Қазақ ертеден «Жетім көрсең – жебей жүр» деген ұлағатты терең бойына сіңіріп өскен халық. Жетімге қарайласу Алла Тағаланың алдындағы ұлы сауапты амалдардан бірі болып табылады. Алланың елшісі ардақты Мұхаммед пайғамбарымыз (Алланың оған игілігі мен сәлемі болсын) жетімнің басын сипап қамқорлық көрсетуді көп насихаттаған.

Осындай Алла Тағаланың алдындағы ұлы сауапты қайырымдылық, Рудный қалалық «Нұр» мешітіндегі «Зекет қоры» жұмысының бастамасы болды.

Нақтырақ айтар болсақ, бас имам Азамат Серікбайұлы және «Зекет қоры» басшысы Серік Қаратайұлы мешіт қызметкерлерімен бірге Рудный қаласындағы Қостанай облыстық «Балалар үйіне» арнайы қайырымдылық іс-шарасымен барып, ондағы тәрбиеленуші балалармен кездесіп, сұхбаттасып, олардың алдағы мақсаттарына жетуіне тілектестігін жеткізді.

Сондай-ақ денсаулық кепілі спортпен шұғылданатын азаматтар болсын деген ниетпен балаларға спорт аяқ қиімдердін сыйға тартты. Бүлдіршіндердің бір сәт қуанышына куә болды.

ҚМДБ-ның Қостанай облысы бойынша өкілдігінің баспасөз қызметі