Қостанай облыстық мешітінің найб имамы Бақытжан қажы Икрам жетекшілік ететін «Қайырымдылық және Зекет қоры» өткен қараша айында талмай жұмыс істеп, өңірде қолдауға мұқтаж жандарға көмек көрсетті.

Осы арада сөзіміз нақты болу үшін деректер мен дәйектерге сүйенелік. Мәселен, аймақ бойынша 90 адамға азық-түлік таратылды. Бұл мақсатқа 1 млион 810 теңге жұмсалды.

«Қолы ашықтың - жолы ашық» демекші, қор басшысы Бақытжан қажы демеушілер мен қаржылай көмек көрсеткен жүрегі жомарт жандарға айтар алғысы шексіз. Алла разы болып, істері алға баса берсін деген тілекте.

Қостанай облыстық мешітініңбаспасөз қызметі