Білікті де іскер Шоқан қажы Әмірханов басқаратын Қостанай қалалық «Жайлаубай ата» мешітінің ұжымы қайырымды істерімен көпшіліктің алғысына бөленіп келеді.

Осы сөзімізді нақты дәлелі ретінде жуырда өңірдегі «Талапкер» ауылының тұрғыны, Ұлы Отан соғысы ардагерінің жесірі, 92 жастағы қарт әженің өтініш - тілегін қанағаттандырды.

Осылайша құны жүз мың теңге тұратын қыстың қызулы отыны - көмір түсіріліп берілді. Имандылық ордасының қызметкерлері қайырымдылық әрі ізгілік мақсаттағы әрекеттері үшін ардақты ананың ақ батасын алды.

Әңгіме арқауына айналған қалалық мешіт ұжымы алдағы уақытта да мұндай өзгелерге ғибрат боларлық істерді жалғастыра береді. 

Қостанай облыстық мешітінің баспасөз қызметі