Лисаков қаласының мешіт жамағаты күнделікті бес уақыт намазға ғана келіп қоймай, мешіт тіршілігіне аса мән беруде. Қыс маусымында мешіт айналасын қардан тазартып сауап алады. Күннің суығынада аяға да қарамай мешіт айналасын таза ұстауға тырысады.

Жаз айларында мешіт айналасына егілген газон шөбін қырқып, көшет гүлдерді де өз еріктерімен, ешкімге айтқызбай суарып та қояды.

Ойлаған ойы, алдыға қойған мақсаттары тек Алланың разылығына жету. Қасиетті құран кәрімде тәуба сүресінің 18 аятында:

إِنَّمَا يَعْمُرُ مَسَاجِدَ اللّهِ مَنْ آمَنَ بِاللّهِ وَالْيَوْمِ الآخِرِ وَأَقَامَ الصَّلاَةَ وَآتَى الزَّكَاةَ وَلَمْ يَخْشَ إِلاَّ اللّهَ فَعَسَى أُوْلَئِكَ أَن يَكُونُواْ مِنَ الْمُهْتَدِينَ

«Алланың мешіттерін тек Аллаға және ақыретке иман келтірген, намазды кемеліне жеткізіп үзбей әрі уақытылы оқитын, зекетті толық беретін, сондай-ақ Алладан өзгеге ешкімнен именбейтін шынайы мүміндер ғана лайықты деңгейде көркейте алады. Міне солар тура жолдан таймай, мақсат-мұраттарына жетуге үміт ете алады» делінген.

Алла тағала осындай мешіт жанашыры болған жамағатты арттырсын!

Қостанай қалалық «Жайлаубай ата» мешітінде «Әділ болу – адамгершіліктің асыл қасиеті» атты уағызда жиналған жамағатқа «Ата жолы» сектасынан сақтаныңыз» деген арнайы буклет таратылды.

Бас қосқан қауымды ауызбіршілік пен достыққа жұмылдыру мақсатында қайырымдылық дастарханы жайылды. Онда тағамдық қуаты мол жеңсік ас, яғни «Қыстың қымызы» деп дәріптелетін құрт көже көпшілікке ұсынылды.

Мұндай игі шаралар алдағы уақытта жарасымын тауып, жиналған жерлестерімізге ғибрат болары даусыз.

Сонымен қатар наиб имам Нұрлан Сейдағалиев 44803 әуе қорғаныс бөлімінің қызметкерлерімен кездесуге қатысты.

Онда адамның өзіне қол жұсауға болмайтындығы туралы насихат айтты. Сол шараға шіркеу өкілі Андрей Крутин де өзіне-өзі қол жұмсау мәселесі төңірегінде әңгіме қозғады.

Жуырда Амангелді ауданы Есір ауылдық жастарының дайындауымен «Адамзаттың асыл тәжі Мұхаммед» атты рухани Мәуліт кеші болып өтті.

Аталмыш шараға Амангелді селосының әкімі Гаухар Мұратқызы келушілерді «Мәуліт» мерекесімен құттықтады.

Сондай-ақ аудандық «Сатыбалды ишан» мешітінің бас имамы Жандарбек жиналған қауымға уағыз насихат айтты.

Жиында «Пайғамбарлардың сұлтаны» атты термені Серікболсын Әбікенов орындап, жиналғандардың қошеметіне бөленді. Ауыл жастары әуелете ән шырқап, күмбірлете күй шертті. Сөйтіп, бас қосқан ағайындарды бір серпілтіп тастады.

Ұзын сөздің қысқасы, ауылдағы Мәуліт мерекесіне арналған кеш барша мұсылмандарға үлкен ой салып, рухани жағынан байытты.

Таяуда Лисаков қалалық «Әбдіхаим Саламатұлы» мешітінің ұйымдастыруымен мешітке келуші ақ жаулықты аналарға арнайы дастархан жайылып, құрмет көрсетілді.

Ислам дінінде аналардың орны ерекше. Мұхаммед Пайғамбарымыз «Жәннат аналардың табандарының астында» деп аналарымызды қалай сыйлау мен ілтипат таныту қажет екендігін атап көрсеткен болатын.

Аталмыш мешіттің бас имамы оларға ең ізгі тілегін білдіріп, отбастарына ырыс-береке, өздеріне мықты денсаулық тіледі.

Ал, ақ жаулықты аналар өз кезегінде өздеріне көрсетілген құрмет үшін риза екендіктерін білдіріп, мешіт қызметкерлеріне баталарын берді.

Әулиекөл аудандық мәдениет үйінде адамзат баласының хақ діні - Исламның кәусәр бұлағымен сусындатқан пайғамбарымыз Мұхаммедтің (с.ғ.с.) туған күні кеңінен атап өтілді. Мұнда ұлық мерекенің құрметті қонақтары бәрі бір кісідей Мәуліт мерекесіне салауат айту үшін жиналды.

Мәулітті «Әмит ишан» мешітінің шәкірті Асылан Ахметжан әдемі мақаммен Құран оқуымен бастап ашты.

Құттықтау сөзімен аудан әкімі Асхат Кисиков «Мәуліт біздің басымызды осылай тек қана қуанышта қоса берсін» деген игі тілегін білдірді. Аталмыш шараны өткізуге атсалысқан ел азаматтарының көмегімен атап өту дәстүрге айналған. Бұл жолы «Кайсар-Агро» ЖШС директоры Абдул-Вагап Митаев өткізіп отырғанын атап өтті.

Одан кейін өкіл имам Бақытбек қажы Нұрғабылұлы маңызы мен тағылымы мол, есті пендеге ой салар уағыз айтты.

Бұл күні сахнадан жергілікті өнерпаздар тарапынан діни әндер, «Сені сағындым ия расуллаллах», «Мейірімді бол» сахналанған көріністер, күмбірлетіп күй тартқан Алмаз Хамитбеков және т.б., көпшіліктің жүрек түкпіріне жол тартып, ерекше әсер етті.

Әмит ишан мешітінің бас имамы Нұрбол қажы Исламұлы сауапты іске көмектескендер мен қатысушы қонақтарға үшін алғысын білдірді.

Мерекенің екінші бөлімі “Жас дәурен” шатханасында жалғасты. Митаевтар отбасы ақ дастарқан жайып қонағасы берді. Алғысқа толы көптеген жүрекжарды тілектер айтылды. Соңынан бата беріліп, құран бағышталды.

Асыл дініміз Ислам да әрдайым арамызда жүрген жастардың қоғамдағы рөлінің жоғары екенін айтып, олардың тәрбиесіне айрықша көңіл бөлуде. Көпшілікке мәлім, үстіміздегі 2019 жыл жастар жылы болып жарияланды.

Соған орай жастардың бойындағы ерекше қасиеттерді барынша дамыта түсу Амангелді аудандық «Сатыбалды ишан» мешіті «Иманды жастар – ел болашағы» атты рухани кеш өткізді.

Кештің арнайы бағдарламасы құрылып, жастар тәрбиесінің маңыздылығы кеңінен насихатталды. Осынау жастарды рухтандыратын жиынға ҚМДБ-ның Қостанай облысы бойынша өкіл имамы Бахытбек қажы Нұрғабылұлы қатысып, тағылымды уағыз айтты.

Ал аудан әкімінің орынбасары Сүндет Жолдыбекұлы жастарды жігерлендіре түсетін игі тілектерін білдірді. Кеш барысында ғибратты ән-жыр, терме мен күй орындалды.

Бұл басқосудың мәні мен маңызын «Пайғамбарға хат» атты сахналық қойылым барынша арттыра түсті. Аталмыш қойылым мәдениет үйінде басқосқан барша қауымға үлкен ой салды.

Кешті Қ.Әбенов атындағы аудандық мәдениет үйінің директоры Данияр Дүйсенбекұлы жүргізіп, өзінің сан қырлы азамат екенін көрсетті.

Ардақты Алла елшісінің ﷺ хадистерінде Құран Кәрімнің хатым дұғасына Рахманның адал құлдары періштелердің қатысатындығы туралы айтылған болатын.

Алла Тағаладан әрбір пенденің отбасының амандығын, еліміздің тыныштығын, мемлекетіміздің өсіп-өркендеуін сұрап, Қостанай қалалық «Жайлаубай ата» мешітінің жамағатын бастап Бас имам Шоқан Ғазизұлының бастамасымен жуырда таң намазынан кейін Құранның 114 сүресін толығымен оқып, хатым дұғасы жасалды.

Сонымен қатар мұндай Құран хатым әр жексенбі сайын Қостанай қалалық «Жайлаубай ата» мешітінде ұйымдастырылады.

Елбасы Н.Ә.Назарбаев 2019 жылды жастар жылы деп жариялағаны бәрімізге белгілі. Осыған орай Лисаков қалалық «Әбдіхаим Саламатұлы» мешіті мәуліт мерекесінің құрметіне орай қалалық «Союз» мәдениет сарайында «Жастар – ел болашағы» тақырыбында рухани кеш өткізілді.

Аталмыш рухани кешке елімізге танымал ақын, айтыскер Айбек Қалиев, Мамай Ізтілеу, Марғұлан Оспанов, Медет Байзақов және жыршы Абзал Алпысов қатысып кештің көркін келтірді.

Рухани кештің басында ҚМДБ-ның Қостанай облысы бойынша өкіл имамы Бахытбек қажы Нұрғабылұлы жастар тәрбиесінің маңыздылығына жан-жақты тоқталды.

Ол Лисаков қалалық мешітінің жанындағы сауат ашу курсының 1 деңгейін тамамдаған шәкірттерге сертификат тапсырды.

Аталмыш іс-шарада қазақ халқының дәстүрлі төл өнері – айтыс өткізілді. Айтысқа елімізге танымал, ақтангер ақын атағына ие болған Айбек Қалиев, Беймбет Майлин ауданының ақиық ақыны Мамай Ізтілеумен айтысып, жиылған халықты ақындық өнерлерімен тәнті етті.

Кеш қонағы, ақын айтыскер, сазгер-әнші Марғұлан Оспанов өзінің авторлық «Айтыс» деп аталатын әнін орындап, халық алғысына ие болды. Елімізге танымал жыршы Абзал Алпысов жиылған жұртшылыққа өнеге болар жыр-терме орындады.

Іс-шара соңында Лисаков қалалық мешітінің бас имамы Сабыржан Зейнелғабиденұлы көпшілік қауым мен қонақтарға алғысын білдіріп, ақын- айтыскерлерге шапан жауып, алғыс хатпен марапаттады.