Қостанай қалалық «Жайлаубай ата» мешітінің ұстазы Аяулым Ермекқызы талай танымдық-тағылымдық жағы мол шараларды өткізуге мұрындық болып жүр. Ол алдағы Республика күні қарсаңында әйел-қыздар жамағаты арасында садақ атудан жарыс ұйымдастырды.

Онда қатысушыларға көшпелі қазақ халқының тарихы баяндалып, ұлттық спорттың бұл түрі жайлы нақты мәліметтер берілді. Соңғы жылдары садақ ату сайысы жанданып, қыз-келіншектер тарапынан да қызығушылық танытылуда.

Жиналған әйел қауымы мұндай жарыстар құралайды көзге атқан мергендікке, төзімділікке, ептілікке әрі ширақтылыққа баулитындығына көздері жетті.

Қостанай облыстық мешітінің баспасөз қызметі