Қазақстан Мұсылмандары Діни Басқармасының «Халал Даму» стандарттау және сертификаттау орталығы басшысы Айбек Асқарбекұлы, бас сарапшы Жанар Мұратқызы және Қостанай облысы бойынша жауапты қызметкері Әлішер Балахмет Қостанай облысындағы «QMDB Halal» сертификатына сәйкес өнім өндіруші кәсіпорындарда кезектен тыс бақылау шараларын жүргізуде.

Мамандар тарапынан жүргізілген тексеріс барысында өңірдегі 20 кәсіпорын өндірісі қадағаланды. Атап айтқанда, «Муслима», «Зәм Зәм», «Turkish kebab house» дәмханалары, «Happy Cake» кондитерлік өнімдері, «Terra Meat» ет дүкені, «Бауырсақ», «Север Ет», «Айша», «Торговый Дом Аманат» ЖШС, «Мясной Дар» ЖК жартылай дайын өнімдері, «Патша» ұн өндірісі, «КОКО» құс фабрикалары және «Терра», «Қостанай Агро Продукт» ЖШС қасапханалары.

Муслима», «Замзам», «Turkish kebab house», «Piala» дәмханалары, «Нappy cake» кондитерлік өнімдері, «Торговый Дом Аманат» ЖШС, «Бауырсақ» жартылай фабрикаттар жасау цехтерін және «Медидез» жуғыш заттары тексерілді.

Қостанай облысы Қарабалық ауданында орналасқан «Terra meat» ЖШС қасапханасы және «Poultry Agro» ЖШС құс фабрикасы тексерілді. Рудный қаласында орналасқан «КОКО» сауда белгісімен танымал «Жас-Канат 2006» ЖШС жұмыртқа өндірісі тексерілді. Аудит барысында кәсіпорын қызметкерлеріне халал астың шариғаттағы орны, оның пайдасы, адал ас өндіру барысындағы тазалық мәселелері жөнінде айтылды.

Қостанай облыстық мешітінің баспасөз қызметі

Қазақстан мұсылмандары діни басқармасының «Халал даму» бөлімінің басшысы Айбек Аташев өңірдегі сапары кезінде Қостанай қалалық "Жайлаубай ата "мешітінде де болды.

Ол мұнда Ережеп айының бейсенбі кешінде жамағатпен кездесті. Өзекті тақырыпқа байланысты уағыз-насихат айтты. Еліміздегі халал индустриясының дамуы жөнінде әңгімеледі.

Сондай-ақ жүздесу барысында мұсылман бауырларымыз қойған сауалдарына тұшымды жауап алды. Ауыз ашар дастарқанынан дәм татты. Жиналған қауыммен бірге Құптан намазын оқыды. Облысқа сыйлы ақсақалдар ақ батасын берді.

Қостанай облыстық мешітінің баспасөз қызметі

Қазақстан мұсылмандары діни басқармасының «Халал даму» бөлімінің басшысы Айбек Асқарбекұлы арнайы іс-сапармен Қостанай өңіріне келді.

Елімізге танымал білікті маман жұмыс барысында алдымен Ресеймен шекаралас жатқан Қарабалық ауданындағы «TERRA MEAT» қасапханасының тыныс тіршілігімен танысты.

Содан кейін Рудный шаһарындағы «Жас Қанат – 2006» құс фабрикасына ат басын тіреді. Бұл ұжымның атқарып жатқан жұмыстарына өзінің оң бағасын берді. Онымен бірге Қостанай облыстық мешітінің найб имамы, «Халал дамуға» тікелей жауапты Әлішер Балахмет болды.

Қостанай облыстық мешітінің баспасөз қызметі

Жақында Қостанай облыстық мешітінде әйел ұстаздар мен белсенді әйел жамағаты жиын өткізіп, бір жылдық жұмыс жоспарын талқылады. Онда өңіріміз бойынша әйел-қыздар секторының басшысы Жансая Халим Қазақстан мұсылмандары діни басқармасы тарапынан бекітілген міндеттер жөнінде баяндады.

Онда жыл бойы әр ай сайын жүзеге асырылатын іс-шаралардың аса маңыздылығына жан-жақты тоқталды. Әйел жамағатының ауыз бірлігі мен қоғамдағы алатын орны хақында сөз болды.

Сектор жетекшісінің айтуына қарағанда, олар жұмыс барысында ұлттық негізді басшылыққа алады. Оны дінмен сабақтас құнды дәстүрімізбен тығыз байланыстырады.

Бұл басқосудан әйел ұстаздар мен қатысушылар алдағы уақытта атқарылатын міндеттерді айқындап, жалпы жүрегі нәзік жандардың отбасында, күнделікті өмірде алатын орындары туралы көп жайды көңілдеріне түйді.

Қостанай облыстық мешітінің баспасөз қызметі

Қостанай облыстық «Аймағанбет Спанұлы» мешітінде Бас имам Бахытбек қажы Тәжімбеттің төрағалығымен өңірдегі имамдар бас қосқан жиын болып өтті.

Онда Бахытбек қажы Нұрғабылұлы осынау «Ислам және ізгі қоғам» жылында ерекше назар аударылар маңызды бес бағытқа жан-жақты тоқталды. Қазақстан мұсылмандары діни басқармасы тарапынан бекітілген «Дін мен дәстүр», «Ізгі қоғам», «Ихсан және насихат», «Діни оқу-ағарту» және «Жат діни ағымдардан сақтандыру» бойынша атқарылатын жұмыс жоспарымен таныстырды.

Ол өз сөзінде мешітке келуші жамағатпен, оның ішінде мүмкіндігі шектеулі жандармен байланысты нығайту қажеттігін тілге тиек етті.

Сонымен қатар, уағыз айту әдебі, оқу-ағарту, насихаттауда заманауи тиімді тәсілдерді қолдану, жамағат және қоғаммен тығыз байланыс орнату, рухани ұлттық құндылықтарды, дін мен дәстүрді дәріптейтін іс-шараларды барынша жандандыру, жастарды жат ағым арбауынан сақтандыру, өңірді білікті кадрлармен қамтамасыз ету, дін қызметкерлерінің тұлғалық бейнесін қалыптастыру, тазалықты сақтау, мешіттің құжаттамаларына ұқыпты болу мәселелерін тұрақты назарда ұстау керектігін баса айтты.

Жиын соңында Бас имам дін қызметкерлерін өңірдегі діни ахуалдың тұрақтылығын сақтай отырып, еліміздің басты құндылығы – халықтар арасындағы ынтымақ пен бірлікті күшейтуге лайықты үлестерін қосуға шақырды.

Қостанай облыстық мешітінің баспасөз қызметі