Арқалық қалалық «Мухтасиб Әлмұхаммед» мешітінің бас имамы Нұрхан қажы Асанұлы алқа мүшелерін жинап, маңызды мәселені тілге тиек етті.

Оның айтуына қарағанда, шаһар маңындағы дүниеден өткен кісілердің мәйітін жерлейтін орын толуға жақын. Сондықтан бұл маңызды мәселе қала әкімімен келісілген. Жаңа жер дайын, оған тиісті қаражат та бөлінген. Енді беделді ақсақалдардың қолдауы қажет.

Бас имам алдағы уақытта қолға алынатын қорымның бұрынғыдан ерекшелігі, Шариғат талабына сай, Қазақстан бойынша қолға алынға «Жаназа және жерлеу» рәсімдеріне сай салынбақ.

Жасыратын ештеңесі жоқ, жаназадан кейінгі жайылған дастарханда немесе басқа да ас беру секілді рәсімдерде ысырапшылдыққа жол берілуде. Бұл мәселеде де бірізділік пен тәртіпке сай болуы керек. Жиынға қатысқан алқа мүшелері Нұрхан қажы Асанұлының ұсынысын бір ауыздан қолдады.

Қостанай облыстық мешітінің баспасөз қызметі