Қазақстан мұсылмандары діни басқармасы Қажылық Миссиясының төрағасы, наиб мүфти Серікбай қажы Ораз қажылық сапарға байланысты ақпарат құралдарына арнап баспасөз мәслихатын өткізді.

Наиб мүфти Қазақстан азаматтарын қажылыққа халықаралық FlayNas әуекомпаниясы тасмалдайтынын тілге тиек етіп, Сауд Арабия Корольдігі мен Қазақстан мұсылмандары діни басқармасы осындай ортақ мәмілеге келгенін жеткізді. «Енді Қазақстан азаматтары тікелей Мекке маңындағы Жидда қаласына ұшатын болады. Бұл ортақ келісім нәтижесінде қажыларға үлкен жеңілдіктер жасалып отыр», – деді наиб мүфти.

Мұсылмандықтың бес парызының бірі – Меккеге қажылыққа бару сапары биыл 11 қыркүйекте басталады. Бұрын жерлестеріміз Мекке маңындағы Жидда қаласына жету үшін 16 сағатын шығындайтын. Енді екі жақты келісімнің нәтижесінде сапар 6 сағатқа қысқармақ.

Серікбай қажы ОРАЗ, Қазақстан мұсылмандары діни басқармасының төраға орынбасары, «Әзірет Сұлтан» мешітінің бас имамы:

- Биыл Қазақстан қажылары қыркүйек айының 11-інен бастап, 17-іне дейін Жидда мен Мадина қалаларына жеткізіледі. Ал, қыркүйек айының 27-інен бастап, қазан айының 7-іне дейін қажылық рәсімдерін аяқтап Алматы қаласына оралатын болады. Қазақстан азаматтары өз таңдаулары бойынша 17 немесе 21 күн ішінде қажылық парызын өтейді.

ҚМДБ Баспасөз қызметі
muftyat.kz

Қазақстан мұсылмандары діни басқармасының төраға орынбасары, наиб мүфти Серікбай қажы Ораз бен ҚМДБ қажылық бөлімінің меңгерушісі Қанат Нұрмаханұлы Сауд Арабия Корольдігіне іс-сапармен барды.

Ресми сапар аясында ҚМДБ Қажылық Миссиясының төрағасы Серікбай қажы Ораз Сауд Арабия Корольдігінде (САК) «Flynas» әуекомпаниясының төраға орынбасары, қажылық және умра басқармасының басшысы Ахмат Сұлтанмен келіссөздер жүргізіп, екі жақты келісім шартқа қол қойылды.

Келіссөз барысында Сауд Арабия Корольдігінің (САК) «Flynas» әуекомпаниясы Қазақстан қажыларын тасымалдайтыны нақтыланды. Сонымен қатар Алматы қаласынан Жидда қаласына (яғни, Мекке қаласына) тікелей рейспен ұша алады. Бұл – Қазақстан қажылары үшін мол мүмкіндік, үлкен жеңілдік.

Осы ретте бір айта кетерлігі ҚМДБ жанынан құрылған Қажылық Миссиясы қажылық төңірегінде туындаған мәселелерді оңтайлы шешуге, Қазақстан қажыларына қолайлы жағдай туғызу мақсатында жұмыс жасап келеді. Осы бағытта республикалық деңгейде түсіндіру-ағарту жұмыстары жүргізілуде.

Қазақстан мұсылмандары діни басқармасының төраға орынбасары, наиб мүфти Серікбай қажы Ораз бен ҚМДБ қажылық бөлімінің меңгерушісі Қанат Нұрмаханұлы Сауд Арабия Корольдігіне іс-сапармен барды.

Ресми сапар аясында ҚМДБ Қажылық Миссиясының төрағасы Серікбай қажы Ораз Сауд Арабия Корольдігінде (САК) «Flynas» әуекомпаниясының төраға орынбасары, қажылық және умра басқармасының басшысы Ахмат Сұлтанмен келіссөздер жүргізіп, екі жақты келісім шартқа қол қойылды.

Келіссөз барысында Сауд Арабия Корольдігінің (САК) «Flynas» әуекомпаниясы Қазақстан қажыларын тасымалдайтыны нақтыланды. Сонымен қатар Алматы қаласынан Жидда қаласына (яғни, Мекке қаласына) тікелей рейспен ұша алады. Бұл – Қазақстан қажылары үшін мол мүмкіндік, үлкен жеңілдік.

Осы ретте бір айта кетерлігі ҚМДБ жанынан құрылған Қажылық Миссиясы қажылық төңірегінде туындаған мәселелерді оңтайлы шешуге, Қазақстан қажыларына қолайлы жағдай туғызу мақсатында жұмыс жасап келеді. Осы бағытта республикалық деңгейде түсіндіру-ағарту жұмыстары жүргізілуде.

Сұрақ: Шариғат бойынша өз халқыңды жақсы көруге рұқсат етілген бе? Мен -шешенмін, өз халқымды жақсы көремін. Бірақ, сонымен қатар, барша мұсылмандарды да жақсы көремін. Мен мұнда өз халқыңды өзге халықтардан артық санау жайында айтып отырған жоқпын. Бұл жерде отбасыңды қалай жақсы көрсең, өз халқыңа да сондай сүйіспеншілікпен қарау жайлы сөз болып отыр.

Жауабы:
Әссәләмуғалейкум уа рахматуЛлахи уа баракятух!

Исламдағы бауырым,
Адамның өз халқы мен елін сүюі – қалыпты құбылыс (1).

Мына хадисті қарастырып көрелік:

عن امرأة منهم يقال لها فسيلة، قالت: سمعت أبي يقول، سألت النبي صلى الله عليه وسلم، فقلت: يا رسول الله أمن العصبية أن يحب الرجل قومه؟ قال: «لا، ولكن من العصبية أن يعين الرجل قومه على الظلم» (ابن ماجه، باب العصبية)

Фазиля есімді бір әйел әкесінің мынаны баяндап бергенін жеткізген: «Мен Пайғамбардан (оған Алланың игілігі мен сәлемі болсын): «Уа, Алла Елшісі, өз халқыңды сүю ұлтшылдыққа (асабия) жата ма?» - деп сұрадым. Ол (оған Алланың игілігі мен сәлемі болсын): «Жоқ, асабия (ұлтшылдық) – бұл халқыңның әділетсіздік жасауына көмектесу», - деп жауап берді».

Алайда, халқыңа деген сүйіспеншілікті дұрыс арнаға бұра білу керек. Өз халқың мен еліңе деген шынайы махаббат – оған жақсылық тілеуде. Ал, пенде үшін ең үлкен жақсылық - мәңгілік өмірде бақытқа қол жеткізу. «Йа Син» сүресінде Алла Тағала бір адам жайлы айтады. Сол адамның халқы елшілердің миссиясын қабыл алмаған кезде, ол халқын жақсы көретіндіктен және оның тағдыры үшін алаңдағандықтан, уайымдай бастады. Өйткені, ол Аллаға бағынбаудың салдары жаман болатынын білетін:

وَجَاء مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا الْمُرْسَلِينَ

اتَّبِعُوا مَن لاَّ يَسْأَلُكُمْ أَجْرًا وَهُم مُّهْتَدُونَ

«Қаланың шетінен біреу жүгіріп келіп (ол ауыл тұрғындарының елшілерді жазалайтын немесе өлтіретін ойлары болғанын естіп қойды): “Әй қаумым!(Алланың сендерге жіберген) Елшілеріне ілесіңдер! Сендерден ақы сұрамайтын [Ақиқатқа шақырғандары үшін ақы сұрамайтын] кісілерге еріңдер. Олар тура жолда (себебі, олар тек қана Аллаға табынып, құлшылық жасауға шақырады)!” – деді». (36, 20-21).

Біз сізге халқыңызға деген сүйіспеншілігіңіз арқылы еліңізді ақиқат дінін ұстануға үндеуді кеңес етеміз. Халқыңызды мәңгілік өмірде табысқа жеткізетін амалдарға күш салыңыз.

Ал, ең дұрысын Алла біледі.

Хишам Дауд, Даруль-Ифта студенті, Чикаго, АҚШ.
Мүфти Ибрагим Десаи тексеріп, мақұлдаған
(1) عن عائشة قالت: كان رسول الله - صلى الله عليه وسلم - يقسم فيعدل، ويقول: "اللهم هذا قسمي فيما أملك، فلا تلمني فيما تملك ولا أملك" قال أبو داود: يعني القلب

____________________
Орыс тілінен аударған Azan.kz
Annisa-today.ru

Қазір сөздің емес, нақты істің заманы

Қазақстан мұсылмандары діни басқармасының Қостанай облысындағы өкіл имамы Асылхан қажы Түсіпбекпен сұхбат

Бүгінгі сұхбаттасым Асылхан Мұханбетжанұлы Түсіпбектің есімі көпке белгілі. Оның Қазақстан мұсылмандары діни басқармасының Қостанай облысындағы өкіл имамы болып тағайындалғанына да көп бола қойған жоқ. Алайда осы мерзім ішінде ол өзінің білімділігі мен біліктілігін, іскерлік және ұйымдастырушылық қасиеттерін көрсетті.

Дін қайраткерінің жан — жақты қырлары үстіміздегі жылғы қасиетті Рамазан айы кезінде де айқын байқалды. Жақында онымен арнайы жолығып, өзімізді көптен толғандырып жүрген сауалдарымызды қойған едік.

Төменде осы сұхбатты қалың оқырмандар назарына ұсынғанды жөн көрдік. Оның әсіресе, ислам дініне, имандылыққа ден қойған көпшілік қауымға берері мол.

Имамдардың біліктілігі мен әдебі туралы

• Асеке, сіздің осы жауапты қызметті атқарып жатқаныңызға біраз уақыт болды. Содан бері қандай өзекті мәселелерге ерекше назар аудардыңыз?

• Әрине, өзімді мақтаудан аулақпын. Осы облыстың бас имамы болғанға дейін бірқатар аудандарда қызмет атқардым. Халықтың құрметіне бөлендім. Оған дейін діни білім алдым, тәжірибе жинақтадым.

Қазақстан мұсылмандары діни басқармасының төрағасы, Бас мүфти Ержан қажы Маямеровтың бұйрығымен Қостанай облысындағы өкіл имам болып тағайындалдым.

Жаңа қызметтің де өзіндік ерекшелігі, жауапкершілігі де жеткілікті. Ендігі жерде күллі өңірдегі мешіттердің жұмысын қадағалауға, ондағы бас имамдармен тығыз байланыстарда жұмыс істеуге тура келді.

Бұл қызметке кіріскен соң барлық аудандар мен қалалардағы мешіттердің тыныс — тіршілігімен таныстым. Олардағы кезек күттірмес өткір мәселелердің түйінің шешуді қолға алдым. Өздеріңіз де білесіздер, мешіт өндіріс орны емес.

Сондықтан да жергілікті жердегі әкімдермен жүздесіп, ортақ мәселелер жөнінде ақылдастық. Олар да іскер азаматтардың қолдауынсыз имандылық ордаларындағы жұмыстардың алға басуы қиын екендігін жан - жүректерімен түсінді.

Мешіттер тек халықтың садақасымен күн көре алмайды. Өйткені, ғимараттардың қысқы жылуы, электр жарығы секілді көпшілік біле бермейтін мұқтаждықтары аз емес. Міне, осы жайлардың бәрі де шынымды айтсам өзімді қатты толғандырды.

Тек бір айта кетер жай, мұсылман жігіттерінің арасындағы басшылар да дінге бет бұра бастады. Ислам дінінің адамды адамгершілікке, кісілікке, мейірімділікке баулитын жақтарын да ұқты.

Жасыратын несі бар, әжептәуір лауазымды жұмыс атқаратын бауырларымыздың өзі мешіттерге келіп, жағдайымызды сұрап, намазға жығылып жатқан кезде қалай ғана риза болмассың? Міне, осындай жайлардың бәріне де қазақ елінің тәуелсіздігі арқасында қол жеткіздік деп айтар едім.

• Соңғы жылдары елімізде имамдар арасында ротация, яғни оларды бұрынғы қызмет атқарған жерінен басқа аудандар мен қалаларға ауыстыру секілді маңызды істер де қолға алынды. Осы жөнінде не дейсіз?

• Меніңше, бұл өте орынды. Бас мүфтидің бастамасымен қолға алынған аталмыш игі істер күллі еліміз бойынша жалғасын тапты. Оның берері де аз емес. Себебі, бір орында ұзақ отырып қалған адамда ізденіс болмайды. Ал, ротация жағдайында олар жаңа ортада жұмысқа ерекше құлшыныспен кіріседі.

Жергілікті халықпен танысып, оларға үйреніскенше де біраз уақыт керек. Бұл мәселенің онды нәтижесін беретіндігін өмірде көріп те, сезіп те жүрміз. Мәселен, біздің өңірде де бірқатар аудандардың имамдары басқа аудандарға жіберілді. Әрине, олардың баспанамен қамтамасыз етілуін өзім тұрақты назарда ұстадым.

Білімді имам — дініміздің ұйтқысы

• Өзіңіз де білесіз, кешегі Кеңес Одағы кезінде халық арасында „Өлімді жерде молда семіреді, өленді жерде өгіз семіреді„ деген теріс ұғым пайда болған еді. Қазір бұл сөздің мағынасы түбірімен өзгерген секілді. Жалпы, имамдардың білім деңгейі қандай дәреже де деп ойлайсыз?

• Шынында да, сол кешегі келмеске кеткен Одақ кезінде дінімізді орынсыз қаралап, құбыжық еткені баршаға мәлім. Сондай кездері молдалардың атына әлгіндей сөздер айтылғаны да белгілі.

Алайда, қазір оның мәні мен мағынасы өзгерді. Қазақстан егеменді мемлекет болғалы бері ислам діні де өркендеді. Елімізде жеке діни басқарма құрылды. Осы күнге дейін республикамызда 2,5 мыңға жуық мешіт салынды.

Біздің Қостанай өңірінде де қаншама имандылық ордалары тұрғызылды. Кеңттер мен ауылдарды атамағанның өзінде, өңіріміздің Қарабалық ауданының орталығындағы, Рудный шаһарындағы және басқа да жерлердегі пайдалануға берілген мешіттерді кез — келген алыс — жақын мемлекеттерден келген қонақтарға ұялмай көрсетуге болады.

Имам — барлық игіліктің, ізгіліктің ұйтқысы. Сондықтан оларға жүктелер міндет те, талап та жыл өткен сайын артып келеді. Бұл орайда Бас мүфтидің имамдардың этикасы мен әдебі жайлы үнемі айтып келе жатқандығы да көпшілікке белгілі.

Сол себептен де менің әріптестеріме қойылар міндет те жоғары. Қазір олардың жүріс - тұрысы, киім киісі, сөйлеген сөзін былай қойғанда, біліміне ерекше назар аударылады. Өйткені, имандылық ордаларына жиналған намазхандар мен мұсылман ағайындарымызға бос сөз емес, ислам діні жайлы жан — жақты түсінік берілуі қажет.

Олардың айтқан уағыздары да көпшілікті ойландырып, толғандыратындай болып жатса нұр үстіне нұр. Сонан соң олар үнемі ізденіп отырмаса, өмір барысында толқынмен теңіз жағалауына шығып қалған жанқадай қызметтерінен шеттеп қалуы да ғажап емес.

Қазір Аллаға шүкір, оқимын, талпынамын деген адамға барлық жағдай жасалған. Мәнсіз, мағынасыз сөздермен ешкімді де таң қалдыра алмайсың. Бас мүфтидің тікелей қамқорлығымен қаншама жастар шет елдердегі әлемдегі ең мықты діни оқу орындарында білім алып жатқандығы да жұртшылыққа аян. Елімізде де білікті мамандар дайындайтын университеттер мен институттар, колледждер де баршылық.

Өзіміздің облыста да бұл күндері нағыз жоғары діни білім алған жастар қызмет атқарып жатыр. Аудан және қала имамдары республикалық дін қызметкерлерінің біліктілігін көтеру курстарына да жіберіледі.

• Сіздердің маңызды жиындарыңызға қатысқан кезде түйгенім, аудандар мен қалалардан болашақ дін қызметкерлерін даярлау мақсатында шәкірттерді іріктеп, республикамыздағы діни оқу орындарына жібереді екенсіздер.

• Дұрыс анғарыпсыз. Шәкірт дайындау біздің барша имамдардың алдында тұрған үлкен міндеттердің бірі. Бұл өте ауқымды жұмыстардың қатарына жатады. Ең алдымен білімге құштар жастарды табуымыз қажет. Содан кейін оған мешітте дәріс беріп, жан — жақты тәрбиелеу керек. Денсаулықтары да оқу орындарындағы талаптарға сай болғаны абзал. Міне, мұның бәрі де белгілі уақытты, имамдардың тынымсыз ізденісті қалайды емес пе.

Іскер жігіттердің қолдауы

• Әңгімеміз енді өзінің өрісін тауып келе жатқан секілді. Жалпы, қостанайлық қалталы азаматтардың мешітке деген тікелей демеушілігі жөнінде де айтып өтсеңіз. Нақты мысал келтірсеңіз нұр үстіне нұр.

• Қашанда ел арасынан жанашыр, өзінің ата салты мен дәстүріне, әдет — ғұрпына жалпы, руханиятқа сергек қарайтын азаматтар табылатындығы белгілі. Ондай жүректері елім мен халқым деп соққан жігіттер біздің өңірімізде де баршылық.

Егер облыста аудан мен қалалардағы мешіттер бірқалыпты жұмыс істеп жатса, оған жергілікті кәсіпкерлердің де тигізіп жатқан ықпалы мол дер едім. Осындай бір сұхбатта олардың бәрінің бірдей атын атап, түсін түстеп шығу да мүмкін емес.

Дегенмен де жүзінен үнемі ізгіліктің, мейірімділіктің шуағы төгіліп тұратын бауырларымыздың кейбіреулерін айтып өткенім де дұрыс болар. Бұл күндері облыс орталығының 9 — шы шағын ауданындағы мешіт былтыр пайдалануға берілген болатын.

Оны есімі көпке танымал кәсіпкер Төлеген Жайлаубаев өз қаржысына салып, мұсылман қауымның алғысына бөленді. Мешіттің ашылу салтанатына Бас мүфти Ержан қажы Маямеров пен оның орынбасары Серікбай қажы Ораз қатысты.

Осы жүздесуде жерлестерімізге бас имам болып Шоқан қажы Әмірханов тағайындалғаны жөнінде айтылды. Міне, содан бері имандылық ордасы үлкенді — кішілі қауымының жиі келетін орнына айналды.

Шөкең де өз саласын жетік білетін білікті маман. Өңірдегі көптеген имамдар кезінде одан дәріс алған. Оның әкесі Ғазиз ағамыз да еліміз тәуелсіздік алған алғашқы жылдары қасиетті Меккеде болып, өзінің мұсылмандық парызын өтеген-ді.

Рухани кештер — тәрбиенің қайнар көзі

• Байқаймын, өзіңіз әдеттегідей қарапайымдылық сақтап, атқарылған істердің бәрін баяндауды артық көретін секілдісіз. Сіз өкіл имам болғалы бері түрлі ғибраттық жағы мол кештер, жастар арасында Құранды жатқа және мәнерлеп оқудан байқаулар да өткізіле бастады емес пе?

• Егемендігіміз нығайып, болашағымыз жарқын болсын десек, ана тілімізді терең меңгерумен қатар, үнемі өркениетке ұмтылыс жасай беруіміз қажет. Сонда ғана дегенімізге жетеміз. Ата — бабамыздың бізге мұра етіп қалдырған ұлттық құндылықтарымызды барынша жандандырамыз.

Бұл орайда, біздің алдымызда үлгі тұтар тұлғаларымыз да бар. Мысалы, Бас мүфти Ержан қажы Малғажыұлының „Дін және дәстүр„ деп аталатын аса бағалы кітабы жарық көріп, күллі еліміздің жұртшылығына жол тартты. Өзімнің пайымдауым бойынша, бұл әрбір иісі қазақтың кітап сөресінде тұратын әрі ұрпақтарына күнделікті ғибрат етер аса құнды дүние.

Осы еңбекті қолға алған адам басқа рухани әлемге енгендей күй кешеді. Онда имандылық, ибалылық мәселелеріне байланысты көп жайлар терең әрі жан — жақты айтылған.

Аталмыш кітапты басшылыққа алып, облыстық Марал ишан мешітінің ұжымы көптеген рухани кештер өткізді. Сонымен қатар ұлы Мұхаммед (с.ғ.с) пайғамбарымыздың туылған күні, яғни Мәуліт мерекесіне байланысты өткізген ғибратты шараламыз да көпшіліктің есінде болар.

Мұндағы мақсат — халықты жинап, құрғақ ақыл айтып, бос сөзге салыну емес, олардың санасына сәуле құяр жайларды нақты мысалдар арқылы баяндау. Кейде театрлық қойылымдар да көрсетіліп жатады. Осындағы оқиғалар арқылы қалың жұртшылықты ойға жетелейміз.

Ерекше айтайын дегенім, облыс орталығындағы үлкенді — кішілі қауымның ислам дініне деген көзқарастары түбірімен өзгерді. Олардың арасында мешітке келіп, атқарып жатқан жұмыстарымызды бағалап, алғыстарын білдіріп жататындары да баршылық. Мұндай кездері мешіт қызметкерлері де өздерінің жұмысының нәтижесін көріп, мәртебесі көтеріліп қалатындығы даусыз.

Әлгі аталған кештерге республикаға және облысымызға белгілі өнер шеберлерін де шақырамыз. Олар асқақтата ән салып, жиналған жұршылықты бір серпілтіп тастайды.

Қасиетті Құранды әрбір мұсылман қастерлейді. Сондықтан бұл мәселеге де еліміз бойынша үлкен мән беріліп келеді. Мәселен, биылғы республикалық Құран жарысында Тараздық жасөспірімге жеңіл көлік тарту етілді. Әңгіме сыйлықта емес, алайда осындай байқаулар кейінгілерді де алға қарай ұмтылдыратындығы белгілі.

Астанадағы медреседе оқып жатқан дарынды шәкірт яғни, ұзақ жылдар бойы облыстық мешіттің бас имамы болған Ертай қажы Балахметтің ұлы Нұртаза елордамызда ұйымдастырылған байқауда жүлдегер атанды. Бұл баршамыз үшін де мақтаныш.

Соңғы біраз жылдардан бері облыстық Марал ишан мешітінде Құранды жатқа және мәнерлеп оқудан жарыстар ұйымдастырылып, оның жеңімпаздарына бағалы сыйлықтар тапсырылады. Ал, бірінші орынды иеленгендер республикалық байқауларға қатысып, өңірдің намысын қорғайды.

Қайырымдылық және оқушыларды жазда оқыту

• Өзіңіз басшылық ететін облыстық мешіттің қызметкерлері жыл бойы қайырымдылық мақсатында үлкен істер тындырып, халықтың алғысына бөленуде. Осы жөнінде таратыңқырап айтып берсеңіз?

• Қайырымдылық - сонау ата — бабамыздан келе жатқан сауабы мол іс. Қазақтың өткен тарихына үңілсек, жетімін қаңғытпаған, жесірін жылатпаған. Көмекке мұқтаж жандарға қол ұшын беріп, дарқандық танытқан.

Сондықтан мешіт қызметкерлері өздері жұмыс істейтін аудандар мен қалалардағы мүгедектер мен көп балалы отбасыларына қол ұшын беруді басты парызымыз деп түсінеді. Өзім басқаратын имандылық ордасындағылар жыл бойы қайырымдылық мақсатында да қыруар істерді атқарып келеді.

Ораза кезінде халықтан түскен пітір садақадан қолдауға зәру ғәріп жандарға, қолынан күш, бойынан қуат кеткен жасы ұлғайған кісілерге көмек қолын созып келеміз. Сонымен қатар біз облыс орталығындағы „Дельфин„ және қаланың шетіндегі №3 облыстық жетім балалар үйін тұрақты қамқорлыққа алдық.

Осы тәрбие мекемелеріне түрлі мереке кездерінде арнайы болып, балаларға дастархан жаямыз, олардың бастарынан сипап, есте қаларлық сыйлықтар тарту етеміз. Сол кездегі олардың жүзіндегі қуанышты ешқашан да ұмыта алмайсың.

Сондай — ақ, осы Рамазан айында кәсіпкерлердің қолдауымен жоғарыда аталған мешітте көпшілікке ұн таратылды. Олардың арасында түрлі ұлт өкілдері болды.

„Барлық жақсылық балаларға„ деп босқа айтылмайды. Мешіт жанындағы абыз ақсақал Жақсылық Ғайсин басқаратын „Зекет„ қоры өкілдігімен бірлесе отырып, „Мектепке барар жол„ акциясына қатысамыз. Өңірдегі жетім балаларға жаңа оқу жылына қажетті сөмке, оқу құралдарын алып береміз. Басқа да осы бағытта жүзеге асырылып жатқан жұмыстар жеткілікті.

• Соңғы үш — төрт жылдан бері Қасиетті Рамазан айы кезінде мешіт жанынан арнайы орын дайындалып, Ораза ұстаған жандарға ауызашар беру де дәстүрге айналды емес пе?

• Иә, бұл игі мақсаттағы бастама бұл күндері елімізде наиб мүфти болып қызмет атқаратын, көрнекті дін қайраткері Серікбай қажы Ораз облыстың бас имамы болып тұрған кезінде қолға алынған еді. Содан бері ол өзінің игі жалғасын тауып келеді.

Биыл да облыс басшысының өзі бастап, оны өзге іскер азаматтар қолдады. Сөйтіп, ақсақалдардың ақ батасын алды. Олар әрдайым „Алғыспен ел көгерер, жаңбырмен жер көгерер„ деген аталы сөзді ұстанады.

• Өзіңіз жылда барлық деңгейдегі мешіттерде жаз айларында оқушыларды тартып, оларға діни курстар ұйымдастыруға ерекше назар аударасыз. Биыл бұл мәселе қалай жүзеге асып жатыр?

• Жалпы, діни курстар жыл бойы жүргізіледі. Дегенмен де, жаз айларында оқушылардың бос уақытын тиімді пайдаланып, олардың діни білім алуына қолдан келген жағдайдың бәрін де жасаймыз.

Бұл орайда облыстық Марал ишан мешітінің жұмысы баршаға өнеге. Мұнда арнайы дәріс беретін ұстаздар бар. Олар кез — келген сауалдарға нақты жауап бере алады. Кадрларымыз да тәжірибесі мол, өмір көрген жандар.

Осындай маңызды жұмыстар өңірдегі қалалар мен аудандарда да қолға алынған. Онда шәкірттер демалады, тамақтанады және рухани жағынан ой — өрістерін кеңейтеді. Бұл игілікті істе де қалталы азаматтар қолдау көрсетіп жатады.

Мешіттерде оқушыларға дәріс берумен қатар, жастарға әлем халқын толғандырып отырған теріс ағымдардан аулақ болулары жөнінде әңгімелейміз. Ондай адам баласын аздыратын ұйымдарға тойтарыс беру үшін, біздің ұлдарымыз бен қыздарымыз қашанда діни сауатты әрі білімді болуы қажет.

Әңгімелескен Оразалы ЖАҚСАНОВ

Қостанай облыстық Марал ишан мешітінде де кейінгі сіңлілері мен қыздарына өздерінің бойларындағы имандылық, ибалылық, ізгілік секілді асыл қасиеттері мен өнеге көрсетіп келе жатқан аналарымыз да аз емес.

Үстіміздегі жылғы Рамазан айында 15 апаларымыз, яғни әйел жамағаты Құранды толық хатым етіп шықты. Сөйтіп, олар бір ай бойы қасиетті Құранды үзбей оқыды.

Облыстың Бас имамы Асылхан қажы Түсіпбек мұндай ізденістер мен тың жаңалықтарға үнемі сергек қарайды. Аналарымыздың осы ғибраттарына шексіз тәнті болды. Олардың адамгершілік, мейірімділік сынды қырларын жастарға үлгі етті. Өзі басқаратын мешіт атынан Алғыс хат тапсырды.

Жоғарыда Құранды толық оқып шыққан ақ жаулықты апаларымыздың ең үлкені Әдиба әжей. Ол кісі мешіттің тұрақты намазханы, жылы сөзімен баршаны имандылыққа ұйытып келе жатқан қажы.

ҚМДБ-ның Қостанай облысындағы өкілдігінің
баспасөз қызметі

Жақында Қостанай қалалық мешіті мен «Социум және Мен» қоғамдық бірлестігінің ұйымдастыруымен Қостанай облысындағы дін жолындағы жастардың арасында туған елімізге деген патриотизмді насихаттау мақсатында қазақша күрестен ашық біріншілік өткізілді.

Жарыс болған жерде жеңімпаздар да анықталатыны белгілі. Әділ қазылар алқасы барынша әділ болуға тырысты. Соның нәтижесінде бірқатар жастардың мерейі үстем болды.

Мәселен, 70 келі салмаққа дейінгі жастар арасында Қостанай қалалық мешітінен Марат Сымбаев, Нұрсұлтан Теміржанов, Бекболат Байназаровтар жеңімпаз атанды.

Сондай-ақ 70 келіден жоғары салмақтағылар арасында облыстық Марал Ишан мешітінен Жәнібек Мұхаметжанов, Берік Таласов және қалалық мешіттен Дәулетхан Қосмағамбетовтер топ жарды.

ҚМДБ-ның Қостанай облысындағы өкілдігінің
баспасөз қызметі

Қасиетті рамазан айында істелген бір жақсылық бірнеше есеге көбейтілетіні белгілі. Осы айда әркім қолынан келгенше бар ізгі амалды жасап қалуға тырысуда. Біреулер ораза ұстап ауыз ашар берсе, енді біреулері мұқтаждарға садақа беріп сауап жинауда. Оразаның соңғы күндерінде Отандас ағайындармен Рудный қалалық «Нұр» мешіті біріге отырып «Қайырымдылық акциясын» ұйымдастырды. Акцияға 300.000 (үш жүз мың) теңге жиналып, ол қаржыны Рудный қаласындағы Қарттар мен мүгедектер үйі №1, Қарттар үйі №2, Балалар үйіне, Рудный түзеу мектеп-интернатына, Зағиптар қоғамына және әлеуметтік жағдайы өте төмен алты отбасыға бөлініп берілді.

Пайғамбарымыз (Алланың оған игілігі мен сауабы болсын!) «Малдарыңызды зекетпен қорғаңыздар, ауру-сырқаттарыңызды садақа беріп емдеңіздер, басыңызға келген бәлекеттерге де Аллаһтан жалбарынып дұға етіп, көмек сұраңыздар» – деген.

Садақаның да материалды һәм рухани жағынан ем екендігі тағы бар.

Ораза айындағы осындай орайлы мүмкіндікті жіберіп алмау үшін қайырымдылық, тағы басқа ізгі амалдарды көп жасап, ақыретте сауаптаразымыздың ауыр тартуына тырысайық.

Ал, сауапты амалдардың алдынғы қатарында садақаның тұрғаны талассыз шындық.

Имам Тирмизи риуаят еткен және бір хадисте Аллаһ Елшісі (Оған Аллаһ Тағаланың игілігі мен сәлемі болсын!): «Шынында, садақа Аллаһ азабының жалынын өшіріп, жаман өлімнен сақтайды», – дейді.

Міне садақаның осындай керемет қасиеттері бар екенін және ақыретте көп сауабқа кенелетінін Пайғамбарымыздың (с.ғ.с.) хадистерінен байқаймыз.

ҚМДБ-ның Қостанай облысындағы өкілдігінің
баспасөз қызметі

Баршаға мәлім, Рамазан айы мұсылман қауым үшін аса қастерлі. Сондықтан да болар, Асылхан қажы Түсіпбек басқаратын облыстық Марал ишан мешітінің ұжымы жылдағы қалыптасқан дәстүр бойынша биыл да Оразаға жан – жақты дайындық жасады.

Осы имандылық ордасының жанына арнайы шатырлы орындар жасалды. Мешітке кіре беріске «Рамазан айы құтты болсын!» деген жазулар жазылып, күні бұрын ілінді. Бұл аталғандардың бәрі де мұсылман бауырларымыздың ислам дініне деген сенімі мен құрметін барынша арттыра түсті.

Биыл да Ораза айы барысында күнделікті жұршылыққа ауызашар берілді. Онда облыс басшысынан бастап, есімдері көпке танымал азаматтар, кәсіпкерлер, намазхандар дастархан жайып, үлкенді-кішілі қауымның батасын алды.

Аталаған сауапты істің ғибратты жағын Бас имам мен оның орынбасарлары халыққа жан-жақты түсіндіріп, барлық игі жұмыстардың басы – қасында жүрді.

Бір қуаныштысы, жылдан-жылға Ораза ұстаушылардың қатарында жастардың көбейіп келе жатқандығы. Олар да Рамазан айының қасиетті екендігін жете түсініп, дінімізге бет-бұрыс жасап жатыр.

Осы айда қайырымдылық мақсатында да жұртшылыққа өнеге болар бастамалар жерлестеріміздің есінде қалды. Мешіт қызметкерлері балалар үйінде болып, оларға сый-сияпат жасады.

Сондай-ақ киелі орында ұн да таратылды. Бұл ізгілікті шараға орыс шіркеуінің өкілдері де қатысты. Ұйымдастырушыларға өздерінің шын жүректен шыққан ықыластарын білдірушілердің қатарында арамызда ғұмыр кешіп жатқан өзге ұлттың өкілдері болды.

Қадір түні де мұсылман үшін өте қастерлі. Сол себептен де шілде айының 13-нен 14-не қараған түні мешітке халық өте көп жиналды. Осы орайда да имандылық ордасының барша қызметкерлері жұдырықтай жұмылып, үлкенді-кішілі қауымға аянбай қызмет жасады.

Кешкі ауызашармен қатар сол Қадір түні сәресі де берілді. Асылхан қажы бастаған дін қайраткерлері көпшілікке уағыз айтып, бас қосудың негізгі мәні мен мағынасына тоқталды.

Осы жайларды өз көзімен көріп, көңіліне түйген бауырларымыздың бірі – Айзат Асылбектің айтуына қарағанда, жастар жағы көп жайды ұғынды. Сондай-ақ, жалпы Рамазан айының мұсылман қауымының өмірінде алар орны мен тәлімдік-тәрбиелік жағының мол екендігін жете түсінді.

Сонымен үстіміздегі жылы да Қостанай өңірінде Рамазан айы жоғары деңгейде өтті деп толық сеніммен айта аламыз.

Жоғары да әңгіме арқауына айналған облыстық Марал ишан және облыстағы барлық аудандар мен қалалардағы мешіттерде Ораза айт намазы да тиісті деңгейде ұйымдастырылды. Үш күн айтта мұсылман бауырларымыз бір-біріне ізгі тілектерін білдірісті.

ҚМДБ-ның Қостанай облысы бойынша
өкілдігінің баспасөз қызметі

Малое омовение вуду состоит из обязательных частей и желательных. Обязательным условиями малого омовения является умывание: лица; рук, включая локти; ¼ поверхности головы, и ступней ног, включая щиколотки. Для действительности малого омовения достаточно совершить каждое действие единожды.