Адамзат айрықша құрмет тұтатын сүйікті пайғамбарымыз Мұхаммедтің (оған Алланың игілігі мен сәлемі болсын) туған күні - Мәуліт. Бұл жер бетіндегі барша мұсылман жамағаты үшін ерекше күн болып табылады.

Көпшілікке мәлім, мәуліт мерекесі еліміздің барлық өңірлерінде қасиетті мейрам ретінде аталып келеді. Қазір Қостанай облысының аудандары мен қалаларында аталмыш мейрамға жеткілікті көңіл бөлінуде. Мұның айғағы ретінде мәні мен мазмұны есте қаларлық рухани кештер ұйымдастырылып мешіттерде аталып өтуде. 

Қасиетті жұма күндері Қостанай облыстық, Арқалық және Рудный қалалық мешіттерінде Пайғамбарымыздың ғұмыры жайлы уағыз айтылып салауат шәриф оқылды.