Жақында Рудный қалалық «Нұр» мешітінің әйел жамағатының ұстазы Аяулым Ермекқызының ұйымдастыруымен әйел-қыздар қаладағы жасөспірімдер үйінде болып, ондағы тәрбиеленушілермен кездесті.

Басқосуда келелі әрі ұлағатты әңгіме өрбіді. Сондай-ақ, ата-ананың аялы алақаны мен жылуына зәру 32 балаға қайырымдылық мақсатында көмек көрсетті.

Оларға тәтті тағамдар мен күнделікті тұтылатын азық-түлік табысталды. Балалар сыйлықты алған сәттерінде жүздері қуаныштан бал-бұл жанып, алғыстарын жеткізді.

Қостанай облыстық мешітінің баспасөз қызметі