Өскелең ұрпақты түрлі теріс ағымдардан сақтандыру дін саласындағы қызметкерлердің де басты парыздарының бірі. Сондықтан да болса керек, облыстық Марал ишан мешіті ұжымы осы бағытта қыруар жұмыстар атқаруда.

Жуырда аталған мешіттің наиб имамы Бақытжан Икрам мен азаншы Ғұмар Жұмағұловтар Қостанай мемлекеттік педагогикалық институты филология факультетінің студенттерімен кездесті.

Онда жиналған жастарға «Теріс ағымға жол бермеу», «Дін мен дәстүр» сияқты аса маңызды тақырыптар әңгімеге арқау болды. Студенттердің қойған сауалдарына нақты жауап берілді.

Таяуда наиб имам Бақытжан Икрам Л. Толстой атындағы облыстық әңбебеп-ғылыми кітапханасында «Тероризм» тақырыбына байланысты кездесу өткізбек.

МДБ-ның Қостанай облысы
бойынша баспасөз қызметі