Ұлт ұстазы, Алаш ардақтысы, көрнекті қоғам қайраткері Ахмет Байтұрсынұлының 150 жылдық мерейтойы аясында Жангелдин ауданында қаншама танымдық-тағылымдық жағы мол игі шаралар өткізілді.

Мәселен, қазақ халқының біртуар перзентінің есімі берілген ауылда жаңа мешіт бой көтеріп, пайдалануға берілді. Осы орайда «Жақсының жақсылығын айт, нұры тасысын» демекші, имандылық ордасының құрылысына елді-мекеннің жанашыр азаматтары елеулі үлестерін қосты. Облыс әкімі де қаржы жағынан демеушілік жасады.

Мешіттің салтанатты ашылуына облыстың Бас имамы Бахытбек қажы Тәжімбет, аймақтағы аудан және қала имамдары, Жангелдин ауданы әкімінің орынбасары, аталмыш ауыл тұрғындары қатысты.

Бұл айтулы шарада Баc имам имандылық ордасына ұлт ұстазы Ахмет Байтұрсынұлының есімі берілгендігіне ерекше тоқталды. Сонымен қатар, осынау есте қаларлық оқиға қасиетті Мәуліт айымен тұспа-тұс келіп отырғандығын айтып, оны қуанышты ырымға балады.

Ауыл ақсақалдары мешітті тұрғызуға белсене атсалысқан барша жомарт жүректі бауырларымызға шынайы алғыстарын жеткізіп, ақ баталарын берді. Сондай-ақ, жиында демеушілік еткен азаматтарға Алғыс хаттар табысталып, ардақты қариялардың иығына шапан жабылды.

Жалпы, Торғай өңіріндегі Ахаңның тойы дүрілдеп өтті. Ахмет Байтұрсынұлы мен Міржақып Дулатұлына еңселі ескерткіш тұрғызылды. Мерекелік іс-шаралардың барысында ат бәйгесі мен палуандар күресі де жоғары деңгейде ұйымдастырылды.

Қостанай облыстық мешітінің баспасөз қызметі

Қазақстан мұсылмандарының діни басқармасы жыл сайын Халықаралық қарттар күніне байланысты өмірдің талай асуларынан өткен аға буын өкілдеріне құрмет көрсетіп келеді.

Өйткені, біздің қазақ халқы ежелден үлкен кісілерге қамқорлық жасауды өздерінің басты парызы санайды. Мұның кейінгі өскелең жастарға да тәрбиелік маңызы зор.

Бұл орайда Қостанай өңірінің имамдары да сергектік танытып, жергілікті жердегі ақсақалдарға ілтипат танытуда. Мысалы, жуырда Ұзынкөл аудандық «Балықты» мешітінің Бас имамы Есенгелді қажы Әжімахантегінің ұйымдастыруымен мешіт асханасында барлық ұлт ақсақалдары мен ақ жаулықты аналарға мерекенің құрметіне арнайы дастархан жайды.

Аудан әкімі Азамат Аужанов жиналған ардақты жандарды осынау мерекемен шын жүректен құттықтап, оларға ең ізгі тілегін білдірді.

Жергілікті мәдениет саласының қызметкерлері ардагерлерге ән-күйден шашу шашып, бір серпілтіп тастады. Ата-әжелеріміз осындай есте қаларлық тағылымдық кешті ұйымдастырғаны үшін мешіттің ұжымына ақ баталарын беріп, алғыстарын жаудырды.

Қостанай облыстық мешітінің баспасөз қызметі

Жақында көршілес Ресейдің Троицк қаласында Челябі облысы әкімшілігінің ұйымдастыруымен «Ислам Ресейдің тарихы және қазіргі заманғы өмірінде» деп аталатын халықаралық конференция болып өтті.

Осынау мәртебелі жиынға әлемнің 18 елінен делегаттар қатысты. Бұл маңызды басқосу осымен 11-ші рет өткізілді. Ол тұңғыш 2012 жылы Орталық Ресей мұсылмандарының мүфтиі, шейх Талғат хазірет Таджуиддиннің бастамасымен ұйымдастырылған-ды.

Биыл бұл мәртебелі конференцияға Қостанай өңірінен Қарабалық аудандық «Ғашура ана» мешітінің Бас имамы Серік Рахым қатысып, көп жайды көңіліне түйді.

Мұсылман әлеміне Зайнулла хазіреттің есімі белгілі. Бұл шаһарда «Расул» оқулары шарасын өткізу дәстүрге айналды. Оған жер шалғайлығына қарамастан қаншама кісілер қатысып келеді.

Троицк біздің ағайындарға бұрыннан таныс. Көптеген зиялы қауымдар жоғарыда аталған қалада білім алып, руханиятқа ден қойды. Оның арасында үстіміздегі жылы мерейтойын атап өткен қазақтың тұңғыш журналисі, көрнекті тұлға Мұхамеджан Сералин де бар. Кезінде ол «Айқап» журналын шығарғаны жұртшылыққа мәлім.

Қостанай облыстық мешітінің баспасөз қызметі

Елімізде қалыптасқан дәстүр бойынша Республикалық ақпарат насихат тобының мүшесі уағызы Қостанай облыстық мешітінде жалғасын тапты.

Қазақстан мұсылмандары діни басқармасының шариғат және пәтуа бөлімінің маманы, РАНТ мүшесі Бауыржан Әбдуәлі облыстық мешітте жамағат алдында «Алланы зікір ету» тақырыбында уағызын жиналғандар ұйып тыңдады.

Уағыздан соң Бауыржан Әбдуәлі жамағаттың қойған сауалдарына нақты жауап берді.

Қостанай облыстық мешітінің баспасөз қызметі

ҚМДБ Қостанай облысы бойынша өкілдігінде имамдар, дін қызметкерлері мен ұстаздарына «ҚМДБ қабылдаған Концептуалды құжаттары» бойынша сынақ алу басталды.

Бұл сынақ алу екі кезеңнен тұрады. Бірінші тестілеу кезеңінде дін қызметкерлері «Ақида», «Фикһ», «Ислам тарихы», «Әкімшілік жүйе (заң)» бойынша сұрақтарға жауап берулері керек.

Онан соң екінші кезеңде ауызша сұрақ қойылатын болады. Онда «Қырағат», «Тәжуид», «Хадис», «Дін мен дәстүр» және «Концептуалды құжаттар». Атап айтқанда 1. «Қазақстан мұсылмандары тұғырнамасы», 2. «Имамның тұлғалық келбеті», 3. «Мұсылманның тұлғалық бейнесі», 4.«ҚМДБ қызметкерінің этикасы», 5.«Жеті рухани қазық» Қазақстан мұсылмандарының рухани тұғырнамасы, 6.«Діни лауазымдар тізілімі», 7. «Дін қызметкерлері атқаратын діни рәсімдер тізілімі», 8.«Ас беру мәдениеті», 9. «Зират және зиярат мәдениеті», 10.«Зияткер имам тұжырымдамасы».

Осы сынақ бойынша Қостанайға арнайы жұмыс тобы келді. Онда ҚМДБ-ның Бас мүфти кеңесшісі Кенжетай Байкемелұлы Дүйсенбай, Шариғат және пәтуа бөлімінің маманы Бауыржан Әбдуәлі және Кадр бөлімінің көмекшісі Жанақов Берікбол келген болатын.

Қостанай облысының баспасөз қызметі

Жақында Сарыкөл аудандық «Аққозы қажы» мешітінің Бас имамы Асылхан Түсіпбек жергілікті кітапхана қызметкерлерімен кездесті. Ондағы басқосуда «Ислам - ынтымақ және бірлік діні» тақырыбы арқау болып, терең мағыналы уағыз айтылды.

Жүздесу барысында кітаптың адам өмірінде ерекше орын алатындығы сөз болып, руханият саласының қызметкерлері өздерін толғандырып жүрген сауалдарға нақты жауап алды.

 Сондай-ақ, осындай жылы жүзді кездесу аудан орталығындағы жамағаттармен де өткізілді. Мұнда қоғамның бір бөлшегі болып табылатын отбасының мән-маңызы, татулық, ауызбірлік, ырыс-береке, ата-анаға құрмет көрсету, бала тәрбиесі жайлы әңгіме өрбіді. 

Жиынға қатысушылар қозғалып отырған өзекті мәселе жөнінде өз ойларын ортаға салып, Бас имамға шынайы алғыстарын жеткізді. Қос жүздесу де тиісті деңгейде ұйымдастырылды.

Қостанай облыстық мешітінің баспасөз қызметі

Қостанай облысының Бас имамы Бахытбек қажы Нұрғабылұлы Ұзынкөл ауданына ресми сапармен келіп, аудандық мәдениет үйінде халық пен кездесті.

Ол осы кездесуде «Ислам – Ынтымақ пен бірлік діні» тақырыбында «Адамзатты бақытқа жетелейтін асыл дініміз – Ислам дініміздің маңызды деп қарайтын мәселелердың бірі адам баласының әрқашан қуаныш пен бөлек шаттықта болуы. Ал оның кілті ретінде ауыз біршілікті, ынтымақ пен бірлікті көрсетеді. Ынтымақ пен бірлік бар жерде бауырластық, бейбітшілік, молшылық, береке мен мейрімділік болатынын.

Ал қасиетті Құран аятарымен хадис шарифтерде бізді бөлініп ыдырамауға, тату болуға шақыратынын, Ислам діні кез келген дін өкіліне құрметпен қарайды . Мұсылманның міндеті өз ара ұрыс – керіс жасап өзгелерді діннен үркіту емес, керісінше бірлік – ынтымақты дамыту арқылы дінін кемшіліксіз түрде жеткізе білуді Ынтымақ пен бірлік аясында болатыны туралы уағыз насихат айтты.

Оан соң қойылған сұрақтарына жауап берді. Аудан хақы атынан ақсақалдар облыстың Бас имамына алтын уақытын бөліп, Ұзынкөл ауданына келіп уағыз насихат айтқанына ризашылығын білдірді.

Бахытбек қажы ресми сапарын арқарай жалғастырып Обаған ауылына да барды. Обаған ауылындағы жаңадап салынып жатқан мешіт құрылысын көріп, ауыл ақсақалдармен және салып жатқан азаматтармен кездесті. Мешіт құрлысына қолдау көрсетіп жатқан барша азаматтарға Бас имам ризашылығын білдіріп батасын берді .

Қостанай облыстық мешітінің баспасөз қызметі

Қостанай облысының Бас имамы Бақытбек қажы Тәжімбет, облыстық дін істер басқармасының жауапты қызметкері Сапарғали Әбдиев, «Жібек жолы» қайырымдылық қауымдастығы өңірдегі мекемесінің басшысы Арынбаев Біржан және облыстық мешіттен бекітілген Туребаев Тимурдың қатысуымен кездесу болып өтті.

Басқосуда жоғарыда аталған қайырымдылық мекемесі мен діни басқарманың меморандумы аясында жаңа оқу жылындағы жоспары құрылды. Онда олар алдағы уақытта мешітте өтетін діни дәрістері және басқада шаралары туралы ойларын ортаға салды.

Қостанай облыстық мешітінің баспасөз қызметі

Қостанай облыстық мешіті жанындағы Жансая Халим жетекшілік ететін әйел-қыздар секторының ұйымдастыруымен «Мұсылмандар әйелінің шариғи киім үлгісі» атты сайысы өткізілді.

Әрине, байқауға қойылатын талаптар қатаң сақталды. Соның нәтижесінде үздіктер іріктеліп алынды. Енді жүлделі І, ІІ, ІІІ орындардың иегерлері елордамыз Астана каласында өтетін республикалық жарыска қатысады.

Бас шаһарымызда өңірдің намысын қорғайтын қыз-келіншектерге тек сәттілік тілейміз.

Қостанай облыстық мешітінің баспасөз қызметі

Жақында Арқалық қалалық «Мухтасиб Әлмұхаммед» мешітінің бас имамы Нұрхан Асанұлының ұйымдастыруымен есте қаларлықтай оқиға болды.

Онда еліміздегі «Ел үлесі - пәтерге»жобасы бойынша Қазақстан мұсылмандары діни басқармасы Қостанай облыстық өкілдігінің қолдауымен әлеуметтік жағдайы төмен, үш баланың анасы Гүлжан Жұмағалиқызына 585-ші пәтердің кілті тапсырылды.

Аталмыш қайырымдылық шарасына қала әкімі Әмірхан Біркенұлы қатысып, қуанышқа кенелген отбасына теледидар тарту етті. Сонымен қатар шаһардағы мешіттің атынан үлкен кілем берілді.

Пәтерге ие болған аяулы ана жомарттық танытқан барша азаматтарға шын жүректен шықққан шынайы алғысын жеткізді.

Қостанай облыстық мешітінің баспасөз қызметі