Дегенді жете түсінген Рудный қалалық «Нұр» мешітінде кейінгі жастарға және еліміздегі барша имамдарға үлгі- өнеге боларлық жұмыстар атқарылып жатыр.

Қазақстан мұсылмандары діни басқармасының төрағасы, Бас мүфти Ержан қажы Малғажыұлының үстіміздегі жылды «Дін және дәстүр жылы» деп жариялағаны белгілі. Осыны басшылыққа алған аталмыш мешіттің қызметкерлері аптаның әр жұмасында ақ сақалды қарттарымызға арналған курстың жұмысын барынша жандандыра түсуде.

Онда тек қана діни дәріс қана өтіп қана қоймайды, ата-бабамыздан мирас болып келе жатқан салт-дәстүрлер, әдет-ғұрыптар әңгіме арқауына айналады. Қарттарымыз қозғалған мәселеге байланысты өздерінің көкейдегі көрікті ойларын ортаға салады.

- Бас мүфтидің бастамасы барлық мешіттер тарапынан қолдау табуда. Имамдар жергілікті жерлерде дін мен дәстүр мәселесін кеңінен қозғап, оларды адамдардың санасына сіңіріп, кейінгі ұрпақтарға тағылым болуларына көп көңіл бөлуде, дейді облыстық Марал ишан мешітінің найб имамы Ғалымжан Маханбетов.

О.Жабайтегі