Жуырда Қостанай облысына қарасты Тобыл қаласындағы «Маңдай батыр» мешітінде қайырымдылық акциясы ұйымдастырылды. Мұндай игі шара өңірімізде дәстүрге айналды.

Осынау шара «Кең болсаң, кем болмайсың» деген тақырыппен өтті. Түсінген адамға бұл мағыналы сөздің астарында үлкен мән жатыр. Шынында да жаны жомарт адамның мейірімді қасиеті мен тигізген шапағатын көрген кісілер ешқашан да ұмытпайды.

Жоғарыда әңгімеге арқау болған акцияға жаны жақсылыққа құштар Каир Богданович Тимаев демеушілік көрсетіп, жұртшылықтың шынайы алғысына ие болды.

Оның тікелей қолдауымен 500 келі картоп көмекке мұқтаж көп балалы отбасылары мен мүгедек жандарға жеткізілді. Сөйтіп, мешіт қызметкерлері үлкен сауапты істі жүзеге асырды.

Қостанай облыстық мешітінің баспасөз қызметі