Денисов аудандық мешітінің бас имамы Руслан Маратұлы аудандық ішкі саясат бөлімімен бірлесе отырып, ішкі істер бөлімінде маңызды кездесу өткізді. 

Бұл кездесуге аудандық ішкі саясат бөлімінің басшысы Даргүл Батырханқызы және ішкі істер бөлімінің қызмеркелері қатысты. Ішкі саясат бөлімінің басшысы терроризм және экстремизмнің алдын алу жайлы әңгіме өрбітті.

Бас имам Руслан Маратұлы терроризм және экстремизм ислам дініне жат екендігін айта келіп, жат пиғылды деструктивті діни ағымдар жайлы баяндама жасады.

Аудандық ішкі істер бөлімінің қызметкерлері елімізде тұрақтылықты сақтау үшін аянбай еңбек етіп жатыр. Алдағы уақытта да ішкі саясат бөлімімен бірлесе отырып,осындай тағылымды семинарлар өткізе бермек.

Қостанай қалалық «Жайлаубай ата» мешітінде кезекті «Екі айлық сауат ашу» курсы аяқталды. Аталмыш курсқа қатысқан шәкірттер «Фиқһ», «Ақида», «Құран» және «Тәджуид» пәндерінен білім алды.

Онда наиб имамдар Мейрамбек Жетесов, Нұрлан Сейдагалиев, Бақберсін Ізбасаров, Дархан Қосылбаев оқу барысында шәкірттерге тиянақты білім берді.

Осы мешіттің бас имамы Шоқан Әмірханов түлектерге арнайы сертификаттарды салтанатты түрде табыс етті.

«Екі айлық сауат ашу» курс барысында шәкірттер мешіт асханасында 3 мезгіл тамақтанды, тегін жататын орынмен қамтамассыз етілді. Енді олар алған білімдерін ел игілігіне жұмсайтын болады.

Алтынсарин ауданына қарасты Щербаков ауылындағы Мәриям Хакімжанова атындағы мектептің акт залында ауыл тұрғындары, мектеп ұжымы және осындағы 10-11 сынып оқушыларымен кездесу ұйымдастырылды.

Осы жиынға аудандық ішкі саясат бөлімінің басшысы, Нұр Отан партиясы аудандық филиалы төрағасының бірінші орынбасары, аудандық Алдиярұлы Жанұзақ мешітінің бас имамы Ерік Ыбырай қатысты.

Бас имам өз сөзінде мемлекетіміздің негізгі ұстанатын діні Ислам екендігін. Ал бідің дініміз тек бейбітшілік пен ынтымақты насихаттайтынын жан-жақты түсіндірді. Оларды жат ағымдардан аулақ болуға шақырды. Ал дңнге қатысты сұрақ туындап немесе білім алуды қаласа Қазақстан мұсылмандары басқармасы бекіткен кітаптарды оқулары қажеттігін еске салды.

Сондай-ақ Ерік Ыбырай жиналғандардыңсұрақтарына жауап берді.

Қостанай өніріндегі мешіттерде білікті кадрлар қатары өсіп келеді. Соның айғағы ретінде Қазақстан мұсылмандар діни басқармасының төрағасы, Бас мүфти Серікбай қажы Ораздың арнайы бұйрығымен бірқатар көпке танымал мамандар имам болып тағайындалды.

Мәселен, Наурызым аудандық «Түркебай» мешітіне Есет Ғабдімәліков, Федоров ауданыңдағы «Жиентай қажы» мешітіне Ерлан Тілегенов, Арқалық қалалық «Мухтасиб Әлмұхаммед» Дархан Косылбаев, Бейімбет Майлин аудандық «Әйет» Аязбек Нураханов Бас имам болып тағайындалды. Сонымен қатар Тобыл станциясындағы «Ажар» мешіттеріне Расул Назаров бекітілді.

Бұл жаңадан тағайындалған азаматтардың бәріде дін саласын жетік білетін білімді мамандар. Біз оларды құттықтай отырып, жауаптыда абыройлы қызметтерінде тек биіктен көріне беріңдер деген ең ізгі тілегімізді білдіреміз.

Жуырда Жітіқара аудандық «Ержан Тәтішев» мешітінің ұйымдастыруымен Мұхаммед Пайғамбарымызға (оған Алланың игілігі мен сәлемі болсын) арналған мәуліт кеші болып өтті.

Аудандық «Асбест» мәдениет үйіндегі мерекеде аталмыш мешіттің наиб имамы Нұрғазы Какабаевтың қасиетті Құран аяттарын оқыды. Алғашқы сөз кезегін аудан әкімінің орынбасары Сәлім Қасенов жиналған қауымды Мәуліт мейрамымен құттықтап, аудан әкімінің ыстық лебізін жеткізді.

Жиналған қауым мәдениет үйінің өнерпаздары шырқаған діни әндерді ерекше ықыласпен тыңдап, ата-ана қадірі жайлы ғибратқа толы қойылымды тамашалады.

Қостанайдан арнайы қатысқан облыстың бас имамы Бақытбек Тәжімбет жұртшылыққа уағыз-насихат айтты. Жүректен шыққан шынайы тілегін білдірді.

Сондай-ақ, Бақытбек Нұрғабылұлы Жітіқара ауданының әкімі Абай Ибраев пен «Қостанай минералдары» АҚ-ның төрағасы Ербол Нұрқожаевтыалғыс хатпен марапаттады.

Мерекелі басқосуда Жітіқара аудандық "Ержан Тәтішев" мешітінің бас имамы Мейіржан Бердіғожин аудан тұрғындарына ризашылығын білдіріп, мешітке көмек көрсеткен және Мәуліт мерекесінің тиісті дәрежеде өтуіне белсене атсалысқан кәсіпкер азаматтардың аты-жөндері аталып, лайықты құрмет көрсетілді.

Тағылымы мол мерекеде ауданда алғаш рет ұйымдастырылған құран оқу мен азан жарысында терең білім танытқан жеңімпаздарға қаржылай сыйлықтар табыс етілді.

Содан кейін мәуліт мейрамына орай дастарқан жайылып, кеш қонақтары дәм татты.

Таяуда яғни қасиетті жұма күні Қостанай қалалық «Жайлаубай ата» мешітінде дәстүрге айналған «Қайырымдылық жәрмеңкесі» жалғасын тапты.

Онда аталған мешіттің қыз-келіншектері мешітке келуші жамағатқа ыстық құрт көже таратты.Сөйтіп қала тұрғындарының ыстық ықыласына бөленді. Құрт көженің жалпы көлемі 60 литрді құрады. 

Мұндай қайырымдылық жәрмеңкесі алдағы уақыттада жалғасын таба бермек. Осылайша көпшіліктің алғысын алуды мешіттегі қыз келіншектер өздерінің парызы санайды.

Қазақстан мұсылмандары діни басқармасының 30 жылдығына орай Лисаков қалалық «Әбдіхаим Саламатұлы» мешітінде шәкірттер арасында «Ислам ілімінен 30 сұрақ» атты сайыс болып өтті.

Осы жарыс барысында ислам ілімдері «Ақида», «Фиқһ» және «Ислам тарихы» бойынша түрлі сұрақтар қойылды. Нәтижесі бойынша Бас имам Сабыржан Есмурзин жиналғандарға жоғарыда аталған діни басқарманың тарихы жайлы қысқаша баяндап, шәкірттерге естелік сыйлықтар табыс етілді.

Жуырда халықты теріс ағымдардан сақтандыру мақсатында Қарабалық ауданындағы Бөрлі ауылының тұрғындарымен «Ғашура ана» мешітінің найб имамы Толыбай Сембиев кездесті.

Онда дін қызметкері «Қазіргі замандағы терроризм мен экстремизмнің зардаптары» атты тақырыпта бүгінгі таңдағы аса өзекті мәселені қозғады.

Ол жихад-күрес туралы нақты дәлелдер келтіріп, қатысушыларға үлкен ой алды.

Жиналғандар өздерінде жүрген сауалдарына жауап алды. Ауданда мұндай кездесулер алдағы уақытта басқа елді мекендерде жалғасын табатын болады.

Биылғы балалардың қысқы демалысы кезінде Қарабалық аудандық «Ғашура ана» мешітінің ұйымдастыруымен шағын футболдан мектепаралық жарыс болып өтті.

Шараға аудандағы төрт мектептен командалар қатысып, бақтарын сынады. Жарыс мықтыларды анықтады.

Ойынның қорытындысы бойынша 1-ші орынды № 3, 2-ші орынды №2, ал жүлделі 3-ші орынды №1 мектеп командалары жеңіп алды.

Жүлдегерлерді «Ғашура ана» мешітінің найб имамы Толыбай Сембиев құттықтап, оларға сыйлықтарды табыс етті.