Қанағат – бұл өте аса құнды қасиет. Қанағат – пендеден еш нәрсе дәметпеу, тек Алладан ғана тілеу. Пенде Құдайдың өзіне ажыратып берген несібесін менсінбей, біреудің мүлкін жан-тәнімен қалаудан артық арсыздық болмас, сірә. Сондай-ақ, парақорлық, ашкөздік – бұлар қанағатсыздық салдарынан туындайтын дерттер.
Расында адам баласы өз бойына біте бастаған арам шөп секілді жаман мінездерді жойып отыруы, ал көркем мінездің тамыр жайуына, өсіп- өнуіне қолайлы жағдай жасап отыру керек-ақ. Сондай мақтаулы көркем мінездердің бірі – қанағат. Қанағат – сарқылмас қазына.
Хакім Абай да адам бойындағы қанағат сезімін: «Талап, еңбек, терең ой, Қанағат, рақым, ойлап қой - Бес асыл іс, көнсеңіз», - деп келтірген. Қанағатшыл адам ғұмырында көп жақсылық көріп, жаманшылықтардан құтылады.
Құран Кәрімде әз-пайғамбарымызды (оған Алланың игілігі мен сәлемі болсын) Алла Тағала:
وَإِنَّكَ لَعَلَىٰ خُلُقٍ عَظِيمٍ
«Расында, сен ұлы мінезге иесің»(1), - деп мақтайды.
Айша анамыз (р.а.) пайғамбарымыздың (с.ғ.с.) мінезі жайлы: «Оның мінезі Құран еді. Құран риза болған жайтқа риза болушы еді. Құран ашуланған жайтқа ашуланушы еді» (2),- деген болатын.
Сондай- ақ Алла елшісі Мұхаммед (с.ғ.с.): «Шын мәнінде, мен көркем мінездерді кемелдендіру үшін жіберілгенмін» (3),--деп өзінің елші ретінде жіберілгендегі негізгі мақсатының бірі адам баласына жақсы мінез үйрету екендігін баян еткен.
Жәбир (р.а.) риуаят еткен хадисте ардақты Пайғамбарымыз (с.ғ.с.): «Ей, адамдар! (ризық- несібені) табуда көркем әрекетте болыңдар! Өйткені пенде тек өзіне тиесілі жазылғанды ғана алады. Пенде дүниеден өзіне тиесілі сыбағасы тап алдына келмейінше дүниеден әсте кетпейді» (4),- деген екен. Пайғамбарымыздың (с.ғ.с.) бұл сөзі адамның ашкөздік, қанағатсыздық секілді дерттен емдейді. Алла Тағала өзін несібесіз қалдырмайтындығына шын сенген адамның бойына қанағат сезімі орнай бастайды. Ал, көкте самғаған құсқа да, ағаш ішіндегі құртқа да, барлық тіршілік иелеріне қорек берген Алла тағала адам баласын қалайша азықсыз қалдырсын?!
Алайда, қанағатсыздыққа себеп боладын жаман мінез – ысырапшылдық. Адам баласы көзіне түскен барлық дүниені иемденгісі келеді де тұрады. Осылайша тойымсыздық пен ысырапшылдық кесірінен адам бойындағы қанағат ешқашан жабылмайтын ашкөздік есігіне айналады. Бұдан шығудың жолы – үнемшілдік.
Ибн Масуд (р.а.) Алла елшісінің (с.ғ.с.) мына сөзін риуаят еткен: «Үнемшілдік еткен жоқшылық көрмейді»(5). Расында, дүниесін оңды- солды шаша бермей, байыппен жұмсай білген үнемшіл кісінің қолындағы қаражат берекелі болады.
Имам Ғазалидің (р.а.) «Ихия улум әд-дин» кітабында мынадай риуаят бар: Мұса (ғ.с.) Раббысынан: Сенің қай құлың ең бай? – деп сұраған екен. Алла тағала: Менің бергеніме ең қанағатшылы,- деп жауап береді. Құлдарыңның ең әділі кім? – деп сұрағанда Алла тағала: әуелі өзіне әділ болғаны,- дейді. Расында, байлық дүниенің көптігінде емес. Байлық жүрекетегі қанағатта. Қанағатшыл мұсылман дүниенің жылтырағына көз қиығын да салмайды. Жаратқанның өзіне тиесілі етіп берген ризық- несібесіне шүкіршілік етеді. Қанағатшыл мұсылман ашкөз адамға қарағанда, құлшылыққа едауір жақын. Қанағат шүкіршілікті тудырады. Ал, шүкір етуші Раббысының бұйрығын бұлжытпай орындауға бейім тұрады.
Расында, қанағат – байлық. Бойына қанағат мінезі біткен адамнан артық бай адам болмас. Мұндай жан барға қанағат етіп, жоқтың соңынан қумайды.
Алла тағала баршаларымызды қанағатшыл құлдардың қатарынан болуды нәсіп етсін!
Қарабалық ауланы «Ғашура ана» мешітінің бас имамы
Рахым Серік Темірбекұлы
Рудный қалалық «Нұр» мешітінің бас имамы Бектұрсын Уәлиев алқа мүшелерінің қатысуымен бір жылда атқарылған жұмыстың қорытындысы бойынша жиын өткізді. Онда негізінен жүзеге асырылған діни бағыттағы іс-шаралар, уағыз-насихат, қайырымдылық және кіріс-шығыс қаражат жөніндегі есебі тыңдалды.
Бас имам басқосуда атаулы күндердегі ұйымдастырылған шаралармен қатар, қайырымдылыққа да аса ден қойылғандығына тоқталды. Қатысушыларға демеушілер мен жамағаттың атсалысуымен былтыр жаз айында қауіпті індетке қарсы күресте қалалық ауруханаға 3 дана ИВЛ тыныс алу аппараты алынғанын жеткізді.
Сондай-ақ, көп балалы көмекке аса мұқтаж 435 отбасына азық-түлік, 40 оқушыға мектепке қажетті оқу-құралдары мен онлайн сабақтары үшін 6 дана ұялы телефон тапсырылғанын тілге тиек етті.
Есеп барысында аталмыш мешіттің іші-сыртына жөндеу жұмыстары жасалғаны, жиһаздардың жаңартылғаны, қазіргі карантин кезінде барлық тиісті санитарлық жабдықтармен қамтамасыз етілгені айтылды.
Бас имам өз сөзінде алқа мүшелеріне алдағы уақытта ҚМДБ тарапынан 7 бағыт бойынша жан-жақты жұмыстар атқарылатынын, мәйітхана мен таһаратхана құрылысын салу ісі қолға алынатындығын, бұл игі мақсаттағы жұмыстарда өздерінен қолдау күтетіндігін де баяндады.
Алқа мүшелері мешіттің бір жылдық жұмысымен жан-жақты танысып, бас имам бастаған барлық қызметкерлерге шын жүректен шыққан шынайы алғыстарын білдірді. Келесбай ақсақал ақ батасын берді.
Қостанай облыстық мешітінің баспасөз қызметі
Қазіргі таңда Қостанай облысына қарасты барлық мешіттерде карантин талаптарын сақтай отырып, бес уақыт намаз оқылуда. Осыған орай облыстық мешіт имамдары арнайы тексеру комиссиясын құрып, мешіттердің жағдайымен танысуда.
Бас имам Бахытбек қажы Нұрғабылұлы Тобыл қалалық «Маңдай батыр» мешітіне арнайы барып, онда санитарлық нормалардың сақталуына және мешіт қызметкерлерінің бетпердені ұдайы тағып жүруіне айрықша назар аударды. Сонымен қатар намаз оқитын орынның белгіленуін қадағалап, қызметкерлерге нақты тапсырмалар берді.
Сондай-ақ, облыстың Бас имамы Рудный қалалық «Нұр» мешітінде де болды. Ол осынау мешіттің қызметкерлерімен кездесу барысында тазалық пен тәртіптің сақталуын талап етті.
Ал, облыстық мешіттің наиб имамдары Дархан Манарбекұлы және Әлішер Ертайұлы Қостанай қалалық «Жайлаубай ата» мешітінің тыныс-тіршілігімен танысты. Бұл мешіттің Бас имамы Шоқан қажы Ғазизұлы өздерінде тындырылып жатқан игі мақсаттағы істер жайлы баяндады. Намазхананың тазалығына ерекше көңіл бөлінетіндігін тілге тиек етті.
Әңгімеге арқау болған Қостанай қалалық мешіті жолдың бойында орналасқандықтан киелі орынның жертөле қабатында жолаушыға арналған бөлме ашылған екен. Ол жерде жолаушыларға қажетті дәрі-дәрмек, ыстық шай, жылы су, бетперде, тегін интернет желісімен жабдықталған.
Қостанай облыстық мешітінің баспасөз қызметі
Жуырда Қазақстан мұсылмандары діни басқармасының «Зекет» қорының мұқтаж отбасына көмектесу шарасы аясында Қостанай қалалық "Жайлаубай ата" мешітінде "Жылулық сыйла" атты акция өткізілді.
Онда 1тонна 700 келіден екі отбасыға қайырымдылық көмек жасалды. Осындай қамқорлыққа бөленген «Мелиоратор» саяжай учаскесі мен Дружба ауылында тұратын Наталья Гередт пен үш баланың анасы Сандуғаш Адаеваның өздеріне көмек көрсеткен жандарға деген алғысы шексіз.
«Жайлаубай ата» мешітінің бас имамы Шоқан қажы Әмірханов пен наиб имам Ерлан Сыздықов және басқа да қызметкерлері қайырымдылық мақсатында бұдан бұрын да талай рет игілікті істер атқарып, халықтың құрметіне бөленген болатын.
Олар демеушілермен келісе отырып, әлеуметтік жағынан аз қамтамасыз етілген отбасылар мен көп балалы аналардың осындай қиын кездерде жанынан табылып, өздерінің биік азаматтық қасиеттерімен көпке танылуда.
Қостанай облыстық мешітінің баспасөз қызметі
Қазақстан мұсылмандары діни басқармасының бастамасы негізінде республикамыздың барлық мешіттері қарамағында қайрымдылық мекемелері ашылуда.
Ондағы мақсат жастарға ата-баба салт дәстүрін сақтай отырып діни тәлім тәрбие беру.
Міне енді Қостанай да қасиетті жұма күні облыстық мешіттің жанындағы «Марал ишан» қайырымдылық мекемесі ресми түрде ашылды.
Осы қайрымдылық мекемесінде жастар жергілікті оқу орындарында дәріс ала жүріп, мешіттегі діни курстарда да ислам дінінің құндылығы мен адамгершілікке үндейтін қырларын меңгереді.
Мекеме директоры облыстық мешіттің наиб имамы Тимур Туребаевта аталмыш білім орталығы өскелең ұрпақтың өмірінде айрықша орын алатындығына тоқталып өтті.
Облыстың Бас имамы Бахытбек қажы Нұрғабылұлы мешіттің алқа мүшелері мен шараға қатысушыларды есте қаларлық оқиғамен шын жүректен құттықтап, шәкірттерге сәттілік тіледі.
Бұл дәріс беретін орынның ерекшелігіне келсек, мұнда 25 шәкіртке арналған тегін жатын орын беріліп, тамақпен толық қамтамасыз етіледі. Ал кітапханада барлық оқу құралдары бар. Негізінен дәрісті облыстық мешітте қызмет атқаратын имамдар жүргізеді. Болашақта оқитын жастардың саны 70-ке жеткізілетінін айтып өтті.
Қостанай облыстық мешітінің баспасөз қызметі
Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен талай игілікті істер мен қайырымдылық шаралары жүзеге асырылып жатыр.
Міне, осы басылымдардан оқыған және естіген қауымның жүрегін жылытар жайдың бірі- «Жолаушыларға қызмет көрсететін мешіт» жобасы. Ол өңірлердегі мешіттер тарапынан да дер кезінде қолдау тауып, мұсылман бауырларымыз алғысын жаудыруда.
Қостанай облысында алғашқы рет кеншілер қаласы Рудный шаһарындағы «Нұр» мешітінде қолға алынды. Қазір көпшілікке мәлім, солтүстік өңірде күн суық, қар қалың. Аталған қаладағы киелі орын ары-бері жүріп жатқан жұртшылыққа қолайлы жерде орналасқан. Оның сыртқы көрінісі де алыстан мен мұндалайды. Бас имам Бектұрсын Торғайбайұлы да жан дүниесі рухани жағынан бай, дін саласында тәжірибесі мол, білікті де жақсылыққа құштар маман.
Жолаушы ағайындардың осынау мешітте дәрет алып, ас-су ішулеріне, бір сәт аялдап, тыныс алуларына мүмкіндік бар. Сыртқы салқыннан ішке кіріп, бойлары жылынған кісілер дән риза.
Бас мүфтидің жоғарыда аталған ізгі мақсаттағы тапсырмасы облыстың барлық аудандары мен қалаларында қолдау тауып, жүзеге асырылады. Сөйтіп, жолда жүрген иманды ағайындарға қамқорлық туғыза беретіндігіне сеніміміз мол.
Қостанай облыстық мешітінің баспасөз қызметі
Қазақстан мұсылмандары діни басқармасының «Халал Даму» бөлімінің Қостанай облысындағы жетекшісі Әлішер Ертайұлы Лисаков қаласында арнайы іс-сапармен болды.
Ол шаһардағы «Әбіхайм Саламатұлы» мешітінде «Акцент» телеарнасының ақпараттық бағдарламасында «Халал Даму» бөлімінің жұмысы, Қостанай облысында қаңдай мекемелер сертификат алғандығы жайлы мазмұнды сұхбат берді.
Сондай-ақжергілікті телеарнаның «Тіл және уақыт» бағдарламасында «Мұсылман адамның Халалға жақын, харамнан алыс болуы» тақырыбындағы әңгімесі де көрермендерге үлкен ой салды.
Әлішер Ертайұлы Лисаков қаласында орналасқан «Довлан» базарындағы халал ет сататын дүкенге де арнайы ат басын бұрды. Кездесу нәтижесінде сауда орнының Халал стандартына сай келуіне байланысты тиісті сертификат алуға ниетін білдірді.
Лисаков қаласының Бас имамы Сабыржан Есмурзин халал стандарттарына сай жұмыс істейтін мұндай дүкендер халыққа жақсы болатынын атап өтті.
Қостанай облыстық мешітінің баспасөз қызметі
Жақында Қостанай облыстық мешітінде алқа мүшелерінің басқосуы өтті. Осы жиынды Қостанай облысының бас имамы Бахытбек қажы Тәжімбет жүргізіп, өткен 2020 жылғы өңірдегі барлық мешіттерде атқарылған жұмыстарға жан-жақты тоқталды.
Ол өз сөзінде әлемді жайлаған қауіпті дертке қарамастан бірқатар істер тындырылып, қайырымдылық және басқа мақсаттарда жүзеге асырылған мәселелер туралы баяндады.
Бұл күндері өңірде 30 мешіт және 32 намазхана жұмыс істейді. Имамдардың алаңсыз қызмет атқаруына барлық жағдайлар туғызылған. Кадрлар дайындау барысы да көңіл толтырарлықтай.
Мешіт қызметкерлері «Зекет» қорының облыстағы өкілімен тығыз байланыста жұмыс істеп, қаншама көмекке мұқтаж кісілердің алғыстарына бөленді. ҚМДБ-ның 30 жылдығына байланысты да аудандар мен қалаларда жергілікті бауырларымызға өнеге боларлықтай жүзеге асырылған жұмыстар да аз емес.
Жиын барысында Бахытбек Нұрғабылұлы алдағы міндеттер де ауқымды екендігін айтты. Биыл өңірде түрлі деңгейдегі байқау, көрме, спорттық және басқа да шаралар мен жобалар ұйымдастырылатындығын қатысушылардың есіне салды.
Осы отырыста алқаның жаңа мүшелері де бекітілді. Олардың міндеті мен мақсаттары да айқындалды.
Қостанай облыстық мешітінің баспасөз қызметі
Жуырда қалыптасқан дәстүр бойынша Қостанай облысы Федоров ауданындағы «Жиентай қажы»мешітінде 2019 жылдың 23 желтоқсанынан бастап осы жылдың ақпанына дейінгі алқа мүшелерінің атқарған жұмыстарына шолу жасалды.
Бір тоқтала кетер жай, алқа мүшелері өздерінің алдарына қойған мақсаттарын ойдағыдай жүзеге асыру үшін бірқатар есте қаларлықтай істер тындырған.
Бұл жайлы жиында айтылып, алдағы уақытта атқарылар жұмыстар сөз болды. Алайда басты мақсат – мешіттің жұмысын барынша жандандырып, жұртшылықты имандылыққа баулу, қайырымдылық іс-шараларын мәнді де әсерлі ұйымдастыру болып қала бермек.
Қостанай облыстық мешітінің баспасөз қызметі
Жақында Қостанай өңіріндегі барлық қалалар мен аудандардың бас имамдары облыстық мешітте бас қосып, семинар өткізді. Бұл жиында басты басымдық 2021 жылы атқарылар жұмыстар талқыланып, бағыт бағдар түсіндірілді.
Атап айтқанда үстіміздегі жылы
Жиын соңында Қазақстан мұсылмандары діни басқармасының құрылғанына 30 жыл толуына байланысты облыстық мешіттің найб имамы Бақытжан Икрам, қалалық «Жайлаубай ата» Ұзынкөл ауданы «Балықты» мешітінің Бас имамлары Шоқан қажы Ғазизұлы мен Есенгелді қажы Сақтағанұлы мерекелік медальдармен марапатталды.
ҚМДБ-ның Қостанай облысы бойынша
өкілдігінің баспасөз қызметі
Миләди
Хижри
