Жітіқара өңірінде жүзеге асырылып жатқан игі істер аз емес. Солардың бірі ретінде аудандық «Ержан Тәтішев» мешітінің жұмысының жанданып, әсемдене түскенін айтар едік.

Мұндай киелі орындар үнемі қолдауды, жанашырлықты қажет етеді. Көпшілікке белгілі, «Костанайские минералы» акционерлік қоғамы басшыларының тікелей демеушілігімен, мешіттегі шамдар жаңартылып, жергілікті халықтың дән ризашылығына бөленді.

Осындағы мешіттің имамы Мейіржан Қапарұлының айтуына қарағанда, киелі орындардың іші жарық та тартымды болғаны абзал. Қазіргі таңда аудандағы іскер азаматтардың қолдауының арқасында мешіттің іші-сырты келетін жамағаттың назарын бірден аударады.

Орнатылған шамдар сонадайдан жарқырап тұрады. Сол себептен де жаны жомарт кісілерге айтар алғыстары шексіз.