Федоров аудандық «Жиентай қажы» мешітінің ұжымы Халықаралық қарттар күніне орай аудандық қарттар үйінде болды. Имандылық ордасының қызметкерлері елімізге адал қызмет еткен аға ұрпақ өкілдерін мерекемен құттықтады.

Олар мешіт атынан кілем тарту етті. Мекеменің басшылары арнайы келіп, ыстық ықыластарын білдірген азаматтарға шынайы алғыстарын жеткізді.

Қостанай облыстық мешітінің баспасөз қызметі

Жақында Ұзынкөл аудандық «Балықты» мешітінде қасиетті Мәуліт айы мерекесі тиісті деңгейде аталып өтілді.

Онда «Қош келдің, мубәрак Мәуліт айы!» атты тақырыпта жиналған халыққа Мәуліт шәріп оқылып, уағыздар айтылды. Мешіт шәкірттері салауаттарды орындап, жүректерге жеткізді.

Сонымен қатар бұл маңызды басқосуда көмекке мұқтаж отбасындағы үш балаға қайырымдылық жасалып, оларға қысқы киімдер берілді.

Қостанай облыстық мешітінің баспасөз қызметі

Арқалық қалалық “ Мухтасиб Әлмұхаммед” мешітінің бас имамы Нұрхан қажы Асанұлы шаһар маңындағы ауыл молда-имамдарының басын қосып, “Көркем уағыз айтудың әдебі мен мәдениеті “ атты тақырыпта семинар өткізді.

Онда қызмет барысында көркем уағыз айту, жергілікті тұрғындармен қалай қарым-қатынас жасау, ортақ тіл табысу, сайып келгенде атқарып жатқан жұмыстарының нәтижелілігі жайында айтылды.

Сондай-ақ бас имам Қазақстан мұсылмандары діни басқармасына қатысты діни рәсімдер кітабы хақында да тілге тиек етті.

Қостанай облыстық мешітінің баспасөз қызметі

Елімізде Мәуліт айы басталғалы бері имандылық ордаларында танымдық-тағылымдық жағы мол түрлі игі шаралар жүзеге асырылуда. Міне, осындай ерекше басқосу қалалық «Марал ишан» мешітінде де өткізілді.

Қасиетті жұма күнгі намаздан соң, адамзаттың асыл тәжі, ардақты Пайғамбарымыздың құрметіне уағыз-насихат айтылды. Онда жиналған қауымға пайғамбардың өнегелі өмір жолы, Алланың дінін адамзатқа таратудағы ғибратты істері жайлы баяндалды.

Екі дүние сардарының ғұмырын үлгі тұтқан жұртшылық тік тұрып, салауат айтты. Сөйтіп, Мәуліт мерекесінің мәртебесі асқақтады. Мешіттің ішінде оған деген айрықша сүйіспеншілік айқын сезілді. Ұлы Пайғамбарымыздың рухына арнайы құран аяттары оқылып, мешіт имамдары жамағатпен бірге дұға жасады.

Мұндай мерейлі мерекелерде адамдар арасындағы рахым мен мейірім, имандылық пен бауырмалдық арта берсін. Алла тағала егемен еліміздің еңсесін биік, тәуелсіздігімізді тұғырлы, дінімізді бекем етсін!

Қостанай облыстық мешітінің баспасөз қызметі

Ұзынкөл аудандық «Балықты» мешітінің ұжымы жыл сайын Халықаралық қарттар күнін тиісті деңгейде атап өтеді. Биыл да осы игі дәстүр жалғасын тапты.

Бұл мереке үстіміздегі жылы қасиетті Мәуліт айымен тұспа-тұс келді. Бас имам Есенгелді қажы Әжімахантегі өмір өткелдерінене өткен аға ұрпақ өкілдеріне құрмет көрсетуді өздерінің басты парызымыз деп түсінеді.

Жуырда аталған мешіт қызметкерлерінің ұйымдастыруымен сол өңірде тату-тәтті ғұмыр кешіп жатқан барлық ұлт өкілдерінің ардагерлерін арнайы шақырып, асханада дастарқан жайды.

Аудан әкімі Азамат Аужанов басқосуға қатысып, ақсақалдар мен ақ жаулықты аналарды мерекелерімен шын жүректен құттықтап, ең ізгі тілегін білдірді. Жергілікті мәдениет саласының өнерпаздары асқақатата ән шырқап, күмбірлете күй шертті.

Жиын соңында елге беделді қарттарымыз Есенгелді қажы Сақтағанұлы мен ұжымға ақ батасын беріп, шынайы алғыстарын жеткізді.

Қостанай облыстық мешітінің баспасөз қызметі

Қасиетті жұма күні Қостанай облыстық «Аймағанбет қажы Спанұлы» мешітінде ардақты пайғамбарымыз Мұхаммед Мұстафа (с.ғ.с) – ның туған айының құрметіне орай мәуліт-шәриф оқылды. Жұма күні мешітке жиналған жамағатқа Республикалық Бас мешіттің ұстазы Мұртаза қари Ертайұлы, облыстық мешіт найб имамдары Икрам Бақытжан, Әлішер Ертайұлы, Тимур Құрманғазыұлы және қари Темірлан Даниярұлы мәуліт қасидасын оқыды.

Сондай ақ жұма намаздан кейін жиналған жамағатқа арнайы ас беріліп, дастархан жайылды.

Қостанай облыстық мешітінің баспасөз қызметі.

Қостанай қалалық «Жайлаубай ата» мешітінде Мәуліт шариф ұйымдастырылып, адамзаттың асыл тәжі, ардақты Мұхаммед пайғамбарға арналған салауат оқылды.

Онда Әлибек ұстаз бастаған мешіттің жамағаты мен талапты шәкірттері Мәуліт кешінің ғибратқа толы өтуіне өздерінің лайықты үлестерін қосты.

Жиында Ислам дінін пір тұтатын шешен бауырларымыз да белсенділік танытып, тағылымы мол салауаттың жоғары деңгейде орындалуына атсалысты.

Басқосуда арнайы дастарқан жайылды. Онда Мұхаммед пайғамбарымыздың ғұмыры жайлы әсерлі де мағыналы ұлағатты ойлар айтылды.

Жерлестеріміз Мәуліт шәрифінен ұмытылмас рухани нәр алып, жоғары көңіл күймен тарқасты.

Қостанай облыстық мешітінің баспасөз қызметі

Арқалық қалалық «Мухтасиб Әлмұхаммед» мешітінің бас имамы Нұрхан қажы Асанұлы алқа мүшелерін жинап, маңызды мәселені тілге тиек етті.

Оның айтуына қарағанда, шаһар маңындағы дүниеден өткен кісілердің мәйітін жерлейтін орын толуға жақын. Сондықтан бұл маңызды мәселе қала әкімімен келісілген. Жаңа жер дайын, оған тиісті қаражат та бөлінген. Енді беделді ақсақалдардың қолдауы қажет.

Бас имам алдағы уақытта қолға алынатын қорымның бұрынғыдан ерекшелігі, Шариғат талабына сай, Қазақстан бойынша қолға алынға «Жаназа және жерлеу» рәсімдеріне сай салынбақ.

Жасыратын ештеңесі жоқ, жаназадан кейінгі жайылған дастарханда немесе басқа да ас беру секілді рәсімдерде ысырапшылдыққа жол берілуде. Бұл мәселеде де бірізділік пен тәртіпке сай болуы керек. Жиынға қатысқан алқа мүшелері Нұрхан қажы Асанұлының ұсынысын бір ауыздан қолдады.

Қостанай облыстық мешітінің баспасөз қызметі

Қари, дін және қоғам қайраткері әрі ақын Файзолла қари Сатыбалдыұлының туғанына 140 жыл толуына орай Амангелді ауданы "Сатыбалды Ишан" мешітінде ұйымдастырылған Құранның 30-шы бөлігін жатқа оқудан облыстық жарыс болып өтті.

Жарысқа Қостанай облысының қалаларымен аудандарынан жиырмаға тарта үміткер қатысып жүлдені сарапқа салды.Жарысқа қатысушылар өз бойындағы Құран және тәджуид ілімдерін айырықша көрсетті.Жарыс көрермендері үміткерлердің сан қилы мақаммен оқыған Құран аяттарын зейін салып сүйсіне тыңдады.

Қарилардан құралған әділқазылар алқасы әділ бағаларын беріп оза шыққан жүлдегерлерді анықтап берді.

Нәтижесінде 3-ші орынды Арқалық қалалық "Әлмұхаммед Мұхтасиб"мешітінің шәкірті Дуйсенов Қуандық иеленді.

2-ші орынға Қостанай облыстық "Аймағанбет қажы Спанұлы" атынан шыққагн Пірмағанбетов Ғабит.

Ал 1-ші орынды Қостанай қалалық "Жайлаубай ата"мешітінің шәкірті Ғазиз Дінмұхаммед ие болып көрерменнің ыстық қошеметіне бөленді.

Қостанай облыстық мешітінің баспасөз қызметі

Арман Қуанышбаевтың келесі сапары Рудный қалалық «Нұр» мешітінде кешкі уағызға ұласты.

Рудный мешітіне жиналған жұртшылықпен жүздесуі де өте әсерлі өтті.

Ол имандылық ордасында жиналған жамағатқа «Заманауи мұсылманның келбеті» тақырыбында ақшам уағызына қатысып, халықтың алғысына бөленді.

Жалпы, оның облыстағы сапары алдын-ала жоспарланған бағдарламаға сай нәтижелі әрі есте қаларлықтай ұйымдастырылды.

Қостанай облыстық мешітінің баспасөз қызметі