Бүгін Қазақстан мұсылмандары діни басқармасына Еуропа Одағы (ЕО) бірлестігінен біртоп делегат келді. ЕО Лаңкестікке қарсы күрес үйлестірушісі Гиллес де Керхов бастап келген қонақтар алдымен Алматыдағы Орталық мешіттің бүгінгі тыныс-тіршілігі мен имамдардың жұмыстарымен танысты.

Бас имам Нұрбек Есмағанбет Орталық мешітте атқарылып жатқан сауапты һәм жауапты жұмыстар жайлы баяндап берді. Олар неке залын көріп, Алла үйін аралады. Қонақтар Н.Әуесханұлымен Алматы қаласындағы мешіттердегі суат ашу курстары туралы сұхбаттасты.

Одан кейін ҚМДБ Аппарат басшысы Ғылымбек Мәжиевтің қатысуымен екіжақты кездесу өтті. Ғ.Жәдігерұлы қонақтардың сұрақтарына жауап беріп, Қазақстандағы діни ахуалдың тұрақты екенін, Отанымызды мекендеген 100-ден астам ұлттар мен ұлыстардың бір шаңырақ астында тату өмір сүріп жатқанын мәлімдеді.

«Ислам дінінің қазақтың қасиетті топырағына келгеніне 1200 жылдан асты. Ислам халқымыздың салт-дәстүрімен бітеқайнасқан. Сондықтан біздің халқымыз оны қабылдап, ата-бабаларымыз Ислам өркениетіне көп үлес қосты. Ал Қазақстандағы мешіттер мен медреселер бір орталықтан, яғни Қазақстан мұсылмандары діни басқармасының Орталық аппаратынан басқарылады», – деді Ғылымбек Мәжиев.

ҚМДБ баспасөз қызметі
www.muftyat.kz

«Орта Азиядағы исламның рөлі» атты халықаралық

конференциясына қатысушылардың

ҮНДЕУІ

Ислам Орта Азияның басым тұрғындарының тарихи діні болып табылады.

Көптеген ғасырлар бойы осы ұлан байтақ даланың халықтары ұрпақтан ұрпаққа рухани негіздерін исламнан тауып, өнегелі тұспалдарын, өзгермейтін құндылықтарын бойына сіңіріп, өздерінің дәстүрі мен мәдениетін байыта түсті.

Орта Азия – тек қана исламның таралу аймағы болып қалған жоқ, ол сонымен қатар ислам өркениетінің гүлденуі мен исламдық ойлаудың дамуының тарихи орталығы болды.

Орта Азиядағы ислам мәдениеті оның барша тұрғындарының күш салуымен дамыды. Осы топырақтардан шыққан ұлы тұлғалар әлем тарихына тек қана Құран мен Сүннеттің әйгілі білгірлері болып қана қалмады, олар табиғи және гуманитарлық ғылымды дамытқан ұлы ғұламалар ретінде танымал болды.

Имам Мухаммад аль-Бухари, Абу Мансур ас- Самарканди, Әбу Мансур аль-Матуриди, Әбу Наср әл-Фараби, Әбу Әли ибн Сина, Әбу Райхан әл-Бируни, Жүсіп Баласағұни, Қожа Ахмет Ясауй және олардың көптеген замандастары мен ұрпақтары әлемдік тарихта ілгерішіл озық ойдың өкілдері болып жазылды. Ислам мәдениеті мен өркениетін олардың еңбектерінсіз елестету мүмкін емес. Олар Орта Азияның ғана емес күллі ислам әлемінің мақтанышына айналды.

Осылайша Орта Азияда білімге, ізгілікке, адамгершілікке, кең пейілділікке шақырып, соқыр фанатизм мен зорлық зомбылықты қаламайтын исламның ағартушылық кеңістігі қалыптасты.

Орта Азия мұсылмандарын жалпыға ортақ діни негіз болып табылатын объективті, рационалды тұрғыдан исламдық қағидаттар мен дәстүрлі құндылықтарды үйлестіре білуімен ерекшеленетін сүнниттік исламдағы ханафи мазхабы біріктіріп отыр. Ханафи мектебінің осындай маңызды ерекшеліктері осы көп этносты және көпконфессиялы аймақта халықтардың бейбіт қатар өмір сүруіне негіз болып табылады.

Біздің қоғам ұзақ жылдарға созылған атеизм мен дінге қойылған шектеулерден кейін бүгінгі күні діни жаңғыру құбылысын басынан кешіріп, өзінің рухани бастауларына қайта оралуда.

Алайда нақ осы кезеңде Орта Азияның рухани кеңістігі дін атын жамылған, діннің ішкі мәніне бойламай сыртқы формада қабылдайтын, бұрмаланған жат идеологиялардың шабуылына ұшырады. Жалған дін уағыздаушылары қоғамға дін тазалығы туралы өз көзқарасын таңуға, Орта Азияда Ислам дәстүрлерінің болмағандығын дәлелдеуге тырысып, исламмен етене байланысқан ғасырлар бойы қалыптасқан рухани құндылықтарымызды жоққа шығаруда.

Өкінішке орай, аталмыш насихатпен алданған жеке дінге сенушілердің арасында өз отбасынан, халқының ұлттық дәстүрінен, отанынан және ақиқат діни сенімнен безіп, бас тарта бастағандардың қатары көбейе бастады. Олардың ішінде шектен шығып, терроризм мен экстремизм актілерін жасағандар да бар.

Конференцияға қатысушылар Орта Азия халықтарының мұндай тегеуріндерге өз жауабы бар екендігіне сенімді. Бұл – ары қарай гүлдену мен ізгілікті қалыптастыратын исламның құнды мұрасы.

Ханафи мазхабы өзінің діни-құқықтық ілімінің басымдылығын дәлелдей отырып, ортағасырлық радикалды фундаментализмнің тегеуріндеріне жауап бере алды.

Бүгінгі таңда терең мәдени, тарихи дәстүрлерге ие аймақтың мұсылман халқы радикализмнің, экстремизм мен терроризмнің ешқандай түрлерін қабылдамайды. Олар Исламды ізгіліктің, даналықтың, өзгелерге деген құрмет пен жалпыға ортақ прогресстің бастаушысы ретінде мойындайды. Олар ата-баба дәстүріне құрмет көрсетіп, ұрпақтарының амандығы үшін барлық жағдайды жасайды.

Ғұламалардан қалған ғылыми, әдеби, мәдени және рухани-өнегелік мұра бүгінгі күні де өз маңыздылығын жоғалтқан жоқ. Сондықтан еліміздің халықтарының өзара өркендеуі үшін ғылым мен мәдениетті дамыту үшін ата-бабаларымыздың жолын жалғастырып, Орталық Азия аумағында мұсылман қауымының прогрессивті интеллектуалды дамуы үшін негіз қалауымыз керек.

Конференцияға қатысушылар өздерінің барлық азаматтарын, зиялы қауым өкілдерін, сарапшылар қауымдастығын, мұсылман дін қызметшілерін осындай рухани әлеуетті сақтап, оны әрі қарай күшейту үшін бар күш-жігерін біріктіруге шақырады.

Орта Азиядан әлемге жарық шашқан Исламның рөлі жер бетінде бейбітшілік орнату, тыныштықты сақтау және гүлдендіру болып табылады.

Халықаралық конференцияға Қазақстан, Өзбекстан, Қырғызстан, Тәжікстан, Ресей Федерациясы, Мысыр мен Түркия тарапынан қатысушылар
Астана қ., 17 сәуір 2014 жыл

Қостанай қаласында тазалық апталығы өтіп, осындай сенбіліктер бұдан былай облыстың барлық мешіттерінде жалғасын табады. Қостанай еліміздегі шырайлы қалалардың бірі.

Оның осындай сұлу да ажарлы болуына біздің жерлестеріміз де өздерінің лайықты үлестерін қосуда. Осының нақты дәлелі ретінде жуырда облыстық Марал ишан мешітінде сенбілік ұйымдастырылды.

Оған аталған киелі орында апталық семинарға келген өңірдегі барлық аудандар мен қалалардың имамдары және облыстық мешіттің қызметкерлері қатысып, ұйымшылдықтың нағыз үлгісін көрсетті. Олардың біреулері қолдарына сыпырғы алса, енді біреулері жиналған қоқыстарды зембілге салып, тиісті жәшіктерге салып жатты.

Мына суретте бейнеленгендей, «Жұмыла көтерген жүк жеңіл» демекші, осы сенбіліктің арқасында мешіттің айцналасы айнадай жарқырап шыға келді. Жиналған дін қызметкерлерінің бәрі де ортақ іске өздерінің қомақты үлестерін қосты.

- Жалпы Ислам діні тазалықты ұнатады. Ал мешіт қашанда өзінің ұқыптылығымен, тазалығымен даралануға тиіс. Өйткені, бізге келген мұсылман бауырларымыз осындағылардан үлгі алады. Сондықтан да жылда сенбілік кезінде белсенділік танытып отыруды өзіміздің парызымыз санаймыз.

Облыстың бас имамы Асылхан Түсіпбек өте талапшыл да іскер азамат. Осы сенбілікте оның өзі бас болып, әріптестеріне өнеге көрсетті. Алдағы уақытта да осындай тазалық жолындағы жарқын істер жалғасын таба береді деген үміттеміз.

Марал ишан мешіті облыс орталығындағы өзіндік тарихы бар сұлу ғимараттардың бірі. Осылайша біз өзіміз ғұмыр кешіп жатқан қаламыздың бұдан да көркем де ажарлы бола түсуіне үлесімізді қоса береміз,-дейді облыстық Марал ишан мешітінің наиб имамы Дархан Сыздыков.

Қазақстан мұсылмандары діни басқармасының төрағасы, Бас мүфти Ержан қажы Малғажыұлы еліміздегі барлық деңгейдегі имамдардың біліктілігі мен білімі өздерінің атқарған қызметтеріне сай болу жағына айрықша назар аударып отырғаны белгілі.

Бас мүфтидің осы талаптарын басшылыққа алған облыстың бас имамы Асылхан Түсіпбек те өңірдегі әріптестерінің уақыт талаптарына орай білімдерінің терең, ой-өрістерінің биік болуына жете көңіл бөлуде.

Осы сөзіміздің нақты бір дәлеліндей облыстық Марал ишан мешітінде бір апта бойы қалалар мен аудандардың имамдарының біліктілігін арттыру мақсатында семинар өткізуге тікелей ұйытқы болды. Ол өзінің нәтижесін де берді. Имамдар көп жайды көңілге түйді. Өзекті мәселелерге байланысты лекциялар тыңдады.

Семинар барысында Құран, Ақида, Хадистану, Фиқһ негіздері пәндері бойынша дәріс оқылды. Мұнда Түркиядан келіп, біраз жылдардан бері қызмет атқарып келе жатқан білікті ұстаз Нұх Темиржі, Дархан Манарбекұлы имамдардың білімдерін тереңдетуге өздерінің ықпалын тигізді.

-Облыстық мешіттегі семинар жоғары деңгейде ұйымдастырылды. Сондықтан Асылхан Түсіпбек бастаған барлық дін қайраткерлеріне айтар алғысымыз шексіз,- деді Меңдіқара аудандық Зұлқарнай Мұса қажы мешітінің имамы Ерік Ыбырай.

ҚМДБ-ның Қостанай облысы
бойынша баспасөз қызметі

Абыз ақсақалға құрмет көрсетілді

немесе 80 жасар Мырзағали Ғабдоллаұлы туралы сөз

Өтіп бара жатқан өмір – ай десеңізші. Арамызда үлкенге сүйікті іні, кішіге-ардақты аға болып жүрген аса құрметті ақсақал Мырзағали қажы Ғабдоллаұлы осы жуырда ғана 80 жасқа толды.

Соған байланысты облыстың бас имамы Асылхан Түсіпбек, Қазақстан қажылар қауымдастығы Қостанай облысы филиалының төрағасы Жақсылық Ғайсин және облыстық мешіттің наиб имамы Бақытжан Икрам жақында мерейтой иесінің қара шаңырағында болып оны шын жүректен құттықтады.

Өңірдегі аса беделді қажыға жылы лебіздерін білдіріп, сый-сияпат көрсетті. Жалпы Мырзағали ағамыз қандай құрметке де әбден лайықты. Ол өткен жылдар ішінде өзінің азаматтық, ұйымдастырушылық, іскерлік, адамгершілік қырларымен өңірдегі барша замандастарына үлгі болды. Көптеген лауазымды да жауапты қызметтерді атқарды.

Біздің қазақ әдемі қартая білуде өнер дейді. Ол өте орынды айтылған. Осындай өзінің айналасындағыларға күндей шуағын төгіп келе жатқан тұлғалардың бірі де бірегейі Мырзекең десек қателеспес едік.

Ол кісінің тағы бір кейінгі інілеріне өнеге әрі тағылым болар қыр өте қарапайымдылығы. Бұл оның азаматтық ажарын барынша аша түседі. Кейіпкеріміз ұзақ жылдар бойы облыстық Әулиекөл ауданында жұмыс істеді. Онда да жерлестері айтып жүретіндей жарқын із қалдырды. Көрнекті тұлғаның Қазанбасы елді мекеніндегі тыңдырған жұмыстарының өзі бір төбе.

Мырзағали аға атына заты сай бауырымыз. Ол өзінің жомарттық, қайырымдылық секілді қасиеттерімен де көпке танымал. Ұзақ жылдар бойы Әулиекөл аудандық «Әмит ишан» мешітіне қолдау көрсетті.

Қостанай қаласына қоныс аударғаннан кейін де облыстық Марал ишан мешітінің тұрақты демеушісіне айналды.

Ол отбасында да бақытты. Ынтымағы жарасқан әулеттің басшысы ғұмырлық серігі Майнұр апамыз екеуі бақытты өмір сүріп, ұл мен қыздарының, немерелерінің қызығына бөленіп отыр.

Ұлтымызда «Асыл адам айнымас» деген де әдемі сөз бар. Бұл да біздің 80 жасқа толып отырған ұлағатты да аузы дуалы ағамызға арналып айтылған секілді. Өйткені, ол ешқашанда барға тасып, жоққа жасыған емес.

Мен де ол кісі жайлы кезінде көлемді мақала жазып, республикалық яғни, оның сүйіп оқитын басылымы «Ислам және өркениетке» жарияладым. Өзімнің кезекті бір кітабыма да енді. Онымен әңгімелесу қайсы қаламгер үшін де үлкен қуаныш сыйлайды.

- Өз басым Мырзағали ағаны ерекше құрметтеймін. Оның жүріс-тұрысын былай қойғанда, әрбір сөзінде тағылымы мол ғибрат жатыр. Жерлестерінің арасында өте абыройлы. Оның осы өткен мерейтойында да халық арасындағы беделінің қаншалықты жоғары екендігіне тағы да көзіміз жетті,-дейді Қазақстан қажылар қауымдастығы Қостанай облыстық филиалының төрағасы Жақсылық Ғайсин бізбен болған әңгімесінде.

Біз Мырзағали Ғабдоллаұлына алдағы уақытта да мықты денсаулық, ұзақ ғұмыр, отбасында бақыт тілейміз. Ұлтымызда осындай ардақты қарттарымыз көп болса, еліміздің де мәртебесі бұдан да асқақтай түсер еді-ау.

Оразалы Жақсанов.

Бас имам үлгі көрсетті

осындай сенбіліктер облыстың барлық мешіттерінде жалғасын табады

Қостанай еліміздегі шырайлы қалалардың бірі. Оның осындай сұлу да ажарлы болуына біздің жерлестеріміз де өздерінің лайықты үлестерін қосуда. Осының нақты дәлелі ретінде жуырда облыстық Марал ишан мешітінде сенбілік ұйымдастырылды.

Оған аталған киелі орында апталық семинарға келген өңірдегі барлық аудандар мен қалалардың имамдары және облыстық мешіттің қызметкерлері қатысып, ұйымшылдықтың нағыз үлгісін көрсетті. Олардың біреулері қолдарына сыпырғы алса, енді біреулері жиналған қоқыстарды зембілге салып, тиісті жәшіктерге салып жатты.

Мына суретте бейнеленгендей, «Жұмыла көтерген жүк жеңіл» демекші, осы сенбіліктің арқасында мешіттің айцналасы айнадай жарқырап шыға келді. Жиналған дін қызметкерлерінің бәрі де ортақ іске өздерінің қомақты үлестерін қосты.

- Жалпы Ислам діні тазалықты ұнатады. Ал мешіт қашанда өзінің ұқыптылығымен, тазалығымен даралануға тиіс. Өйткені, бізге келген мұсылман бауырларымыз осындағылардан үлгі алады. Сондықтан да жылда сенбілік кезінде белсенділік танытып отыруды өзіміздің парызымыз санаймыз.

Облыстың бас имамы Асылхан Түсіпбек өте талапшыл да іскер азамат. Осы сенбілікте оның өзі бас болып, әріптестеріне өнеге көрсетті. Алдағы уақытта да осындай тазалық жолындағы жарқын істер жалғасын таба береді деген үміттеміз.

Марал ишан мешіті облыс орталығындағы өзіндік тарихы бар сұлу ғимараттардың бірі. Осылайша біз өзіміз ғұмыр кешіп жатқан қаламыздың бұдан да көркем де ажарлы бола түсуіне үлесімізді қоса береміз,-дейді облыстық Марал ишан мешітінің наиб имамы Дархан Сыздыков.

Имамдар біліктілігін көтерді

Қазақстан мұсылмандары діни басқармасының төрағасы, Бас мүфти Ержан қажы Малғажыұлы еліміздегі барлық деңгейдегі имамдардың біліктілігі мен білімі өздерінің атқарған қызметтеріне сай болу жағына айрықша назар аударып отырғаны белгілі.

Бас мүфтидің осы талаптарын басшылыққа алған облыстың бас имамы Асылхан Түсіпбек те өңірдегі әріптестерінің уақыт талаптарына орай білімдерінің терең, ой-өрістерінің биік болуына жете көңіл бөлуде.

Осы сөзіміздің нақты бір дәлеліндей облыстық Марал ишан мешітінде бір апта бойы қалалар мен аудандардың имамдарының біліктілігін арттыру мақсатында семинар өткізуге тікелей ұйытқы болды. Ол өзінің нәтижесінде берді. Имамдар көп жайды көңілге түйді. Өзекті мәселелерге байланысты лекциялар тыңдады.

Семинар барысында Құран, Ақида, Хадистану, Фиқһ негіздері пәндері бойынша дәріс оқылды. Мұнда Түркиядан келіп, біраз жылдардан бері қызмет атқарып келе жатқан білікті ұстаз Нұх Темиржі, Дархан Манарбекұлы имамдардың білімдерін тереңдетуге өздерінің ықпалын тигізді.

- Облыстық мешіттегі семинар жоғары деңгейде ұйымдастырылды. Сондықтан Асылхан Түсіпбек бастаған барлық дін қайраткерлеріне айтар алғысымыз шексіз,- деді Меңдіқара аудандық Зұлқарнай Мұса қажы мешітінің имамы Ерік Ыбырай.

Алдағы міндеттерді пысықтады

Қостанай облыстық Марал ишан мешітінде Асылхан Түсіпбектің төрағалығымен өткен жиында өңірдегі барша имамдардың таяу кездері атқаратын жұмыстары жан-жақты пысықталды. Онда бас имам оны жан-жақты талдап, түсіндірді.

Қазіргі уақыт талабына сай алдағы уақытта облыстық Марал ишан мешітінде аудан және қала имамдары сараптамадан өтеді. Соған дайындық жайы кеңінен сөз болды.

Сондай-ақ үстіміздегі жылы еліміздегі діни оқу орындарын аяқтап,жолдамамен келетін түлектерді қызметке тағайындау мәселелері де айтылды.

Сонымен қатар алдағы күз айларында Қазақстандағы діни білім беретін институттар мен медреселерге оқуға баратын шәкіттер әзірлеу жайы да әңгіме арқауына айналды.

ҚМДБ-ның Қостанай облысы
бойынша баспасөз қызметі

Жақында Қостанай облыстық Ыбырай Алтынсарин мемориалдық мұражайында қатысушыларға тағымдық жағы мол жүздесу болып өтті. Онда «Рухани байлық бұлағы» деген тақырыппен ұлы ағартушы Ыбырай атамыздың «Шариат –ул Ислам» атты кітабы әңгіме өзегіне айналды.

Бұл берері мол танымдық сағатты Қостанай қаласындағы Ыбырай Алтынсарин мемориалдық мұражайының қызметкерлері ұйымдастырды.

Бұл кешке А. Байтұрсынов атындағы университеттің гуманитарлық – әлеуметтік кафедрасының оқытушысы Қарлығаш Қасымханқызы , Ыбырай Алтынсарин атындағы дарынды балаларға арналған мектеп-интернаттың психолог маманы Марина Келдібайқызы және облыстық Марал ишан мешітінің ұстазы Ұлжалғас Әбішева қонақ ретінде шақырылды.

Жоғарыда аталған басқосуға облыс орталығындағы №9 мектеп оқушыларымен ұстаздары және мәдениет қызметкерлері қатысты.

ҚМДБ-ның Қостанай облысы
бойынша баспасөз қызметі

Таяуда Рудный қалалық «Нұр» мешітінің найб имамы Саят Серікұлы Қостанай облысы әкімдігі денсаулық сақтау басқармасының Рудный шаһарындағы перзентханасы қызметкерлерімен кездесу өткізді.

Бұл басқосуда негізінен «Теріс ағымдардың қоғамға зияны» тақырыбы арқау болды. Наиб имам аталмыш мекеменің қызметкерлеріне бейбіт дініміздің татулықты, бірлікті, адалдықты бірінші орынға қоятыны, ешкімді ұлтына, дініне бөлмейтіні туралы айтты.

Сондай-ақ жүздесуге қалалық ішкі саясат бөлімінің басшысы Инна Робертовна және қалалық Богоявленский храмның протоиерейі Гутов мырзада қатысты.

ҚМДБ-ның Қостанай облысы
бойынша баспасөз қызметі

Жақында кеңшілер қаласы Рудныйдағы «Нұр» мешітінің бас имамы Сейіт Темірбекұлы осы шаһардағы Индустриялық институтының жатақанасында тұратын студенттермен кездесті.

Бұл басқосуда дін қайраткері жоғары оқу орынында білім алып жатқан жастарға кәзіргі таңдағы діни ахуал жайында кеңнен түсінік берді. Сонымен қатар олардың дәстүрлі дініміз Исламға аса құрметпен қарап, адам баласын жақсылыққа жетелемейтін теріс ағымдардан аулақ жүруге шақырды.

Осы жүздесуде студенттердің мешіт жанындағы сауат ашу курстарына қатысып, өздерінің дін мен дәстүріміз жайлы мол мағлұмат алуға болатындығы жайында жан-жақты баяндады.

Осы жиынға Рудный қалалық ішкі саясатының бөлімінің бас маманы Әнуар Қыстаубаев қатысып сөз сөйледі.

Бұл қызықты кездесуде бас имамға жастар өздерін толғандырып жүрген сауалдарын қойып, толыққанды жауап алды.

ҚМДБ-ның Қостанай облысы
бойынша баспасөз қызметі

Балдырғандар қамқорлықты айқын сезінді

немесе Бас имам Асылхан Мұханбетжанұының бастамасы барлық әріптестеріне өнеге

Асылхан қажы Түсіпбек Қазақстан мұсылмандары діни басқармасының

Қостанай облысындағы өкіл имамы болып тағайындалғалы бері талай өзгелерге тағылым боларлық істерге тікелей ұйытқы болып келеді. Оны жергілікті халық баспасөзден оқып, теледидарлардан көріп те жүр.

Жақында ғана осы сөзіміздің жарқын айғағы ретінде оның тікелей жаңашырлығымен Қостанай ауданынан қарасты Заречный орта мектебінде жетім балалар арасында есте қаларлықтай спорт ойындары ұйымдастырылды. Жүздерінен қуаныштың лебі ескен балдырғандар өздеріне туғызылып отырған қамқорлықты айқын сезінді. Жарыс барысында өздерін барынша көрсетуге тырысты.

Осы спорт ойынын тамашалаған азаматтардың ішінде жүректері тебіреніп, жан дүниелері толқымаған адам жоқ десе де болады.

Осыны ұйымдастырған бас имам өмірдегі ең бақытты сәт әлгіндей балалардың жүзіндегі бақытты күлкі екендігіне көзі әбден жетті.

Әлгі спорт жарысынан кейін балаларға футбол, волейбол доптары , теннис, дойбы және шахмат тапсырылды.

Осы басқосуда Қостанай аудандық Маңдай батыр мешітінің атынан екі кілем мен тәтті тағамдар да табыс етілді.

Жетім балалар өздеріне жасалған осындай ыстық ықылас пен қолдауға шексіз риза болды. Фаттах Халал кафесінде оларға арнайы дастархан жайылды.

- Қазақ «Жетім көрсең жебей жүр» дейді. Біздің Марал ишан мешітінің қызметкерлері өңірдегі жастай ата-ана қамқорлығынан айырылған барлық бүлдіршіндерге көмек беруді өздерінің басты парызы деп санайды. Биылғы Наурыз мерекесінің қарсаңында да аталмыш киелі орында осындай балдырғандардың басын қосып, оларға деген ыстық ықыласымызды көрсеткен едік.

Міне, енді олардың арасында спорт ойындарынан жарыс та ұйымдастырдық. Осындай балдырғандардың рухын көтеріп, көңіл күйлерін жоғары көтеретін шаралар жалғасын таба беретін болады,- деді Асылхан Мұханбетжанұлы нық сеніммен.

О. Жабайтегі