Сұрағы:
Әссәләмуалайкум ұстаз, Алла разы болсын. Сізге бір сұрағым бар еді, жауап берсеңіз алғысым шексіз. Мен жақында операциядан шықтым, қаза болған бес уақыт намаздарымды оқып бастайын деп ем, сұрағым: қаза болған үтір намазын оқу міндетті ме? Әлде тек қаза болған бес уақыт намаздарымды оқып шықсам жарай ма? Рахмет.
Жауап:
Уа алейкум әссәләм! Әбу Дәуідтің хадистер жинағында келтірілген бір риуаятта ардақты Пайғамбарымыз (с.а.у.): «Кімде-кім, ұйқтап қалып немесе ұмытып кетіп үтір намазын жіберіп алса, онда оны есіне түскен кезде оқып алсын»[1], - деп бұйырған. Осы хадиске қарай отырып ғалымдарымыз: «құптан намазының қазасын өтейтін кісі үтір намаздың да қазасын өтеуі тиіс» - деген тоқтамға келген[2].
[1] Әбу Дәуід: Китабус сала – бәбу тәфриъи әбуәбил уитри - №1431 хадис.
[2] Бадаиғ – 2/227 бет.
Миләди
Хижри
