Мұхаммед Пайғамбарымызды күллі жер бетіндегі мұсылман бауырлар ерекше ардақ тұтады әрі ғұмырын өздеріне үлгі етеді. Тіршілікте оның адамгершілік, кісілік, қарапайымдылық қасиеттерін бойларына сіңіруге тырысады.

Ол әрқашан балаларды шексіз жақсы көріп, мейірімін төкті. Мүмкіндігі болғанша бүлдіршіндерге қуаныш сыйлауға тырысты. Тіпті олардың ойындарына да қатысқан көрінеді.

Жақында Қостанай қалалық «Жайлаубай ата» мешітінің ұжымы жамағатпен бірге осы имандылық ордасы қызметкерлерінің балаларын шаттыққа бөлеу үшін кинотеатрға алып барып, мультфильм көрсетті. Сондай-ақ, ұл мен қыздарға дәмді тағам мен тәтті сусындарды үлестірді.

Қостанай облыстық мешітінің баспасөз қызметі