Бүгін елордада Қазақстан мұсылмандары діни басқармасының 30 жылдық мерейтойына орай өтіп жатқан «Ислам – мәдениет пен ізгіліктің бастауы» атты имамдардың IV республикалық онлайн-форумына Қазақстан Президенті Қасым-Жомарт Тоқаев құттықтау жолдады.

Президенттің құттықтау сөзі LED экранда бейне жазбада берілді. Мемлекет басшысы ең алдымен форум қатысушыларын Қазақстан мұсылмандары діни басқармасының 30 жылдық мерейтойымен құттықтап, IV республикалық имамдар форумы мүфтияттың ұйымдастырушылық қызметін жаңа бір белеске көтеріп, рухани бастамаларға тың серпін беретінін атап өтті. Сонымен қатар форум жұмысына жаңа жетістіктер тіледі.

Айта кетсек, форум мақсаты – мұсылман қауымы арасында ұлттық рухани дәстүрлерге негізделген діни рәсімдер мен жоралардың мәдениетін қалыптастыру және зияткер имам мәртебесіне лайықты дін қызметкерлерін іріктейтін құжаттарды қабылдау.

Форумның қорытындысы бойынша «Ас беру мәдениеті», «Зират және зиярат мәдениеті», «Зияткер имам» құжаттары қабылданады. Аталған құжаттар жұртшылық арасында орындалатын діни рәсімдерді бірізділікке келтіруге және зияткер имам мәртебесін беруге лайықты дін қызметкерлерін іріктеуге оң ықпалын тигізбек.

Бүгін елордада Қазақстан мұсылмандары діни басқармасының 30 жылдық мерейтойына орай мүфтият ғимаратында «Ислам – мәдениет пен ізгіліктің бастауы» тақырыбында имамдардың IV республикалық онлайн-форумы басталды.

Форумға Мемлекеттік хатшы Қырымбек Көшербаев, Ақпарат және қоғамдық даму министрі Аида Балаева, ҚМДБ Төрағасы, Бас мүфти Наурызбай қажы Тағанұлы, мемлекет және қоғам қайраткерлері, Діни басқарманың өңірлердегі бас имамдары, сондай-ақ онлайн режимде 1000 дін қызметкері қатысуда.

Форум мақсаты – мұсылман қауымы арасында ұлттық рухани дәстүрлерге негізделген діни рәсімдер мен жоралардың мәдениетін қалыптастыру және зияткер имам мәртебесіне лайықты дін қызметкерлерін іріктейтін құжаттар қабылдау.

Форумның қорытындысы бойынша «Ас беру мәдениеті», «Зират және зиярат мәдениеті», «Зияткер имам» құжаттары қабылданады. Аталған құжаттар жұртшылық арасында орындалатын діни рәсімдерді бірізділікке келтіруге және зияткер имам мәртебесін беруге лайықты дін қызметкерлерін іріктеуге оң ықпалын тигізбек.

Қостанай облысы бойынша өкілдігі үстіміздегі 2020 жылы атқарылған жұмыстарды қорытындылады.

Өз кезегінде облыстың Бас имамы Бахытбек Нұрғабылұлы Қазақстан мұсылмандары діни басқармасының және Бас мүфти Наурызбай қажы Тағанұлы хазреттің тапсырмасы аясында жасалған жұмыстар туралы баяндады.

Дініміздің негізгі төрт бағыттары болып табылатын, уағыз насихат, қайырымдылық, жат ағыммен күрес, сауат ашу курстарын жандандыру бойынша жасалған жұмыстар туралы аталып өтті.

Сонымен қатар, еліміздегі карантин жағдайында жұмыс жасауды жанандыру және діни рәсімдерді атқару туралы жоспар талқыланып, әр қалалар мен аудандарға аталған бағытта жұмыстарды жандандыру бойынша берілді.

ҚМДБ-ның Қостанай облысындағы 
өкілдігінің баспасөз қызметі

Биыл қазақтың маңдайына біткен бір туар азамат, ақын, жазушы, көрнекті көсем сөзшебері Міржақып Дулатұлына 135 жыл толды. Ол Алаш қайраткерлерінің алдыңғы сапында жүріп, ұлтымыздың сауаттануына, рухани, мәдени тұрғыдан дамуына өлшеусіз үлес қосты.

Әсіресе, оқу-ағарту саласында сіңірген еңбегі ерекше. Бүкіл саналы ғұмырын ұлтының жарқын болшағына арнады. Осынау дара тұлғаның мерейтойы қарсаңында Рудный қалалық «Нұр» мешіті мектеп оқушылары арасында «Арқаның саңлағы – Міржақып» атты байқау өткізді. Оған 39 оқушы қатысты. 7-10 сыныптардағы шәкірттер арасында ақынның шығармалары жатқа оқылып, мағынасына қарай суреттер салынды. Аталмыш шарада оқушылар көсемсөз шеберінің өмірі мен шығармашылығы туралы білімдерін көрсетті. Балалар өздерінің тиянақты дайындықпен келгендігін танытты.

- Байқаудың негізгі мақсаты – жастарға патриоттық тәрбие беру, көркемсөз оқу жөніндегі шеберлігін дамыту және ұрпақтар сабақтастығын нығайту. Сонымен қатар, балаларға Міржақып бабамыздың өлмес мұраларымен жан-жақты танысуына мүмкіндік туды -дейді мешіт имамы Бектұрсын Уәлиев.

Әділ қазылар алқасы оқушылардың білімін сарапқа салып, жеңімпаздарды анықтады. Шығармаларды мәнерлеп оқудан Бас жүлдені Б.Майлин мектебінің оқушысы Жамбыл Тоққажаев, сурет салудан 1-ші орынды Кәрім Рахимов иеленді.

Жүлде қоры 100 мың теңгені құрады. Жалпы 16 оқушыға ақшалай сыйлық пен М.Дулатұлының «Оян, қазақ» атты кітабы тапсырылды. Байқауға «Адлет-Т» ЖШС төрағасы Бақберген Қасымұлы демеушілік етті.

Қостанай облыстық мешітінің баспасөз қызметі

Быйылғы жылы облысымыздың Денисов ауданына қарасты Фрунзе ауылындағы «Аят» намазханасында күрделі жөндеу жұмыстары жүргізілді. Онда намазхананың кәріз жүйесі жаңартылып, дәрет алатын орын жасалынды.

Сондай-ақ аталған намазхананың ауласы қоршалып, асханаға қажетті бұйымдар алынды. Әрине, мұндай игілікті істердің қасында жанашыр азаматтар қолдау білдіріп, сауапты іс жасалды.

Осы орайда ауданның бас имамы Руслан Маратұлы демеушілік көрсеткен кәсіпкерлерге шынайы алғыс хат тапсырды.

Халқымызда «Жақсының жақсылығын айт нұры тасысын» демекші «Аят» намазханасының молдасы Болат Кәрімжанұлыда демеушілік көрсеткен азаматтарға жұмыстарында толағай табыстарға жете беруіне тілектестігін білдірді.

Қостанай облыстық мешітінің баспасөз қызметі

Таяуда Қарабалық ауданындағы «Ғашура ана» мешіті облыс бойынша жүргізіліп жатқан «Көшпелі керуен» республикалық қайырымдылық акциясы ұйымдастырылды.

Шара аясында «Ақбидай- Агро» жауапкершілігі шектеулі серіктестігі, жеке кәсіпкер Г.Айтказина және мешіт жанашырлары үлес қосты.

Осылайша аудандағы тұрмысы төмен, көпбалалы т.б. көмекке мұқтаж 30 отбасына азық-түлік қоржыны таратылды.

Сондықтан да Қарабалықтық бауырлар әлеуметтік жағынан қолдауға мұқтаж жандарға қол ұшын беріп сауапты істе ауызбіршілігін көрсетті.

Қостанай облыстық мешітінің баспасөз қызметі

Мұхаммед пайғамбарымыздың (оған Алланың игілігімен салауаты болсын) туған күні яғни Мәуліт мерекесіне байланысты өңіріміздің қалалары мен аудандарында оның тағылымды ғұмырына орай есте қаларлық шаралар ұйымдастырылуда.

Өткен 6 қарашада Рудный қалалық «Нұр» мешітінің «Әйел-қыздар секторы» мәнді де мазмұнды рухани кеш өткізді. Ол «Алланың сүйіктісі, үмметінің шапағатшысы әз Мұхаммед с.ғ.с.»-деп аталады.

Бұл басқосуда құттықтау сөзбен ашқан ұстаз Аяулым Ермекқызы жиналғандарға тәрбиелік мәні зор уағыз-насихат айтты. Кеште салауат жырлары оқылды. Сондай-ақ «Жүлде кімге бұйырады?» деп аталатын тақырып бойынша викториналық сұрақ-жауап сайысы өткізіліп, жеңімпаздарға сыйлықтар табыс етілді.

Жиналғандар арнайы жайылған мерекелік дастарханнан дәм татты. Ақ жаулықты әжелеріміз ақ батасын беріп, жастарға болашақта бағдар болар ақыл-кеңестерін берді. 

Бір айта кетер жай, кештен кейін әйел жамағаттары қайырымдылық мақсатында Кристина есімді жалғызбасты көпбалалы ананың отбасына киім-кешек, күнделікті тұтынатын азық-түлік және балаларына тәтті тағамдарды тапсырды.

Бұл шаңырақ үлкен қуанышқа кенеліп, қайырымдылық жасаған жүрегі жомарт жандарға шынайы алғыстарын білдірді.

Қостанай облыстық мешітінің баспасөз қызметі

«Балықты» мешітінің Бас имамы Есенкелді қажы Сақтағанұлы ұйымдастыруымен және жеке кәсіпкер Сусырко Султыговтың демеушілігімен «Қайырымдылық керуені» акциясы жалғасын тапты.

Аталмыш шара Қазақстан мұсылмандары діни басқармасының бастамасымен жүзеге асып келе жатқан игі істердің бірі болатын.

Бұл ретте аудандағы Сатай, Троебрат, Киров, Ұзынкөл ауылдық округтарында тұратын күнкөрісі төмен 30 отбасына күнделікті тұтынатын азық-түлік өнімдері тартылды. Аталмыш қоржында шай, қант, май, күріш, ұн, кәмпит, кондитерлік өнімдер мен жемістер салынған.

Әрқашан өзінің биік азаматтық қасиеттерімен дараланатын кәсіпкер Сусырко Магомедұлы «Біз ауданның бас имамы Есенкелді қажыны ерекше құрметтейміз. Біраз жылдардан бері қайырымдылық мақсатында жұмыс істеп келеміз. Осы жолы да «Қайырымдылық керуені» қолға алынғанын естіп, өз үлесімді қосуға тырыстым», - деді Ұзынкөлге есімі танымал кәсіпкер.

Иә, «Жақсы сөз жан семіртеді» емес пе? Бас имам өзі көпшіл, халыққа жақын болған соң, кәсіпкер кісілер де қолдау көрсетеді. Бүгін келтіріп отырған жарқын мысалдарымыз осы сөзіміздің нақты айғағы.

Қостанай облыстық мешітінің баспасөз қызметі