Биыл Қазақстан мұсылмандары діни басқармасының 30 жылдық мерейтойы екендігі белгілі. Соған орай «Қайырымдылық керуені» атты үлкен қайырымдылық шарасы жарияланған еді.
Міне, осы игі мақсаттағы шара аясында белгілі дін қайраткері, Қостанай облысының Бас имамы Бахытбек қажы Тәжімбеттің тікелей басшылығымен «Мектепке жол» акциясы ұйымдастырылды.
Жалпы, көмекке мұқтаж 510 оқушыларға қажетті барлық құрал-жабдықтар (сөмке,смартфон,қағаз,қалам) сатып алынып, облыстық «Марал ишан» мешітіне әкелінді.
Оларды сатып алуға 3537000 теңге жұмсалды. Бұл мектепке баратын ұл мен қыздарды шексіз қуанышқа бөлейтін шараның жоғары деңгейде өтуіне республикалық «Зекет» қорының өңірдегі өкілі Мейрам Жүсіпбеков, облыстық мешіттің қайырымдылық жөніндегі наиб имамы Бақытжан қажы Икрам және имамдар өздерінің елеулі үлестерін қосты.
Бүгін яғни қасиетті Жұма күні облыстық мешіт алдындағы алаңда Қостанай облысының Бас имамы Бахытбек қажы Нұрғабылұлы құрал-жабдықтар тиелген «Қайырымдылық керуеніне» сәт сапар тілеп, акцияның дер кезінде ұйымдастырылуына септіктерін тигізген имамдарға, демеушілік жасаған барша бауырларымызға шынайы алғысын білдірді.
Сондай-ақ, келген журналистер қауымына акцияның мәні мен мақсатын түсіндірді. Еліміздегі әрбір бала жаңа оқу жылы басталғанда жүздері шаттықтан бал-бұл жанып, ерекше бақытты күйді бастан кешулері тиіс екендігін тебірене жеткізді.
«Қайырымдылық керуені» аймақтағы барлық аудандар мен қалаларда болып, құрал-жабдықтарды оқушыларға жеткізетін болады.
Қостанай облыстық мешітінің баспасөз қызметі
Қостанай облысының Әулекөл ауданы орталығында айтулы шара. Қазақстан мұсылмандары діни басқармасының құрылғанына 30 жылдық мерейтойы шарасы аясында көпір қолданысқа берілді.
ҚМДБ-ның Шариғат және пәтуа бөлімінің меңгерушісі Сансызбай Құрбанұлы мұндай игі шаралар мүфтияттың бастамасымен еліміздің барлық аймақтарында орындалып жатқанын атап өтті.
Айта кету керек үстіміздегі жылы «30 игі шара» аясында елге тиімді және ыңғайлы құдық не жер асты суы колонкасы, бұлақ көзін ашу, баспанасы жоқ дін қызметкерлеріне үй беру, зират-қорымдарды қоршау секілді істер атқарылуда.
«Міне осындай игі іске атсалысып жатқан демеушілерге Алла тағала разы болсын. Осы Әулиекөлдегідей игі шаралар жалғасын таба берсін»-деп Бас имам Тәжімет Бахытбек көпірді халыққа және Әулиекөл селосы әкіміне салтанатты түрде табыс етті.
Қостанай облыстық мешітінің баспасөз қызметі
Қазақстан мұсылмандары діни басқармасының бастамасымен атқарылып жатқан шаралар аясында Қостанай облысының Науырзым ауданында бұлақ көзі ашылды.
Бұлақ Қараменді елді мекені жолына бұрыннан көзі ашылмай жатқан. Міне осы игі іске сол елдің азаматы Шолақсай ауылының басшысы Өмірзақ Ихтиляпов демеушілік етті. Осылайша бұлақ көзі ашылып өткен кеткен жолаушыларға ыңғайлы етіп жн жағы абаттандырылды.
Айта кету керек осы игі істе ҚМДБ-ның Шариғат және пәтуа бөлімінің меңгерушісі Сансызбай Құрбанұлы, Қостанай облысының Бас имамы Бахытбек Нұрғабылұлы, найб имам Әлішер Ертайұлы, Науырзым ауданының әкімі Талғат Тойшыбекұл келді. Сонымен бірге аудандық «Түркебай» мешітінің алқа мүшелері де куәгер болды.
Сансызбай Құрбанұлы бұлақ көзін ашу, көпір немесе жол салу тағы басқа халыққа жасалған істердің сауабы еш тоқтамайтындығы туралы айтты.
Ал аудан әкімі Талғат Тойшыбекұл осындай игі шаралар елімізде көбейе берсе, біздің тарапымздан қолдау білдіреміз деп өтті.
Қостанай облыстық мешітінің баспасөз қызметі
Жақында еліміздегі болып жатқан төтенше жағдайға байланысты Науырзым аудандық «Түркебай» мешітінің ұйымдастыруымен көршілес Ресейден алынған дәрі-дәрмектер жергілікті ауруханаға тапсырылды.
Сонымен қатар ауруханада ем алып жатқан кісілерге 50 литр қымыз жеткізілді. Осы қайырымдылық көмекке жаны жайсаң азамат Жанат Жеңсікбайұлы мұрындық болды.
Жанат бауырымызға ризашылығымызды білдіре отырып, оған Алланың нұры жауа берсін деген ең ізгі тілегімізді жеткізгіміз келеді.
Қостанай облыстық мешітінің баспасөз қызметі
Қазақстан мұсылмандары діни басқармасының «Ел үлесі пәтерге» деп аталатын қайырымдылық акциясы аясында елімізде талай кісілер баспаналы болып, үлкен қуанышқа кенелуде.
Жуырда осындай қуанышқа дін саласында 30 жыл аянбай еңбек етіп, жұртшылықты имандылыққа, адамгершілікке баулып келе жатқан Қостанай облысы Алтынсарин ауданында имам болып қызмет атқаратын Ерік қажы Қожахметұлы Ыбырай ие болды.
Оған жоғарыда аталған «Ел үлесі пәтерге» жобасының 249-шы баспанасы өзінің кіндік қаны тамған Меңдіқара ауданында табыс етілді. Мұндай сәтті күтпегендіктен болар, оның жүзінен ерекше жоғары көңіл-күйдің нышаны айқын сезілді.
Ұзақ жылдар бойы өз саласында адал жұмыс істеген азаматқа мұндай мүмкіндік Қазақстан мұсылмандары діни басқармасының үстіміздегі жылғы мерейтойына орай діни кадрларға құрмет көрсету, марапаттау бөлімі және «Зекет» корпоративтік қорының тікелей бастамасымен туғызылғандығын ерекше атап өткеніміз жөн.
Ерік қажы Ыбырай адал еңбегін ескеріп, өзіне пәтер сыйлаған діни басқарма мен «Зекет» корпоративтік қордың басшыларына, өңірдегі барша жанашыр әріптестеріне шын жүректен шыққан шынайы алғысын жеткізді.
Біз халық сүйіспеншілігіне кенелген дін қайраткерінің қуанышына ортақтаса отырып, оған алдағы уақытта да мықты денсаулық, отбасында бақыт, жауапты қызметінде табыс тілейміз.
Қостанай облыстық мешітінің баспасөз қызметі
Арқалық қалалық «Мухтасиб Әлмұхаммед» мешітінің бас имамы Дархан Исламбекұлы қызметке кіріскелі бері талай игі іске мұрындық болып, көмекке мұқтаж жандардың қуанышына ортақтасты.
Ұлық мереке Құрбан айтқа байланысты да қайырымдылық шара ұйымдастырды. Ол Ардақты Пайғамбарымыздың «Бір-бірлеріңе сыйлық беріңдер, өйткені сыйлық сүйіспеншілікті арттырады, дұшпандықты кетіреді» деген өсиетін басшылыққа алды.
Осы сөзіміздің нақты дәлелі ретінде мешіт жанашыры Расул Абайұлы бауырымыздың демеушілігімен бір күнде ата-анасынан айырылған Нұрислам есімді оқушыға ноутбукт сыйға тартылды жәнеде 25 000 тг қаржылай көмек көрсетілді.
Жаны ізгі азаматтардың ыстық ықыласына бөленген Нұрислам алғысын жаудырды.
Қостанай облыстық мешітінің баспасөз қызметі
«Дорстрой материял ХХІ» ЖШС Директоры Марченко Владимир Анатольевич мырза Республикалық "Біз біргеміз" акциясының аясында Тобыл кентінің "Ажар" мешітіне құны 3000000 (үш миллион) теңге тұратын 5 қабатты үйдің 1 қабатынан 3 бөлмелі пәтер сатып алып берді. Ол пәтерді Арафа күні Ажар мешітіне ТОО «Дорстрой материял ХХІ» Директорының орынбасары тапсырды.
Кілтті тапсыру салтанатына Б.Майлин аудандық «Нұр Отан» партиясының бірінші орынбасары, жергілікті Тобыл кенті әкімінің бірінші орынбасары Есмағамбетов Аманжол Бауыржанұлы арнайы келіп, Ажар мешітінің имамына үйдің кілті табыстау сәтіне қатысты. Ауданымыздың бас имамы Нураханов Аязбек Жумабайұлы Қостанай облысының бас имамы Бақытбекқажы Тәжімбеттің Құттықтауы мен алғысын жеткізе отырып, үй алып беруге көмек сұрағанымызда жауапсыз қалдырмай көмектесіп үй алып беруші мекеме басшыларына және ұйымдастырып, жанашырлық танытып басы- қасында жүрген аудан әкімшілігі мен «Нұр Отан» партиясының басшыларына рахметін білдірді. Қасиетті Арафа күнгі Алла разылығы үшін мешітімізге жасалған сыйлықтарыңыз, тілеген жақсы тілектеріңізді Алла өзі кабыл етсін деп дұғасын жасады. Келген мешіт жамағаттары да өз ризақшылықтарын білдіріп, үй алуға себеп болған барша азаматтарға рахметін айтып жатты.
Соңында аудан имамы Нураханов Аязбек Жумабайұлы үй алып беруші мекеме басшыларына алғысын білдіріп Бұрынғы Мүфтиіміз болған Әбсаттар қажы Дербісәлінің "Иман және Заман" атты кітабын сыйға тартты. Соңында естелікке фотоға түсті.
Үстіміздегі жылғы Құрбан айт мейрамы өңірімізде ұйымшылдықпен өтті. Белгілі дін қайраткері Бахытбек қажы Нұрғабылұлы Тәжімбет басқаратын Қостанай облыстық мешіті қызметкерлерінің ұйытқы болуымен бұл мереке ойдағыдай әрі тиісті деңгейде ұйымдастырылды.
Қазақстан мұсылмандары діни басқармасы тарапынан карантинге байланысты мейрам кезінде қойылған барлық талаптар орындалды. Облыс бойынша 106 қой, 32 сиыр, 104 тоқты, 10 ешкі құрбандыққа шалынды.
Сөйтіп, алдын ала көмекке мұқтаж жандардың өтініштері назарға алынып, 1619 адамға сойылған ет таратылып берілді. Таратылған ет 11716 келіні құрады.
Жалпы, қамқорлыққа бөленген отбасылары мен азаматтар Құрбан айт кезіндегі өздеріне көрсетілген көмекке дән риза болып, шын жүректен шыққан шынайы алғыстарын білдірді.
Сонымен, биылғы үлкен айт мерекесіне өңірдегі барлық мешіттерде тыңғылықты әзірліктер жасалып, 3 күнде қаншама жанұялар мен жерлестеріміздің ыстық ықыласына бөленді.
Алдында ескертілгендей бүгін 31 тамыз күні Қостанай облысы бойынша Құрбан айт мерекесіне орай арнайы рәсімдер өңірдегі эпидемиологиялық ахуалға байланысты онлайн режимде жүзеге асырылуда.
Жалпы облыс бойынша Qurban2020.kz сайты арқылы құрбандық шалуға 91 тапсырыс берілген болатын. Сол тапсырыстарды орындау бойынша бүгінгі күні мешіт қызметкерлері «Амиго» ЖШС кешенінде құрбандық шалу аманатын орындауда.
Барлық өтініштер орындалып болған соң құрбандық еттерін мұқтаждарға жеткізіп беруге кіріседі.
Сонымен қатар кейбір қала аудандарда етке мұқтаждығы бар отбасыларына жеткізіліп берілді.
Қостанай облыс бойынша баспасөз қызметі
Санаулы күндерден кейін күллі мұсылманның ұлық мейрамы – Құрбан айт басталады. Биылғы Құрбан айт мейрамының бірінші күні шілде айының 31-не тұспа-тұс келіп тұр.
Аймағымыздың бас имамы Бахытбек Тәжімбет алдағы мереке қарсаңында Қостанайдағы «Амиго» серіктестігіне қарасты қасапханада болып, құрбанға шалынатын малдардың бағасын, жай-күйін, сойылатын орындардың санитарлық тазалығын тексеріп келді.
Облыстық мешіттің найб-имамы Әлішер Балахмет қасапшыларға семинар өткізіп, құрбан шалудың тәртібі мен талаптарын түсіндірді. Жалпы, өңіріміздің дін қызметкерлері онлайн құрбан шалуға әзір екендерін әрі түсіндіру жұмыстарының да қарқынды жүргізіліп жатқанын жеткізді.
Биылғы жылы еліміздегі төтенше жағдайға байланысты Құрбан айт күні құрбан шалу рәсімінде біраз өзгерістер болады.
Атап айтсақ:
Ақпарат http://www.kostanaytany.kz сайтынан алынды
МАҚАЛА АВТОРЫ QYDYRBEK QIYSHAN