Әулиекөл аудандық «Әмит ишан» мешітінде өңіріміздің өзге аудандары мен қалаларындағыдай «Мектепке жол» қайырымдылық акциясы өткізілді. Онда көп балалы және әлеуметтік жағынан аз қамтылған отбасыларға қолдау көрсетілді.

Осы ізгі мақсатқа жүрегі жомарт әрі жанашыр азаматтардан 65 мың теңге қаражат жиналды. Бұл ақшаға биыл мектеп табалдырығын аттайтын 20 ұл мен қызға оқу барысында ең қажетті құрал-жабдықтар алынып, жұртшылық алдында тапсырылды.

Жиын соңында мешіт қызметкерлерінің қамқорлығына бөленген балалардың ата-аналары акцияны ұйымдастырушыларға шынайы алғысын білдірді.

Қостанай облыстық мешітінің баспасөз қызметі