Қостанай облысына қарасты Жітіқара аудандық «Ержан Тәтішев» мешіті ұжымының ұйымдастыруымен жергілікті халық Шортанды өзені жағасында 1 ірі қара мал мен 1 қойды құрбандыққа шалып, тасаттық рәсімін өткізді.

Соған байланысты жиында Құран оқылып, көпшілік Алла тағаладан жаңбыр жаууын тіледі. Діни рәсімнен кейін жамағатқа ақ дастархан жайылды. Онда беделді абыз ақсақалдар баталарын берді.

Жұртшылық осындай игі бастамаға ұйытқы болған Бас имам Айбек Қабиевке ризашылықтарын білдірді.

Қостанай облыстық мешітінің баспасөз қызметі