ҚАЗАҚСТАН МҰСЫЛМАНДАРЫ
ДІНИ БАСҚАРМАСЫ

Негізінде тәспі – моншақ, тас, қандай да бір жемістің сүйегі т.б. заттардан жасалады. Тәспі жақсылық жасауға дәнекер болып есептеледі. Шариғатта мынадай бір қағида бар: «Жақсылыққа негіз болған дәнекер, сол жақсылықтың үкімін алады[1]». Себебі тәспі зікірді жеңілдетеді. Демек шариғи тұрғыдан тәспі ұстау рұқсат етіледі. Әсіресе мұсылман кісі зікір санауда қателесетін болса, тәспі ұстауы лайықтырақ болады. Бұған дәлел боларлық сахих хадистер бар.

Сахаба Сағд ибн Аби Уаққастың (رضي الله عنه) айтуы бойынша: «Ол Алла елшісімен(ﷺ) бір әйелдің үйіне кірген екен. Ол әйелдің алдында зікір ететін тастары немесе жеміс сүйектері жатқан еді. Пайғамбар ((ﷺ): «Мен саған бұдан да жеңілдеуін әрі абзалын үйретейін бе?»-деді.

«Көктегі жаратқанның санындай «Субханаллаһ»[2], жердегі жаратқанның санындай «Субханаллаһ», екеуінің арасындағыны жаратқандай «Субханаллаһ», Алланың жарататының санындай «Субханаллаһ». Дәл сондай «Әлхамду лиллаһ[3]», дәл сондай «Аллаһу акбар»[4], дәл сондай «Лә иләһа иллаллаһ»[5], дәл сондай «Лә хаулә уә лә қууата иллә билләһ[6],-деді[7].

Мән беріп қарасаңыз Пайғамбар (ﷺ) әйелдің зікірде тас қолдануына тиым салмаған, бар болғаны зікірдің оңай жолын үйреткен.

Аллаға иман келтірген құлдардың анасы, пайғамбарымыздың (ﷺ) жұбайы Сафия(رضي الله عنها) былай дейді:

«Бір күні Алла елшісі (ﷺ) бөлмеме келді. Менің алдымда Алланы зікір ететін төрт мың құрма сүйегі жатқан болатын.

Пайғамбар (ﷺ) маған қарап: «Ей Хуайдың қызы! Алдыңда жатқан бұл не?» деп сұрады.

Мен: «(Бұл құрма сүйектері арқылы) Алланы зікір етемін»,- деп жауап бердім.

Пайғамбар (ﷺ): «Мен сенің жаныңда тұрғаннан бері сенен көбірек Алла Тағаланы зікір еттім»,-деді.

Мен: «Уа Алланың Елшісі! Оны маған үйретіңізші!,-дедім.

Пайғамбар (ﷺ): «Субханаллаһи’ адада халқиһи» (Аллаһ Тағаланы қанша жаратылысы бар болса, соншалықты тасбих етемін деп айт»,-деді[8].

Хадис мәтініне зер салып оқысаңыз Пайғамбарымыз (ﷺ) Сафия анамызға(رضي الله عنها) бұл дұрыс емес немесе бұл бидғат, болмаса тыйым салынған деп айтқан жоқ.

Қасым ибн Абдуррахман (رضي الله عنه) сахаба Абу Дарданың (رضي الله عنه) құрма сүйектерін салып жұретін бір дорбасы болғандығын, таң намазын оқыған соң, әлгі дорбадағы сүйектерді бір бірден шығарып, Алланы зікір ететіндігін риуат еткен[9].

Дәл осындай сарындағы риуаяттар Абу Сағид ал-Худридан, Сағд ибн Аби Уаққастан, Фатима бинт Хусейннан т.б. ардақты сахаба, табиғиндерден жеткен.

Ханафи мазхабының ғалымы Ибн Абидин (رحمه الله) былай дейді: «Автордың «Тәспі ұстаудың еш мәкруһтігі жоқ дегені мынадай... шариғи тұрғыдан рұқсат етілгендігінің дәлелі имам Әбу Дәуіт, имам Тирмизи, имам Нәсаий, имам Ибн Хиббан Сағд ибн Уаққастан (رضي الله عنه) риуаят еткен хадис. Сахаба Сағд ибн Аби Уаққастың (رضي الله عنه) айтуы бойынша: «Ол Алла елшісімен (ﷺ) бір әйелдің үйіне кірген екен. Ол әйелдің алдында зікір ететін тастары немесе жеміс сүйектері жатқан еді. Пайғамбар(ﷺ): «Мен саған бұдан да жеңілдеуін әрі абзалын үйретейін бе?»-дейді.

Аталмыш хадисте Пайғамбар (ﷺ) зікір етуде тас немесе құрма сүйектерін қолдануда әйелге тиым салмаған. Бар болғаны абзалын және жеңілдеуін үйреткен. Егер қолдану «мәкрүһ» болса, пайғамбар (ﷺ) баян етер еді. Тәспінің осы хадисте мазмұнында айтылғаннан айырмашылығы жіпке тізілуі. Ал (тастардың жіпке түзілуі) тәспіні тартуға болмайды деген мағынаны білдірмейді»[10].

Айта кетерлік жайт Алланы зікір еткенде тәспі ұстаудың артықшылығына арнайы еңбек жазған ғалымдар да бар. Олар:

1.Хафиз Жәләлуд-дин әс-Суюти әш-Шафиғи. Еңбегі: «әл-Минхату фис-Субхати». 2. Хафиз Мұхаммед ибн Ғиллан әш-Шафиғи. Еңбегі: «Иқадул-Масабих».

3. Шейх, ғұлама Әбул-Хасанат әл-Лакнауи әл-Ханафи. Еңбегі: «Нузһатул-фикр фи субхатиз-зикр.

Міне осы жоғарыда келтірілген мағлұматтар тәспі ұстаудың шариғатқа қайшы емес екендігін көрсетеді.

Құрметпен, ҚМДБ Шариғат және пәтуа бөлімі.

[1] الوسائل لها حكم المقاصد
[2] Субханалла сөзінің аудармасы: «Алланы барша кемшілік атаулыдан пәктеймін!».
[3] Аллаға шүкір.
[4] Алла ең ұлық.
[5] Алладан өзге (құлшылыққа лайық) тәңір жоқ.
[6] Күш, құдірет тек Алладан.
[7] Хадисті имам Әбу Дәуіт және имам Тирмизи риуаят еткен.
[8] Хадисті имам Тиримизи риуаят еткен.
[9] Имам Ахмад ибн Ханбал «Зуһд» атты еңбегінде риуаят еткен.
[10] Хашияту ибн Абидин, 1 том, 650-651 беттер.

Д. Рағиб Сиржәни

БІРІНШІ БӨЛІМ:

Рамазанның әр күнінде жасалатын, күнделікті атқарылатын жоспар, сауап амалдардың кестесі:

Бұл жоспарға кіріспестен бұрын жоспар толық мақсатына жету үшін мынадай кеңестер ұсынылады:

<Жоспардың әр кезеңінің арасын бөлетін нәрсе ол – парыз намаздар болсын, өйткені ол намаздарды дұрыс орындауға көмектеседі.

<Егер жоспардан кейбір нәрселерді жіберіп алсаңыз, оны міндетті түрде келесі кезеңде орындаңыз, егер бір күндегі кейбір амалдарды жіберіп алсаңыз, оны қалдырмай, келесі күні міндетті түрде жасап үлгеріңіз.

<Бұл жоспар үлгі ретінде ұсынылады, сондықтанда оны өз жағдайыңызға ыңғайлап алуға болады. Тек онда көрсетілген іс-амалдарды қамтып, оны орындауға тырысыңыз.

<Бос уақыттарды пайдалы өткізуге тырысыңыз. Бұл жерде бос уақыт деп – бір іс пен басқа бір істің арасында болатын уақыттар айтылады. Мысалы, аялдамада көлік күту, көліктегі уақыт, азан мен қамат арасындағы уақыт, біреуді күтіп жатқандағы т.б. уақыттарды бос өткізбеуге тырысыңыз.

<Бұл жоспарды тек жалғыз өзіңіз емес, басқалармен қосылып орындасаңыз жалықпауға, дұрыс орындауға көмектеседі. Және олардың сауабындай сізге де сауап жазылады.

Міне осы кеңестер төмендегі жоспардың жақсы пайдалы түрде орындалуына септігін тигізеді деген ойдамыз.

Рамазан айының әр күнінде жасалатын жоспар

Бұл жоспар он кезеңнен тұрады және әр кезеңде атқарылатын істер бар.

Бірінші кезең: Сәресі уақыты.

Мұнда біз үш амалды жасаймыз:
1) Екі рәкағат намаз оқу, бұл Аллаға ықыластылықтың белгісі болып табылады. Өйткені, бұл уақытта Алладан басқа ешкім сізді бақыламайды;
2) Сәресі ішу. Оны соңғы уақытқа дейін кешіктіру сүннет;
3) Сәресі уақытынан яғни, таң намазының уақыты кірмес бұрын 5-10 минут қалдырып, сол кезде күнәларыңды еске түсіріп, истиғфар айту (Алладан кешірім сұрау).

Екінші кезең: Таң намазының уақыты.

Таң намазының уақытында біз мынадай он амалды атқарғанымыз жөн болады:
1) Азанды тыңдау мен қайталау және азан дұғасын оқу;
2) Таң намазының екі рәкағат сүннетін оқу; (бұл екі рәкағатты пайғамбарымыз (с.ғ.с) үйден оқып, сосын мешітке шыққан. Ал, сіз өзіңіз таңдауыңызбен егер қаласаңыз, үйде немесе мешітте оқуға болады).
3) Мешітке бару және шығып бара жатқан кезіңізде пағамбарымыздың (с.ғ.с.) үйреткен дұғасын оқу;
4) Мешітке кірер алдында иғтикафқа ниет ету, өйткені, иғтикаф аз болсын, көп болсын мешітте қалумен жүзеге асады. Сондықтан қанша мешітте болсаңыз, соны иғтикәфқа ниеттеніңіз.
5) Мешітке кірерде оқылатын дұғаны оқу;
6) Мешітке кірген соң екі рәкағат мешіт ақысы намазын оқу және егер үйде оқымаған болсаңыз, таң намазының екі рәкағат сүннетін де оқу;
7) Азан мен қамат арасында уақыт болып жатса, өзіңізге және басқа да мұсылмандарға дұға қылу, өйткені азан мен қамат арасында дұға қабыл болады. Немесе Құран оқу, зікір айту т.б.
8) Қамат айтылғанда, жүрегіңізді Аллаға арнаңыз, ниетіңізді жаңартыңыз және таң намазына періштелер куәлік ететінін есіңізге түсіріңіз. Намазды қорқумен (хушуғ) оқуға тырысыңыз. Және шама келгеніше оқылатын аяттарды түсінуге тырысыңыз.
9) Парыздан кейін тұрып кетпеңіз, отырып намаздан кейін оқылатын зікірлерді оқып, дұға қылыңыз, өйткені мұның сауабы өте үлкен. Егер имам намаздан кейін дәріс өткізсе, сабыр етіп оған қатысыңыз. Өйткені, ол қысқа болса да, періштелер қатысатын ғылыми мәжіліске жатады.

Үшінші кезең: Таң намазынан кейін күн шыққанға дейінгі уақыт.

Бұл – өте маңызды кезең. Оның артықшылығын пайғамбарымыздың (с.ғ.с.) мына хадисінен көреміз.

Пайғамбарымыз (с.ғ.с.) былай деген: «Кімде-кім таң намазын жамағатпен мешітте оқыса, кейін күн шыққанша отырып Алланы зікір етсе және күн шыққаннан кейін екі рәкағат намаз оқыса, оған қажылықтың және ұмраның сауабы жазылады. Дәл сондай, дәл сондай, дәл сондай».

Бұл уақытта мына амалдар жасалғаны абзал болады:
1) Таңертеңгі дұғаларды оқу;
2) Әртүрлі дұғалар жасау өзіңізге және басқа да мұсылмандарға;
3) Құран оқу, тыңдау;
4) Білім алу, сабақ қайталау т.б.
5) Дұха намазын оқу. Бұл намазды 2 рәкағаттан 8 рәкағатқа дейін оқуға болады.

Төртінші кезең: Күн шыққаннан кейінгі кезең. Жұмыс (студент болса – сабақ) уақыты.

Бұл кезең дұха намазыны оқығанан кейін басталады. Егер жұмысыңыз кеш бастайтын болса, бір сәт ұйықтап дем алуға болады. Егер уақыт болмаса онда Аллаға тәуекел етіп, жұмысыңызға барыңыз. Және жұмыста болған кезіңізде мына амалдарды істегеніңіз жөн болар:
- Жұмысыңызға уақытында барып, уақытында қайту. Оразаны жалқаулыққа сылтау қылмау керек. Өйткені, Рамазан – күрес (жиһад), құлшылық ету, амал ету айы, жалқаулықты үйрететін ай емес. Пайғамбарымыздың (с.ғ.с.) және оның сахабаларының өмірбаяны бұған дәлел бола алады.
- Жұмысыңызды дұрыс, толық атқару. Өйткені, Алла жақсы істегенді жақсы көреді.
- Жұмыс кезінде ешкімге зиян тигізбеңіз, ренжітпеңіз, сіз ораза ұстап жүргеніңізді ұмытпаңыз.
- Жұмыс уақыты ғибадат жасауыңызға кедергі деп ойламаңыз, керісінше ниетіңізді жаңартып, адал еңбек ету ол да құлшылық, тіпті Алла жолында күрес болып есептеледі.
- Жұмыс кезінде парыз намаздарды жіберіп алудан сақ болыңыз, шамаңыз келгенше мешітте және өз уақытында оқуға тырысыңыз.Тым құрығанда, Рамазан айында парыз намаздарымызды мешітте өтеуге тырысуымыз керек.

Ескерту: Осы кезде әйел азаматшаларға мына істерді істеген абзал болады.
- Ауызашар тамағын осы уақытта дайындап қойған дұрыс, өйткені кешке ауызашар алдында тамақ жасаудан абзалырақ істерді істеген жөн.
- Тамақ жасап жатқанда, сол тамақпен ауыз аштыруды ниет ету, егер ол тамақты өз балалары, күйеуі жесе де, қонақтар жесе де, сол тамақты қанша адам жесе, соншама адамға ауыз аштырудың сауабын алады.
- Тамақты мүмкіндік болғанынша жасау. Яғни, түрлі-түсті тамақ жасап, ысырап жасау қажет емес. Өйткені, Рамазан тамақ ішу айы емес, тамақты шама келгенше үнемдеп, садақа берген абзал.
- Кедей-міскіндерге тамақ жасап беруге тырысу,
- Тамақ жасап жатқан уақытта бос өткізбей, Құран немесе уағыздар тыңдау, болмаса зікір, истиғфар айту сияқты амалдарды жасап уақытты пайдалы өткізу.

Бесінші кезең: Бесін мен екінті арасындағы (жұмыстан кейінгі) уақыт.

Бұл уақытта ұйықтап дем алуға тырысу керек. Өйткені, түнде тарауих оқуға және басқада маңызды істерді атқаруға күш жинау қажет. Бұл – пайғамбарымыздың (с.ғ.с.) сүннеті. Ол (с.ғ.с.) бір хадисінде: «Қайлула жасаңдар (яғни, түсте бір сәт дем алыңдар), шынында, шайтандар бұл кезде ұйықтамайды», – деген.

Ескерту: Әрине, кейбір адамдардың жұмыстары екінті намазынан кейін немесе ақшам кезінде бірақ бітеді. Сондықтан да басында айтқанымыздай, бұл жоспар тек үлгі ретінде ұсынылады. Әркім өз уақытына лайықтап жасап алуына болады. Маңыздысы жоспардағы айтылған іс-амалдарды қамту.

Алтыншы кезең: Екінтіден ақшамға дейінгі уақыт.

Бұл уақытты отбасымызға арнаған жөн. Жоғарыда әйелдер тамақты ерте жасау керек деген болатынбыз. Өйткені, әйелдердің екінті намазынан кейін тамақпен айналысқаннан гөрі, отбасымен бірігіп мына істерді істегені абзал.

Бұл уақытта отбасының барлық мүшелері жинала отырып, Құран оқу және шариғатымызды үйрену, зікір дұға жасауымыз қажет. Және бұл іске балаларымызды да араластыруымыз керек. Яғни, отбасылық құлшылық деп атауға болады. Құран оқумен бастап, қиссалар, риуаяттар, хадистер айту, әке дұға жасап, балалар әмин деп айтып отыру секілді, сондай-ақ балаларға кішігірім жарыстар ұйымдастыру. Маңыздысы осы уақытты өз отбасымызға арнау керек және отбасында имани орта қалыптастыру қажет. Әрине, мұндай отырыстардың балаларды тәрбиелеуге қаншалықты әсеренің мол екені сөзсіз. Сондай-ақ, ерлі-зайыптар арасындағы байланысты да күшетіп, олардың араларында болған кейбір қайшылықтарды жоюға да әсері шексіз.

Жетінші кезең: Ақшамнан құптанға дейінгі уақыт.

Әрине, бұл уақытта ауыз ашылады, қуаныш уақыты. Өйткені, пайғамбарымыздың (с.ғ.с) хадисінде айтылған: «Ораза ұстаушының екі қуанышы болады. Біреуі – ауыз ашқанда, біреуі – Қиямет күні Раббысына кездескенде..».

Еске түсіретін нәрсе кейбір адамдар тамаққа қызығып, ақшам намазына мешітке баруды ұмытады. Әрине, бұл сүннетке қарсы келеді. Сондықтан да, ер адамдар ауызды мешітте ашып, намазды оқып келіп, кейін тамаққа отырғаны абзал болады.

Сегізінші кезең: Құптан намазының және тарауих намазының уақыты.

Бұл уақытта мына амалдарға мән берген дұрыс:
- Үйіңізге жақын мешітті таңдау, өйткені, онда танитын адамдарыңыз болады, олар мен байланысыңызды күшейтуге, қал-жағдай сұрасуға, бауырмашылықты арттыруға ұлы мүмкіндік болады. Әрине, Хатим түсіретін мешіт болса, имамның қирааты да дұрыс тәжуидпен, әдемі дауыс пен болса нұр үстіне нұр болады.
- Мешітке жалғыз бармай, таныстарыңызды, туыстарыңызды тартуға тырысыңыздар.
- Намазды хушуғмен (қорқып) оқып, аяттардың мағыналарын ойланып оқыған абзал болады.
- Мешітке балаларды апармаған дұрыс, олар мешітте шулап, намаз оқушыларға кедерді жасағаны жақсы емес.

Тоғызыншы кезең: тарауихтен кейін ұйқыға дейінгі уақыт.

Бұл уақытта мына амалдарға назар аударған жөн болар:
- Мүмкін болғанынша ерте ұйықтауға тырысу;
- Тамақтану, шай ішу бірақ исраф болмауы керек,
- Студент болса сабақтарын қайталау;
- Құран оқуын толықтыру егер қалып қойған зикир немесе кез келген жоспардағы амал бар болса оны толықтыру;
- Үйдің қажеттіліктерін өтеу т.б. пайдалы істерді істеу.

Оныншы кезең: Ұйқы уақыты.

Бұл кезеңге мән беру өте маңызды. Өйткені жоғардағы амалдарды жақсы орындау үшін адамға күш қуат қажет. Және егер ниетті жөндесек, ұйқымызды да құлшылыққа айналдыруға болады. Ол үшін:
- Ұйықтау мен құлшылық жасауға күш жинауды ниет ету;
- Ұйықтаудың әдептерін ұстану; олар:
- Дәретпен ұйықтау
- Оң жағымен жату
- Ұйықтар алдында айтылатын дұғаларды оқу;

Егер байқаған болсаңыздар, бұл жоспарда телевизор қарауға уақыт қалмады. Және шынында да бұл ұлы айда телевизорға уақыт жоқ. Телевизор уақыты оттың отынды жегендей жейді. Сондықтан да бұл ұлы айды құлшылыққа арнайық құрметті бауырлар!

Ескерту: Әрине уатын жетіп жатса, жаңалықтар не пайдалы бағдарламаларды қарауға тыйым салынбайды. Бірақ пайдасыз фильмдер мен телехикаялар т.т. аулақ болған жөн.

Д. Рағиб Сиржәни

1.Ауыз аштырған кісі ораза ұстаған кісідей сауап алады.

Сахаба Зәйд ибн Халид әл-Жуһани (رضي الله عنه) пайғамбарымыздың (ﷺ) былай деп айтқандығын жеткізеді.

مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ

«Кімде-кім ораза ұстаушының аузын аштырса, ораза ұстаған адамның сауабындай сауап алады»[1].

2. Ауыз аштырған кісіге періштелер дұға етеді.

Сахаба Әнас ибн Мәлік (رضي الله عنه) мынадай бір риуаят келтіреді.

«Алла елшісі (ﷺ), Сағд ибн Убаданың (رضي الله عنه) үйіне келеді. Сағд пайғамбарымызға ас ретінде нан мен зәйтүн майын әкеледі. Алла елшісі (ﷺ) алдына қойылған астан жейді. Артынша: «Үйлеріңде ораза ұстағандар ауыз ашсын! Астарыңды тақуалар жесін! Әрі періштелер сендерге (күнәларыңның кешірілуі үшін) дұға етсін!»,-деп дұға етеді[2].

3. Ауыз аштыру күнәлардың кешірілуіне себепші болады.

Сахаба Салман әл-Фариси (رضي الله عنه) пайғамбарымыздың (ﷺ) былай деп айтқандығын риуаят етеді.

«من فطر فيه صائما كان له مغفرة لذنوبه وعتق رقبته من النار ، وكان له مثل أجره من غير أن ينتقص من أجره شيء ، قلنا : يا رسول الله ، ليس كلنا نجد ما نفطر به الصائم ، فقال رسول الله -صلى الله عليه وسلم- : " يعطي الله هذا الثواب من فطر صائما على مذقة لبن أو تمرة أو شربة من ماء»

Пайғамбарымыз (ﷺ): «Кімде-кім Рамазанда ораза тұтқан кісіге ауыз аштырса, күнәлары кешіріледі, тозақтан азат болады. Әрі оған сауабы кеміместен ораза тұтқан кісінің сауабына тең сауап беріледі», – дейді. Біз: «Уа Алланың елшісі! Баршамыздың ораза ұстаған кісіге ауыз аштыратындай шамамыз жоқ»,-дедік. Алла елшісі: Алла бұл сауапты ораза ұатаған жанға бір құрмамен ауызашар аштырғанға да, тек сумен ауыз аштырғанға да, аз ғана сүт бергенге береді», – деді[3].

[1] Хадисті имам Тирмизи риуаят еткен.

[2] Хадисті имам Әбу Дәуіт риуаят еткен.

[3] Хадисті имам ибн Хұзайма риуаят еткен.

Бас имам медальмен марапатталды.

Қазақстан көп ұлтты мемлекет. Ислам діні әрқашанда халықтар арасындағы достықты, ауызбірлікті, ырыс-ынтымақты қолдайды. Сондықтан Қазақстан мұсылмандары діни басқармасының Қостанай облысындағы өкіл имамы Асылхан Мұханбетжанұлы Түсіпбек өңіріміздегі ұлттар арасындағы достық пен ынтымақты нығайтуға елеулі еңбек сіңіруде.

Адал еңбек, шынайы ниет, төккен маңдай тер ескерілмей қоймайды. Жуырда облыс әкімі Нұралы Садуақасов өкіл имамға Қазақстан халқы Ассамблеясының 20 жылдығына арналған мерекелік медальды салтанатты түрде тапсырды.

Бұл дін қайраткерінің қажырлы еңбегіне берілген жоғары баға екендігі даусыз. Сондықтан барлық әріптестері оны осы марапатпен шын жүректен құттықтап, оған алдағы уақытта да мықты денсаулық, имандылық жолындағы жауапты қызметінде табыс тілейді.

ҚМДБ-ның Қостанай облысындағы өкілдігінің
баспасөз қызметі

Достық үйіндегі рухани кеш үлкен ой салды.

Жуырда облыстық «Марал ишан» мешіті және Қазақстан қажылар қауымдастығы облыстық филиалының ұйымдастыруымен Достық үйінде рухани кеш болып өтті. Бұл басқосу қасиетті Рамазан айының танымдық, тағылымдық жақтарына арналды.

Аталмыш жиынды Қазақстан қажылар қауымдастығы облыстық филиалының төрағасы, «Зекет» қорының өңірдегі өкілі Жақсылық қажы Ғайсин ашты. Ол өзінің сөзінде жылына бір келетін Рамазан айының тәрбиелік мәні мен маңызына ерекше тоқталды.

Содан кейін облыстық «Марал ишан» мешітінің жаңа тағайындалған найб имамы Абдукахар Ерматов жұртшылық алдына шығып, жиналған барша қауымды алда келе жатқан Рамазан айымен шын жүректен құттықтады.

Білімді де білікті маман көптің көкейінде жүрген әрі оларды ерекше қызықтыратын осынау киелі айдың танымдық жағына көп көңіл бөлді. Рамазан айында жұртшылықтың ерекше күтетін себебі дәл осы айда Құран түскендігін ағайындардың есіне салды.

Басқосуда облыстық Дін істер жөніндегі басқарманың бас маманы Сапарғали Әбдиев те залға жиналған қауымды Рамазан айымен құттықтай келіп, жуырда ғана елордамыз Астанада әлемнің бірқатар елдерінің өкілдері бас қосқан съездің маңызы жөнінде де айтып өтті.

Сондай-ақ жиналған жұртшылық дін тақырыбына көптен бері қалам тартып жүрген көрнекті ақын Ақылбек Шаяхметтің Ораза туралы айтқан ғибратты сөздерін де ұйып тыңдады.

Біз көп ұлтты мемлекетте тұрамыз. Сол себептен де осынау жиынға өңірімізде тұратын өзге ұлт өкілдері де арнайы келіп, мұсылмандарды Рамазан айымен шын жүректен құттықтады.

Бұл орайда орыс қауымдастығынан арнайы келген Раиса Завгородняя және облыстық орыс драма театры директорының орынбасары Александр Чернышовтардың шын жүректен шыққан игі лебіздері де жиналған жұртшылықтың көңілінен шықты.

Мұндай берері мол кештер қашанда ән-күйсіз өтпейтіндігі белгілі.

Сондықтан Әсел Жұмақұлова, Манапбек Кәдіров, Қыдырбек Қиысхан және Светлана Обухованың орындаған әндері мен толғауларын көпшілік жылы қабылдады.

Басқосудың соңында өңірдегі абыз қарттарымыздың бірі Сапар қажы ағайындарға алдағы Рамазан айына байланысты өзінің жылы лебіздерін білдіріп, өзінің ақ батасын берді.

Біз рухани кешке құрметті қонақ ретінде шақырылған ардақты ақсақалдарымызды әңгімеге тартқан едік. Облыстық мешіттің жанашыры Сайлаубай қажы Молдаш тағылымды жиыннан алған әсері жайлы былай деді:

- Мұндай кештердің ұйымдастырылғаны өте жақсы. Ол үшін облыстың бас имамы Асылхан қажы Мұханбетжанұлы мен облыстық қажылар қауымдастығының төрағасы Жақсылық қажы Ғайсинге айтар алғысымыз шексіз.

- Бұл биылғы Ораза алдындағы көпшілікке ой салар игі шара болды. Рамазан айының қадірі мен қасиеті жайлы жан-жақты айтылды. Меніңше, үлкен мен кіші басқосудан өздерінің таным көкжиектерін кеңейткендіктері даусыз.

- Жоғарыда баяндалған жиынға облыстық «Марал ишан» мешітінің найб имамдары Дархан Сыздықов, Асқар Қуатбекұлы және БАҚ өкілдері қатысты.

ҚМДБ-ның Қостанай облысындағы
өкілдігініңбаспасөз қызметі

2008 жылдың қыркүйегінде медресе ресми түрде ашылды. Орал медресесі Батыс Қазақстан, Атырау және Маңғыстау облыстарына қажетті дін мамандарын даярлайтындықтан 2008 жылдың 24 қыркүйегі күні аталған үш облыстан алғашқы 24 шәкірт қабылданды.

Медресенің тұңғыш директоры болып ҚМДБ-ның Батыс Қазақстан облысы бойынша өкіл имамы Смайыл Сейітбеков тағайындалды.

Медресеге тиісті құжаттардың бәрі толықтай реттеліп, 2009 жылы 31 наурызда Әділет министрлігінен ресми түрде тіркеліп, №5089-1900-ДБ тіркеу куәлік берілді. Бизнес-сәйкестендіру нөмірі – БСН 090440006564.

Ал, 2010 жылы 29 сәуірде Орал медресесіне Білім және ғылым министрлігінен №0137381 серия АБ нөмірлі мерзімі шектеусіз мемлекеттік лицензия берілді.

Оқу мерзімі өзге де медреселердегідей 2 жыл 10 ай. Оқу жоспарына сай шәкірттер дәріс тыңдап, практикалық, зертхана сабақтарына қатысады, өзіндік жұмыспен айналысады. Соңынан курстық жұмыстар, сынақ, емтихан тапсырады.

2013-2014 оқу жылында медресені 12 шәкірт бітіреді.

Ғимараттың құрылымы цоколдік қабаттан, 1 және 2 қабаттан тұрады. Оқу орны орналасқан жер көлемі 0.3050 га. Оқу орнының жалпы көлемі 741,1 шаршы метр. Әкімшілік бөлімдер оқу ғимаратының 1-қабатында орналасқан және жалпы көлемі 62,8 шаршы метрді құрайды (1. Директор бөлмесі – 20,5 шаршы метр, 2. Оқу бөлімі – 15,8 шаршы метр, 3. Есепші – 13,2 шаршы метр, 4. Медициналық Пункт – 13,3 шаршы метр).

«Қазақстан мұсылмандары діни басқармасы»
Республикалық ислами діни бірлестігінің
«Орал медресесі» жеке мекемесі
2015-2016 жаңа оқу жылына талапкерлерді оқуға
ШАҚЫРАДЫ!

Орал медресесі 2008 жылы негізін қалады. ҚР БҚО Әділет департаментіне 2012 жылдың 25-ші қазанында қайта тіркелді. Куәлік № 557-1926-01-М-е, электрондық жаңа мемлекеттік лицензия №013003435 2013 жылдың 5-ші наурызында берілген.

Сабақ қазақ және араб тілдерінде жүргізіліп, медресемізді үздік дипломмен тәмамдаған студенттерге Нұр-Мүбарак университетінде тегін оқу мүмкіндігі бар, оқу ақысыз, 2 жыл 10 ай, Шәкірттер жатақханамен және үш мезгіл тегін ас-сумен қамтамасыз етіледі.

Біліктілік:
0112013 – Имам хатиб;
0112023 – Ислам негіздерінің мұғалімі;

Құжаттар тізімі:
1. Ұсыныс;
2. Өтініш;
3. Жеке куәлік көшірмесі;
4. Аттестат немесе диплом (түпнұсқа);
5. Өмірбаян;
6. 086-У үлгісіндегі медициналық анықтама;
7. 063 үлгідегі егілу туралы анықтама;
8. Фото 3х4 (6 дана);
9. Скоросшиватель;
10. Конверт;
11. Наркологиялық, психотерапиялық диспансерден анықтама
12. Сотталмағандығы туралы куәлік талап етіледі.

Қабылдау мерзімі: Ү.ж. 1-ші шілдеден 10-шы тамызына дейін құжаттар қабылданады.

Мекен-жайымыз: Орал қаласы, Ж.Досмұхамедов көшесі, 22 үй.
(Базар аялдамасындағы Орал қалалық мешіті)

Тел: 8 (7112) 504002

Факс: 8 (7112) 504002

Ұялы тел: 8 702 480 8020, 8 701 379 6834

«Әбу Ханифа» медресесі талапкерлерді оқуға қабылдайды

«Әбу Ханифа медресесі» орта кәсіптік білім беру деңгейіндегі «исламтанушы» мамандығы бойынша оқытатын діни оқу орны.

Ол ҚР Әділет министрлігінің №114536-1910-М-е нөмірімен тіркеліп, ҚР Білім және ғылым министрлігінен №0142685 нөмірлі мемлекеттік лицензиясын алған. Медресенің оқу бағдарламасы Қазақстан мұсылмандары діни басқармасы және ҚР Білім және Ғылым министрлігі тарапынан бекітіліп, қазіргі таңда жүйелі түрде жұмыс жасап келеді. Оқу мерзімі 2 жыл 10 ай.

Оқу түрі күндізгі. Медресе қабырғасында еліміздің түрлі аймақтарынан келген 60 шәкірт білім алуда. Оның ішінде 29-ы І - курста, 18-і ІІ - курста және 13-і ІІІ - курста білім алуда. Оқу жоспарына сай шәкірттер дәріс тыңдап, практикалық, зертхана сабақтарға қатысып, өзіндік жұмыстармен айналысады.

Оқу жылының соңында курстық жұмыстар, сынақ, емтихан тапсырады.Аталмыш оқу орнында діни біліммен қатар қазіргі заман талабына сай, мемлекеттік білім стандартында көрсетілген пәндерден де білім беріледі. Медресенің оқу ғимараты мен жатақханасына күрделі жөндеу жұмыстары жүргізілген. Оқу ордасына қажетті барлық жиһаз, соңғы техникалық құралдармен, компьютерлік сыныптарымен қамтамасыз етілген, кітап қоры бай кітапханасы да бар.

Болашақта медреседе маман дайындау деңгейіне, білім бағдарламаларының құрылымы мен мазмұнына, білім беру үрдісіндегі кадрлық, оқу-әдістемелік, материалдық-техникалық базаны қамтамасыз етудегі талаптар күшейе бермек. Өйткені, алдағы уақытта үлгерімі жоғары түлектерге өз білімдерін Нұр-Мүбәрак Египет Ислам мәдениеті университетінде тегін жалғастыруына мүмкіндік берілген.

2015-2016 оқу жылдарына Алматы қаласы, Медеу ауданында орналасқан арнаулы орта білім беру мақсатында ашылған медресеге оқуға түсемін дейтін талапкерлерге тамыз айының 10-20 аралығында емтихан болады.

Қазіргі таңда оқуға түсуге қажетті құжаттар қабылданып, дайындық курсы жүріп жатыр. Келіп оқимын деушілерге есік ашық.

Медресенің оқу жүйесі Қазақстан мұсылмандары діни басқармасының басшылығымен жүргізіледі.

Оқу түрі күндізгі, оқу мерзімі – 2 жыл 10 ай, бітірушілерге мемлекеттік үлгідегі диплом беріледі. Мемлекеттік лицензиясы: №14005315.

Медресе оқу ғимаратында кітапхана, компьютер сыныбы, лекциялық аудиториялар, асхана, жатақхана және басқа да материалдық базасымен толық қамтамасыз етілген. Медреседе жоғары тәжрибелі исламтанушы мамандармен бірге медресе қабырғасында бірнеше жылдық іс-тәжрибесі бар оқытушылар дәріс береді. Олардың ішінде шетелден шақырылған арнайы мамандар да бар.

Медресе шәкірттері емтихан нәтижесі бойынша қабылданады.

Оқуға түсуге қажетті құжаттар тізімі:
- Медресе директоры атына өтініш;
- Жергілікті имамдардың берген ұсынысы;
- Өмірбаян ;
- Орта білім беру туралы аттестат (түпнұсқасы) ;
- 086 үлгідегі дәрігерлік анықтама + (флюрография) ;
- 63 үлгідегі анықтама ;
- Психодиспансерден анықтама ;
- Наркодиспансерден анықтама ;
- Көлемі 3*4 сурет (6 дана) 4*6 сурет (1 дана) ;
- Жеке куәліктің көшірмесі ;
- Әскери билет немесе әскерге шақыру туралы куәлігі ;
- Тұрғылықты жерден анықтама ;
- Сотталмағандығы жөнінде анықтама ;

Мекен жайымыз: Алматы қаласы, Медеу ауданы, Пушкин көш-і, 12.
Байланыс тел: 8 (727) 397 63 03; +7 702 305 04 35; + 7 701 644 48 49

Тәуелсіздіктен кейінгі жылдарда қазақ даласында Исламның қайта бүр жарып, дамуға бағыт түзегенін сүйіншілеген алғашқы медреселердің бірі. Ол Іле Алатауының әсем баурайында, Алматы облысы, Қарасай ауданына қарасты табиғатының сұлулығына талайлар сұқтана қараған әйгілі Үшқоңыр жерінде, тұңғыш елбасымыз Нұрсұлтан Әбішұлы Назарбаевтың қолдауымен және тікелей бастамасымен салынған «Қарасай батыр» атындағы төрт мұнарасы алыстан менмұндалаған сәулетті мешіттің 3 га. 29 сотық жерді алып жатқан кең аумағында орналасқан.

Алматы облысы, Қарасай ауданы, Үшқоңыр ауылы, Жібек жолы көшесі №164 орналасқан ҚМДБ-на қарасты 2008 жылдан бастап «ШАМАЛҒАН» медресесі діни бірлестігі болып ашылып, 2012 жылдың 27 желтоқсанында «Үшқоңыр медресесі» жеке мекемесі болып өзгертіліп қайта тіркелген қазіргі таңда ер балалар және қыздар бөлімі болып жұмыс істеуде. Ер балалар бөлімі жоғарыда көрсетілген мекен-жайында, ал қыздар бөлімі 2013 жылдың маусымынан бастап Алматы облысы, Жамбыл ауданы, Қарғалы ауылы, Жұрынов көшесі №68 бойынша өз жұмыс бастап кетті.

2009-2013 жылдары аралығында тамыз айының аяғына таман Қазақстан мұсылмандары діни басқармасының басшылығымен қабылдау емтиханы өткізіліп, шамамен 30-35 шәкірт медресе қабырғасына қабылданады.

ҚМДБ-сы мен Монғолия Діни Істерінің арасындағы келісім шартқа байланысты Монголия республикасынан 8 қандас бауырларымыз білім алып, білімдерін шыңдау үшін елдеріне оралды.

Қазіргі таңда I курста 34 ер, 20 қыз студент, II курста 21 студент және III курста 21 студент, барлығы 96 студент білімдерін жалғастыруда.

Медреседе Түркия елінен 1 ұстаз, Мысыр елінен 2 ұстаз және Қазақстандағы жоғары санатты, білімді исламтану мамандығы бойынша 6 ұстаз, ізгілендіру пәні мен қоғамдық пәндерден 9 ұстаз, жалпы саны 18 ұстаз сабақ жүргізуде. Сонымен қатар тәжірбиелі әрі білікті 4 тәрбиеші қызмет көрсетеді.

ҚМДБ-сы мен «Қазақстан 2030» қазақ-түрік жастарды қолдау қоғамдық қоры және «Құл Қожа Ахмет Иасауи білім және парасат қоры» арасында келісім жасасуы арқылы бірге келісе отырып, медресенің оқу процесі, тәлім-тәрбиелік жұмыстары және әлеуметтік жағдайларды қамтамасыз етуді қолға алған.

Шәкірттерімізге барлық жағдай жасалған. Заман талабына сай оқу бөлімі, кітапхана, компьютер бөлмесі, жатақхана, асхана, және жазғы спорт алаңы бар. Жатақханада 90 студентке барлық әбзелдер қамтылған. Дәретхана, ғұсыл құйынатын душ және киім жуатын арнайы орындар бар. Жастардың киім-кешегін қоятын арнайы бөлмеде шкафтар бар. Ауырып қалған жағдайда жататын бөлек бөлме және оларға қарайтын тәжірибелі фельдшер бар. Сонымен қоса үш мезгіл ыстық тамақпен қамтамасыз етілген. Медресенің барлық оқу-әдістемелік және тәрбиелік жұмыстар жайлы мәлімет компютерлік-ақпарат жүйесіне енгізілген.

Оқу жүйесі бойынша барлық мәлімет, үлестірмелі материалдардың түпнұсқалары және шәкірттердің білімі мен оқу үлгерімін бақылау қорытындылары медресенің тәрбие ісі бөлімінің меңгерушісі мен әрбір топтың сынып жетекшілерінің жеке компьютерлерінде тіркелген.

Медресесінің оқу жұмыс жоспарының жобасы жалпыға орта білім беру стандартының негізінде жасалынған. Медресе шәкірттері оқу орнын «Исламтану» мамандығы шифры 0112000 бойынша бітіріп шығады. Оқу мерзімі 2 жыл 10 ай. Оқу түрі күндізгі. Сабақ кестелері оқу жоспарына сәйкес өз дәрежесінде жасалынған, оқу процесі бір кезеңмен жүреді.

«Үшқоңыр медресесі» жеке мекемесін бітіргендердің саны:

2013 жылы 17 шәкірт. Оның ішінде 7-і қызыл, 10-ы көк диплом берілді.

2014 жылы бітірушітүлектердің саны 21. Оның ішінде 4-і қызылға, 17-і көкке ұсынылып отыр.

2015-2016 оқу жылдарына Алматы облысы , Қарасай ауданында орналасқан арнаулы орта білім беру мақсатында ашылған медресеге оқуға түсемін дейтін талапкерлерге тамыз айының 10-20 аралығында емтихан болады.

Қазіргі таңда оқуға түсуге қажетті құжаттар қабылданып, дайындық курсы жүріп жатыр. Келіп оқимын деушілерге есік ашық.

Медресенің оқу жүйесі Қазақстан мұсылмандары діни басқармасының басшылығымен жүргізіледі.

Оқу түрі - күндізгі

Оқу мерзімі – 2 жыл 10 ай

Бітірушілерге мемлекеттік үлгідегі диплом беріледі.

Мемлекеттік лицензиясы: № KZ56LAA00004625

Медресе оқу ғимаратында кітапхана, компьютер сыныбы, лекциялық аудиториялар, асхана,заманауи үлгідегі футбол алаңы, жатақхана және басқа да материалдық базасымен толық қамтамасыз етілген. Медреседе жоғары тәжрибелі исламтанушы мамандармен бірге медресе қабырғасында бірнеше жылдық іс-тәжрибесі бар оқытушылар дәріс береді. Олардың ішінде шетелден шақырылған арнайы мамандар да бар.

Медресе шәкірттері емтихан нәтижесі бойынша қабылданады.

Оқуға түсуге қажетті құжаттар тізімі:
- Медресе директоры атына өтініш;
- Жергілікті имамдардың берген ұсынысы;
- Өмірбаян ;
- Орта білім беру туралы аттестат (түпнұсқасы) ;
- 086 үлгідегі дәрігерлік анықтама + (флюрография) ;
- 63 үлгідегі анықтама ;
- Психодиспансерден анықтама ;
- Наркодиспансерден анықтама ;
- Көлемі 3*4 сурет (6 дана) 4*6 сурет (1 дана) ;
- Жеке куәліктің көшірмесі ;
- Әскери билет немесе әскерге шақыру туралы куәлігі ;
- Тұрғылықты жерден анықтама ;
- Сотталмағандығы жөнінде анықтама ;

Мекен жайымыз: Алматы облысы , Қарасай ауданы,Үшқоңыр ауылы, Жібек жолы 164.

Облыстық Қарасай батыр мешітінің жаны.

Байланыс тел: 8 (72771)5 60 12 ; +7 701 603 11 28 ; + 7 775 237 81 17, +7 747 509 8193