Көпшілікке белгілі, биыл еліміздің біраз аймақтарында көктем кезінде жаңбыр болмай, қуаншылық орын алды. Бұл жай Қостанай өңірінде де мал өсіріп отырған ағайындарды толғандырғаны ақиқат.

Осындай қиын кездері ағайындарға қол ұшын беріп, дер кезінде көмек көрсету біздің міндетіміз деп түсінген, яғни Бахытбек қажы Тәжімбет бастаған барша өңір имамдары ақылдаса келе, «Қиындықта ел бірге» атты шарапаты өте мол қайырымдылық шарасын өткізді.

«Көп түкірсе көл болар» демекші, дін қайраткерлерінің ұйымдастырған аса маңызды шарасына жүректері ел деп соғатын азаматтар аянып қалған жоқ. Өздерінің лайықты үлесін қосты. Жалпы 32 тонна шөп жиналды.

Осынау мал азығы қолдауға өте мұқтаж болып отырған 4 ауданға жөнелтілді.

Қостанай облыстық мешітінің баспасөз қызметі