Главный имам, Верховный муфтий, Религиозная карта

Бас мүфти блогы

Намаз - время намаза

{{timings.fadzhr}}
{{timings.voshod}}
{{timings.zuhr}}
{{timings.asr}}
{{timings.magrib}}
{{timings.isha}}
Таң намазы
Күннің шығуы
Бесін намазы
Екінді намазы
Ақшам намазы
Құфтан намазы
Қазақстанның діни интерактивті картасы
Миләди
Хижри
Жаңалықтар
Понедельник, 08 Май 2023 13:02

Қостанайдағы ғибратты конференция

Жақында Қостанай облыстық мешітінде «Ислам және ізгі қоғам» жылы аясында қалалық «Марал ишан» мешітінің 130 жылдығына орай «Қоғамдағы әйелдің орны» атты конференция болып өтті. Оған әйел жамағаты мен студент жастар қатысты.

Бұл танымдық – тәрбиелік жағы мол жиынға Қазақстан мұсылмандары діни басқармасының «Әйел-қыздар» секторының меңгерушісі, ұстаз Динара Құтқожақызы елордадан арнайы келді.

Онда қалалық мешіттің Бас имамы Бектұрсын Торғайбайұлы сөз сөйлеп, конференция жұмысына табыс тіледі. Жиын барысында «Аналар кеңесі» төрайымының орынбасары, Ахмет Байтұрсынов атындағы өңірлік университеттің аға оқытушысы, гуманитарлық ғылымдар магистрі Ақжан Бахытжанқызы «Әйел – ұлттық тәрбиенің алтын қазығы», облыстық «Аймағанбет Спанұлы» мешітінің ұстазы Жансая Салауатқызы «Әйел сұлу – әдебімен», Рудный қаласындағы «Аналар» кеңесінің мүшесі, ардагер ұстаз Күләш Әбілқызы «Ұлттық киімнің қоғамдағы маңыздылығы», есімі елімізге белгілі, руханият саласында көп еңбек сіңіріп жүрген ұлағатты ұстаз Динара Құтқожақызы «Әйел бақыты деген не?» деген өзекті тақырыптарда әйелдің қоғамдағы орны, болашақта бір шаңырақтың алтын діңгегі болар қыз балалардың тәлім-тәрбиесі жайлы ғибратты баяндамалар жасады.

Мәжіліс барысында Елубай Өмірзақов атындағы Қостанай облыстық филармонияның әншісі, Халықаралық және республикалық байқаулардың лауреаты Айжан Мейрамбекқызы термені шеберлікпен орындады.

Басқосудың соңында «Марал ишан» мешітінің өкілі Гүлдана Жаңабайқызы өз пікірін ортаға сала келіп, қозғалған тақырыптардың қай-қайсысы да қатысушыларға үлкен ой салғандығын айтты.

Содан кейін Бас имамы Бектұрсын қажы Торғайбайұлы өңірімізге келген мәртебелі қонақ, тәлімгер Динара Құтқожақызына шынайы ризашылығын білдірді. Мешіт атынан Алғыс хат пен естелік сыйлықты табыс етті.

Қостанай облыстық мешітінің баспасөз қызметі

Published in Жаңалықтар

Меңдіқара ауданының орталығы Боровской селосында «КБС ЖК» құрылыс компаниясының басшысы Бауыржан Карамакиннің демеушілігімен бой көтергелі отырған жаңа мешіттің құрылысы басталды.

Жақында Қостанай облысының Бас имамы Бахытбек қажы Тәжімбет арнайы атбасын бұрып, болашақ мешіттің алғашқы кірпішін қалады. Осы айтулы оқиғаға белгілі дін қайраткерімен қатар іскер азамат Бауыржан Карамакин, Ерік Қожахметов, аудан имамы Еркебұлан Қошан, кәсіпкер Еркін Бұқанов, аудан әкімінің орынбасары Мирас Ахметов қатысты.

Мешіттің іргетасын қалау рәсімі аяқталған соң облыстың Бас имамы құрылысшыларға сәттілік тіледі. Содан кейін дұға оқып, ақ батасын берді.

Қостанай облыстық мешітінің баспасөз қызметі

Published in Жаңалықтар

Жуырда Меңдіқара аудандық «Зұлқарнайұлы Мұса қажы» мешітінің жамағаты Нұрлыбек есімді бауырымыз өзгелерге өнеге боларлықтай жомарттық мейірімін танытты.

Ол «Кең болсаң, кем болмайсың» демекші, аталған имандылық ордасының атынан 8 көпбалалы отбасылар мен әлеуметтік жағынан аз қамтылған жанұяларға азық-түліктей қайырымдылық көмек жасады.

Арамызда жүрген жүрегі ізгілікке толы, әрдайым басқаларға қолдау көрсетуге дайын тұратын Нұрлыбекке Алланың нұры жауа берсін. Көктемнің шуақты да мерекелі күндері тек қуаныш пен ырыс-береке алып келсін.

Қостанай облыстық мешітінің баспасөз қызметі

Published in Жаңалықтар

Қостанай облысының Бас имамы Бахытбек қажы Тәжімбет жылдағы қалыптасқан дәстүр бойынша өңірдің аудандары мен қалаларында іссапарын одан әрі жалғастыруда.

Ол Жітіқара ауданына ат басын бұрып, жергілікті «Ержан Тәтішев» мешітінің тыныс-тіршілігімен танысып, жамағатпен жүздесті. Осынау жүздесу барысында жұртшылыққа тәрбиелік тағылымы мол уағыздар айтты.

Мәселен, әрбір бауырымыз мұсылман деген қасиетті атты қашанда жоғары ұстап, болмысымыз бен ішкі жан дүниеміз соған сай болуы керектігі жайлы құнды ой-пікірін ортаға салды.

Қостанай облыстық мешітінің баспасөз қызметі

Published in Жаңалықтар
Пятница, 05 Май 2023 10:51

РАНТ мүшесінің жұмыстары

Облысымызға арнайы сапармен келген республикалық ақпараттық–насихат тобының мүшесі Нұралы Бақытұлы № 39 еңбекпен түзеу мекемесіндегі жазасын өтеушілермен жүздесіп, өзекті мәселелерді әңгімеге арқау етті.

Онан соң облыстық «Аймағанбет қажы Спанұлы» мешітінде діни қызметкерлерге «Жат ағымның жақтастарымен жеке кездесулер өткізу әдістемесі» жөнінде семинар өткізді.

Соынмен қатар ҚР ІІМ «Ш.Қабылбаев атындағы Қостанай академиясы» студенттерімен кездесіп, «Ар – намыс» тақырыбында насихат айтты.

Сондай-ақ, кешке қалалық «Жайлаубай ата» мешітінде Рамазан айынан кейінгі «Шәууал» айы Оразасы құрметіне жайылған ауызашар дастарханында «Ислам және ізгі қоғам» тақырыбында уағыз айтты. Тыңдаушылар көп жайды көңілдеріне түйіп, үлкен әсер алды.

Қостанай облыстық мешітінің баспасөз қызметі

Published in Жаңалықтар
Четверг, 04 Май 2023 09:54

РАНТ мүшесі Қостанайда

Жақында Республикалық ақпараттық–насихат тобының мүшесі, Жамбыл облыстық «Һибатулла Тарази» мешітінің найб имамы Нұралы Бақытұлы өңірімізде уағыз-насихат айтуға шақырылды.

Алғашқы уағыз Қостанай қалалық «Марал ишан» мешітінде жамағатпен өткізді. Мұнда ақшам намазынан соң «Білім алу - әр мұсылманға міндет» тақырыбын қозғап, білімнің өмірімізде алатын орны жайлы мазмұны терең насихат айтты. Жиналған қауым оның тағылымы мол ой-толғанысын ұйып тыңдап, таным көкжиектерін кеңейтті.

Келесі насихат 4 мамырда «Жайлаубай ата» мешітінде ақшам намазынан соң болады.

Қостанай облыстық мешітінің баспасөз қызметі

Published in Жаңалықтар

Меңдіқара аудандық «Зұлқарнайұлы Мұса қажы» мешітінің ұжымы да еліміздегі «Қамқор-шарапат» салттық қызмет көрсету бағыты бойынша жүзеге асырылған «Өткенге құрмет-тіріге міндет» бастамасын қолдады.

Соның нақты айғағы ретінде жуырда бірқатар жұмыстар атқарылды. Мәселен, олар жамағаттармен бірге зираттарды толық тазалап, ретке келтірді. «Зират және зиярат мәдениеті» жайлы ілінген банерлерден жергілікті тұрғындар біраз жайларға қанықты.

Тазалық жұмыстары аяқталғаннан соң Меңдіқара ауданының Бас имамы Еркебұлан Қошан «Өлі риза болмай, тірі байымайды» деген аталы сөзді ұстанған барша азаматтарға ризашылығын білдірді. Дүниеден өткен кісілердің аруақтарына Құран бағыштап, бата берді.

Қостанай облыстық мешітінің баспасөз қызметі

Published in Жаңалықтар
Четверг, 04 Май 2023 09:18

Ұзынкөл: Тазалық жалғасуда

Аудандық «Балықты» мешітінің ұжымы мен жамағаты Қазақстан мұсылмандары діни басқармасының «Өткенге құрмет-тіріге міндет» деп аталатын зираттарды тазалау және ретке келтіру жөніндегі бастамасын қолдады.

Жүзеге асырылған істерге қысқаша тоқталатын болсақ, алдымен «Зират және зиярат мәдениеті» жайлы барнерлер зираттарға ілініп, онда қоқыстан толық тазалау жұмыстары атқарылды.

Осы орайда барша жұртшылық белсенділік пен түсіністік танытты. Ал, «Олжа» жауапкершілігі шектеулі серіктестігі қажетті техника және дәнекерлеу құралдарымен қамтамасыз етті.

Ауданның Бас имамы Есенкелді қажы Сақтағанұлы көмек қолын созған қауымға дән ризашылығын білдіріп, алғысын жаудырды.

Қостанай облыстық мешітінің баспасөз қызметі

Published in Жаңалықтар
Среда, 03 Май 2023 10:32

Сәуір айының есебі

Облыстық «Аймағанбет Спанұлы» мешітінің жанындағы «Зекет және қайырымдылық» қорының қызметкерлері өткен сәуір айында ұйымшылдықтың үлгісін көрсетті.

Өткен айда қасиетті Рамазан оразасы болғандықтан 471 іс-шара өткізілді. Осы ретте көмекке мұқтаж 57 475 отбасы қамтылғанын айта кетсе болады.

Қамқорлыққа зәру жанұяларға қолдау көрсетілумен қатар, ауызашар да ұйымдастырылды. Жалпы осы аталған шараларға 127 063 079 теңге жұмсалды.

Қостанай облыстық мешітінің баспасөз қызметі

Published in Жаңалықтар

Жангелдин аудандық «Оспан қожа» мешітінің имамы Аян Хасенов көршілес Амангелді ауданында іс- сапармен болды. Ол жергілікті Ыбырай Алтынсарин мектебіне атбасын тіреді.

Бұл білім ордасындағы жоғары сынып оқушыларымен кездесіп, «Ислам- ізгі жол» тақырыбы бойынша уағыз-насихат айтты.

Басқосу өте әсерлі өтті. Бас имам өзіне қойылған сауалдарға нақты жауап берді. Мектеп ұжымы оған алғысын білдірді.

Қостанай облыстық мешітінің баспасөз қызметі

Published in Жаңалықтар
«63646566676869707172»
Page 68 of 376

Ғибратнама

барлық мақалалар

Медиа

барлық басылымдар
Сайт құрастырушысы — Иником