Ислам діні отбасыға, әсіресе, оның ең негізгі екі тірегі болып табылатын- ата-анаға ерекше мән берген. Пайғамбарамыз Мұхаммед (с.а.с)-ның дүниеге келген Мәуліт-аш-шариф айының құрметіне әдеттегідей Рудный қалалық «Қарттар мен мүгедектерге арналған №2 интернат үйінде жуырда қалалық «Нұр» мешітінің найб имамы Саят Серікұлы тағылымды кездесу өткізді.

Жүздесу барысында Пайғамбарымыз (с.ғ.с.) өмірінен уағыз-насихаттар, салауаттар айтылып, «Ислам және өркениет», «Иман» басылымдары, аудио-видео дисктер т.б діни атрибутикасы мен қоса киім-кешектер де қайырымдылық есебінде қарттарға табысталды.

Осынау айтулы Мәуліт айының аясында Алла Елшісін (с.ғ.с.) көбірек танып-біліп, оның өсиеттеріне ерекше назар аударайық! Айтқан салауаттарымыз жұртшылық жүрегіне жетіп, оларды рухани жағынан байыта берейік.

ҚМДБ-ның Қостанай облыстық өкілдігінің
Баспасөз қызметі