.

Шара ең әуелі қаситетті Құран оқудан басталды. Онан соң келген қонақтар құттықтауларын жеткізіп, ізгі тілектерін білдірді. Кеште адамзаттың асылы Мұхаммед (ﷺ) пайғамбардың ғибратқа толы өмір жолы мен өнегелі істері жайлы бейнебаян көрсетілді.

Мереке соңы марапаттармен жалғасты «Ғашура ана» мешітінің бас имамы Төлеген қажы Керімбаев мерекенің басты демеушісі атанған «Құлан» ЖШС өкіліне алғыс хат табыстады және №3 Қарабалық орта мектебі оқушылары арасында ұйымдастырылған зияткерлік ойынының жеңімпаздарын марапаттапды.

Рухани іс-шара соңында «Ғашура ана» мешітінде ақ дастарқан жайылып, ас берілді. Мешіт ұжымы Мәуліт мерекесін жоғарғы деңгейде ұйымдастыруға қол ұшын беріп, атсалысқан барша мұсылман жамағатқа алғысын білдіреді.

ҚМДБ-ның Қостанай облысындағы
өкілдігінің баспасөз қызметі

Қостанайға Қазақстан мұсылмандары діни басқармасының РАНТ (республикалық ақпараттық насихат тобы) мүшесі, «Нұр-Мүбарак» Египет ислам мәдениеті университетінің ұстазы Смагулов Құрмет арнайы іс сапармен келді.

Белгілі дін қайраткері Құрмет Нұрмұхамбетұлы осы сапар барысында Қостанай ауданындағы «Қостанай ауыл шаруашылығы колледжі» студенттерімен және Қазақстан Республикасы Ішкі істер министрлігінің «Шырақбек Қабылбаев атындағы Қостанай академиясы» курсанттарымен кездесті.

Сондай-ақ ол облыстық, қалалық және Рудный шаһары мешіттерінің жамағаттарына уағыз-насихат айтып, олардың сұрақтарына нақты жауап берді.

Сонымен қатар РАНТ мүшесі Қостанай облысы көлеміндегі мешіттердің имамдарына семинар-сабақ өткізді. Оларды толғандырып жүрген мәселелерге байланысты ой-пікірін білдіріп, алда тұрған міндеттер жайлы әңгімеледі.

ҚМДБ-ның Қостанай облысындағы
өкілдігінің баспасөз қызметі