Асыл дініміз Ислам ізгілікті қолдап, мейірімділік құндылықтарды үндейді. Басқаның басындағы қиындыққа ортақтасып, жанашыр болуды насихаттайды.

Ардақты Пайғамбарымыз (оған Алланың игілігі мен сәлемі болсын): «Алла үшін адамдардың ең сүйіктісі – адамдарға пайдалы болғаны», - деген ғой. Қоғамда қайырымды жандар көбейсе, ізгілік пен игіліктің есігі ашылады деген ұғыммен Рудный қаласы «Нұр» мешітінің жамағаты жақында игілігі мол, сауапты істерді жүзеге асырды.

Көмекке мұқтаж жандарға қол ұшын созып, жалғызбасты қарияларға жәрдем берді. Мысалы, еріктілер тобының бірнеше намазхандарыГулус атай мен Зухра әжейдің үйлеріне барып, ауласын қардан тазартты. Тағы бір топ еріктілер мешіттің есік, терезесін жөндеп, қалыпқа келтірді.

Еріктілердің жасаған игі істері үшін Бас имам Бектұрсын Торғайбайұлы оларға шын жүректен алғысын білдірді.