Қарабалық ауданының Бөрлі ауылында 1995 жылы мешіт ашылған болатын. Содан ол үш жылдай жұмыс істеп, аудан орталығында мешіт ашылған соң сонда көшірілген-ді.

Алайда арада 23 жыл өткеннен кейін яғни былтыр есігі қайта айқара ашылып, намазхана ретінде пайдалануға берілді. Намазхана тек құлшылық орны ғана емес, рухани ордаға айналды.

Мұнда барлық діни рәсімдер өткізілуде. Соның бір айғағы жуырда бір күнде ғана үш адам Ислам дінін қабылдады. Ауданның бас имамы Серік Темірбекұлы екі жұптың некелерін қиып, оларға куәліктерді табыс етті.

Имандылық ордасында алдағы уақытта да осындай игі мақсаттағы істер жалғасын таба береді.

Қостанай облыстық мешітінің баспасөз қызметі