Бұл күндері еліміз бойынша Қазақстан мұсылмандары діни басқармасының «Қажылық» қоры Бас мүфтидің бастамасымен жергілікті жердегі діни қызметкерлерге қаржылай көмек көрсете бастады.

Осы орайда бұл бастама аясында қаржылай көмекке Қостанай облысында үш ауыл молдасына нәсіп болды.

Олар Қостанай облысының Денис ауданы Фрунзе ауылының «Аят» намазханасының молдасы Куандыков Болат, Жангелдин ауданы Көкалат ауылы, «Таласбай молда» намазханасының молдасы Абишов Асылхан және сол ауданның Жаркөл ауылының молдасы Байшин Досым.

Қостанай облысының өкілі Тәжімбет Нұрғабылұлы «Мүфтият тарапынан қазіргі таңда имам-молдалар мен діни қызметкерлерге қаржылай көмек көрсетіліп жатқаны бәрімізді қуантады. Себебі елді мекендерде діни қызмет атқаратын қызметкерлердің әлеуметтік жағдайы дұрыс болса ол халықпен, жастармен жұмысын жүргізуіне үлкен әсері бар. Өйткені молда болып бірақ тіршіліктің қамымен бала шағасын асырау үшін такси немесе басқа жұмыс іздеп кетіп жатады. Ал бұл қаржыландыру аз болса да үлкен көмек» екендігін айтып өтті.

ҚМДБ-ның Қостанай облысы бойынша өкілдігінің баспасөз қызметі

Бұл – бар үмметінің тілеуін тілеген пайғамбарымыз Мұхаммедтің (ﷺ) туылған күні, Мәуліт мерекесіне орай ұйымдастырылған шараның атауы еді.

Осынау шараға жиналған көпшілікке аудан әкімі Амантай Балғарин жүрек жарды ақ тілегін білдірді. Адамзаттың асылы жайлы Қазақстан мұсылмандары діни басқармасының Қостанай облысын бойынша өкіл, бас имам Бақытбек Нұрғабылұлы уағызда «Сүйікті пайғамбарымыздың (ﷺ) дүниеге келуі Алла Тағаланың ең үлкен нығметі мен жақсылығы екені сөзсіз. Құранда: «Біз сені күллі ғалам үшін рахым етіп қана жібердік»,-деп осы ақиқатты меңзегендін айтып өтті.

Мешіт жамағаты дайындаған илахи әндер мен салауатты Ибраһим Махмут, Каралина Дәндібаева және Райхан Болат «Толағал бадру ғалайна», Алланың 99 есімін айтты.

Ал, белгілі айтыскер ақын Тоба Өтепбаевтың Мәулітке арнауы, Өмірзақ Сұлтанғазин атындағы орта мектебінің оқушылары мен «Аққозы қажы» мешіті жамағатының «Салауат-шәриф» оқуы жиналғандардың жүрегін елжіретті.

Жас талант Нағашыбай Ыбырайдың орындаған «Ата-ананың қадірі» атты термесі мен нақышына келтіре оқыған «Уақыт» деген өлеңі ата-ана мен уақыттың қадірін білуге үндеді.

Көптің назарына ұсынылған ғибратты көрініс мәдени-танымдық іс-шараның шарықтау шегі болды. Сонымен қатар, ардақты Пайғамбар ғалейһи уассаламның қасиеттерін белгілі өнерпаз Есен Шәкібай өлең-жырмен өрнектесе, жас дарын Нұрахмет Махмут та «Аллаға мадақ, Пайғамбарға салауат» әнін ерекше ықласпен орындады.

Мерекелік шара соңында ауданымыздың бас имамы Дәулетбай қажы Әбдіхалық сөз алып, демеушілер тарапынан жиналған ақшалай қаражатты аудандағы мүмкіндігі шектеулі жандарға табыс етті.

ҚМДБ-ның Қостанай облысы бойынша өкілдігінің баспасөз қызметі

Қостанай облысының Алтынсарин аудандық жастар ресурстары орталығының ұйымдастыруымен Обаған ауылы орта мектепбінің 10-11 сынып оқушыларымен «Жастар арасында үш індетің алдын алу» деп аталатын тақырыпта кездесу өткізілді.

Оған жергілікті полицияның учаскелік инспекторы, сол мектептің психолог ұстазы, Орталықтың директоры, «Алдиярұлы Жанұзақ» мешітінің бас имамы қатысты.

Жастар туралы өзекті мәселені жастар ресурстары орталығының директоры баяндап, жан-жақты әңгімеледі. Сондай-ақ Исламдағы теріс ағымдар хақында «Алдиярұлы Жанұзақ» мешітінің бас имамы Ерік Ыбырай айтып берді.

Сонымен қатар жастар арасындағы қылмыс жөнінде жергілікті учаскелік инспектор кеңінен тоқталды. Қазіргі таңдағы көпшіліктің көкейінде жүрген жастар өміріндегі өз-өзіне қол жұмасу туралы мектептің психолог мұғалімі әңгімеледі.

Бұл жүздесуде маңыздың тақырыптарға байланысты бейне роликтер көрсетілді. Оқушылар мен шәкірттердің сұрақтарына нақты жауап берілді.

ҚМДБ-ның Қостанай облысы бойынша өкілдігінің баспасөз қызметі

ҚМДБ-ның Қостанай облысы бойынша өкіл имамы Тәжімбет Бахытбек Нұрғабылұлы Лисаков қаласына іс-сапары барысында «Әбдіхаим Саламатұлы» мешітінің Бас имамы Сабыржан Зейнелғабиденұлымен кездесіп, діни ахуалы жайында әңгімелесті. Сондай – ақ, қала тұрғындарының діни сауаттылығын арттыру арқылы, теріс пиғылды жат ағымдардан сақтану мәселелері айтылып, насихаттау жолдары талқыланды.

Мұнан соң Өкіл имам жұма намазына қатысып, жиылған қауымға уағыз айтты. Сондай-ақ, ол өз сөзінде Елбасы Н.Ә.Назарбаев 2019 жылды «Жастар жылы» деп атағанын және осының аясында көптеген игілікті шаралардың қолға алынатынын атап өтті.

«Қазақ халқының ежелден қалыптасқан өзіндік дәстүрі және Пайғамбар (صلى الله عليه وسلم) сүннетінде қалыптасып келе жатқан діни мектебі бар. Біз осы жолымызды, дәстүрмен сабақтасқан дінімізді сақтай білуіміз керек. Жастарымызды дәстүрлі дініміздің аясында тәрбиелеп, салт-дәстүрге баулуымыз керек», - деді өкіл имам Бахытбек қажы Нұрғабылұлы.

Өкіл имам уағыз барысында асыл дініміздегі ниеттің орны қандай екендігін түсіндіріп, шариғи әр амал бастауында ниеттің маңыздылығын түсіндірді.

Жұма намазы соңында елімізге келген құтты қонағымыз, әуезді, жүректі тебірентер дауысымен құран оқып, елге, жерге, халқымызға дұға етті. Намаз соңынан мешітке келуші жамағат Өкіл имамға алғыстарын білдіріп, қаламыздың ең үлкен ақсақалы Сәндібек қажы Шаяхмет батасын беріп, жамағат қимастықпен қоштасты.

Сонымен қатар, Өкіл имам сапар барысында мешіттің тұрмыс тіршілігімен танысып, мешіт ұжымымен кездесті. Мешіт іші сыртының тазалығын қадағалап оң баға берді. Мешіт ұжымының атқарып жатқан игі жұмыстарына алғысын білдірді. «Мешіт иамандылық ұясы, мешіт тазалығымен, әсемдігімен, көркемділігімен келген жамағатқа лайықты болуы керек» –деді өкіл имам.

Өткен жұма күні Рудный қалалық «Нұр» мешітінің ұйымдастыруымен маңызды шара өтті. Бұл күнделікті күн шыққаннан, батқанға дейін және мереке күндері де тынбастан еңбек ететін «Рахат» ЖШС жұмыскерлеріне арнайы дастархан жайылды.

Өткен жұма күні Рудный қалалық «Нұр» мешітінің ұйымдастыруымен маңызды шара өтті. Бұл күнделікті күн шыққаннан, батқанға дейін және мереке күндері де тынбастан еңбек ететін «Рахат» ЖШС жұмыскерлеріне арнайы дастархан жайылды.

Мұхаммед (с.ғ.с.) пайғамбар, «Дін-бұл тазалық» — деп бұйырады. Сыртқы тазалық адамзат баласын өркениеттілікке жетелейді. Сондықтанда Ислам дінінде тазалыққа орасан зор көңіл бөлінетіндігі белгілі.

Осындай тазалықты сақтап, жаздың аптап ыстығында да, қыстың қақыраған суығында да қаламыздың сәнін келтіріп жүрген «Рахат» ұжымының жұмысшыларына Алла береке беріп, дендеріне саулық, отбасыларына амандық нәсіп етсін.

ҚМДБ-ның Қостанай облысы бойынша өкілдігінің баспасөз қызметі

Қостанай облысының Қостанай ауданы орталығындағы «Маңдай батыр» мешітінің әйелдер-қыздар секторы әйелдер жамағаты арасында тағылымды шара өткізді.

Бас қосудың басты мақсаты әйел адамға тиісті міндеттер жайлы насихаттар айту және асханадағы аспаздық өнерін шыңдау және тәжірибе алмасу еді.

Онда мешіт ұстазы Қаламқас Асанова барлық жиналғандарға ой салар уағыз айтты. Онда әйелдің ері алдындағы міндеті мен жар ретіндегі рөлі жайлы да тілге тиек етілді.

Жиында қатысушылар өздерінің көкейінде жүрген сауалдарына нақты жауап алып, бірқатар жайларға қанықты. Осындай кездесулердің өте тиімді де берері мол екендігі сөз болды.

Сонымен қатар мешітте өткен жұма күні жиналған қауымға қасиетті Мәуліт мерекесіне байланысты пайғамбарымыз Мұхаммедтің (оған Алланың игілігі мен сәлемі болсын) өмірінен кейінгілерге өнеге болар жыр — салауаттар оқылды.

Сол ауданның Алтын дала ауылындағы «Өтеш қажы Өтеген» атындағы намазханасында Берік молданың ұйымдастыруымен мәуліт мерекесі аталып өткен болатын. Шарға ауданның бас имамы Түсіпбек Асылхан қатысып, мерекемен құттықтап, тағылымы терең уағыз-насихат айтты.

Намазханада тәлім-тәрбие алып жүрген шәкірттер де салауаттар мен жырларын арнады. Жиналған көпшілікке дастархан жайылып қонақ асы берілді.

ҚМДБ-ның Қостанай облысы бойынша өкілдігінің баспасөз қызметі

Жуырда Арқалық қалалық «Мухтасиб Әлмұхаммед» мешітінің қызметкерлері 2018 жылы атқарылған іс-шаралар бойынша басқосты.

ҚМДБ тарапынан жүктелген бақылау-басқару, уағыз насихат жұмыстары, бұқаралық ақпарат құралдары, сауат ашу курсы жұмыстары, жастардың және теріс ағым жұмысы, ислам және отбасы жылындағы діни мерекелер мен қайырымдылық іс-шаралар жайы қаралып, оған қорытынды жасалды.

Қорытындыға сүйенетін болсақ, былтыр мешіт қызметкерлері жастармен 6 дөңгелек үстел, 3 семинар өткізген. Асыл дініміздің баға жетпес құндылықтары насихатталған 38 кездесу ұйымдастарылып, оған 1 746 адам қамтылыпты.

Сондай-ақ теріс ағымға төтеп берер – Ханафи мазһабының ерекшеліктері жайында баяндалған 36 жүздесуде 1 798 адам қамтылған.

Жергілікті «Арқа дидары» телеарнасындағы «Имандылық айнасы» бағдарламасы аясында жоспарлы түрде белгіленген тақырыптар бойынша 28 сұхбаттар берілген.

Сонымен қатар қалалық «Арқалық хабары», «Торғай» газеттерінің беттерінде де дәстүрлі ислам түсінігін, көркем мінез, кешірімділік пен жанашырлық тақырыптары бойынша 11 танымдық мақалалар жарық көрген.

Өткен жылда сауат ашу курсында 55 шәкірт тәлім алса, екі шәкірт Алматы және Сарыағаш қыздар медресесіне түске. Бір шәкірт қарилар дайындау курсына, тағы бірі еліміздегі жоғарғы діни оқу орыны «Нұр-Мүбәрак» университетіне оқуға қабылданған.

Мешіттегі қайырымдылық шаралары да 43 рет ұйымдастырылып, күн көрісі төмен 2 073 адамға көмек көрсетілген.

Осындай маңызды мәселелер талқыланған мешітте алдағы уақытта да маңызды жұмыстар жандана бермек.

Осынау қалалық мешіттің бас имамы Бектұрсын Уәлиев үстіміздегі жылы да күнделікті атқарылатын жұмыстарды жіті қадағалап, мешітке келушілерді жылы қабылдау, оларды толғандырған сауалдарға нақты жауап беру қажеттілігіне де айрықша тоқталды.

Белгілі дін қайраткері жыл қорытындысы бойынша көзге түскен барша мешіт қызметкердеріне шынайы алғысын білдіріп, жұмыстарында табыс тіледі.

ҚМДБ-ның Қостанай облысы бойынша өкілдігінің баспасөз қызметі

Бүгін Астана қаласындағы республикалық «Әзірет Сұлтан» мешітінде қос бірдей қуанышты оқиға орын алды. Ашылу салтанатына ҚМДБ төрағасы, Бас мүфти Серікбай қажы Ораздың өзі келіп қатысқан Call Орталықтың іске қосылуы – Елорда жұртшылығы үшін ғана емес, еліміздің барлық тұрғындары үшін сүйінші жайт болғаны сөзсіз. Енді еліміздің кез келген тұрғыны өзін толғандырған діни мәселелер бойынша 33-30-30 нөміріне қоңырау шалып, толыққанды жауап ала алатын болады. Халық сұранысына орай, жауапты мамандар қазақ және орыс тілдерінде сұхбат жүргізетін болмақ.

Астана қаласының бас имамы Наурызбай қажы Тағанұлының бастамасымен іске қосылып отырған Call Орталықтың тәулік бойы үзіліссіз жұмыс жасауы үшін Елорда мешітттерінің 60 діни қызметкері жұмылдырылған. Білікті мамандардан жасақталған топ арнайы кесте бойы кезекшіліктерін атқарып, тәуліктің кез келген уақытында келіп түскен қоңырауға жауап беріп отырады.

Сондай-ақ, бүгіннен бастап Астана қаласындағы 10 мешітте «Діни ақпарат беру орталығы» да келушілерге өз есігін айқара ашып отыр. Халық сұранысын қанағаттандыру мақсатында іске қосылған бұл жоба түрлі түйткілді тақырыптар бойынша (неке, талақ, несие, мұрагерлік, т.б.) кеңес сұраған жандармен көзбе-көз кездесіп, сырт көздерден тыс сұхбаттасуға қолайлы болу үшін қосылып отыр.

Игі жобаның алдағы уақытта халық арасында кеңінен танылып, жемісті еңбек атқара беруіне тілектестігін білдірген Бас мүфти қос Орталыққа арнайы бас сұғып, жұмыс жайымен де танысып шықты. Тіпті, Call Орталыққа қоңырау соғып, кезекші маманның әзірлігін де пысықтап өтті.

Намаздың маңыздылығы:

Алла Тағала намаздың маңыздылығы жөнінде Құран Кәрімде былай деп, баян етеді:

قَدْ أَفْلَحَ مَن تَزَكَّىٰ وَذَكَرَ اسْمَ رَبِّهِ فَصَلَّىٰ

«Ал (күпірліктен, Аллаға серік қосудан, күнә атаулыдан, дүниеқұмарлықтан) арылған, шүбәсіз, азаптан құтылып, мұратына жетеді». Сондай-ақ Раббысының атын еске алып, намаз оқыған да құтылады» .

Ал Абдулла ибн Омар (р.а.) риуаят еткен хадисте Пайғамбарымыз (ﷺ) былай деген:

عَنْ‏ ‏ابْنِ عُمَرَ ‏رَضِيَ اللَّهُ عَنْهُمَا ‏قَالَ: قَالَ رَسُولُ اللَّهِ‏ ‏صَلَّى اللَّهُ عَلَيْهِ وَسَلَّمَ: "‏بُنِيَ الْإِسْلَامُ عَلَى خَمْسٍ: شَهَادَةِ أَنْ لَا إِلَهَ إِلَّا اللَّهُ وَ أَنَّ‏ ‏مُحَمَّدًا‏ ‏رَسُولُ اللَّهِ وَ إِقَامِ الصَّلَاةِ وَ إِيتَاءِ الزَّكَاةِ وَ الْحَجِّ وَ صَوْمِ رَمَضَانَ".

«Ислам бес негізге тұрғызылған: Алладан басқа құдайдың жоқтығына және Мұхаммадтың (ﷺ) Оның елшісі екендігіне куәлік етіп, иман келтіру, намаз оқу, зекет беру, қажылық жасау және рамазан айында ораза ұстау».

Алла Тағаланың ең сүйікті құлшылығы ол – намаз. Бұған Абдулла ибн Масғұттың (р.а.) басынан өткен мына бір оқиғасы дәлел болмақ.

عَنْ عَبْدِ اللّه بن مَسْعُودٍ رضي اللّه عنه قال: "سَأَلْتُ رَسُولَ اللّه صَلَّى اللّه عَلَيْهِ وَسلَّمَ: أَي الْعَمَلِ أَحَبُّ إلى اللّه؟ قال: "الصَّلاةُ عَلَى وَقْتِهَا". متفق عليه

Абдулла ибн Мсғуд (р.а.) былай деген: «Бірде мен Алла Елшісінен (ﷺ): «Алла Тағаланың ең сүйікті амалы қандай?»-деп сұрадым. Пайғамбарымыз (ﷺ): «Уақытында оқылған намаз»,-деп жауап берді» .

Намаз мүміннің және кәпірдің арасын ажырататұғын нәрсе. Бұл жөнінде Джәбир ибн Абдулла (р.а.) Алла Елшісінің (ﷺ) былай дегенін естіген:

عن جابر قال: سمعت النبي صلى الله عليه وسلم يقول: "بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلَاةِ" رواه مسلم.

«Расында, адамның және серік қосу мен күпірліктің арасын байланыстыратын нәрсе – намазды тәрк қылу» . Имам Әбу Ханифа мен оның шәкірттерінің, Куфалық ғалымдардың, имам Мәлік пен Суфян әс-Сәуридің, имам Шафиғидің шәкірті әл-Музанидің және т.б. көпшілік ғұламалардың көзқарасы бойынша немқұрайлық және жалқаулық себепті намаз оқымайтын адам кәпір болып есептелмейді. Олар бұл хадисте, намаздың парыздығын мүлде мойындамай, жоққа шығарған кісі жайлы айтылған деп, тұжырым жасаған.

Абдулла ибн Амр (р.а.) риуаят еткен хадисте Алла Елшісі (ﷺ) дүние тіршілігінде намазын сақтықпен уақытылы орындаған адамға, қиямет күні намаздың оған берер пайдасы өте орасан зор болатындығын былай деп жеткізген:

عَنْ عَبْدِ اللَّهِ بْنِ عَمْرٍو، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ: "أَنَّهُ ذَكَرَ الصَّلاةَ يَوْمًا فَقَالَ: مَنْ حَافَظَ عَلَيْهَا كَانَتْ لَهُ نُورًا وَبُرْهَانًا وَنَجَاةً يَوْمَ الْقِيَامَةِ، وَمَنْ لَمْ يُحَافِظْ عَلَيْهَا لَمْ يَكُنْ لَهُ بُرْهَانٌ وَلا نُورٌ وَلا نَجَاةٌ، وَكَانَ يَوْمَ الْقِيَامَةِ مَعَ قَارُونَ وَهَامَانَ وَفِرْعَوْنَ وَأُبَيِّ بْنِ خَلَفٍ

«Бірде Алланың Елшісі (ﷺ) намаз жайлы сөз қозғап былай деген: «Кімде-кім, оны қадағалап орындайтын болса, онда ол оның жарық нұрына, жақтаушы куәгеріне және қиямет күніндегі құтқарушысына айналады. Ал кімде-кім, немқұрайлық танытып, оны орындамайтын болса, онда ол оның не жарық нұры да, не қорғаны да, не құтқарушысы да болмайды. Тіпті қиямет күні ол Перғауынмен, Хаманмен және Убай ибн Халафпен бірге болады» .

Омар (р.а.) халиф болған кезінде, өзінің барлық өкілдеріне қатысты үндеу хатын шығарып, былай деп, талап қойған болатын:

عَنْ نَافِع مَوْلَى عَبْدِ اللَّهِ بْنِ عُمَرَ، أَنَّ عُمَرَ بْنَ الْخَطَّاب، كَتَبَ إِلَى عُمَّالِهِ: "إِنَّ أَهَمَّ أَمْرِكُمْ عِنْدِي الصَّلَاةُ ، فَمَنْ حَفِظَهَا وَحَافَظَ عَلَيْهَا، حَفِظَ دِينَهُ، وَمَنْ ضَيَّعَهَا فَهُوَ لِمَا سِوَاهَا أَضْيَعُ

«Расында мен, сендердің ең маңызды міндеттерің – намаз деп есептеймін. Өйткені, намазына сақтық танытатын адам, Ислам дінінің басқа да біндеттеріне дәл солай сақтық танытады. Ал егер ол намазына селқостық танытатын болса, онда ол Илсамның басқа да міндеттерін оп-оңай бұзатын болады» .

Намаздың құндылығы:

Құран мен хадистерде намаздың көптеген сансыз құндылықтары баян етілген. Алла Тағала намаздың арсыздық пен жеккөрінішті нәрселерден тыятындығы жайлы былай деген:

إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ ۗ وَلَذِكْرُ اللَّهِ أَكْبَرُ ۗ

«Өйткені намаз – адам баласын арсыздықтан һәм жамандық атаулыдан (теріс қылықтардан) тыяды. Ал Алланы үнемі (жүрекпен тілмен һәм іс жүзінде) еске алу болса, құлшылықтың ең үлкені, ең зоры» .

Сонымен қатар намазды Раббысының разылығы үшін толық орындаған адамға, Алла Тағала Фердаус жұмағын нәсіп ететіндігін былай деп баян етеді:

وَالَّذِينَ هُمْ عَلَىٰ صَلَوَاتِهِمْ يُحَافِظُونَ أُولَٰئِكَ هُمُ الْوَارِثُونَ الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ

«Намаздарын кемеліне жеткізе, үзбей әрі уақытылы оқиды. Міне солар нағыз мұрагерлер. Олар (пейіштің төрі) Фердаусқа мирасқор болады. Олар онда мәңгі-бақи мекендейді» .

Әбу Һурайра (р.а.) риуаят еткен хадисте, Алла Елшісі (ﷺ) бес уақыт намаздың өзі, жасаған күнәларымыздың каффараты болып есептелетіндігін былай деп жеткізген:

عَنْ أَبِي هُرَيْرَةَ رضي الله عنه، أَنَّ رَسُولَ اللّهِ صلى الله عليه وسلم كَانَ يَقُولُ: "الصَّلَوَاتُ الْخَمْسُ، وَالْجُمُعَةُ إِلَى الْجُمُعَةِ، وَرَمَضَانُ إِلَى رَمَضَانَ، مُكَفِّرَاتٌ مَا بَيْنَهُنَّ، إِذَا اجْتَنَبَ الْكَبَائِرَ". رواه مسلم

«Егер адам баласы үлкен күнәләрдан сақтанса, онда бес уақыт намадың, осы жұма мен келесі жұманың және бұл Рамазан айы мен келесі Рамазан айының арасында жасалған күнәләр кешіріледі» .

Сондай-ақ Әбу Һурайра (р.а.) риуаят еткен тағы басқа бір хадисте Алла Елшісі (ﷺ) күніне бес рет суға шомылған адам денесіндегі ластықтан қалай тазарылатын болса, күніне бес рет намаз оқитын адам да дәл солай, бойындағы күнәларынан арылатындығын былай деп жеткезгін:

عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : "أَرَأَيْتُمْ لَوْ أَنَّ نَهْرًا بِبَابِ أَحَدِكُمْ يَغْتَسِلُ مِنْهُ كُلَّ يَوْمٍ خَمْسَ مَرَّاتٍ هَلْ يَبْقَى مِنْ دَرَنِهِ شَيْءٌ؟ قَالُوا: لَا يَبْقَى مِنْ دَرَنِهِ شَيْءٌ. قَالَ: فَذَلِكَ مَثَلُ الصَّلَوَاتِ الْخَمْسِ يَمْحُو اللَّهُ بِهِنَّ الْخَطَايَا"

«Егер адам күніне бес рет үйінің жанында ағып жатқан өзенге шомылса, бойында қандай да бір ластық қалар ма еді?» Сахабалары: «жоқ, ластығынан ешнәрсе қалмайды»,-деп жауаберді. Сонда Пайғамбарымыз (ﷺ): «Бес уақыт намаздың да мысалы дәл солай. Алла Тағала онымен күнәләрды кешіреді»,-деген .

Анас (р.а.) жеткізген риуаятта Пайғамбарымыз (ﷺ) намаз оқып жатқан адамның Жаратушы Иесімен сырласатынын ұқтырып, былай деген:

عَنْ أَنَسِ بْنِ مَالِكٍ، قَالَ: قَالَ النَّبِيُّ ﷺ :"إِنَّ أَحَدَكُمْ إِذَا صَلَّى يُنَاجِي رَبَّهُ"، متفق عليه

«Расында, егер сендердің біреулерің намаз оқып жатқан болса, онда ол Раббысымен сыбырлап сөйлесіп жатыр» .

Әбу Зар (р.а.) риуаят еткен хадисінде, намаз оқитын адамның бойынан күнәлары төгілетіндігін былай деп жеткізген: «Бірде Пайғамбарымыз (ﷺ) өзінің үйінен шықты. Күз мезгілі болған соң ағаштардың жапырақтары түсіп жатты. Ол (ﷺ) ағаштың екі шыбығын ұстай қалған кезде, олардың жапырақтары шашылып, жерге төгілді. Бұған қатысты Ол (ﷺ) назар аудартып былай деді: «Ей Әбу Зар (р.а.), қашан мұсылман адам намазын Алланың разылығы үшін оқыса, онда оның бойынан мына жапырақтар түскендей, күнәлары төгіледі» .

Намаз – бұл Пайғамбарымыздың (ﷺ) көзінің қарашығы, қуанышы және жарық нұры. Себебі Әнәс ибн Мәлік (р.а.) риуаят еткен хадисте Алланың Елшісі (ﷺ) намаздың құндылығы жөнінде былай деген:

عن أنس بن مالك رضي الله عنه قال: قال رسول الله صلى الله عليه وسلم: "جُعِلَتْ قُرَّةُ عَيْنِي فِي الصَّلَاةِ"

«Намаз – көзімнің қарашығы»

Мұсылмандардың басшысы Әбу Бәкірдің (р.а.) әдеттегі дағдысының бірі, намаз уақыты жақындаған кезде былай деп ескерту жасайтын

كَانَ أَبُو بَكْر رَضِيَ اللهُ عَنْهُ يَقُول إِذَا حَضَرَت الصَّلَاة : "قُومُوا إِلَى نَارِكُمْ اَلَّتِي أَوْقَدْتُمُوهَا فَأَطْفِئُوهَا"

«Тұрыңдар! Намаз оқумен (күнә жасау арқылы) өздеріңді өртеу үшін тұтатқан отты, өшіріңдер» .

Қостанай облыстық «Марал ишан» мешітінің наиб имамы Сыздықов Дархан Манарбекұлы

Алдын ала хабарланғандықтан болар, облыс орталығындағы «Мирас» мәдениет үйі үлкенді - кішілі қауымға лық толды. Олардың арасынан өмірдің біраз асуларынан асқан аталарымыз бен апаларымызды, жастарды көресіз.

Осынау Мәуліт мерекесіне арналған рухани кеш «Адамзаттың асыл тәжі» деп аталды. Оның тақырыбының өзінен мән-маңызы айқын көрініп тұрған жоқ па.

Кештің басында Қостанай облысы әкімінің орынбасары Марат Жүндібаев облыс әкімінің атынан баршаны Мәуліт мерекесімен шын жүректен құттықтап, онан соң Қазақстан мұсылмандары діни басқармасының «Шариғат және пәтуа» бөлімінің меңгерушісі Сансызбай Құрбанұлы барша қостанайлықтарға жылы лебізін білдіріп, ұлы Пайғамбарымыздың өмірінен нақты мысалдар келтіріп, асыраушысынан айрылған балаларға сыйлықты табыс етті. Сол кездегі бүлдіршіндердің жүзіндегі қуанышты тілмен айтып жеткізу қиын болар.

Жиында республикалық «Қарекет» қорының облыстағы филиалының өкілдігінен Шургалиев Қайрат есімді азаматқа пәтер кілті де осы мерекелік шарада табыс етілді. Сонымен қатара Зейнел әжейге «Құрметті қажы» алтын белгісі тағылды.

Ұзақ жылдар бойы Қамысты ауданында бас имам болып қызмет атқарған Қайып Әірғалиұлына «Умра қажылық» сапарына жолдама берілді.

Мұндай жиындар ән-күйсіз болмайтындығы көпшілікке аян. Бұл орайда арқалықтық, жыл сайын шеберлігі ұшталып келе жатқан жас дарын Дінмұхаммед Бектұрсынұлының орындағын „Алладан тілек„ және басқа да діни әндерін жұртшылық өте жылы қабылдады.

Жерлестеріміз „Сәби тілегі„ деп аталатын сахналық көріністен үлкен әсер алды. Терең толғанысқа түсіп, адамгершілік асыл қасиеттің тіршілікте ерекше орын алатындығына тағы да көздері жетті. Онда Ілияс Омаров атындағы облыстық қазақ драма театрының әртістері шынайы шеберліктерін көрсетті.

Айтыс десе делебесі қозбайтын қазақ жоқ. Үлкен сахнаға көкшетаулық Әлібек Серғалиев пен белгілі айтыс ақыны, талай додаларда топ жарған Айбек Қалиев сайысқа түсіп, үлкенді-кішілі қауымды өнерлерімен тәнті етті.

Көрнекті дін қайраткері, Қазақстан мұсылмандары діни басқармасының Қостанай облысындағы өкіл имамы Бахытбек Тәжімбет өзінің жүрекжарды лебізін айта келіп, облыстық мешітке жанашырлық танытып, демеушілік көрсетіп келе жатқан жүректері жомарт азаматтарға Алғыс хаттарды табыс етті.

Оразалы Жақсанов