Кімге болсын көркем мінез жарасады
Қазақстан мұсылмандары діни басқармасының Қостанай облысындағы өкіл имамы Асылхан қажы Түсіпбекпен әңгіме
Өткен жыл Қостанай өңірінің дін саласындағы қызметкерлер үшін де жемісті болды деп нық сеніммен айта аламыз. Өйткені, облыстағы барлық аудандары мен қалаларындағы мешіттерде жерлестерімізді имандылыққа баулу секілді асыл қасиеттерді өрістетіп, бойында ілімге деген құлшынысы бар жастарды тәрбиелеуде қыруар жұмыстар тындырылды.
Жуырда біз облыстың бас имамы Асылхан Мұханбетжанұлы Түсіпбекке арнайы жолығып, өзімізді көптен толғандырып жүрген мәселелерге байланысты нақты жауап алған едік.
Бұл сұхбатта дін қайраткерінің өмір жолы, былтыр жүзеге асырылған игі істер және алда тұрған нақты жұмыс жоспарлары баяндалады.
Торғай өңірінде азамат болып қалыптастым
- Асеке, жылдағы қалыптасқан дәстүр бойынша өзіңізбен кездесіп, әңгімелесуді жөн көрдік. Әрине, ауыз толтырып айтарлықтай атқарылған жұмыстар жеткілікті. Дегенмен де оқырмандар қауымы Бас имамның өскен ортасы, азамат болып қалыптасу кезеңдері жөнінде де білгісі келеді. Сондықтан бүгінгі сұхбатымызды осыдан бастаған орынды секілді?
- Рахмет. Сіздердің басылымдарыңызбен тығыз байланыста жұмыс істеп келе жатқаныма өз басым өте қуаныштымын. Өйткені, қашанда сіздер адалдық және әділдік жағындасыздар. Сондықтан сіздерге сұхбат беруге келісімімді беруге дайынмын.
Өздеріңіз де білесіздер, киелі Торғай дінімізді, тілімізді, ділімізді өркендетуге қомақты үлес қосып келе жатқан өңір десем қателесе қоймаспын. Мен Амангелді ауданына қарасты Үрпек ауылында қазақтың қарапайым ғана шаңырағында дүниеге келдім.
Әкеміз Мұханбетжан ағайын-туыстары мен замандастары арасында абыройлы, қақ-соқпен шаруасы жоқ иманды кісі болатын. Осы шаңырақтың шырайын келтіріп отырған анамыз Кенжен де көңілі дархан, адамгершілігі мол кісі.
Өздері мінездері қандай кең болса, айналасындағыларға да мейірім- шуақтарын шашқан кісілер. Олар отбасындағы бес баланың бәрінің де өз қатарларынан қалмай, елі мен халқына адал еңбек етулерін армандайтын. Шаңырақтағы бауырларым Дархан, Ерхан, Таңатқан және Әсемдер де әке-шешеміздің көрсеткен ұлағатының арқасында қатарларынан қалмай, көпшіл, адамның қадірін білетін, еңбексүйгіш жандар болып қалыптасты.
Қазіргі таңда олардың бәрі де өмірден өз орындарын тапты. Соған мен де шынымды айтсам, өте ризамын. Хабарласып, бір-біріміздің қуанышымызға ортақтасып тұрамыз.
- Жастық шағыңыздан біраз мәлімет бердіңіз. Енді, осы дін жолына келуіңіз жөнінде де баяндай кетсеңіз?
- Өзімді мақтаудан аулақпын. Дегенмен, мектеп қабырғасында жүргенде сыныптастарымның алды болып оқыдым. Көп сөйлегеннен гөрі, нақты іспен айналысу менің сол кезден бастап өмірлік қағидама айналды. Ұстаздарым да осы қасиеттерімді бағалай білді.
Мен де өзгелер секілді қолыма көптен күткен кәмелеттік аттестатты алдым. Содан кейін әрине, менің алдымда енді қайда барамын, алдағы уақытта кім боламын? деген ұлы мақсаттар тұрды. Алайда несін жасырамын, имандылық жолына түсіп, дін қызметкері болу көздеген әрі көксеген арманым еді.
Сондықтан 1993 жылы өзім туып өскен Амангелді селосымен іргелес жатқан Жангелдин ауданы Оспан қожа мешітіндегі сол уақыттағы білгір маман Шоқан Әмірхановтан дәріс алдым. Сөйтіп, осындағы талантты шәкірттердің бірі болдым.
Шоқан аға әкесі секілді жаста болса өте ұстамды азамат. Сондықтан ол кісі бойындағы ең ізгі қасиеттердің бәрін де біздің бойымызға сіңіруге тырысты. Сол кісінің ұстаздық еңбегінің арқасында біраз жайға қанықтық. Дін саласынан тиянақты білім алдық.
Одан кейін әрине, 1994-1996 жылдары Қазақстан мұсылмандары діни басқармасының жанындағы Ислам институтында оқыдым. Мұнда да уақытты босқа жіберген жоқпын. Тәлімгерлерімнің айтқанын екі етпей орындап, олардың ғибратты сөздерінен көп тағылым алдым.
Екі жыл екі күндей болмай өте шықты. Аталмыш жоғары оқу орнын аяқтаған соң, бұрынғы Торғай облысының орталығы Арқалық қалалық мешітінің ұстазы болып қызметке кірістім. Бұл жерде де абыройға кенелдім. Шәкірттер тәрбиелеп, оларды адамгершілікке, ізгілікке, қайырымдылыққа, үлкен мен кішіні сыйлауға баулыдым.
- Осы мешітке Бас имам болып тағайындалғанға дейін бірқатар аудандарда жұмыс істедіңіз ғой. Осы кезеңдер де сіздің ғұмырыңызға өшпес ізін қалдырған болар?
- Әрине, кім болсын белгілі дәрежеге жету үшін сол салада әбден шыңдалғаны дұрыс. Сондықтан жоғарыда баяндалғандай, Арқалық қаласындағы мешітте алдымен ұстаз болсам, кейін киелі орынға наиб имам болып бекітілдім.
Бұл мешіт шын мәнінде тәжірибемді шыңдау мектебі болды. 2000 жылы Қостанай ауданы Затобол кентіндегі Маңдай батыр мешітіне бас имам болып тағайындалдым. Осы жерде ұзақ жылдар қызмет атқардым. Жергілікті халықпен тіл табыса отырып, имандылық мақсатында көп шаруаларды жүзеге асырдық.
Сондықтан әңгіменің орайы келгенде, ондағы мұсылман бауырларымыздың қолдауы және аудан әкімі Ахметбек Ахметжановтың демеуімен дінімізді өркендету бағытында атқарылған істер аз болған жоқ.
Жылқы жылы атқарылар істер көп
- Өзіңіздің облыстық Марал ишан мешітінің бас имамы болып тағайындалғаныңызға да бір жыл бола қойған жоқ. Дегенмен, сіздің басшылығыңызбен өңірде талай игі істер жүзеге асқанына куәміз. Енді осы жайларға тоқтала кетсеңіз?
- Облыстың жай-күйі маған бұрыннан таныс. Сондықтан, осынау жауапты іске кіріскен соң, алдымен бүкіл аудандар мен қалаларды аралап шықтым. Ондағы әкімдермен сөйлестім. Мешіттердің тыныс-тіршілігімен толық таныстым.
Сол сапарлардан түйгенім әрі Қазақстан мұсылмандары діни басқармасының төрағасы, Бас мүфтидің тікелей тапсырмасы бойынша көпке өнеге боларлықтай жұмыстар тындырылды деп айта аламын. Түрлі діни мерекелерді айтпағанның өзінде, танымдық жағы мол шаралар да ұйымдастырылды.
- Былтыр қалыптасқан дәстүр бойынша Құранды мәнерлеп және жатқа оқудан байқау ұйымдастырылды. Сонымен қатар, өңірде тұңғыш рет бата беру жарысы өткізілді. Осылар жөнінде не айтар едіңіз?
- Ең бастысы, Қостанайлық бауырларымыз Ислам дініне ден қоя бастады. Бұған жылдан-жылға қасиетті Меккеге барып, өздерінің мұсылмандық парыздарын өтеушілердің саны да көбейіп келе жатқандығын айтқаным лазым.
Олардың арасында еркектермен қатар жүрегі нәзік апаларымыз да бар. Жасы келген кісілердің қиындыққа мойымай, осындай сапарларға барып жатқанына өз басым тәнтімін.
Иә, қасиетті Құранды жатқа және мәнерлеп оқудан байқаулар өткізіліп жатқаны рас. Түсінгенге оның берері қашан да мол. Сондай-ақ, облыста алғаш рет бата беруден жарыс ұйымдастырылды. Онда да біз арамызда иманды да, парасатты ақсақалдарымыздың жетерлік екендігіне көзіміз әбден жетті.
- Қасиетті Рамазан айлары да жұртшылықтың есінде қалды. Ауыз ашарды да ұйымшылдықпен өткіздіңіздер. Жастарға діни білім беру мақсатында да түрлі курстар ұйымдастырылды емес пе?
- Ауызашар мәселесі бізде толық шешімін тапты. Оған бұрын облыстың Бас имамы болған дін қайраткері Серікбай қажы Ораз мұрындық болған еді. Біз соны одан әрі жалғастырдық. Бұл мәселе болашақта да басты назарда болатындығына ерекше сенімдімін.
Біздің қызметіміздің бір парасы жазғы демалыс кездерінде мешіттерде оқушылардың білім алуын ұйымдастыру, жыл бойы жерлестеріміздің жастарының үлкен-кішілігіне қарамастан ниет білдіргендерге діни дәріс беру. Бұл бағытта қазір де атқарылып жатқан жұмыстар аз емес.
- Сұхбатымыздың соңында мешіт жанындағы «Зекет» қорының игі істері және алдағы тұрған міндеттеріңізге де тоқтала кетсеңіз?
- «Зекет» қоры бізде тиісті деңгейде ұйымдастырылған. Оған өңіріміздегі абыз ақсақалы Жақсылық Ғайсин тікелей жауап береді. Ол кісінің атқарып жатқан жұмыстарына барша дән риза. 15 ауыл молдасы осы қордың арқасында тұрақты жалақы алып келеді.
Жылқы жылы жоспарлаған істеріміз де аз емес. Оның бірі – таяуда Мұхаммед Пайғамбарымыздың туған күні, яғни Мәулет мерекесін өткізу. Жыл бойы ұйымшылдықпен жұмыс істеу.
Жақында Қостанай облыстық әкімдігінде өткен жылғы өңірдегі дінге байланысты жұмыстардың қорытындысына арналған басқосу болып өтті. Оған облыс әкімінің орынбасары, мемлекеттік мекемелердің басшылары, құқық қорғау органдарының өкілдері қатысты.
Осы жиында облыстық Марал ишан мешітінің наиб имамы Бақытжан қажы сөз сөйлеп, күн тәртібіндегі мәселеге байланысты өз ойын ортаға салды.
Қостанай облыстық Марал ишан мешітінде өңірдегі барша имамдардың біліктілігін көтеру мақсатында басқосулар жиі болып тұрады. Соның бір жарқын мысалы ретінде жуырда аталған киелі орында бір апталық семинар басталды.
Оған облыстағы барлық аудандар мен қалалардың имамдары қатысты. Дін қайраткерлеріне дәрісті аталған мешіттің наиб имамдары Дархан Сыздықов пен Ғалымжан Махамбетов оқуда. Оның бірі Ақида пәнінен, екіншісі Фиқһ пәнінен сабақ беріп, оған қатысушылардың ризашылығына бөленуде.
- ҚМДБ-ның төрағасы, Бас мүфти Ержан қажы Малғажыұлы біздің алдымызға үлкен міндеттер қойды. Соны орындау мақсатында үстіміздегі жылдан бастап көптеген жұмыстар атқармақпыз. Соның бірі – бүгінгі семинар, - дейді наиб имам Дархан Сыздықов.
Бүгін Қазақстан мұсылмандары діни басқармасы және ҚР Дін істері агенттігі өзара ынтымақтастық туралы Келісім меморандумына қол қойды.
Бас мүфти Ержан қажы Малғажыұлы ҚР Дін істері агенттігінің төрағасы Марат Әзілхановты қабылдады.
Тараптар еліміздегі діни тұрақтылықты сақтау, ұлтаралық татулықты арттыру, конфессиялар мен діни бірлестіктер арасындағы келісімді күшейту сынды бірқатар мәселелерді сөз етті.
ҚМДБ Ғұламалар кеңесі мен Төралқа мүшелері, облыстың бас имамдары қатысқан басқосуда Бас мүфти ортақ Келісімнің мәні мен маңызына һәм мақсатына тоқталды.
«Алла тағала баршамызға бейбіт заманда өмір сүруді нәсіп етті. Құдайға шүкір, Тәуелсіздігіміздің арқасында Ислам дінін насихаттаудың, адамдар арасында бірлікті нығайтудың мүмкіндігі туды. Бәріміздің илегеніміз бір терінің пұшпағы. Ол – елдің бірлігі, мұсылмандардың ынтымағы. Данышпан Абай атамыз: «Біріңді қазақ бірің дос, көрмесең істің бәрі бос» дейді. Олай болса, өзара бірігіп, еліміздің болашағы үшін еңбек етуіміз керек. Біз «бөлшектей бер де, билей бер» идеологиясынан зардап шеккен, соның тауқыметін көрген ұлтпыз. Алла тағала Құранда: «Түп-түгел Алланың жібінен (дінінен) бекем ұстаңдар да, бөлінбеңдер»(«Әли Имран» сүресі, 103-аят) дейді. Қазір дін мен тілді сақтауды, мәдениетіміз бен әдебиетімізді жаңғыртып, жастарды жақсылыққа шақыруды ойлайтын заман. Осы мақсатта Қазақстан мұсылмандары діни басқармасы мен ҚР Дін істері агенттігі өзара ынтымақтастық туралы Келісім қабылдады. Ортақ келісім еліміздегі діни татулықты нығайтуға, ұлтаралық қарым-қатынасты жандандыруға септигін тигізбек. Сонымен қатар, қоғамға қауіпті ағымдардың идеологиясына тосқауыл қоюға, тағы басқа діни мәселелерді шешуге ықпал ететініне сенім білдіремін», – деді Ержан қажы Малғажыұлы.
ҚР Дін істері агенттігінің төрағасы Марат Әзілханов Діни басқарма мен Дін істері агенттігі Заң аясында, өз құзыреттері шеңберінде бірлескен жобаларды жүзеге асыратынын жеткізді. «Мақсатымыз – қоғамдағы татулық пен өзара келісімді күшейтуге бірлесе ықпал ету», – деді ол.
Қос төраға сөз алғаннан кейін ынтымақтастық меморандумына қол қойып, құжат алмасты.
Тараптар қабылданған қарар аясында конференциялар, дөңгелек үстелдер, форумдар өткізеді.
ҚМДБ баспасөз қызметі
muftiyat.kz
Елімізде Қазақстан білім ордалары діни оқу-ағарту жұмыстарын енді қолға алып келеді. Медреселердің ресми түрде жүйелі жұмыс жүргізіп отырғаны осының нақты көрсеткіші. Бұл игі бастама бір жағынан діни білімге жол ашса, екіншіден, жастарымыздің сонау ақылым заманнан бері ата-бабамыз ұстанып келген хақ Ислам дінінен безіп, дәстүрлі емес өзге жат діндердің жетегінде кетуіне тосқауыл болады.
Қалаберді ішкілікке, нашақорлыққа, жыныстық азғындыққа салынуға жол бермеуді қарастырады.Осы орайда жақында болған мына жайды айта кетсек артықтығы жоқ. Бүкіл әлемді дүрліктірген қазақ жастарының Сирияға «Жиһадқа» аттануы, барып тұрған масқаралық болса, екіншіден жастардың ұлттық намысының жоқтығы, діни сауатсыздығынан жат ағымға көзсіз еліктеушілігін көрсетті.
Жас ұрпақ жастайынан біліммен қоса діни тәрбиені де бірге алып өссе, өзіне, еліне, халқына пайдасы тиетін ұлтжанды азамат болып өсуіне мол септігін тигізеді.
Жақында Рудный қалалық «Нұр» мешітінің жанынан жастарға арналған діни сауат ашу курсы ашылды Қазір онда мектеп жасындағы бала оқып діни білім алуда. Дәріс беру кезіндегі жаңа заманауи үлгідегі үлкен экранды проектор компьютерлік жүйе қолданып, көрсетіліп отырады. Осындай оң өзгерісті түсінген бір топ намазхан ақсақалдары да өз ықыластарымен жүректегі иман сенімін бекіте түсу үшін дәріс алуда.
Бұл мешіт жанынан ашылған діни сауат ашу курсына жақында оқу бітіріп келген Найб имам Саят Хасенов ұстаздық етеді.
Саят өзінің білімділігімен, инабаттылығымен үлкен, кіші – шәкірттерін бірден баурап алып, тиянақты білім беруде. Қазақстан мұсылмандары діни басқармасының төрағасы, Бас мүфти Ержан қажы Малғажыұлының «5 шәкірті жоқ имам – имам емес» деген пікірі өте орынды. Сондықтан Рудный қалалық мешіті бұл мәселеге жете назар аударуда.
Нағашыбай Серікбаев,
Рудный қаласының «Нұр» мешітінің намазханы.
17.01.2014 жыл.
2014 жылдың 1 ақпанынан бастап ҚР Индустрия және жаңа технологиялар министрлігінің Туризм индустриясы комитетінің қолдауымен сынақ тәртібінде «Тұран ТВ» жаңа телевизиялық арнасы отандық эфирге шығатын болады.
«Бұл еліміздің тарихы мен мәдениетін, спортын, демалыстарын, саяхатын, ішкі туризмін дәріптеуге арналған қазақстандық тұңғыш телеарна болып табылады. Хабар таратудың алғашқы кезеңінде еліміздің барлық аумақтарында Алма ТВ, ID TV және Отау ТВ қазақстандық кабельдік операторларының желілерімен қосарласа қызмет көрсету жоспарлануда. Спутниктік телеарналары арқылы хабарды тарату жоспарланып отыр. Оны 16:9 үлгісінде, HD 720р сапасымен, стерео-аудиожолымен қазақ және орыс тілдерінде тарату көзделіп отыр», – делінген тың жобаға қолдау білдірген комитет мәліметінде.
Бұл жоба Астана қаласында өтетін бүкіл әлемдік "EXPO-2017» көрмесі қарсаңында ішкі туризмді дамыту бағытында қолға алынып отырғанын айта кету керек. «Аталмыш арнаның хабарлары көрермендерге қызықты болады ғой деп ойлаймын. Өйткені, онда саяхат, саятшылық, аңшылық, балық аулаудың қыр-сыры, еліміздің туристік және мәдени кеңістігі жайлы хабарлар беріледі. Көз тартатын көрікті жерлері, тарихи орындары мен сан алуан ас мәзірі, т.б. тақырыптар қамтылады»,- деді «Тұран ТД» телеарнасының бас директоры Роман Ботабеков.
Бір айта кетерлігі, аталмыш телеарнаның өз өнімдері 80 пайызды құрайтын болады. Ал қалғандары көркем әрі деректі фильмдер. Бұған қоса, телеаарнаның өнімдерін ғаламтордан да тамашалай аласыздар.
Король Абдулазиз атындағы университеттің инженерлік факультетінің студенттері Меккеге исламның бес парызының бірін өтеуге келетін қажылардың қауіпсіздігі мен қамы үшін бірнеше жоба ұсынды.
Сейсенбіде ашылған көрмеден дәрі-дәрмектің сапасын сақтайтын сөмке дейсіз бе, ас-ауқат алып жүретін қоржын дейсіз бе, арасында ұры-қарыдан қорғайтын, белге байлап алатын сөмке де бар, дәрет алуға арналған қозғалмалы су тазарту құрылғысы дейсіз бе, күннен қуат алатын мүмкіндігі шектеулі жандарға арналған арбаны да, өзге де керек-жарақты тамашалауға болады.
«Біздің студенттер жиырма жоба ұсынды. Олардың бұл жаңалықтары көрмек қонақтарының көңілінен шықты. Мекке губернаторы мен Қажылық істері жөніндегі министрлік өкілдерін де қызықтырды»,- деді аталмыш факультет қызметкері Ирфан Ахмет.
Жобалардың дені экологиялық сипаты бар мәселелерді шешуге бағытталған: қоқысты залалсыздандыру, шаңсорғыштың жаңа үлгісі, қоқысты жинайтын құлтемір, т.б.
Жоғары бағаланған жоба иелеріне сыйлықтар беріліп, арнайы марапатталды.
Каир қаласының (Мысыр) Ұлттық сәулелер технологиясы орталығы сәжденің адамды қатерлі ісіктен сақтайтынын анықтады.
Сондай-ақ, зерттеу нәтижесі сәжденің, әсіресе, жүкті әйелдерге барынша пайдалы екенін және түсік тастау қаупінің алдын алатынын, сонымен қатар, бірқатар физикалық және психологиялық ауруларға да оңтайлы әсер ететінін дәлелдеп отыр.
Сәулелер технологиясы орталығының бөлім бастығы, биология профессоры Мұхаммед Зияддин Хамид бүгінде адамдарды жан-жағынан электромагниттік толқындар қоршап тұрғандықтан, өзіне қаншама зиянды сәулелер қабылдайтынын және оны денесінен сыртқа қалай да шығару керектігін айтады.
Зерттеу нәтижесі адам денесіндегі бұл электромагнит АЛЛАҒА СӘЖДЕ ЕТУМЕН сыртқа шығатынын анықтаған. Яғни, бойдағы энергия сәждеге барғанда жерге тиетін адамның жеті ағзасы арқылы сыртқа жылдам шығады екен. Бұл адамның шаршауын басып, кейбір ауруларға шипалы болатын көрінеді. Сосын сәждеге барғанда да жер жүзінің кіндігі саналған Қағбаға қарау керектігін де маңызды деп санайды. Бұл бойдағы жағымсыз энергияның сыртқа шығуына ең қолайлы позиция көрінеді.
Профессор Зияддин адамның таң намазын оқу арқылы бойдағы жағымсыз элеметтерден арылып, күнін сергек бастайтынын айтады. Ал бесін, екінті, ақшам намаздары адам бойындағы шаршауды, стресті азайтып, адамға психологиялық жайлы көңіл-күй сыйлайды. Құптан намазы болса, денедегі қалған электромагнитті бойдан сілкіп тастап, жайлы да рахат бір ұйқыға кетуге септігін тигізеді.
Бектұрсын Торғайбайұлы Уәлиев
1978 жылы 16 мамырдаҚостанай облысы Жанкелдин ауданында дүниеге келген.
1984-1995 оқу жылдарыЫ. Алтынсарин атындағы қазақ орта мектебін тәмадады. Мектепте оқи жүріп, аудандық мешіттен діни сауатын да ашты.
- 1999 жылыАлматы қаласындағы «Ислам институтын» да білім алып, осы жылдың қараша айынан бастап, Қостанай облысы, Б.Майлин аудандық мешітінде бас имамдық қызметіне тағайындалды.
- 2005 жылыАлматы қаласы, «Имамдар Білім жетілдіру институтында» білімін жетілдірді.
- 2007 жылыМекке-Мадина қалаларында болып, қажылық өтеді.
- 2010 және 2011 жж.облыстық өкіл имамның алғыс хаттарымен марапатталды.
- 2012 жылыТүркия елінде «Білім жетілдіру» курсында болды.
- 2012 жылдыңжелтоқсан айынан бастап, Арқалық қаласы «Мухтасиб Әлмұхаммед» мешітінің бас имамы болып тағайындалды.
- 2013 жылыЫ.Алтынсарин атындағы Арқалық мемлекеттік педагогикалық институтында білім алды.
- 2014 жылы«Қостанай қаласы әкімшілігінің дін істері жөніндегі басқарма» атынан алғыс хатымен марапатталды.
- 2014 жылыАрқалық қаласы әкімінің Алғыс хатымен және Арқалық қаласының «Жыл адамы» номинациясымен марапатталды.
- 2015 жылыАлматы қаласы, «Имамдар Білім жетілдіру институтында» білімін жетілдірді.
- 2016 жылыБас мүфтиідің «Қажырлы еңбегі» үшін Алғыс хатын иеленді.
Әр жылы «жұмысқа деген белсенділігі» үшін деген облыстық өкіл имамының алғыс хаттарымен марапатталды.
- 2020-2022 жылдарыРудный қалалық «Нұр» мешітінің бас имамы болды.
- 2022-2024 жылдарыҚостанай қалалық «Марал ишан» мешітінің бас имамы болып қызмет атқарды.
-2024 жылдың 26 шілдесінен бастап, Қостанай облысының және «Аймағанбет қажы Спанұлы» мешітінің бас имамы болып тағайындалды.
Үйленген, екі қыз, екі ұлы бар.
Икрам Бақытжан, 1965 жылы 02-қыркүйекте Қостанай облысы, Әулиекөл ауданы, Диев совхозында дүниеге келді.
1972-1982 жж. Қостанай облысы, Әулиекөл ауданы, Диев совхозының орта мектебін оқып бітірді.
1983-1985 жж. Кеңес армиясы қатарында әскери борышын өтеді.
1992-1994 жж. Өзбекстан республикасы, Қоқан қаласында хужрада оқыды.
1994 жылдың 03- қазанынан бастап, Қостанай облыстық мешітте найб имам қызметін атқарады.
1999-2014 жж. Мыржақып Дулатов атындағы Қостанай инженерлік-экономикалық университетін «Менеджмент» мамандығы бойынша сырттай оқып тәмәмдады.
2008 жылы ҚМДБ-ның жолдауымен Пакистан республикасының халықаралық «Дағуа» академиясында 2 ай білімін жетілдірді.
2013 жылы Алматы қаласындағы имамдардың білімін жетілдіру инстиутында 3-ай білімін жетілдірді.
2014-2016 жж. Алматы қаласындағы Нұр-Мүбарак Египет ислам мәдениеті университетін «Дінтану» мамандығы бойынша сырттай оқып тәмәмдады.
2004, 2016 жылдары қажылық парызын өтеді.
1980 жылы Қостанай облысы, Меңдіқара ауданы, «Борки» совхозі, Құмтөбе ауылында дүниеге келді.
Білім туралы ақпарат:
1986-1993 - жылдары аралығында Боровской аудандық орта мектебінде оқыды.
1993-1995 - жылдары аралығында Боровской ауданы, «Харьков» ауылының «Сосна» орта мектебін бітірді.
1995-1996 - жылдары аралығында Қостанай облыстық «Ақ мешітінің» сауат ашу курсін тамамдады.
1996-1998 - жылдары аралығында Жамбыл облысы, «Меркі» медресесіне түсіп ойдағыдай аяқтап шықты.
1999-2004 - жылдары аралығында А. Байтұрсынұлы атындағы Қостанай мемлекеттік университетін тамамдап, «қазақ тілі және әдебиет» пәнінің мұғалімі мамандығы бойынша дипломға ие болды.
2013 жылы Түркия мемлекетінде, Бурса қаласының имамдардың білім орталығында 2 айлық курсында білімін жетілдірді.
2015 жылы Алматы қаласындадағы «Имамдардың білімін жетілдіру институтының» екі айлық курсында білімін шыңдаған.
Еңбек өтілі:
1998-2005 - жылдары аралығында Қостанай облыстық «Ақмешітте» азаншы қызметін атқарды.
2005-2017 - жылдары аралығында Қостанай облысы, Рудный қалалық «Нұр» мешітінің бас имам қызметін абыроймен атқарды.
2017 жылдың 13 қаңтарынан бастап, Қостанай облыстық «Марал ишан» мешітінің найб имамы қызметін атқаруда.
Марапаттаулар:
Қазақстан Республикасының тәуелсіздігіне 20 жыл мерекелік медалі
Қазақстан Конституциясына 20 жыл мерекелік медалі
Қазақстан Республикасының тәуелсіздігіне 25 жыл мерекелік медалі
Үйленген. Бір ұл мен үш қыздың әкесі.
Сыздыков Дархан Манарбекович 1989 жылы 6-шілдеде Қостанай облысы, Науырзым ауданы, Қарамеңді ауылында дүниеге келген.
1996-1999 жылдары аралығында Науырзым ауданы, Шилі ауылының орта мектебінде оқыған.
1999-2001 жылдары Науырзым ауданы, Шолақсай ауылының орта мектебінде оқыды.
2001-2007 жылдары Қостанай облысы, Қостанай қаласындағы «Сырбай Мәуленов» атындағы №24-ші гимназиясында орта білімді оқып тәмәмдаған.
2007-2011 жылдары Алматы қаласындағы «Нұр-Мүбарак» Египет Ислам мәдениеті университетінің «Исламтану» факультетіне оқуға түсіп, қызыл дипломмен үздікке бітірген.
2011 жылдың маусым айынан бастап, Қостанай облыстық «Марал ишан» мешітінде наиб имам қызметін атқаруда.
2014 жылы Алматы қаласындадағы «Имамдардың білімін жетілдіру институтының» екі айлық курсында білімін шыңдаған.
2014 жылы Ресей Федерациясының Мәскеу қаласында екі апталық имамдардың білімін жетілдіру курсына қатысқан.
Үйленген. Екі ұл мен бір қыздың әкесі.
Балахмет Әлішер Ертайұлы 1994 жылы 24- ші қыркүйекте Қостанай облысы, Әулиекөл ауданында дүниеге келді.
2001-2010 жылдары аралығында Қостанай қаласының «Сырбай Мәуленов» атындағы гимназиясында оқыды.
2010-2012 жылдары Қостанай ауданы, Затобол кентінің «Нұржан Наушабай» атындағы орта мектебінде оқып бітірді.
2012-2016 жылдары Алматы қаласындағы «Нұр-Мүбарак» Египет Ислам мәдениеті университетінің «исламтану» факультетіне оқуға түсіп, қызыл дипломмен үздікке бітірді.
2013-2016 жылдары «Нұр-Мүбарак» Египет Ислам мәдениеті университетінің «Жастар комитетінің» белсенді мүшесі болды.
2015 жылы құрылған Орта Азиядағы лаңкестікке қарсы құрылған жастар тобының белсенді мүшесі.
2016 жылдың шілде айынан бастап, Қостанай облыстық «Марал ишан» мешітінде наиб имам қызметін атқаруда .
Үйленген.
Миләди
Хижри
